譚仔雲南米線 (TKO Spot)

营业中

休息中

一個人食飯首選譚仔，好食得嚟又坐得自在不過其實食譚仔都要睇時候，揀平日/少人嘅時間真係最好，事因姐姐服務態度會好好多，而且廚房都會俾心機啲煮本人次次食親譚仔都會叫米腍啲，因為超唔鐘意硬/未熟嘅麵線如果多人嘅時候叫米腍啲，同無嗌係冇分別，因為佢根本冇多餘嘅時間幫你煮今次少人，叫咗碗豬潤酸辣米林D，質素好高！豬潤係粉嘅，食落啱啱熟透，仲有少少彈牙米線軟硬程度適中，加埋酸辣湯一齊食真係絕配另外叫咗份口水雞，除咗signature嘅麻辣油之外，仲有好多配料：花生，蔥，芝麻，芫茜雞翼係單骨雞翼，有6件，合返埋啫係共有3隻完整嘅雞翼雞肉同醬汁基本上係分開煮嘅，只係沾嚟食，不過已經好惹味

我剛約在08：45於尚德分店欲購外買，到了門口店內收銀處卻空無一人，職員全在出品處，等了約1分鐘才有職員發現到我，我馬上向她下單，她便即時走回收銀處內按電腦，但同時有客人到來付款，她便即時轉向替該客人收錢。請問你們的員工為何這麼沒禮貌拋下客人？這是你們管理層的指引嗎？我先到收銀處不是應該先處理我的事情嗎？剛下單的客人可以走，吃完東西要付款的客人未付款不可以走，是你們生意太好不在乎20多元的生意嗎？員工不願做已不是第一次了

第一次寫食評 因為太嬲不嬲譚仔唔係食服務 服務差都預左 呢個唔係問題 咁問題係咩呢？ 問題一：呃秤 本人叫左竹笙雞肉走韭 成碗野得一條竹笙 d雞肉一大朕銹味 問題二：衛生情況極差 隔離搭台既情侶叫左套餐 而佢碗套餐竟然有釘書釘嚮入面！！！ 仲要生晒銹！ 姐係平時嚮食肆見到小強都算 但今次真係太過份 如果人地唔小心食左落肚 或者整損左條利 破傷風點算？ 真心接受唔到lor

其實我真係好鍾意食譚仔，我覺得佢係相對健康嘅快餐，hahahaha 起碼唔係薯條漢堡包呢啲so called junk food 呀！但我發現，呢間譚仔嘅味道真係好飄忽 -- 好難捉摸呀！好似我今日明明係叫套餐中辣，但係佢同小辣好似差唔多咁，而且個湯底偏鹹，有啲失水準。不過好就係好在，佢個米線嘅軟硬適中，可以好好補救到，而且啲餸都ok啦，不過不失！都係譚仔嘅standard!雖然我今次覺得有啲失望，但唔會影響我鍾意食譚仔嘅決心！

今日同朋友黎到附近，決定食譚仔。我叫左個炸醬米線小辣。等左一陣就有原來叫單餸會多d份量，炸醬差唔多多平時成倍份量炸醬依法keep到水準。小辣辣度剛剛好。米線好彈牙。

食開譚仔嘅都應該會feel到間間譚仔都有啲唔同。尚德呢間我平時就唔鍾意嘅，嫌佢酸辣唔夠辣，腐皮又好韌。今日講時間下晝食，去之前打電話落單，去到有得即刻拎。叫咗皮蛋，竹笙酸辣米淋啲。之前食呢間堂食試過啲皮蛋壞嘅，好彩今次冇事，好彈牙，惹味。米線都不過不失啦，不過始終鍾意藍田個間多啲

一年一次腸胃炎又黎探我啦，見好返啲，叫老公買外賣返黎比我食，今日突然好想食譚仔，食過米線應該唔過份卦？今日食酸辣雞肉米線，未試過食譚仔外賣，起初仲擔心啲米線會索晒湯發漲林晒，原來譚仔好貼心，將米線同湯分開。酸辣只有少少辣，反而酸味重。酸酸地可以醒精開胃，辣味唔多對我黎講都係好事，因為辣可能會刺激個胃呢。配料方面除左我至愛既腐皮之外，仲有我欣賞既芽菜，芽菜唔係煮到林晒架，仲係硬硬地，咬落仲索索聲，好爽口！有時食米線可能主菜都無配料咁正！雞肉既肉質好滑，無乜雪/冰鮮味，不過量比較少，話晒都一個餸呀，比多幾舊都得啦！所以感覺上食丸類比較著數，丸類都有5大粒！

如果星期六日冇特別約人食飯, 好多時都會去譚仔解決午餐, 佢碗米線有少少配菜如芽菜韮菜腐皮, 加一個大大既米線, 男人食都一定夠飽.我多數叫雞絲清湯米線, 米線彈牙, 魚湯味鮮又有少少胡椒釣味, 清清地又飽肚, 31蚊就可以解決一餐.其他小食如凉拌木耳就麻辣爽口, 土匪雞翼就孜然味足, 雞肉嫩滑.

雖然平日都唔係好識分三哥定唔三哥，不過食完又好似覺得好似三哥香啲～叫左酸辣冬菇魚腐米線，酸辣冇乜味，淨係覺得好咸。冬菇就係鮮冬菇，冇咩味。仲叫左小蒜泥白肉，味道就好味既，不過份量真係少左啲，廿蚊唔抵！

以前返學食晏就成日幫襯三哥，而家屋企附近就剩係得譚仔～我一向唔好辣，只會揀清湯米線跟兩個餸，＄32相當抵食！米線：兩間鋪水準一樣，每次都煮得剛剛好～少少腍唔會韌湯底：清湯一向鮮甜，譚仔嘅入喉較順～無多餘調味～純以湯頭鮮味取勝！而三哥嘅一入口就嘗到加咗唔少調味料～確實較為惹味亦令本身鮮甜湯底更清爽不膩！個人覺得兩間鋪嘅配料無論係選擇定味道都分別不大，就不作評論啦！其實我覺得雲南米線無分邊間先係最正宗，都係各花入各眼咋！重點：土匪雞翼譚仔整得好好食～雞翼表面加咗黑芝麻＆花椒粉，好香好惹味！層皮炸得好脆身，同時入面啲肉仲好嫩滑喎！每次食都搵唔到挑剔嘅地方！唉～三哥完全追唔到譚仔嘅水準，做唔到雞翼應有嘅香口脆皮＆惹味囉=_=

將軍澳要食平真係無乜野簡，譚仔真係一個唔錯既選擇叫左魚'付'小辣$28同豬耳$23，小辣都應付到麻同辣都做到，但當然未至於要辣到噴火，又未做到麻到無味覺😆😆，但我諗如果大辣應該會好麻辣，食到無味覺咁款😂😂，所以岩岩開始食，應該簡小辣以下，咁先食到譚仔會食上隱既湯底😋😋加上碗面一黎到已經好熱，所以食果陣真係會出汗😂😂份量方面，for正常size既女仔黎講，都岩岩好，可以keep到成個下午，去到6.7:00先會肚餓番。男仔呢，我覺得5.6:00已經會肚餓架啦，所以suggest男仔叫過橋米線，啲餸多好多大約$47👍魚'付'方面，我覺得無家鄉果隻咁好食，另外佢煮得太林，所以魚味好少😕😕豬耳方面，真係必叫，個醬汁好好味，辣中帶咸，所以食唔到太辣既人，都可以挑戰豬耳，感覺一定好刺激同野味👍👍👍，份量都ok，2個人食岩岩好👍👍，小貼士:叫豬耳時，叫埋要多汁多醬，咁就真係好好食，yummy😍😍😍😍整體黎講$30有碗好味湯底既面，而且份量中等，環境唔係太差，所以將軍澳平價之選真係譚仔😄😄

星期日放假唔想煮, 決定出街食, 以前好難想像譚仔會入商場, 好難相信宜家周圍都有分店。之前去過寶林果間排隊排到傻左, 但呢度晚飯時間都唔洗排, 有點不妙的感覺。我地照常叫左個米線套餐加兩個小食。上左個尖椒皮蛋, 辣辣地麻麻地, 好惹味, 不過食完好口渴, 即刻叫左杯凍奶茶, 杯凍奶茶就好一般啦, 茶味太濃, 同埋有d怪, 當然原本對呢度d飲品都無咩期望然後上個米線套餐, 酸辣湯底. 一來到見到上面好多“泡”已經覺得好奇怪, 不過都係試下食, 飲啖湯就知賴野, 完全係苦到不行, 個味道超級奇怪, 從未係任何其他分店食過呢個味道, 我懷疑係豬潤的苦味, 即刻叫阿姐換左佢, 唔夠薑再試酸辣, 叫佢轉麻辣, 一如既往甘多料, 湯底味道都正常…雖然阿姐態度麻麻, 好似覺得我地昆佢最後上個土匪雞翼, 燒得個皮好脆, 好惹味, 三隻真係唔夠喉雖然其他兩個小食都正常, 但個苦湯底實在令我怕怕, 唔知食左d咩, 應該唔會再來食 T.T

一行二人來到譚仔例牌食佢既過橋米線套餐啦仲初嚐左麻辣豬耳一碟豬耳都有好多件（$23）兩三個人share都仲得這味小食個人認為比雞翼好～味道好香，入口爽脆帶微辣，過後還有種麻香在口中圍繞不過平時見到啲豬耳係一條條架，但譚仔既豬耳卻係圓形，點解呢？！仲記得以前套餐係好大碗，好多餸以加唔止價錢加左，餸同米線又少左啲腩肉牛肉以前有5-6塊，以加得果2-3塊真係揾笨，兩個人食真係唔多夠

呢排天氣忽冷忽熱凍冰冰既時候當然要嘆返碗熱辣辣既米線啦所以今朝11：00即刻衝左落去譚仔由於今日係平日加上時間尚早，所以唔洗等位今次叫左魚腐三小辣（走韭莱）不經不覺譚仔又加左價啦今次碗米線較彈牙不過個人喜歡較軟身既米線魚腐其實由咩製成我不太清楚(不過我估係豆腐加魚肉），佢既味道適中，比魚蛋腍身，好適合小朋友同老人家食～其