譚仔雲南米線 (南豐廣場)

营业中

休息中

洞爺諗住快少少去譚仔買個麵食咗佢就算 , 點知一踏入門口 就係惡夢嘅開始。 所有嘢用一個字嚟形容就係慢 ， 無論係落單或者係送餐都極級地慢， 完全唔理你喺出面企一小時都好, 本身已經好肚餓又趕時間 , 仲要等佢啲嘢等到天荒地老,外賣速度真的很糟糕! 我足足等左半小時也未有上，但遲點餐堂食既人就已經上埋食埋走左但係都未有外賣! 明顯佢哋係想梳到堂食嘅人流， 做多幾枱生意， 外賣嗰啲人就完全唔理! 簡直係離曬譜! 一肚火以後都唔會嚟呢間!食物不新鮮, 牛丸不彈牙, 份量都比以前少了很多, 特別是火腿只有1塊!

一到假日要排隊等位就覺得煩諗起附近有間米線等位又快, 食物質數又唔差, 於是就決定來一客米線.今日和朋友點了過橋米線套餐, 貪大大碗兼且有十多樣配菜, 材料豐富, 細食的朋友足夠二人share我地點左個清湯底, 味精不算太濃. 整體上來說, 五十幾元, 材料十足, 要求不高, 今時今日算不錯選擇了!

譚仔係我耐吾耐就會去食一次的米線，吾食得辣的我貪佢有清湯底選擇，又有得叫套餐，樣樣料都有一D，包括白肉，牛丸，魚蛋，豆卜，豬膶，雞肉，竹笙，牛肉樣樣有，一大碗好滿足，兩個人叫一碗剛剛好！不過缺點係每次食完都會好口渴

老實講譚仔個辣湯底得個辣同味精味，食得多好快厭，但會吸引我再食係啲小食！麻辣豬肚個麻辣汁好食到想打包返屋企拌青瓜添呀！蒜泥白肉超正，但食完成口蒜味久久不散土匪雞翼好香醃得好夠味！出色嘅小食都係我揀譚仔唔揀三哥嘅原因

Big fan of this brand. All the branches across Hong Kong are quite impressive. However, my fiance and I ate there the other night. I ordered Pig Ear and after two minutes of eating it, I heard an audible gasp from the patrons sitting next to us. To my dismay, I witnessed a live baby cockroach that had crawled out from under the pig's ear. twitching its little antennas at me. Upon this discovery, I showed it to the waiter. She didn't even apologize or pretend like it's a big deal how there's frig

諗住太耐無食譚仔先食下。。其實平日晚市呢間都唔多人，即刻有位。叫左一個餸，魚片頭，有六塊，永遠都係叫一個餸既份量會多啲。呢個好食小辣，其實都係好普通既辣味。。好水既感覺。之後講米線，膠到不得了，完全係食緊膠米線，佢唔係未煮熟既感覺，亦唔係硬，依係你完全唔知自己食緊啲咩粉🙄結果食左三啖無再食，只係食曬啲餸我唔知係呢間分店問題定點，但即使以後想食米線都唔會去譚仔！！！！仲送呢啲優惠券....自行決定有無用啦🤢

鮮茄湯底+牛肉+米線~鮮茄做湯底，碗內佈滿紅紅蕃茄，蕃茄用料十足，味道微酸，非常醒胃; 牛肉也不錯，爽爽滑滑的。配菜有腐竹、九菜、芽菜，整體材料配搭不錯，有菜有肉。而且湯底更可作湯飲用，可省卻飲品！豬肝米線~豬肝表層鋪滿顆粒，一口咬下，口腔內滿是豬肝粉粒，幼滑爽軟，沒有半點腥味。而豬肝份量很多，喜歡吃豬肝的不防一試。牛丸炸醬米線~牛丸彈牙，不錯。炸醬帶少少辣少少甜，油份比重佔得不多，肉粒幼細，炸醬汁不會令人感到油膩 。將炸醬汁料淋在清淡無味米線上，吊出濃郁肉香味，每吃一啖，味蕾感受是豐富的。

如果我說TAM’s EXPRESS，可能大家都要用少少時間去想想是什麼餐廳，但其實就是譚仔雲南米線而已。這間有霸氣的譚仔雲南米線就在坑口南豐廣場地面，究竟會不會比其他分店更好吃呢？餐牌都是一樣的。和另一半食，最好的就是點個過橋米線套餐（3小辣），可以share 來食。另外再點多個大土匪雞翼（5隻）和一份麻辣豬耳，一杯凍檸茶，那就夠兩人份量了。其他的不多說，因為都是正常譚仔味道，但是過橋米線就一定要提及一下。我們點了三小辣，正常對我來說，應該說頗為辣的。但是我飲一口湯的時候，竟然覺得沒有什麼辣味，絕對比其他分店的淡很多，至少我和另一半的感覺是一樣，食譚仔來說算是十分失望。

如果係譚仔迷應該唔駛講都知道有分黃碗同黑碗2間唔同嘅譚仔，2間譚仔分別各有粉絲。對於我呢個米線控黎講，只要就腳就邊間都無所謂難得入坑口，聚會後要醫肚，見到呢間係坑口地鐵站附近的譚仔，又未關門，就緊係食喇因爲屋企附近無黃碗呢間，我已經成年無食喇！呢間譚仔都好大好多位係時候尋回返譚仔嘅味道牛丸炸醬湖南酸辣米線湖南酸辣夠酸夠辣牛丸大大粒呢間炸醬好大碗炸醬面唔會太多油豬潤湖南酸辣米線豆卜清湯米線雖然係一餸米線餸嘅份量鋪滿碗面，好抵食豬潤熟度剛好，不會硬豆卜吸哂湯底味，如配有辣度的湯會更正

屋企人全家都要返工，放左工再要係屋企煮飯，有時都真心幾有心無力，出得去食，又預左唔方平得去方。譚仔雲南米線係我口食中嘅窮人恩物，時關我同媽媽食量都唔大，需無論食一個麵又好，共享一個麵又好，譚仔對我地嘅銀包麵唔會做成重創。呢間譚仔都幾寬落，我地早去，所以未滿。我同我媽食譚仔時，最鐘意就係一齊share 一個過橋米線（$56），事關大部分餸都岩我地食魚蛋、墨丸、雞肉、豬潤、生菜、豆卜、芽菜呢d我地都鐘意食。而且配佢個肉醬同酸菜又唔洗額外加錢。湯頭、米線同餸各樣都做得唔錯，抵你分店開咁多。我同媽媽兩個人食都有食剩，兩個人除開都係$27，晚市去邊到搵。

試過多次堂食，送餐速度正常，雞翼是熱的。可是今次叫外賣，我站著等了30分鐘！我問職員是否漏單，她笑著就未有單！！！！然後她說是土匪雞翼遲左，但明明雞翼就一早整好，就在我們眼前的桌面！員工講大話！我地等左足足30分鐘先有野食！垃圾食肆！輕視外賣order! 我同屋企人以後都唔會幫襯！垃圾！

天氣轉冷，唔想打邊爐，又想食完飽肚又暖，食碗三小辣米缐都唔錯！麻辣湯底嗆口麻辣，三小辣岩我，湯底熱辣味香，米缐份量夠食，口感爽硬！豬肉量對眼！另外終於食到麻辣生腸，份量比想像中細碟，生腸爽脆，但無味道可言，只靠醬汁比味，頗失望！

收工肚餓搵野食，諗唔到食乜，經過譚仔就決定食譚仔啦反正好耐冇食。冇食一排，原來而家有蕃茄湯，仲可以加麻辣，兩樣我都鍾意食，決定一試。叫左個魚腐腩肉蕃茄五小辣。一打開已經聞到好香既麻辣加蕃茄味，再飲啖湯，酸中帶麻辣好開胃 。平時食腩肉會覺得有啲油，今次蕃茄湯帶啲甜酸味，緩和左油味。以後蕃茄麻辣一定係首選！

其實一開始對譚仔真係冇乜大興趣佢原本嘅酸辣同麻辣都唔係我杯茶^_^直至佢出左呢個重慶酸辣！我就真真正正成為咗佢嘅粉絲一諗唔到食咩就去食譚仔重3小魚片頭米線配凍啡小冰真係唔使睇餐牌都叫得出啊譚仔嘅重慶酸辣真係會食上癮架！

本人本身不太喜歡辣， 但自從接觸譚仔雲南米線之後， 竟然開始食上癮...我本身食量大所以同朋友share 50蚊大大碗嘅過橋米線， 今次唔係第一次幫襯， 但每次見到咁多餸同咁鮮色嘅湯底， 唔知點解都好有驚喜同滿足感。 米線上嘅送多到數唔曬， 首先有最基本嘅芽菜 腐竹 韭菜， 跟住就有豬肉片， 豬潤， 雞肉絲 ，豆腐卜， 火腿等等， 咁多餸浸喺香噴噴嘅重慶湯底之中， 吸收曬四川風味精華， 食完成碗不但好飽， 仲好有衝動將個湯底帶返屋企煮麵😂 我諗我會無限loop 譚仔雲南米線嘅啲款米線😎