譚仔雲南米線 (利都樓)

营业中

休息中

吃完都幾失望的，兩三年前在這裡點過口水雞，現在只剩下口水雞翅了，我想著應該也挺好吃的。結果原來是白切雞翅扔到調味料中，所以，就靠這個調味料了。而調味料呢，怎麼說，像是衹是辣醬而已，連一點醋都沒有加。一份衹是把三個雞翅切開，切成六塊。而雞亦果d肉係'冧啤啤'。失望蒜泥白肉比口水雞好點，但相當的金貴，26塊錢祇有七片肉。調味料同樣的也是少了醋。檸檬茶跟小食係七蚊，外賣仲要加一蚊，好飲嘅話加一蚊就一蚊啦，結果呢個檸檬茶，好似係用出邊雀巢檸檬茶粉沖出來嘅茶底，再加幾片檸檬。作為一間上座率咁高嘅餐廳，呢個檸檬茶認真失禮。btw,我嗌呢啲現成嘅小食喺門口等外賣等咗15分鐘+。應該唔會返轉頭。

今日工作太忙了😑😑😑，所以叫了譚仔外賣，預早大約10分鐘打去叫定之後就去拎。佢地外賣做得很好很貼心，會將d湯同米線分開放👍🏿👍🏿，d米線完全唔會淋曬，讚👍🏿

昨晚下班時候下雨，沒興趣去很遠吃飯，就在家附近的譚仔就地解決。每次經過都排了很多人，有等堂食也有等外賣的。還好今天下雨人不多，等了3,5分鐘就入坐。坐下點了碗米線，再加份口水雞翼小食。出菜比平常慢了點，等了10分鐘才到，可能是外賣的人多吧。口水雞翼蠻入味，少許辣，挺開胃。米線菜款選了牛肉和炸醬，口味選了麻辣五小辣。一如以往的味道，從讀書時侯吃到現在都沒大改變。吃的時候旁邊坐了個女的，食量略大，點了兩個小食，又點了一碗三餸米線。

近期北角覓食～其實我諗食開譚仔既都係佢fan屎。雖然我最鐘意係三哥既三哥酸辣，但今次經友人推薦，一於試下譚仔既重慶酸辣！今次試左重慶酸辣三小辣。自問都食得辣既我三小辣好似冇乜feel，下次可以再食辣啲🤣雞肉份量都算多，豆卜都係得四舊。如果平時唔太餓都會少米線唔好晒，如果好肚餓既話通常會再加土匪雞翼添🤣可能今次趕時間，落左單等左十二分鐘先黎覺得有啲耐，雖然野飲好快就到。不過姐姐服務態度都好好，呢間分店星期六晚都不會滿座，如果大家係開炮台山，都可以選擇食譚仔喔！

其實觀塘嗰間譚仔已經令我完全放棄咗呢間連鎖米線店但係最近佢收購消息令我覺得佢可能 有所改變所以我決定今日再試下點知成碗都係味精我真係唔明白點解咁多人鍾意食但係佢嘅小食真係幾好味嘅佢個麻辣生腸真係幾惹味因為我食湯麵最主要係個湯底佢個湯底 飲落去真係成個化學成分味道我食完佢之後真係飲咗 成支水先至解渴到但係佢嘅配料真係有用心機墨魚丸好足料酸菜又大堆勁好味雖然配料攞到分但係湯底同米線都係人造feel下次都係食小食算數講真呢度啲阿姐真係勁helpful佢會主動話畀你聽邊隻湯係最辣我唔知係公司訓練佢定係佢主動講真係幾舊貼心所以係加分

呢排連續幾日出沒炮台山上堂，午餐唔知食咩就去左食譚仔，不過估唔到呢間炮台山譚仔午市居然會大排長龍，好多學生同OL都係門口等位，好在自己一個人食，所以唔使等位就有得直接入去。雖然成間譚仔都坐滿人，但上菜速度都係同平時一樣咁快手，呢樣真係要讚一讚廚房同門面，勁！ 去譚仔唔一定要食酸辣，今次叫左蕃茄湯底，甜甜酸酸咁非常開胃，而且比起酸辣更清新，加上蕃茄湯底有少少濃稠，食米線的時候可以痴在米線上，個人覺得唔錯。唯一可惜係今次的豬潤梳打粉落太多，雖然入口好鬆軟，但就無左豬潤本身的口感，扣少少分啦。

今日同同事喺公司附近搵嘢食，十一月頭的天氣比較熱，於是有同事提意食譚仔，有其他人和議， 咁就去食啲辣嘢開下胃啦，又可以增加食慾 。於是就一大班人去譚仔食嘢。喺北角英皇道呢間譚仔，成日都好多人，不過好彩佢有網上訂位呢樣高科技發明，臨出發前按一下電話就book到啦，預先網上拿定飛，行到過去等一陣就入等啦 ，真方便。一場黎譚仔，梗係要點梗係要食佢出名嘅土匪雞翼，蒜泥白肉，同埋我最鍾意食嘅雞肉魚蛋十小辣米線啦。土匪雞翼佢的土匪雞翼出名色，香，名都出色，雞翼表而的 白芝麻及黑芝麻 配合之然粉嘅味道，簡直將平凡的雞翼提升到又高的層次。蒜泥白肉薄薄嘅豬肉加上非常細滑而濃香的蒜泥再加特制的微辣醬料，攪到成張枱的人都搶住食。我仲鐘意將汁加入米線入面。雞肉魚蛋十小辣米線米線一如以往咁彈牙，個湯底對於唔食得辣嘅人嚟講，有少少辣感覺都幾好，魚蛋彈牙，雞肉都好滑。食完大滿足。

其實我都中意食面，不過食譚仔通常係食清湯同鮮冬菇，因為佢一碗好多粒大冬菇，食完會好飽小食既我一定要推介既係辣油皮蛋，皮蛋加辣油呢個組合是完美呢雞翼食過麻麻⋯⋯呢間夠大，但服務真係爭少少⋯⋯

平時見譚仔好多人排隊都冇咩耐性去等。咁啱今晚收得早見到人流唔多就入左去開餐。唔好講笑，為左要刺激下味蕾，我叫左個重慶麻辣湯底配腐皮丶咸酸菜同豬膶。份量泥講就略嫌豬膶同腐皮少左啲，米缐就正常。個湯唔算好辣但麻辣味章住個嘴，點都要整杯鹹檸下緩和一下。土匪雞。可能飲左麻辣湯已經感覺唔到辣味，雞翼都幾滑但醃得偏鹹。碗米缐盛惠$44土匪雞$22而杯咸07就耍加$10

由清湯到鮮茄， 再由鮮茄到小辣， 最後到大辣， 這幾年間譚仔見證著我食辣食上癮嘅歷程， 多得過去一年成日返大陸， 仲有個食辣食到瘋狂程度嘅細妹， 今日我同細妹share一個重慶大辣竹笙米線...大辣湯底有著刺鼻的酸辣香氣， 令人精神為之一振， 豐富的香料相互配搭，產生微妙的化學作用， 形成獨特而正宗的重慶香辣湯底， 酸度恰當， 辣得刺激， 辣油份量剛好， 相信正是譚仔米線受歡迎的原因之一。不過今次譚仔體驗美中不足的地方是坐得太近入口，所以冷氣不太足夠，越食越熱，無辦法啦，午市咁多人無得揀位，但有揀的話大家識做啦😂remarks:叫左少米都無少到，結果食剩一堆米線，請譚仔支持環保...

咁岩係附近行完街又肚餓就決定自己一個去譚仔入面食碗面呢間譚仔既裝修幾靚 又有毒食位 唔洗驚同人一齊面對面食咁尷尬一坐低唔洗諗就直接嗌返碗 豬潤小辣小米加杯凍奶茶譚仔既辣真係好好食 有個種麻痺得黎又好香辣既感覺係其他食米線既地方都食唔到呢種辣每個星期都要最少黎一次譚仔食返碗而家出面食個lunch都要五十起跳既時候 譚仔碗面加杯奶茶都只係$38絕對係窮人恩物

因為黎附近開會，所以黎左呢間譚仔食下。Lunch都好full，好彩我早左少少黎，等左一陣就入得。我叫左個豬潤雞似米線。豬潤幾爽口，豬潤味都好出。雞肉連埋個3小辣湯底都幾好味。米線唔算太硬，質感幾好。

同朋友經過附近，黎左呢間譚仔食。我地兩個人，叫左個套餐酸辣，加左個辣味雞翼。酸辣味既套餐好好食，酸中帶辣，連一向唔食辣既朋友都話好味。有牛丸，墨丸，但每款得一粒，都幾彈牙。仲有生菜、雞肉、炸醬、酸菜等等。真係好抵食，但稍嫌d米線太少，兩個人唔係好夠食。辣味雞翼終於黎啦。平時食開土匪，今次專登叫辣味雞翼試試。一食落去 嘩！辣到high high。我食到第二隻都頂唔順，要叫杯凍野飲。

今晚想食米線，知道譚仔喺炮台山開咗新分店就試下啦,兩個人，一人一碗米線，再叫3碟小食，包括紅油青瓜、土匪雞翼、蒜泥白肉。紅油青瓜爽口，辣味適中唔太油。土匪雞翼肉質juicy，雞皮好香五香粉同芝麻味。蒜泥白肉，超薄切、好入味，加上面頭嘅蒜泥，口感豐富。米線入口感覺爽口，湯底唔太油。

見笑了，其實我是第一次吃譚仔雲南米線的。所以見到這家分店的裝修這麼新潮，是有眼前一亮的感覺。餐牌都好靚喔。簡單易明。我吃的是清湯米線（少米線減 $1)，我本來想不要湯的但落單的阿姐說不行，只能要少湯，另加冬菇和生菜。另外點了客紅油木耳 ($21)。本身米漿已經有些菜、芽菜和腐竹，所以也未至於太少材料。湯的份量看來比鄰桌的米線少，味道也實在沒有什麼特別，不過好就好在有得像車仔麵般任選配料。紅油木耳麻辣味足，份量也相當的多，伴以蔥花和芫茜。終於想到那個清湯的作用：把這個加到清湯米線裡不就變了麻辣米線了嗎？這兩樣東西計起來要 $51 才能出門口，不是百物騰貴是什麼？