譚仔三哥米線 (福榮街)

营业中

休息中

三哥原來出左個馬泰style的「砂砂湯底」，要加一蚊，有新野要即刻試試先！一上枱，Wow，好香喇沙味呀！ 急不及待試試先～～佢個湯底唔會好結身，同埋有好香的海鮮味。我無特登轉它的辣度，它的regular等於麻辣五小辣，個人覺得啱啱好，同個海鮮味好match，唔會蓋過海鮮的鮮甜。豆卜好新鮮，咬開再沾一沾砂砂鍋的湯底，好味好味食左一陣d湯都快俾我飲晒了。額外又order左個小食「辛蒜燒茄子」，18種香料？好似幾正咁喎。會唔會好辣呢？想夾起，個茄子好軟身呀！同埋勁多蒜，差d夾唔起！要搵湯匙幫幫手。d蒜好多油，食落好香蒜味。除左蒜味和辣味，我食唔出有咩香料喇sorry總括唔係非常辣，不過唔食得辣的朋友都係自己衡量下了。鐘意食蒜的朋友一定要點來試下呀！

本身諗住黎食新野,個燒茄子,點知坐低叫野個時先話無唯有食其他野啦叫番個土匪雞翼食下先雞翼夠大隻,又夠熱,夠香口米線3小辣,真係幾辣下好彩叫左杯新野飲啫柑桔香梅睇番介紹~~以精選柑桔調製，鹹香有致，配以原粒香梅，潤喉醒胃都真係幾好飲~~

🔅🔅🔅一枝公去食晚飯最啱食譚仔三哥因為我係米線控而且又便又飽肚🔸由中學直至現在經常去呢間分店個人認為～佢個湯底最正宗水準一直保持住🔹<雞肉墨丸湖辣湯米線> $37米線份量永遠都係咁多一個女仔食一定會超飽湖辣湯底係我至愛之一雞肉可提升湯底鮮甜味所以雞肉係百搭之選🤪墨丸好彈牙爽口好味🔅🔅🔅

曾經譚仔真係我哋嘅最愛...陪伴左我地無數嘅個糧尾，基本上每個星期都會搵一日去食返碗雞肉米線三小辣。為嘅梗係唔係阿姐獨特嘅落單技巧，而係一碗熱辣辣伴住大家成長嘅譚仔風味可惜今日一食之後就覺得退步咗好多先講個湯底，雖然今日病病地叫咗個清湯，但昔日嘅清湯都唔會咁稀，米線又煮得太硬 (利申: 本人唔中意食淋嘅都覺得佢太硬)😑幸好....雞肉就保持到一貫水準！上菜速度都比平時慢咗，已經係10點幾非繁忙時間，價錢都略為上調左些少，都明白嘅物價通脹，有咩係唔加價丫？但俾人收購左嘅譚仔真係要好好作出改善，唔係就會被其他競爭者搶走客源㗎啦🥺尤其係而家百花齊放，譚仔獨有嘅湯底味道雖然暫時仲係得佢先有，但其他唔同口味嘅米線出面依然大把選擇，希望只係呢間分店嘅個別問題，下次食唔會再咁失望啦🤒

💁🏻‍♀️譚仔三哥米線 (深水埗)🍴-隔一排唔食三哥就會心掛掛，次次食返三哥就會有戀愛嘅感覺😍識叫一定會叫過橋米線，小丸子就中意湯底叫三哥酸辣，每飲一啖湯都會開心都飛上天（雖然好唔健康）呢間三哥唔算多人，都可以坐得幾耐，啲姐姐又nice正👍🏻

我本身吾常食譚仔, 不過今日朋友提議去, 甘就聽佢意見!我知佢喜歡一碗面兩人分, 再加小食, 呢個提議不錯! 又可以試多幾款小吃!大碗米線60蚊, 湯夠濃, 豬潤不鞋, 雞肉比之前更嫩滑, 米線分量很足夠, 比收購前質素更好吃!小食點了口水豬耳, 麻辣豬脷口水豬耳夠爽口, 口水味普通, 份量OK // 麻辣豬耳, 麻辣味不多, 其實都分不到兩者分別!土匪雞翼出色, 燙咀熱, 咬落有汁, 夠惹味!!

食譚仔三哥嘅時候當要諗食咩好，間唔時，突然會好想食過橋米線，特別係喺肚餓嘅時候，我同朋友就會一人嗌一個過橋米線。好鍾意過橋米線乜餸都有，今次就嗌咗個五小辣走芽菜。佢啲料非常足，唔會俾少你。呢間三哥譚仔係我食過譚仔三哥裏面，其中一間我好鍾意譚仔三哥，因為佢個湯底係好香濃同埋真係辣的，而且佢啲米線係煮得好淋好好味。我個人非常之喜愛豆卜同腩肉，夠入味好好味。仲有好多餸，例如豬潤，丸，火腿等等，所以我覺得過橋米線都幾抵食，如果想試晒啲餸嘅朋友，都可以試吓呢個。

大時大節，最討厭同人逼，同友人兩個決定簡簡單單食餐開心嘅慶祝去咗充滿舊時回憶嘅呢間深水埗譚仔以前嚟ssp買嘢，肚餓都一定會嚟呢度食，因為呢間舖租平，米線價格都相對較平添過節食豪啲，一於一人一碗過橋米線出面求其搵間食普通嘢嘅呢個價錢一定埋唔到單，仲要唔包保好食添友人叫咗三小湯底，我嗰碗則酸辣湯黑色碗嘅三哥雖然俾日本集團收購咗，不過味道不變(暫時大大碗米線，麵質軟滑幼細，腩肉薄切，令到湯底可以剛好煮熟所有肉類豬潤同牛肉都唔會鞋岩岩好酸菜同炸醬配合得天衣無縫，試問香港地仲有邊度可以食到咁好食嘅米線？

食譚仔呢味野，如果現場人流眾多，一張圓桌搭上搭的話，覺得太辣，面紅耳赤、汗流浹背、大汗淋漓的話，相當尷尬。這天，看到這一間譚仔，因為夜未覺夜，只是六時許，人流不多，便可毅然在店裏吃辣也沒所謂。腩肉墨丸米線（ 10小辣） ，人流不多的時候，的確上菜速度非常快，下單不及不給3分鐘，米線變端來了。湯底仍算夠熱，其中一個比較快的原因，應該就是，我坐在廚房門口的那一張圓桌吧，店員轉個彎就是我那桌子。腩肉的份量不少，也是薄薄的，不見毛在上面。墨丸有四粒，真好，但是質感不算非常爽彈，沒有粒粒在內，好像元州街那間比較好。米線的份量也不算太多，好像一會兒便吃光了，比起其他分店吃之不盡的米線，這應該比較少。凍檸茶的味道也沒有元州街那間那麼濃茶味，茶味比較普通，但是檸檬🍋鮮香。

一直都是另一家的常客，今日經過三哥心血來潮想會一會「他」。叫了炸醬雞肉三哥酸辣米線（$27+$5+$2）雞肉-比另一家大舊，口感更好。炸醬-非常腥，而且有一陣雪味另加一份中口味蓮藕（$11）同行者說：「嘩，加配的$11食物全都是下價菜黎既？！」當然，租金咁貴，點都要賣下低成本野，明白既，好味就得。這份蓮藕沒令我失望。夠凍！夠薄！夠脆！配上中口味的醬汁，不錯！後知後覺地發現，三哥真的受重口味族群喜愛，無論是湯底還是小食的醬汁。對我來說，偶然一次是可以的。最後想讚一讚小食的用心。用青瓜、芽菜、雲耳、蓮藕等下價而沒味道的食材，配上秘製醬汁，好賺之餘又有特色

夜夜地又無咩人就走左入譚仔食宵夜，兩個個叫左一碗過橋米線，一碟醋雲耳，一碟大白（蒜泥白肉）。三碟夾埋九十幾蚊。過橋d料幾多，炸豆腐，豬潤，豬肉，雞肉，腐皮，芽菜，墨魚丸，魚蛋，貢肉每樣少少，兩個人宵夜份量剛剛好。雲耳都幾入味，大白就一如以往，質數有保證。夾小小米線再加一塊白肉，上面加堆蒜泥再加埋炸醫，譚仔的浪漫就係呢味野。價錢係budget以內。食完都抱住個肚出去。不過次次d蒜泥都未必食得晒有d可惜。

平時鍾愛食米線既我一直都係三哥粉絲，當然我都試過晒好多三哥既分店，而今次想講既係，呢間舖既食物質素認真唔錯！但佢其中米線入面既指定配茶「韮菜」相比起其他分店較為少，有時直頭無比，其他整體都算唔錯！另外一樣就係本身呢間係細舖，其實有人搭枱坐得迫係家常便飯！但舖入面d阿姐成日行過撞到人都完全無反應囉⋯⋯本身已經迫！仲要比你撞真係火滾食都食得唔開心！所以呢間基本上食物質素係無問題既！但希望舖入面既阿姐唔好成日撞人啦！

好耐無食譚仔。所以要懷念下。 叫左過橋米線，皮蛋，凍檸茶。皮蛋勁散。唔入味。得個油味。米線清湯但味精重。完全係失望。肚餓都可以覺得唔好味。3哥，真係要諗諗點改善下品質。

今日同女朋友行街。正當要選擇食咩好既時候。譚仔就出現係眼前~但由於係午飯時間客人超多。但出餐速度都仲係超快！我叫左人生第一次既胡辣。。。加竹笙。味道較淡。但都食得出係孜然味。加上少少辣。都ok既~不過冇食開係唔慣~我地仲叫左個麻辣汁雲耳~超好食~香麻辣味。如果再將竹生點上麻辣汁。風味更加一絕

下班後有點餓😞，想吃點東西過口癮😛，剛好經過譚仔三哥，見到有人點蒜泥白肉，好像很好吃似的，便跟著叫。😂叫了個大的，$35，有點貴，😔但偶爾奢侈一下也可以。🙈味道不錯，如果可以少一些蒜會更好。白肉很薄，很易咬開。👍🏻