譚仔三哥米線 (西洋菜南街)

营业中

休息中

晏晝打咗電話上去嗌外賣過咗一陣先上去攞，點知上到去仲係要等，嗌咗兩碗麵要等成半個鐘，半個鐘見廚房出極都係堂食，同店員催咗兩次先出到個外賣比我，成個場唔係好多客，店員都唔係好忙，仲有時間吹水，仲有個短頭髮阿姐可以帶住無線耳機返工😅聽住歌咁樣做嘢，最尾等到兩碗麵嗰陣時諗住比張單佢直接攞外賣，點知比張單佢佢完全唔睇，跟手將個外賣放咗喺隔離放外賣張枱，之後話：自己攞啦！返到去諗住打電話俾顧客服務部反映，結果個電話係完全冇人聽，之前都食過呢間分店，夜晚都係要等，職員做嘢好慢，但係都冇試過好似今日咁要等成半個幾鐘，現場唔止我去催外賣，半個鐘一單外賣都冇出過，呢間分店唔會再有下一次。如果唔係最少要比一粒星服務嗰度一粒都唔想比。

真係好令人失望明明份米線已經搞定左好耐擺左係櫃檯等打包，但係一個人都唔理。我催左兩次，等左成半個鐘頭先拿到餐。返到屋企d野凍晒，跟住明明張單寫左走韭仲有擺韭菜，係唔係要激死个客

譚仔三哥米線又有新搞作啦📣✨！3樣都覺得不錯呢🤣：-1️⃣「三酸撈薯粉(10小辣起)🌶🍜($43起)」薯粉質地Q彈、爽滑彈牙，配三酸醬汁酸辣惹味，而且紐紋狀嘅薯粉好掛汁，btw今次叫左金菇，好索汁！🥢 ~Dry noodles in spicy and chilli sauce-2️⃣「芝麻沙薑雞丁海蜇(辣/不辣)🐔($22)」🆕今次呢個小食好岩我口味，海蜇完美吸晒d 沙薑醬汁，雞肉嫩滑、青瓜清爽🥒~Diced chicken, cucumber and jellyfish in sand ginger sauce -3️⃣「奶蓋芒果蒟蒻椰香金露(+$13)」🆕呢杯都有驚喜，似飲緊楊枝甘露咁，椰汁好香🥥，配上香甜芒果蓉！而且仲有Q彈的蒟蒻珠🤤~Mango coconut milk with milk top

今天中午我和好友便去了譚仔吃米線，這一間譚仔很大間，環境寬闊，也很舒適、燈光明亮。這一間通常也不用等很久就可以入座。進入餐廳後，我就毫不猶豫地叫了一碗腩肉墨魚丸十小辣米線。下單後不到5分鐘便上菜了。這一碗的料很足，不但有我選的餸菜，還有我很喜歡的芽菜和腐皮，腩不太肥，而且很入味，而墨魚丸很彈牙、很有口感，米線不會很硬，味道適中，很香滑也很好吃，再配上十小辣的湯底一起吃，真的很滋味😋這個辣到對我來說剛剛好，不會太辣。如果太辣的話，就會把原先的味道掩蓋了，這樣就會不好吃，所以我總是很喜歡叫十小辣這個湯底，有點辣味，也可以吃到餸菜的原味，所以真的很棒😝👍整體而言，環境食物也不錯，價格也不昂貴，所以真的很喜歡吃譚仔做午餐、晚餐或下午茶🤣❣️

三哥米線🍜係港人熟悉嘅老牌子 基本上由中學食到大 湯底可以話成碗米線嘅精髓 自從三哥加設咗蕃茄湯底 身為蕃茄迷嘅我 就更加著迷 😍蕃茄味濃 仲好健康 最近仲加設轉菜底嘅選擇 個人建議芽菜底同生菜底 🥬性價比最高 非常適合 低碳飲食🈴️ 配料方面 我選擇雞肉 魭魚片 魚片口感爽彈 值得一試

終於試食譚仔三哥全新嘅「煳椒肉骨湯米線」創作概念來自新加坡最地道的肉骨茶;湯底以丁香、肉桂及獨子蒜等香料加埋三哥獨有煳辣湯🤤🤤煳椒肉骨湯配搭埋黑胡椒豬扒以及品嚐肉骨茶必備、可以吸盡煳椒湯嘅油炸鬼勁好食！我影咗相一陣先食都重係勁脆!!大推介😽😽另外我重加配咗清爽脆豬皮鳳梨乳酸梳打 清爽脆豬皮(麻辣/芥辣口味) $19 用咗高溫沙爆的鮮曬豬皮，用冷熱水重複浸發令口感爽滑彈牙🤤重有埋雲耳一齊撈上秘製醬汁 食唔停口。重有麻辣同芥辣汁簡😽已經决定下次要試埋芥辣😽鳳梨乳酸梳打 $17 (加配價:$13) 勁解辣！平時唔太飲甜野，但呢款以鳳梨汁及果味乳酸作基調，再加入清爽嘅梳打，極建議一定要加配

平時食得多好嘢，有時都會想食下平民嘢食，例如係譚仔米線! 我最鍾意食佢嘅乍醬麻辣（10小辣）米線😝！！加埋凍檸茶少甜就真係一流啦!佢嘅麻辣湯底同出面其他舖頭整得完全唔一樣!因為我唔係好食得辣，所以10小辣就真係啱啱好!

譚仔三哥 最近有限定新湯底推出，就係煳椒肉骨湯😊😊，完全係另一個風味既米線，食到新加坡既味道😎😎估佢唔到咁好味😅🔹 煳椒肉骨湯米線 $47，米線索埋肉骨茶湯好掂啊👍油條亦是肉骨茶必吃之一，建議浸泡一陣吃最正，豬扒亦相當入味👍👍👍🔹清爽脆豬皮(芥辣口味）$19，沙爆豬皮夠晒爽口彈牙，還加入雲耳配秘製醬汁，完全係清爽辣😋😋🔹 鳳梨乳酸梳打 $17（加配價：$13)，吃了香濃既食物，飲番杯鳳梨汁乳酸梳打相當fit，有暢快感，解辣又開胃🤤🤤🤤

-「譚仔三哥」 又有新菜式啦！黑🖤黑胡椒豬扒白🤍白煳椒肉骨茶風味身為 「譚仔三哥」 嘅鐵粉，有新口味推出點可以唔預我🥰▫️ 煳椒肉骨湯米線 $47 ▫️傳統煳辣➕新加坡地道肉骨茶湯底用咗多種滋補藥材🍲加上慢火燉煮而成嘅連骨豬扒🐷豬扒加入秘製配料同埋黑胡椒醃製湯底嘅黑胡椒味夠晒濃郁惹味，再加上肉骨茶味道一試難忘！🥰米線配料包括白木耳、老油條每碗仲有一粒獨子蒜，將湯底再次昇華✨預設辣度為五小辣⭐️⭐️⭐️⭐️⭐️可按個人喜好再加辣🌶▪️清爽脆豬皮（麻辣/芥辣口味）$19▪️將豬皮切成條狀，加入雲耳成碟都超級爽口彈牙絕對係食唔停口🤤秘製醬汁可選擇麻辣汁或芥辣汁辣度為五小辣⭐️⭐️⭐️⭐️⭐️我今次試咗芥辣口味，夠晒嗆鼻刺激😝▫️鳳梨乳酸梳打 $17（加配價：$13)▫️以鳳梨汁及果味乳酸做基調再加入梳打水有果味又有乳酸味，解辣一流🥵

「煳椒肉骨湯米線」帶有肉骨茶的香料和藥材香味，再配有熟悉的譚仔三哥煳辣湯底，非常香口又好味道。米線配以切件的黑胡椒豬扒，每塊豬扒厚度十足，且黑胡椒味道更將辣味帶上更高層次。值得一提，原餐配有老油條，香脆可口，配以湯底，亦是星洲食法呀！

譚仔三哥米線進駐新加坡2周年🇸🇬，於是推出左全新三椒🌶️：「煳辣肉骨湯米線」、限定小食「清爽脆豬皮」同「鳳梨乳酸梳打」特飲！連 #小薯茄 🥔🍅嘅程人富、童童 同 方丈劉以達 都親自黎試過🤣：-1️⃣「煳辣肉骨湯米線(五小辣)🐷🍜」🆕個煳辣肉骨湯辣辣地好惹味，配上少有嘅白木耳、獨子蒜🧄同辣椒🌶️，另外仲試咗佢嘅黑胡椒豬扒，超嫩滑，而老油條就炸到脆卜卜🥢 ~Rice noodles in spicy meat soup -2️⃣「清爽脆豬皮(辣芥/芥辣)🐷($19)」🆕佢將豬皮切條，完美吸晒d麻辣醬汁，而且仲有黑木耳、青椒絲等~Pork skin in spicy sauce-3️⃣「鳳梨乳酸梳打🍍(+$13)」🆕配上兩片菠蘿肉，飲落解辣開胃，好彩有呢杯野，唔係小編應該會辣到流晒鼻涕😂~

🍜 #譚仔三哥三哥fans又要出動喇😎！最近三哥又推出咗新湯底同米線，仲有新小食同飲品😆！🍖 煳辣肉骨湯米線呢個湯底揉合咗「三哥煳辣」同「星洲肉骨茶」，除咗有香噴噴嘅煳辣湯底，仲有湯底加入咗丁香、肉桂、獨子蒜等等嘅香料，炮製出新加坡地道嘅肉骨茶風味☺️ 我個人非常鍾意呢個口味☺️ 呢碗米線仲配有脆卜卜嘅老油條同爽口白木耳，同埋都係新出嘅小食「黑胡椒豬扒條」添，超豐富㗎💕🐷 清爽脆豬皮辣度為五小辣嘅爽脆豬皮，加上黑木耳同秘製醬汁，好開胃㗎😆🍍 鳳梨乳酸梳打甜蜜而清爽嘅菠蘿口感乳酸梳打☺️

今日突然好想食米線，見到三哥難得冇人等，一於即時埋位坐低。叫了一碗2餸炸醬、墨丸米線。都係keep住高水準！三哥既炸醬永遠都係咁好食米線我就叫左少米，因為時間尚早，亦不是太肚餓。但食食下都幾飽下。米線亦爽口彈牙！

譚仔三哥真係最鍾意食既米線，每次必點搭配三個酸辣味道+炸醬，炸醬我覺得三哥真係最好食，肥肉唔怕多，啱啱好。不過呢度真係要講講三哥既辣度，我最多吃到5小辣，但係我明明係可以面不改色咁吃辣野，川菜🥲而且每次份量都好大，點三送+米線真係食唔完😩呢個時候就可以點少米線！仲可以減一蚊另外佢新既水煮鴨血味都唔錯！當然同真正既水煮味道唔一樣，不過都叫有翻佢既味道🤣🤣主要係個鴨血都幾好食！係可以encore既味道！

譚仔三哥米線「辛」推出嘅「砂砂湯肥牛鹿茸菇米線 」湯底係精髓，混合咗馬來西亞同泰國辣湯，甜辣滋味帶花生香氣， 配搭嫩滑美國肥牛同爽脆鹿茸菇，層次感豐富，好惹味！🤤 「煳麻辣椒豬肚」配秘製煳辣椒同花椒等香料炆煮，口感爽脆軟滑，麻辣嘅口感，一試便上癮！ 夏日消暑飲品「奶蓋芒果蒟蒻椰香金露」，芒果泥綿密，加入Q彈嘅芒果蒟蒻珠增添口感，加埋椰汁同香濃芝士乳酪奶蓋，感覺好清新！譚仔三哥米線@tamjai_samgor