譚仔三哥米線 (荃新天地2)

营业中

休息中

呢間啲阿啫唔憂做，我未試過等枱係叫返之前過咗啲號碼起碼5次，過咗又再叫，過咗又再叫⋯⋯ 無限輪迴咁⋯⋯⋯⋯⋯⋯，總之就點等都係叫緊無人應既枱，有枱又唔入人，明明執好枱可入人坐，又話未得⋯ 只係做外賣，好似要搞到好多人等位咁問店理點解咁既安排，店理仲話可以投訴佢全間店，咁既然呢位話店理咁既要求，就滿下佢既要求⋯⋯

平時都一個禮拜會食一次今次食有驚喜不過係有驚無喜同大家介紹登登登……櫈三哥新菜百潔布米線等得耐已不在話下成個場望極得2個姐姐係度做野耐心耐心請問有冇人解釋下點解會有百潔布想米線乾淨啲？

有時去到一啲地區諗唔到食咩時都會食譚仔三哥，譚仔三哥勝在分店多，價錢平，味道又唔差今日放假係屋企附近行下，行行下都夜啦廢事再返屋企煮野食，所以又黎左食譚仔三哥依家譚仔三哥又有素食湯底食，可以比我得閒食下素今日揀左素蕃茄湯底腐竹芽菜同埋豆卜仲嗌多左個小食，口水三素係我嘅最愛口水三素有冬菇豆卜同雲耳，配埋口水辣汁好惹味，上面仲有少少芝麻同花生，看似微不足道，但就令成個口水三素錦上添花只係略嫌個汁濃味左少少，食豆卜時因為佢已經索曬啲汁，所以會有少少過咸

🍜煳麻湯魚爽肚米線+墨丸🍜三哥又有新品🤩小編今次叫左煳麻湯，如果唔食煳麻湯，可以轉湯底架🤪一碗好食嘅米線又點少得個湯底呢？😋全新三哥獨創嘅「煳麻湯」湯底以「煳辣湯」和「麻辣湯」兩款特色湯底調配而成，提升到多重辛香而辣麻嘅味覺享受🥴🐟魚爽肚魚爽肚薄薄地身好爽口😍🐡芥末魚籽鱈魚滑豆卜小編一睇覺等好似細個媽媽嘅魚肉釀豆腐卜咁 將鱈魚滑釀入豆卜鱈魚滑加入左以山葵提煉的芥辣油唔怪得有陣攻鼻啦🤣🤣加埋「煳辣湯底」另一種辛辣認真雙辣交襲，全辛震撼呀😍包你一試上癮愛辣嘅你又點可以錯過丫🤪🅞🅥🅔🅡🅐🅛🅛🅣🅐🅢🅣🅔: 🌕🌕🌕🌕🌖🅒🅟 🅥🅐🅛🅤🅔:🌕🌕🌕🌕🌖🅐🅣🅜🅞🅢🅟🅗🅔🅡🅔:🌕🌕🌕🌕🌖🅢🅔🅡🅥🅘🅒🅔🅢: 🌕🌕🌕🌕🌖🪧 全港譚仔三哥分店 #foodie #foodiehk #foodiegram #foodiesofinstagram #foodies #foodieblogger #foodielife #foodielover #foodiehkig #相機食先 #吃貨 #吃貨人生 #譚仔三哥 #煳麻湯魚爽肚米線 #煳麻 #魚爽肚 #芥末魚籽鱈魚滑豆卜 #hkfoodie #foodiehk

三哥獨創既煳麻湯係以「煳辣湯」及「麻辣湯」湯底秘製而成，仲加入左花椒既香麻特色係湯入面，令到湯底既味道大大提升，更加享受到三哥香麻辛辣既「辛」體驗！🌶煳麻湯魚爽肚米線+腩肉 🍜今次嘅新款米線除咗味道香濃有層次既湯頭之外，魚爽肚和芥末魚籽鱈魚滑豆卜也相當有驚喜！魚爽肚口感非常爽滑細嫩，很喜歡！芥末魚籽鱈魚滑豆卜也很特別，鱈魚滑加入了芥末油釀係豆卜上，食落芥末味都幾出又幾有創意呀😁而且豆卜非常吸湯汁，好惹味🤤鍾意食辣嘅朋友仔可以去試吓呀😁如果唔食得辣🌶仲可以轉其他湯底架！

今日同朋友嚟咗食三哥，8:30就等位，等咗三個字就入得啦。我哋即刻叫嘢食，嘢食就大概等咗四個字先有得食，差唔多9:10先開始食嘢，我覺得以我平時食三哥來講，等嘢食方面就好似有啲耐。叫咗一個過橋薯粉，蕃茄湯唔辣。嘢食一嚟到就見到成Pat蕃茄係上面，賣相好正，覺得會有好香濃嘅蕃茄味，食慾都大增啊！味道方面就同平時差唔多，但好多雞肉，夾極都仲有咁。不過另外嗌左杯凍檸茶，杯凍檸茶就好似未滿咁，同平時比嘅份量少咗啲啲。不過overall來講，都好好除咗等得耐左少少之外！

水煮鴨血的相好吸引，而且價錢便宜，見人未算多，決定入去試下。水煮湯鴨血米線 (4小辣，麻辣湯) $39 ⭐️⭐️⭐️💫(3.5分).我選了麻辣湯，其他選擇有蕃茄湯、清湯等。有10種辣度選擇，數字是反過來，10是不辣，我要的是4度小辣。湯味道可以; 如果以麻辣湯來說，則覺得麻辣味不夠香麻，沒有了麻辣本身的特色。.碗米線本身有芽菜、豆腐皮，餸方面有5件鴨血，3件大豆卜。個碗好大，米線份量也多，$39有這個質素和份量算是可以了。

譚仔三哥又玩嘢，母親節推出新米線🍜，仲要只限兩星期，快啲去試咗先😙😙～～～姫松茸螺片雞米線🍜～～～不得不讚譚仔三哥近排出嘅米線都幾高質😊😊，明顯見有花過心思👍🏻👍🏻佢用嘅湯底係菇菌雞湯，係新嘅湯底！姬松茸幾大粒，同湯頭好夾，入口好香菇菌味， 真係真材實料！😚😚螺片就有兩塊大小適中，夠彈性😋😋雞件就係類似‘北菇蒸雞’嘅雞件，大約有3-4件，正常質素！😀😀食完個米線🍜感覺成個人都健康啲🥳🥳

今日收早，由於太忙嘅關係午餐都無食到。當然要食返啲嘢醫下肚。最緊三哥推出水煮鴨血。作為三哥同鴨血嘅愛好煮。當然要試吓啦。見到個餐牌都覺得好吸引。叫咗個水煮湯鴨血米線加雞肉中辣。本來係叫麻辣湯底。姐姐極力推薦水煮湯底。碗米線一上枱我都嚇親，平時我食開既中辣好似無咁紅架喎😂首先講個湯底，我自己就鍾意麻辣湯底多啲，水煮湯底味道偏咸。至於鴨血份量只有四舊，好似有少少到喉唔到肺嘅感覺。最後飲埋杯凍奶茶就滿足咗成晚。只能夠講，試過就算。都係麻辣湯底啱我多啲。

今日一個人去食下午茶見到佢個新餐牌有個新菜式然後叫咗個腩肉魚片米線三哥酸辣湯底小辣 喜出望外好好食。魚片新鮮冇腥味仲有少少彈牙?有啲似出邊食水煮魚嘅感覺三哥酸辣湯底第一次食。幾好食夠酸夠辣最重要係新鮮滾熱辣。個湯要夠熱值得推介

個新米線 切到又一忽忽 又腥 又多骨 希望三哥可以重視下本來我滿懷期待嘗試過魚片米線，結果令人大失所望啊。湯底死酸死辣，魚片又切到好核突令人十分失望食左兩啖 越諗越嬲 同友人米線都唔食拍枱賣單離去唔會再有下次希望大家千奇唔好中伏！

我諗好多人都會好似我咁，間唔中又會想食下譚仔，不過呢段時間最好都係叫外賣。譚仔嘅外賣米線係會分湯，啲米線就唔使淋哂。一睇以為得個湯😂不過真心都真係唔算多餸，真係睇彩數。唔食得辣唯有食清湯，我都知食譚仔食清湯好傻仔。叫多兩個小食就啱啱好，食譚仔點可以唔食最出名嘅土匪雞翼👍🏻一大啖蒜，正。不過每次食都會喺度諗，到底點樣可以將啲腩肉切到咁薄🤔好想疫情快啲完，可以安心堂食。每樣野一個外賣盒，其實都真係幾唔環保。

譚仔真係係適當既時候, 你就會諗起佢, 想食一食佢隻味! 今次就同老婆兩個人外賣! 本身老婆細食, 自己一個食剩好多, 所以就第一次試下一齊叫一個過橋米線, 麻辣4小辣 (以前只係可以食到10小辣咋...)! 份量剛剛好, 又有好多款餸選擇, 算係滿足哂我地兩個人! 今次再叫埋5隻土匪雞亦, 兩個人Share真係唔會食到太飽! 本身好想叫多講皮旦, 仲諗住有早排疫情時lunch加1蚊多個小食既優惠, 點知無左啦! 唯有下次再叫過! 

早幾日520同🤴🏻食左米線，回想下之前14/3我地都食左個平價浪漫兩人情侶米線套餐，冇錯就係譚仔三哥3月14日限定1日‘辣之戀人-椒夕相對兩人套餐’價錢只要$112🎉🎉首先一坐低先送2粒5小辣嘅心型巧克力❤️落單後黎兩杯超特別嘅飲品-夠薑男朋友+麻辣女朋友！顧名思義兩杯都係辣味凍飲，之前有飲過薑茶都可接受陣味，但麻辣味真係好怪，仲要係凍飲就更難頂🤮，但兩杯外型顏色又幾靚幾吸引，係咪寓意世上男女唔好比一時外表吸引，有時唔夾就係唔夾😱😱套餐上其他食品平時都有賣只係名字前面加多個有d心思嘅形容詞1.溫柔手拍青瓜👏🏻2情竇初開雲耳👂🏻3.煙韌纏綿過橋米線🍜4.浪漫蒂克土匪雞翼（細）🐤真心要比讚👍🏻👍🏻，味道就唔講啦！大家心照啦！單憑譚仔三哥呢個心思能引起情侶間話題，已經係大成功🥰🥰有個小插曲係當時晚上9:00，溫柔嘅青瓜已經賣曬，侍應姐姐問轉唔轉其他野，我地問可以轉乜嘢？佢答只可轉雲耳！我再問可否加$轉其他？佢都係答只可轉雲耳！🤯🤯🤯咁你仲咩問我轉唔轉直接話換做雲耳咪得囉🥴🥴咁我係有兩碟‘情竇初開雲耳’只好同自己講‘好耳👂🏻成雙’啦🤣🤣

Chicken and Fish Maw with Chicken Soup Rice Noodle 花膠雞美線Since the noodle is Mother’s Day Limited Version, let’s give a try. They gave out chopped chicken legs, and it’s just the normal taste chicken legs. The amounts of given fish maws were more than what we thought. Each bowl had 4-5 pieces. But obviously, the cooking time of the fish maw was not long enough. If the texture of the fish maws was softer, that would be much better.