譚仔三哥米線 (福榮街)

营业中

休息中

我不嬲都好鍾意食米線, 三哥更成日幫親開!但今之去就真是食到我一把火!我叫炸醬腩肉涌湯米線+土匪雞翼點知比左個10小辣我! 叩佢換, 換左番來, 見到D麵上仲有一滴滴的辣椒油! 唔係懶到咁嘛???就咁到左D湯, 加番清湯就叫換左??已經成肚火唔想食!!土匪雞翼仲過份!!!! 黑色的雞翼!!! 燶到無朋友!!!燶成咁就唔好拎比客人喇!!簡直影衰自己唔明點解咁都拎到米芝蓮lor....唔會再食!!!!

自己都真係非常之鍾情於依到既麻辣,由一開食小辣,到試哂所有之後就發覺佢既中辣真係一流,好食在於咩呢,因為佢既麻辣味同湯既味夾得岩岩好，依個辣就唔會話搶哂其他味,兩樣野可以共存,，今次就正係要左雞肉加埋金菇同埋依個非常好既中辣,平時會叫埋豆卜,因為豆卜夾埋依到個湯真係好正,豆卜吸哂個湯,味道真係好正,不過今次唔係太想食,所以無叫到,依到既雞肉真係幾鮮甜既,最緊要係有咬口,一開始食雞肉到而家，質素都真係無咩點變,真係幾正既！ 不過依家食三哥真係要睇睇係邊到食喇,好似到到D質素都有D分別,上次係第二到食D雞肉就唔太好食,有少少分別,好似無咩口感咁,反而依到就保持到水準,可能由始至終都係到食喇,所以覺得依到特別好食。

由中學開始食譚仔 一直食到宜家 都有成十幾年個人一直偏好三哥 唔知點解總係覺得三哥正宗d但佢就一次又一次令我失望話說炸醬雞肉酸辣走九芽係我嘅例牌 由以前$16/17蚊一餸米線到宜家$23蚊一餸 我明白材料價格上升 你加價係正常 但你個價錢加完又加 d料就減完再減 實在太過分以前d雞肉係可以滿到舖滿成個碗 宜家就係得果幾條...見到碗米線嗰刻真係呆左..點解可以少得咁過份.. 味道更加唔駛講 愈來愈味精..同個阿姐講佢話宜家每樣都用磅磅過份量先出...唉.. 舖就係咁開 價又係咁加 料就愈來愈少 良心在哪 從前的三哥在哪?最後 喺深水埗兩位做左好耐嘅姨姨店長都已經相繼離職 換來嘅係態度愈來愈差嘅'新一代' 人情味沒有了 食物味道也慢慢消失了 唉好掛住姨姨嗰句" 多謝哂 拜拜"

是咁的，想念三哥米線，就來到我最喜愛的三哥總店溫馨舊夢，三哥的分店比較少，聽聞是因為比較著重食物品質。我喜愛三哥店是因為米線量比較多，湯味清甜好喝。點了腐皮米線少米線，還是很多米線，熱熱有QQ 感，清湯白白比較濃，我喜歡。吃到一半已飽，但忍不住繼續清光光😄再來手拍青瓜，落單時想少辣油，姐姐幫我按單按了三個小辣油，印在單上，好攪笑。當青瓜上來時，想不到上面是放了如此多香料：香蒜辣椒，其實料是香口味豊，一點不辣，若果咬碎了辣椒子就會很辣。青瓜爽口。

是日來到深水埗這邊試菜, 吃的是甜品, 那當然來點鹹食打打底, 就選了譚仔, 大大碗, 經濟抵食的選擇.墨丸雲南米線 $23: 7分, 我的選擇還是清湯底好了, 難道我能夠吃到這裡的麻辣湯底嗎? 清湯底好像沒有之前的清新, 不算太鮮甜. 米線是幾爽口的, 跟上的包括有芽菜, 腐竹以及韭菜, 當然都是比較健康的選擇. 配料方面, 每碗只包一款配料, 再加一款就收$4. 我的選擇是墨丸, 幾彈牙的, 一客六粒, 份量不少.牛丸雲南米線 $24: 7分, 文迪的選擇就是酸辣湯底, 酸味是幾突出的, 反而辣味不會太強勁, 起碼是我吃到的程度, 喝口湯, 醒醒胃, 在炎熱的天氣下喝, 實在是幾適合的. 牛丸的質感就比不上墨丸, 有點點實.另外加$6跟飲品, 就要了凍檸茶, 其實茶味一般, 不過$6一杯, 又是交足貨有餘了.或許水準未算是很好, 但計及價位以及份量, 這裡還是其中一家相當抵吃的必比登店子. 埋單每人不用$30, 吃得飽飽. 當然, 是沒有甚麼服務的, 就是正正常常的快上快落. 店子是任何時間也人山人海, 始終抵吃, 在今時今日, 還是有很大, 很大的市場呢!

本人嗜辣基本上真係無辣不歡食開有癮香港好多食辣既地方太細膽很多叫左中辣其實都唔辣的亦辣得唔好味但係譚仔三哥既辣真係好出色辣得黎好野味,不只是辣還很有層次食完係會掛住 之後成日會再去小女覺得糊辣既中辣最野味而且配雞肉係最佳配搭其次最愛就係配竹笙同付皮今次有一新嚐試就係配乍醬哇!!!!真係正!好似食肉醬米線依家寫緊都流口水了譚仔三哥已被本人立入為最愛食咁多次先寫係因為真係唔讚揚下唔得~~~~而福榮街亦都係我最中意去既一間因為最乾淨~~~~

是晚在外工作又係好夜收, 身在深水埗, 只係識得嚟譚仔食.清湯底+豬潤+墨丸米線+凍0T小甜. 盛惠$32湯底和米線質地一向都ok, 尤其係米線的質地好重要, 唔會太稔或太硬, 要好似煮意粉咁Al dente先好食, 食過好多舖頭的米線, 真係可以差天共地得好緊要, 但譚仔三哥的都能保持一貫水準.平時都有叫開豬潤, 但今晚就差咗啲. 食豬潤, 都係要去對面維記...

譚仔米線出名眾所周知今日終於有機會來試下order咗個牛肉清湯紅薯粉牛肉新鮮嫩滑多汁紅薯粉爽口清湯冇加味精濃郁香甜加埋真系好正同行個fd要咗個韭菜清湯米線我真系好難理解無奈佢真系咁與眾不同成碗都系青BB我仲以為全部蔥不過韭菜米線也不俗個fd好似食得好好味咁anyway，譚仔真系名不虛傳店主同蔡瀾合照

我不嬲都係三哥既忠實粉絲由佢得個兩三間鋪就食到宜家，以前學生哥就只敢食佢隻清湯米線，點知之後比朋友”帶壞”左，轉攻麻辣！初初食小辣都覺得頂唔順嫁啦，但慢慢食上去，試過大中小辣之後，發現佢隻中辣真係一流！麻辣味同湯味岩岩好，唔會話呢個搶哂呢個咁，所以我之後一直都係「雞肉中辣唔該」！至於點解簡雞肉？因為三哥啲雞肉真係好鮮甜又有咬口由初初食就食到宜家，真係好正！但呢方面宜家起要睇鋪食啦，深水埗呢間都話仲保持同水準，但之前食過其他三哥既鋪頭，雞肉係鮮甜，但散修修咁，無哂咬口，好失望…所以吊起癮上黎唯有出黎深水埗過下口癮啦～～

近據某報2012年6月25日副刊報道。糊辣米線湯底主要用湖南臘肉。我決定於7月1日到了深水埗譚仔再嘗試這碗嘔心瀝血的米線。由於是星期日，普遍深水埗各大食店都是很多人。如果想吃米線又撞正星期六及日。建議早上11點左右去食。否則有排等位。今次叫了豆卜木耳米線。"豆卜"無論在甚麼辣的程度米線，它是永遠吸盡湯底，令你在口裏有享受辣的湯底。"木耳" 是可以通血管的。質感很爽口。"米線" 今次軟硬適中。"湯底"是十小辣。味道爽甜。適合不吃得辣的人。今次消費$26

一直以來都好喜歡去譚仔食米線, 喜歡佢地個湯底酸酸辣辣好醒胃, 難得今日有假放去完腦場順道來食個午餐, 可能一個人關係唔洗等位就有位坐.今日叫左腩肉酸辣米線, 腩肉整得好淋好入味, 半肥瘦岩岩好帶少少肥肉既甘香, 味道一流再加上大量芽菜及酸菜,酸酸辣辣更加醒胃.$30之內既午餐, 都算相宜

聽聞譚仔嘅粉絲會覺得佢係米線之最而我就唔係譚仔嘅粉絲,覺得佢只屬一般般已經幾年冇食過,今日經過,試多一次啦.嗌咗個大雜薈大大碗咩都有同埋土匪雞翼,係嘞!!原來我係想食雞翼先嚟架,哈哈!!麻辣湯底只屬一般,味道既不濃亦唔會令你有想飲嘅感覺雞翼...好失望超失望正常應該係好香口好惹味,佢完全做唔到真係人人口味都唔同,譚仔始終唔係我杯茶.

去深水埗食飯,就諗起好多人讚GE三哥7點幾去到都差唔多滿座,不過兩個人都幾易搵位.我地叫左墨丸米線同豆卜米線,兩個都係清湯底 ($21)上枱個陣好熱,出哂煙豆卜吸哂湯底好入味,湯底係奶白色GE,唔似落左味精食完碗米線都差唔多飲哂D米線煮得岩岩好,好滑,而配菜都比得好多下不過腐皮再多D就好啦仲有碗墨丸米線冇影相,D墨丸都有六粒GA,比上次去唔係三哥GE譚仔仲多D下次一定要試辣!!

令人作嘔的服務質素，員工態度傲慢又心不在焉，自己沒聽清楚客人落單，卻反過來責怪客人。友人點了個特辣，竟被某員工質疑是否「玩野」。上菜時，看到食物馬虎的賣相，不禁豫疑了幾秒，隨即就被某員工斥責我們連自己點的菜也不記得。未吃完就急不及待要收走我們的麵，那碗只吃了三份一的所謂炸醫也幾乎被收走。食物質素參差，點了個「5小辣」、貢丸、腩肉和炸醫米線。貢丸細粒之餘無味，從沒吃過這麼差的。腩肉給我留下的印象就是那大半塊肥肉，份量也少。炸醫根本就是下三流肉醫意粉中的肉醫。點了杯凍檸茶，也沒有檸味，因為檸檬太少。湯底也不值一提。

吃譚仔米線可說是家常便飯，每星期都會吃上兩三次。通常都會選擇長沙灣分店，隨了服務態度良好，食物質素都較為穩定。但前幾天因「就手」而試深水埗三哥，實在是「一試難忘」。坐下只有數秒鍾，侍應就只急不及待催促落單，表現並不友善。落單其間，侍應更是心不在焉，要求客人重複內容。等了一會兒，食物終於到了，魚旦，牛丸帶腥味，平時最愛的墨丸味道和質感奇怪。吃著吃著，這頓飯的心情老早就已受影響更別說樂趣，誰不知好戲在後頭，友人放下筷子想跟我聊幾句，侍應又來打擾，說出一句：「仲要唔要？」這句說話本是沒問題，但我看了友人那碗米線還有一大半還沒吃，根本有意趕客！在友人的勸阻下，還是把憤怒的情緒按捺著。食物質素強差人意，友人吃起上來有點辛苦，速度也比平時慢一點。誰料侍應又再次開聲：「收得未呀？」，本來沉默的友人再也忍無可忍，悔氣的回贈一句：「唔食啦！乜都唔要架啦！」回想起這次不愉快經歷，真是「講起都扯火」，再也不會再去了