譚仔三哥米線 (白田商場)

营业中

休息中

三哥譚仔出左期間限定套餐，花膠燉雞竹笙米線套餐($54)，中意藥材湯味既我就試下😌花膠燉雞竹笙米線首先講左個湯先，個湯係真係好出色，入面有好多料，當中用左紅棗當歸北芪黨參作為湯底，色水亦都好濃👍🏻飲落去真係有重重既藥材味道，10分啱口味😋但係花膠方面就略顯細塊同硬，煮得唔夠淋;而雞既話幾滑，但係都係比賽細塊。但係入面有竹笙呢個配搭非常之好，因為竹笙吸晒啲湯好入味👍🏻真係要為左個湯去一去試👍🏻凍奶茶而個餐就會配埋飲品，我就配左凍奶茶。今日凍奶茶好難飲！第一次比我， 我以為佢嚟錯阿華田😧成杯嘢都好似係一個茶膽，苦到我退返俾佢😖第二次就正常返啲，不過都真係唔好飲😫

好難吃 完全唔係三哥嘅湯底味 第一次食叫麻辣五小完全就係十小，第二次食叫清湯，完全就係白開水，唔知嗰湯底兌左幾多水服務態度差 坐左20分鐘冇人落單，話轉個頭黎，OK但翻白眼咩意思？等左一陣又冇黎，連枱都冇人收。

依間三哥開係白田商場係方便左好多附近住既居民，上面冇咩選擇🤣依次我係下午茶時段2:40pm 去既，冇咩人，2個人坐左張卡位，舒服😎雞肉腩肉10少辣下午茶所以會細碗啲，依個份量對我黎講岩岩好，味道亦都正常水準肉桂焦糖多士呢個多士係佢有下午茶之後我就特別鍾意食嘅一樣食物，因為我覺得呢個焦糖面好脆，同多士好夾，甜甜地好食次次下午茶我都會叫😝😝整體來講同其他譚仔，其實冇咩大分別，味道都係保持水準。😎唯一可以改善佢地職員比較少，同埋唔太識用app，問都未必解決到，有待改進。💪🏻

食得譚仔都係為咗個湯底 為食米線嘅話就唔會嚟啦平時食譚仔都只係食開麻辣小辣/中辣 但係呢間分店為咗慳成本 自行減低辣度 夾硬將小辣變成5小辣 將食米線嘅樂趣剝削 其後要求一小碗辣湯加回本身正常小辣 被要求加$2 明明食譚仔咩辣度都係加$1 有咩理由要俾多$2變回其他分店嘅正常辣度有見及此 第二食之後叫大辣 辣度的確有少許改善 但湯只剩下三分之一 第一次見為咗慳成本而減辣減湯的分店 唔好食嘅話就算住得近都唔想嚟強烈建議大家避雷

今早黎到白田邨行下，見到招牌有三哥米線，去到門口見到原來係有早餐咁就行左入去。早餐都係平時既基本野，咁我就叫左個沙爹牛太陽蛋出前一丁再加多塊多士同餐飲熱好立克。係等候期間原來發現呢度係沒有網絡，係9點半開市呢d時間就真係...咁好啦好快咁送到枱面，個阿姐就提點我先食多士因為剛剛整好要趁熱食，牛油多士就冇咩好講，咁試個沙爹牛肉先，呢度d沙爹汁同出面唔同，多左好多花生碎同比平時既沙爹汁辣咗少少，都尚算好味但是牛肉質地比較差，唯一加分是佢地有比生菜，因為9成既茶記都不會咁做。回頭率20%

朋友見落雨，求求其其揀左譚仔三哥黎食，我地就揀左兩款新品黎食。尼間分店的職員出餐好慢，明明見到已包好一車外賣，但拖到包晒兩車先嗌人拎，足足等左大半個鐘先拎得，搞到外賣客堆晒黎門口。 我揀的是姬松茸湯底，番到去打開，先發現職員俾左勁甜既番茄湯底，真心無語！咁都錯得，點解唔對好d單先整。 朋友就試左果砂砂肥牛米線，佢話果湯底完全冇味，仲要自行加花椒油！！！加上整體小食都有同一問題，沒有味道。超級失望！我同朋友已經都唔會再黎尼間分店。

新開沒多久，吃過外賣，也堂食過幾次 。外賣頭一次米線很硬 需要在家煮多一次，後面是有改善的。堂食的話次次不同，有時米線剛剛好，有時又有點硬 ，好像煮好放著涼過 ，要用再丟進碗直接出餐一樣 ，有些麵還黏在一起，麵體也不夠熱，希望能有改善。出餐速度普普通通 算不上快，尤其是人不多時來說，真的不快，餐出來 服務生很晚才發現。服務態度 很看員工 裡面年長的比年輕的禮貌多一些，但整天不差。有個年輕的面對客人買單 還停著先傳完手機訊息，才慢慢要幫客人結帳。

白田開左一間譚仔3哥米線，系我的最愛之一，當然每周食一次啦現在不用去深水埗外賣啦，路程近好多，食得開心米線最好食，餸通常選擇:魚腐，魚旦，墨魚丸，豬潤，芽菜，菲菜最好食，值得推薦湯底：麻辣湯😋，清湯過橋米線套餐55元：10幾款餸，但套餐米線份量～和一人餐的米線系一樣，不屬於兩人套餐，只是餸菜比較多店舖門面乾淨寬敞店內環境多座位，超級大間，比起深水埗分店大3至4倍如果想外賣，最好到店舖前打定電話落單啊

因為疫情關係冇得堂食就叫譚仔三哥翻屋企食，因為太忙而唔接受電話外賣。 Order兩個過橋米線分別係蕃茄湯同酸辣湯，加$50 10隻土匪雞翼同$12 口水汁皮蛋。 翻到屋企先發現比錯咗香草雞翼同埋成個過橋米線好多餸都冇咗，竹笙豬膶腩肉豬肉，轉咗比兩粒貢丸同幾片火腿⋯⋯ 但落單又唔講人知唔太好。不過佢哋真係好忙導致啲麵都未熟哂已經pack定哂係外賣盒度，米線浸完湯都仲係好硬.. 雞翼雖然比錯但隻隻都係咁大隻都係平時食到咁好食，皮蛋都係不過不失唔係太入味。