譚仔雲南米線 (已結業)

今次試左豬皮豬軟骨花椒重慶酸辣湯米線～～豬皮唔係好似平時食車仔面咁切到大大塊，都唔係清湯老水或者咖喱汁煮，而係用麻辣汁，好野味好特別，食完一條好想再食一條。而豬軟骨就好淋滑，甜甜地，雖然冇咩特別，但食落口有家的感覺，味道上好和諧。湯底係酸辣加花椒就辣得好過癮！！

第一次嬲到要上嚟打食評，已經唔係第一次喺呢間譚仔叫外賣，但係十次有九次都係外賣出事，去到未有得拎等下都冇咩問題，等得耐都算。。但如果冇check清楚先離開，真係次次都會俾錯嘢🙄湯底錯，小食錯，野飲冇俾。已經唔係第一次有呢個情況，因為喺其他分店都從未試過俾漏嘢，麻煩正視一下呢個問題。

以前有聽過芝士撈丁,但係未聽過芝士撈米線,所以懷住好奇心嘗試鮑魚芝士撈米線,幾有驚喜喎,原來芝士同米線可以咁match, 啖啖芝士味配上爽滑米線,越食越起勁,鮑魚味道正常發揮,至少對得住個價錢,呢次絕對係一個新奇嘅體驗

我去屯門華都譚仔之前，打算係中環食咗先，可惜中環分店超多人，有位坐都好逼，郁都冇得郁，雖然有透明板阻隔，但要面對一個陌生人食野感覺好差，最後我係有位坐，但環境令我享受唔到午餐、碗米線，所以離開咗餐廳。衛生情況良好，員工擺放筷子時不是直接放在枱面上。雞肉魚腐蕃茄湯米線：配菜、餸和米線份量屬於一般正常，魚腐都有5舊，米線軟硬適中，有咬口；熱菜蜜：菜蜜味道都幾濃郁，不過就份量少咗啲，飲4口就冇咗啦。而且我完全冇用過膠匙羹攪拌，好浪費好唔環保。覺得如果真係需要攪拌，建議用木棒。

素食真係愈來愈普及，連譚仔都有餸食素食嘅選擇！今日两點先得閒食午餐，周圍連鎖快餐店都轉囇下午茶，鐘意食粉麵飯嘅我就過嚟譚仔食個Lunch. 點左個新豬肉素餃子米線餐同埋一杯熱飲，盛惠$51. 呢個湯底味道都幾濃郁，落左幾多蟲草花，不過美中不足系個湯真心咸。飲左好水都無辦法中和！希望可以改善下！個素餃子味道幾唔錯，又幾新鮮，無果啲雪味，同埋都俾幾多隻下，加埋米線，食完都幾飽，幾滿足！好欣賞佢哋特登整個素食餐，令到食素嘅人多啲選擇！

我覺得呢間既份量特別少，無論係面，芽菜，同腐皮都係少過其他譚仔。出面食最少都有2~3塊腐皮，呢度得1~2塊，好細既，芽菜又少，九菜更加唔洗講，好似無咁。而且唔係個別事件，食過起碼5次

咁岩去華都有啲野要買突然想食米線 撞正雲南米線星期二休息就去左譚仔食個快lunch.閒日唔使等位 仲有卡位坐呢啲日子食最舒服唔使同人迫枱面座位都算乾淨但係人手唔夠 落單等得比較耐叫左姐姐幾分鐘先有人行過黎.見到出左新米線 不過興趣不大因為我唔太鍾意食魚.大土匪雞翼呢個真係必叫小食調味係屈機既外皮香脆 肉質嫩滑juicy不過雞翼size比之前縮左水.墨魚春卷炸醬麻辣湯米線 大辣春卷好食彈牙 份量都夠食只係個湯辣到有啲苦 扣左啲分

來到譚仔都係食米線架啦，揀餸（雞牛豬肉，豆POP，魚腐，竹笙，炸醬），揀辣（麻辣，酸辣，大中小辣），但係這間譚仔既湯底就真係麻麻地啦，湯底淡不在話下，仲有辣度都唔係好夠，我UPLOAD左既相片見到，個湯底係白色似足清湯紅都唔紅色，但係我叫左既係2小辣。唔好以為我未攪勻D湯呀，我已經係個底摷左幾下，都係一D麻辣既顏色都冇架。本身以為譚仔都係連鎖店，所以質素唔會相差太多，點知呢間真係令我幾失望下。不過除左個湯底之外，其他野都正常發揮既。

今日早放工，去咗譚仔食個late lunch。譚仔算係數一數二空間闊落嘅米線舖，坐得舒服，環境又光猛。我叫咗重慶酸辣米線，小辣，加竹笙。因為想健康啲，又想減肥，所以加$3轉咗芽菜底。我好鍾意轉菜底哩個idea，可以過口癮之如又可以比較健康，正！譚仔質素一向穩定，佢哋嘅湯底或米線唔算特別好食，湯底略嫌欠層次，亦可以話係比較清嘅，但一個月裡面總有一兩日想食吓。我每次嚟都只會叫重慶酸辣，味道相對較濃郁同惹味，加上竹笙哩個配料，吸收晒湯底裡面嘅精華（同脂肪），大滿足！雖然食完只有8成飽，不過，咁咪仲健康💪🏽，不是嗎？

炎熱天氣，無胃口食飯囉😀 不如去「譚仔雲南米線」很久不見了屯門華都花園商場分店，環境都幾好啦時間尚早，客人不算多，職員安排了小小座位，座得舒服米線自由配、風味小吃、素、寬麵、、價錢 $35/ $36 ….湯底： 酸辣、麻辣、番茄🍅、清湯 … 等等選擇了清湯，奶白色，味道不錯雞肉尚算嫩嫩，豬膶薄薄片片，容易食米線份量多，爽滑附有少量韮菜、芽菜、腐皮熱水一杯 😊

今次見到濃汁豬軟骨寬麵配花椒重慶酸辣湯 ，所以就想試下。豬軟骨有三大塊，好腍，唔會好難入口，同埋有幾塊豆卜所以可以好好吸到湯底嘅味道。話說我張單係寫住寬麵但係居然俾咗米線我，希望下次有機會可以試吓個寬麵。對我來說個湯同一般重慶酸辣冇咩分別，唔係好食到個花椒味，同埋唔覺佢好濃，好似一般嘅米線咁樣。但覺得個份量好似比之前少咗啲啲，唔似以前食完覺得非常飽。不過，我覺得可以嘗試一下新嘢，可能會有新嘅體驗👍🏿

平時都會去食米線，今次說去這間譚仔。通常食米線都係不想等位，可快食。這間譚仔正好，不用等位，可以直接入去就有位。入到去，差唔多有七八成滿座，環境好大，座位亦都舒適，唔會太迫。服務員亦有禮貌，落單快捷， 有推介小食。上菜時間快，唔係等咗好米線就嚟。想食辣但係又唔可以食得太辣，所以今次叫咗個十小辣米線，小小辣味，辣味適中。曾經係另一間米線舖，叫過十小辣，好辣的，辣到食唔到。配料叫咗三餸，味道唔錯，一如以往米線亦都充足，可以食飽。平時諗唔到可以食啲乜嘢，譚仔米線譚仔是一個唔錯的選擇。

疫情關係，夜晚無得再外出堂食，今晚叫咗譚仔外賣，咁耐以嚟都真係第一次（平日夜晚通常自己煮飯多，好少叫外賣）。今次叫返我嘅至愛—重慶酸辣小辣竹笙小米線，一個字—！湯底又酸又辣又濃郁又熱辣辣，凍天食真係一大享受，食嘅時候好滿足好舒服好減壓。竹笙真係食辣米線嘅最好朋友，除咗本身營養價值高，最重要係佢鎖住同吸晒辣湯嘅精華，一啖啖咬落去又爽口又多汁。下次，我想試吓米線轉芽菜，好似好健康咁。又係食到尾聲先記得影相。我老公叫咗麻辣炸醬米線，譚仔嘅炸醬唔使多講，大家都知好好食

本人從來都唔係譚仔粉絲，總覺得譚仔湯底好乏味同無層次，不過間唔中口㾗又會想食吓，大概係因為佢個湯底好清唔油膩嘅關係吧⋯哈好矛盾聖誕夜，同老公嚟咗哩度撐枱腳，叫咗一碗小辣泡椒酸菜魚湯底竹笙米線，湯底麻麻哋，食唔到泡椒或魚湯味，不過辣味OK。酸菜味道唔錯，不過份量可以多少少。竹笙係我嘅至愛，吸收咗啲湯汁再一口咬落去嘅感覺好正！整體來說，還算不錯，但下次會叫返重慶酸辣湯底。老公叫咗二小辣麻辣肉醬米線，譚仔嘅肉醬亦係我嘅至愛，甜甜哋好開胃。哩間譚仔好大，坐得唔迫，環境唔錯。

落雨天，一個人去試試最新推出嘅麻辣肉醬雞扒米線。當日晏就照舊好多人食，所以要等4到5個字。呢度要改善一下，餐廳應該係午市時間預返多啲人手去準備，唔係真係幾影響到食客既心情。講返食物方面，個份量適中，唔算多唔算少。肉醬有啲偏咸但同米缐撈埋一齊食都ok。雞扒算林，唔會好硬，但有啲少，得兩三舊⋯⋯酸菜都夠酸，唔錯既。但總括來說呢個新菜式算重口味😳，對淡口味既人就未必太岩啦但都覺得可以試一試。大食既人要留意返，可能會唔夠食😂