譚仔雲南米線 (將軍澳廣場)

营业中

休息中

食咗個過橋米線，好大碗，啲餸都好多，所以都要呢個價錢無所謂啦。啲麻辣唔錯，真係做到舌頭有麻痹嘅感覺。最差係個土匪雞翼，外面燶，裏面生，生到有血，唔知係咪佢出名嘅特色呢。

平日我超過兩個朋友聚會就多數會選擇一些有特色的餐廳，因為一個人都可以食的餐廳，自己一個去食都可以。但今次我和朋友三人選擇了這個，點解？因為大家都唔係太肚餓和將軍澳在星期天真係很難等位，四周都充滿人龍，那簡簡單單就算數啦！三人在譚仔，可以有咩選擇？原來都可以好滿足：這個米線，一個人又太大，三個人分就剛剛好。咩都有，你喜歡什麼和朋友夾一夾，大家各自滿足。這個皮蛋很有賣相，其實味道就唔係太出。很難令人有一試再試的感覺，不過譚仔選擇少，朋友對皮蛋又情有獨鍾，所以好唔好食，其實都會點選。最後還點了一個香草雞翼，那款雞翼唔太入味，都係土匪雞翼最好。這餐三個人食剛剛好，清曬桌上所有東西，其實朋友聚會可以好簡單。P.S這間餐廳服務方面，其實可以更好，姐姐落單時已經出錯，公司的最新資訊，又好似唔知，雖然我都明白，忙中有錯在所難免。

以前細個呀媽買既豬耳係街市個d, 一條條直直的。係鹵水既味道。無諗過去譚仔食既咁唔同。一圈一圈好易食之餘仲好脆好爽。用左麻辣調味令入口後好有辣既快感！加埋莞茜同芝麻既味道，係刺激味蕾既新食法

一個人，平平地，又想食辣，就去咗譚仔食個平靚正嘅米線。叫咗一碗牛丸，魚蛋重慶中辣，小米線。因為實在大碗，唔想浪費。佢嘅牛丸好爽，有少少牛根係中間，好好味，魚蛋還可以，有時會淋d，有時會硬身d。其實我覺得每間辣度有少少唔同，所以食開邊間就去返邊間食。

去譚仔食野, 除左米線, 就係呢碟豬耳啦!豬耳冷凍後切片，口感柔韌又爽脆, 重有好正既膠質, 真係好好味~最正係個麻辣醬, 除左麻辣之外, 好似有d花椒、八角味, 都幾有層次, 同埋又唔係好辣, 必吃!米線方面, 其實又唔係特別好味, d配料都唔平, 不過鬼叫有人鍾意吃, 唯有陪食lor...

相信鍾意食米線既人, 應該都會試過譚仔, 幫襯左佢都有好長日子, 依加已經分店愈開愈多, 每區都梗有一間係左近放工諗唔到食咩就會多數去食譚仔, 食物配搭任你選, 又有多種小食每碗米線都配以少量芽菜及腐皮, 鍾意佢既魚旦, 爽口夠彈牙, 一碗共有6粒, 抵食到爆, 配埋至愛既麻辣湯底, 正呀!友人鍾意佢既豆卜, 加埋甜甜地又辣辣地既炸醬配口感適中既米線, 就算清湯底都非常惹味黎得譚仔, 當然唔少得差唔多每枱必叫既香草鷄翼(皮香肉嫩)及紅油青瓜(醬汁唔太辣), 一啖一舊, 夠爽!加埋兩杯凍飲, 今餐二人都只需百零蚊, 味道可口又夠飽, 不枉我幫襯多年!!

近將中大翻身, 引入不少食店。其中一家是譚仔雲南米線，俗稱譚仔，是香港連鎖米線店，以賣雲南麻辣米線聞名。但是，因家庭不和，現時分成兩家打理，一家叫譚仔雲南米線，另一家叫譚仔（三哥）雲南米線。直到現在譚仔米線已經發展成為有十幾家分店遍佈港九新界，是近幾年迅速堀起的本地薑。Menu 簡單易明。以為價錢各分店都一樣, 參照6月頭到旺角朗晴坊的分店寫下的食評, 竟然將軍澳的譚仔比旺角店貴$2, 真的有些意外!　新店環境舒適, 裝潢充滿時代感. 可是店員帶位有些混亂, 店內空位幾多但是店員依然要求客人搭檯. 多華麗的裝潢, 有這些趕客的店員, 真的倒霉.墨魚丸米線$30面上放滿大量芽菜，湯內有些菲菜及腐竹。有足夠的菜，夠健康！鮮腐竹滑溜, 味道不錯。墨魚丸彈牙，有墨魚粒幾有口感。墨魚丸有六粒, 比坊間麵店多。湯底濃味，但不是清甜，偏咸而且有味精。

今晚做完FACIAL (首次試做特價又堅決唔買PLAN),出到來好肚餓!打算在將軍澳廣場內的餐廳, 外賣返家, 邊食邊收看”武則天”但又唔想食得太油膩, 見到”譚仔”.點左個清湯米線配肉醬 HKD 29 + 外賣加HKD 1, 合共HKD 30等左10分鐘左右, 終於到手了.急步返家享用吧!回家打開黃色膠袋後, 原來粉線及湯底是分開盛載.這就不會浸到米線發脹呢, 膠碗設計有心思喎!肉醬則以膠袋包好, 没有穿漏.把己放涼米線放入還是熱燙燙的清湯內, 攪一攪,再舀一匙肉醬, 夾一箸米線,粉紅色的肉醬少少鹹又少少辣, 撈米線一流.但米線可能煮的時間短, 有少少硬(彈性較弱), 要咀嚼多几次.再望著電視中的冰冰”武則天”, 慢慢嘆!HKD30, 咁又攪掂一餐了!