譚仔雲南米線 (已結業)

一直鍾意食米線，唔同辣度又可以加配料，自己有話事權。今天點了酸辣米線，又加了豆卜、墨魚丸，一大碗的米線很吸引，喝一口湯底感覺侵入心肺，好正，好夠味，最要命的是土匪雞翼，實在入味到極致，上面的孜然粉又香又好吃，喜歡極了！

譚仔和X哥，我總是忠誠地投靠前者。尤其喜愛麻辣汁皮蛋，皮蛋排列有致，外面結實有咬口，內裡有些少流心，令人一試再試！最近和朋友去，居然有口水汁的選擇，口水汁比原味更香，配上花生皈芫茜更有層次，不俗！下次要試第三種口味！

呢間譚仔都幾大，12點黎到都唔算多人。平時食譚仔通常都係食麻辣，今次試佢既蕃茄湯底，加$2。叫左牛肉墨魚丸，少米線。少米線係可以平$1既，對我黎講，都唔算少，都食唔晒。兩餸加埋$41。蕃茄湯底雖然蕃膏味濃，但食完都唔會好口渴，都幾好味，米線面仲有蕃茄粒添。譚仔既牛肉，墨丸又係冇得輸，牛肉一d都唔韌，雖然牛味唔重，但配埋蕃茄味，都好好食。墨丸彈牙，大粒，有咬口，有墨魚味，兩餸係有四粒架。第一次飲譚仔既豆腐，佢係樽裝既，$9，飲唔晒仲可以拎走添。味道有啖啖既黃豆味，偏甜，但入口都幾滑，豆漿黎講，佢算係好好好好飲。值得一提係，佢真係譚仔出架，元朗製造。

又又又來吃米線了⋯這次試試離家比較近的譚仔雲南米線，和譚仔三哥不同，這裡裝米線的碗是黃色的，裝修風格也不一樣，口味也自然有所不同啦。上一次點成了普通酸辣，看上去清湯寡水的，但是意外的也還不錯。但是我個人還是更喜歡重慶酸辣，雖說可以選辣度，但是最小也要三小辣，非常不能吃辣的朋友還是要考慮一下的。譚仔雲南的重慶酸辣似乎比三哥酸辣更香一點，過橋米線的配料和份量兩家都是差不多的，只是湯底有些許不同而已。但是說起配菜，譚仔雲南米線的尖椒皮蛋更勝一籌了，更香更辣，個人比較喜歡這一款的。

門口睇落好細間，以為得門口果幾張枱，原來轉個圈就見到好多枱，好大地方。不過唔係坐卡位，就覺得有啲迫。有好多譚仔姐姐不斷用車仔推出推入，感覺更迫，亦都趁佢地經過，問佢地攞餐牌，前後問左四次，先有餐牌睇。除左攞餐牌四次之外，連落單都要嗌幾次，不停叫我等陣，但轉頭又冇左回事。叫左兩碗米線，再加多兩個小食。5分鐘小食到左，呢個時候亦都多左人入黎食野。我同老公食哂啲小食，等左四個字，兩碗米線重係未到，而且隔離枱遲過我入既都到左野食，甘就同譚仔姐姐講。總共等左六個字，兩碗米線終於到左。啲米線好少，餸就正常譚仔姐姐可能好忙，黑口黑面吾怪既，起碼態度都ok。

以前成日幫襯新墟雅都間譚仔, 我諗都有6年時間, 華都呢間譚仔係由新墟搬過去, d譚仔姐姐熟口熟面, 好親切。今晚叫左一碗過橋米線, 一碟蒜泥白肉, 一碟九菜。過橋米線份量夠兩個人食, 過橋勝在多餸, 唔駛咁悶, 除清湯外, 其他湯底都要加錢,特別鐘情重慶酸辣湯底, 味道多層次, 麻酸辣每個層次都食到, 近期更加會要求米線淋d, 感覺米線會更滑同吸到湯味。蒜泥白肉, 蒜泥夠細, 好 creamy, 包住白肉一齊食好正, 入口溶化。白肉夠薄又夠肥, 層次分明, 賣相相當吸引。不過要預左食完好大口氣, 同人傾計要小心。突然想食多d菜, 叫左一碟九菜, 配蠔油, 可惜今晚個九菜有d 失色, 好老, 當食多d纖維啦。另外要讚呢間分店既譚仔姐姐, 服務very good, 因為我裝左譚仔app 儲印花, 見我barcode 掃唔到即刻印過張比我, 又問候食得飽唔飽。

此店應該是之前由新墟那間搬過來，因為認得好幾位譚仔姐姐呢，不過位子頗為隱蔽，沒留意會直行直過；最近以為沒太多位，但原來內裡很大，而且絕大部分是卡位，很寬落呢～譚仔姐姐依然很有禮貌點到以下：大土匪雞翼 - 不夠熱，如夠熱會更好腩肉米線 - 配菜很多，腩肉份量好像比新墟店少，米線感覺上好像轉了，口感不同了腩肉豬潤米線 - 豬潤份量不會過少，而且也沒煮得過火凍檸茶 - 味道淡了點整體此店坐得舒服，因為屯門市中心太少粉麵店，所以會再encore的

今朝同爸爸去左睇早場，睇完都差唔多一點，而我又約左人三點鐘，見仲有時間，就諗住去食個譚仔先再出去～聽我妹講，華都個邊開左間新譚仔，咁就去果邊試下啦位置係百佳同手作之店中間，睇個門口好似好細咁，但一入去轉個彎先發現個空間幾大喎！我背住個廚房坐，發現入面勁多姐姐，好忙好忙但唔知係咪因為今日星期六呢？好多客？我留意到負責樓面既姐姐都無咩表情，仲好惡添，仲要有個姐姐係個洗野既窗口位罵入面負責洗碗啲姐姐，惡（定其實係大聲？）到我果邊區域既客全部都望住佢😰 嗯..... 有少少戰戰兢兢咁舉手叫左個姐姐黎落單，好彩除左無乜表情外姐姐都無罵我😭 不過我見到隔離枱既婆婆叫左三次姐姐（三次姐姐都非同一人）畀兩杯熱水佢但姐姐們都無理佢，婆婆個表情都有啲嬲嬲豬啦乍醬中辣等左一陣個麵終於到，久違地係堂食時叫左碗乍醬，無諗過...而家一個餸份量既乍醬，會少過以前三分之一左右（葵廣果間分店無份量少左既問題），但價錢仲要比以前貴左7蚊😭（好啦，如果26蚊係好耐歷史既價錢，咁我食過其他分店都係29蚊碗啫🤷🏼‍♀️）。 咁其實佢加價既幅度都唔細喎！ 不過味道係以前食開既乍醬，好食👍🏼因為而家食過好多間乍醬，味道已經同以前大

事發係我打電話叫外買，到我拎得外買要等23分鐘，我行過去櫃面問過一次，點解有d遲過我叫都扲得，櫃面阿姐話蕃茄湯底，ok我等，當時係等左15分鐘左右，之後再等多7分鐘，我真係忍唔住要再行過去櫃面問下阿姐，一行埋去，我話姐姐入面係唔係煲緊蕃茄湯，如果仲煲緊我唔要啦，阿姐即刻叫咪，26號外買得未追追佢，之後先有人覆，而家岀緊黎，足足等左23分鐘，先整到一個蕃茄湯雞肉米線🤦🏻‍♂️,希望店員會見到呢個信息，改進一下