譚仔三哥米線 (荃新天地2)

营业中

休息中

我最近點咗兩份雞肉外賣，但實際上入面嘅份量卻只有堂食一份嘅量，真係令我感到非常失望和不滿！😤😡 我不明白點解外賣嘅出品份量會咁參差，這樣的情況實在令人難以接受。更糟糕的是，裡面嘅芽菜同樣比起我喺店舖裡面食到嘅少得多，這樣的品質根本無法讓人滿意。雖然我知道外賣可能會有些差異，但份量少咗，價錢卻依然保持一模一樣，這樣的做法實在不公平。更何況，我取餐嘅時候居然等咗足足20分鐘！我去嘅時候還是下午三點幾，完全唔忙嘅時候，店裡面入座嘅人數大約只有一半，這樣的情況讓我感到非常困惑。我一直以來都對這間店有好感，但這次的經歷卻讓我對他們的服務和品質產生了懷疑。希望他們能夠重視顧客的反饋，改善出品的質量和服務，讓每位顧客都能享受到應有的美食體驗。這樣的情況真的讓人失望，希望下次能有更好的改變！

食成餐米線，係咁講其他客同同事壞話出餐又慢，呀店員仲惡過副店得閒鬧人，麻煩你快d出餐好過啦!對d客粗聲粗起，自己做錯野又懶落個客同廚房，完全唔檢查下自己有問題碗野一出黎米線已經淋哂!又喊碗野勁難食!!!

1月1號下晝三點半到譚仔三哥點了一碗豬膶炸醬薯粉， 浸了一會豬潤仍是有血。 我感覺非常腥吃不下，於是要求店員處理。 店員在我面前用匙羹及筷子將我碗中的豬潤夾出， 放在另一碗仔。 中途仍堅持沒有問題，事後這個放了豬潤的碗仔店員拎入廚房。 沒有丟棄。 我覺得店員的行為非常不尊重顧客， 完全沒有意識需要重新替客人煮過另外一碗。 而夾出的豬潤是否會放入下一個顧客的碗中？ 本人非常憤怒，店員的應該加強培訓，避免再有同類事件發生。

尖椒皮蛋啲汁稀到食皮蛋得皮蛋原味，仲有殼，麻辣中辣湯底又淡，出菜越黎越耐，姐姐越黎越惡，以前都唔係咁，得雞翼仲係好似係保留到味道，同埋間間既辣度，啲餸既量都唔一樣，

返荃灣西興趣班，再俾多次機會荃新天地天婦羅🍤飯，點知又係冇開，要去OpenRice舉報佢（衰到個status冇人update)。2nd choice去譚仔三哥，8成滿，自己搵位，皓多枱冇人執枱。用譚仔三哥apps再do barcode落單，叫咗貢丸魚旦生菜🥬清湯米線🍜（$47），加蒜泥白肉（細）多蒜（$29），加凍檸茶少冰多甜，原價$13，因為叫埋小食所以$10。等咗10分鐘有嘢食，凍檸茶唔錯😌，夏日炎炎消暑，陳皮妹分咗魚旦米線🍜，爸爸👨🏻食蒜泥白肉，正😄，貢丸真心一般

小朋友👧🏻荃灣西放興趣班都1930，原本想食天婦羅蕎麥面點知冇開，臨時轉場譚仔三哥，一碗米線兩份食，小朋友叫咗魚蛋清湯米線（$37），我叫咗蒜泥白肉（細）（$29）自製有味米線，apps有coupon送生菜🥬（原價$18），夠食，9成坐滿，等7分鐘就有嘢食，蒜泥白肉多蒜正

今日返到荃灣工作室工作，肚餓嘅時候開咗外賣Apps睇吓有咩好食見到呢個$58.3餸包嘢飲嘅套餐非常之吸引大家都知道譚仔三哥係香港人嘅飯堂，所以基本上一定係會叫呢一個餐非常之抵食，同你喺堂食都冇乜分別

天才手機QR落單，估唔到到今日都仲未改，訪客身份入去點個米線都要填個人資料，有必要咩？今日我都係無落到單起身走左。唔知邊個高層諗出黎，佢唔覺得客人少左嘅咩？係咪又係個D落左決定就一定要做落去嘅傳統美得呀？機會比左，我都係食唔到，半年後再試。總之食個米線要我個人資料我就唔會食。

有日經過見到有張poster喺食火鍋，二人餐又包埋小食同飲品都喺$98，一於試試佢。其實感覺上有啲似喺加咗個爐熱住嘅譚仔米線，因為上到檯所有野都喺熟嘅，米線薯粉個啲都喺熟咗，基本上喺唔洗再放落去淥熟佢。今次叫咗個三哥水煮湯魚片鴨血鍋，除咗已經配上兩種配料，額外你可以揀多兩款同埋加錢再配多兩款，其實都幾抵食。然後再揀兩款小食同兩款主食，亦多可以加$5轉做炸醬飯。而飲品方面，加$3就可以轉做凍飲。其實如果兩個人食兩碗米線加埋野飲小食應該貴過個火鍋，所以如果兩個人食的話，性價比都幾高。

走進譚仔三哥，仲記唔記得嗰股香味？就係米線飄香啦！今次，我點咗個人最愛嘅過橋米線。湯底揀咗經典嘅酸辣，辣得嚟不過火，正！🌶️ 一啖落去，啱晒愛辣嘅我。18種配料，應有盡有，一碗滿足我嘅貪心，腩肉滑溜溜，牛肉入味，墨丸Q彈，豆卜吸晒湯汁，口口都係驚喜。 哥哥們，勁啊！雞翼真係要頂禮膜拜，孜然實在太上癮，香辣得嚟唔油膩，仲有那個辛味燒茄子，蒜香撲鼻，唔食真係會後悔。呢個味道，太正喇！土匪雞翼啊，嗲到爆炸，同埋米線湯底啱啱好嘅鹹香，食完真係暖笠笠。 今日食得開心過，撐得直情直爽。食物之餘，呢度環境都幾安逸，唔使等得太耐，來一碗心頭好，再加兩碟配角，完美嘅平民美饌，譚仔，我會返嚟嘅！👍😋💯

三哥最近出左個新湯底黑蒜，一於試試。上來個賣相都好吸引，有溏心蛋有叉燒有菜，味道好濃，溏心蛋煮到時間啱啱好，叉燒唔怕好肥亦都唔柴，好似係度食緊日本拉麵咁。可以值得一試。

今次叫左個過橋米線&土匪雞翼！首先講下個米線，唔會太軟都唔會太硬，啲嚼勁啱啱好。不過，呢個驚喜最大嘅係土匪雞翼。我真係係無諗過咁小小隻嘅雞翼竟然可以係咁香脆，仲帶啲微辣嘅味道，啲皮好脆，一啖落去即刻噴出啲肉汁，真係一個口感嘅驚喜，啲雞肉係鮮嫩嘅，同埋又係炸得啱啱好。而且，啲份量都好足夠，唔會令人覺得唔夠食。食咗一碗米線同埋啲雞翼，真係有種飽足嘅滿足感，令我有啲幸福嘅感覺。總括黎講，呢碗米線配土匪雞翼係真係帶嚟咗驚喜嘅一餐！味道正，配搭得宜，而且啲雞翼係真係一個亮點，絕對值得一試。如果你係雞翼愛好者同埋鍾意嚐下唔同口味，我絕對推薦你嚟試下呢碗美味，你會同我一樣感受到驚喜！

有名比你叫,譚仔姐姐,手腳會慢少少,淨係包外賣堂食嗰啲最後處理..一碗米線大概等咗30分鐘多啲..Btw新出嘅水煮湯軟殼蟹米線幾好食,雖然就係唔係好大隻蟹,但加埋配料都幾多

一入到門口要掃描QR  Code  落單，由於佢放低左枱面張單太耐，所以我掃唔到！好不容易請到該店員詢問，店員全程無同客人眼神交流，完全聽唔到講乜就走左，原來我個QR code放係枱面太久，所以失效😂到左食物環節⋯賣相差都唔緊要，碗米線啲湯太咸，個豬肚無味，算了！野食咁唔穩定，諗住叫支可樂，一定安全，等等等等⋯等到我碗麵食晒咁滯先來到⋯咸到我開始燥先來到，一打開啲可樂氣體谷晒上來，搞到我布袋同埋張枱濕晒⋯先有人話幫我抺張枱⋯我唔第一次食⋯我知道賣相唔係該店咁既款，我未去過咁差既譚仔⋯2-3個人企係個cashier 位收錢，得一個負責送餐，半個落order,其他人係度做乜⋯十間九唔應⋯近排見到依間店都有心理陰影！！

今晚屋企無野食，經過屋企樓下嘅譚仔三哥，講真自從譚仔分開咗有三哥同無三哥嘅分別，都已經好耐無食，點知今晚一試又出事了今晚一去到外賣員工態度差，十問九唔應，完全冇曬，以前嘅親切感都算，米線一到我拿拿聲攞返屋企，點知我買嘅牛肉米線超難食，牛肉好靭，湯又鹹，我叫小辣，一啲都唔似小辣，一啲麻都無，而尖椒皮蛋好喊，唔知點解仲有甘多人食，我唸多到好似7.11甘，枝梗有一間係左近貪方便而家連鎖店越嚟越差，香港有心機小店愈來愈少