譚仔雲南米線 (Mikiki)

营业中

休息中

放假又叫外賣 不過今次放工經過 於是就自己外賣自取拎番屋企慢慢食 食譚仔我每次來來去去都係叫個幾款餸 雞肉一定唔少得 因為譚仔雞肉一啲都唔鞋 唔會好似其他舖頭咁好un 所以每一次都會叫 冬菇雞肉湖南酸辣米線這個配搭係我的最愛 冬菇有四舊 湘南酸辣就適合我呢啲唔食得辣 但係有少少微辣 👍🏻牛肉雞肉酸辣米線友人每一次都係酸辣米線 我見到個湯底咁紅都有點怕怕😩 但友人話好好笑 一路食一路留鼻水😂而家有優惠 叫所有米線可以加$2叫一人小食 有皮蛋 豬耳 木耳 青瓜 我地今次叫左兩款小食 皮蛋 $2雖然係一人小食但份量一啲都唔少 👍🏻豬耳 $2不過外賣自取無折 如果有八折九折 相信會令人叫多啲 更加多人食

相信香港人對譚仔一啲都唔陌生，每個地區總有一兩間係你左右。兩間譚仔各有支持者，而我對兩間譚仔感覺也差不多。不過地區唔同，味道都有唔同。由於我個朋友極愛譚仔，每一次聚會佢都提議食譚仔。我就不太好辣，所以次次只會叫清湯或者糊辣。今日難得朋友請客，打算叫一個餸，但朋友係咁叫我叫三個餸，於是我叫左雞肉、魚蛋、生菜再加蕃茄湯底。蕃茄湯底加$2蚊，原來蕃茄湯底係有新鮮蕃茄，唔駛五分鐘已經食完，簡簡單單咁又一餐晚餐～

話說呢排都好忙無乜機會自己去食下譚仔，今日一去高發現有驚喜，我之前都會中意點麻辣豬耳食，今次黎見到有麻辣豬肚絲🤤🤤🤤我當然即刻點左一份麻辣豬肚絲，之後仲有豬膶米線麻辣5少，我不嬲中意”米爽”:姐係米線爽啲咁嘅意思😂😂，食辣野當然要叫一杯凍檸茶少甜🤣🤣。譚仔嘅豬膶係不嬲有少準，因為佢唔會”鞋”，佢食落好爽口，同麻辣湯高最match 😍😍麻辣豬肚絲同豬耳比無咁爽口，不過味道高比豬耳濃郁一啲😋😋😋

過橋米線來歷眾說紛紜，坊間較多傳說，是賢淑妻子為寒窗苦讀的丈夫備餐而運用思，將老雞以砂鍋熬煮為湯，食用時才加入米線及各式配料。由於砂鍋存熱，而肉面又有一層雞油脂膜覆蓋，阻斷熱氣流失，到食時再加入米線和配料，湯鮮而熱，米線和配料又不至浸得爛熟。賢妻送餐都要走過一度橋，過橋米線因而得名。最後丈夫科場得意，過橋米線食法因而廣傳。不論真實與否，故事動人。傳統過橋米線有三個特要點：一、高湯要夠鮮，料要用足，火候要夠。肉料、米線都靠高湯提鮮。二、湯要夠油水，否則不易保持熱度。過橋米線湯、肉、配料必定分開上，食用時先放肉料揚開灼熟，再加入其它配料，米線最後入湯。吃米線時更會在湯面浮油先游一圈，令米線更滑更香。三、肉料改刀成薄片，一定要夠薄，否則入湯難熟。雖然譚仔的過橋米線套餐，並沒傳統過橋米線的特質，但一碗五十多元的米線，17種餸料，10葷7素，5款湯底可選，9種辣度可調，不少人更是二人共享，可謂既實惠又飽足。譚仔10葷7素餸料，10葷分別有魚蛋、牛丸、墨丸、豬膶、牛肉、雞肉、豬肉、腩肉、火腿、炸醬，7素酸菜、竹笙、芽菜、韭菜、腐皮、生菜、豆卜。今次點了三小辣，再配一杯檸樂，大快朵耳。

今次叫左一碗豬潤雞肉米線酸辣。這一間的米線煮得較腍，芽菜的份量很多liked。豬潤煮太耐，有點過熟，雞肉就煮得剛好。另外，譚仔的涷奶茶不錯，個人覺得比市面很多過甜的珍奶好飲。

去完九龍城，就直接去左呢個商場行下.好耐無食譚仔米線，所以晚餐就食呢間啦，我最愛我叫左豬肉，小麻辣！我平時食開5小辣，今晚決定試下食小辣，食落去真係好辣，但可以接受，豬肉份量都算多，好食！朋友食牛肉同雞肉雞翼真係唔洗講，非常好食！每次必食！

晚飯時間經過譚仔雲南米線竟然唔使排隊，即興衝入去食我至愛嘅譚仔炸醬酸辣米線。入到去我必叫炸醬再加酸辣， 最重要叫埋冰凍可樂！食咗咁多年都仲係覺得好好味， 另一碗就叫咗墨魚丸加魚角， 墨魚丸 & 魚角夠彈牙有嚼頭。 酸辣湯嘅味道剛剛好， 酸得黎帶少少辣好開胃， 好鍾意飲佢哋呢個酸辣湯底！yummy! 而每一碗米線都會有配料， 芽菜，韭菜等等， 不過我本身唔係太鍾意食芽菜， 所以我下次都會走芽菜！四川青椒皮蛋，皮蛋表面辣辣地， 但是蛋黃味道比較淡。mikiki嘅譚仔雲南米線唔錯，卡位坐得幾舒服！

MIKIKI內的譚仔雲南米線午餐時間排隊人龍十分長，等了15分鐘才能入座。豬肉炸醬清湯米線豬肉只有4-5片，炸醬只有1/4碗。米線很多，但米線煮得過冧，不好吃。如果要排隊排15分鐘，真的不值得排！

朋友有隻遊戲要光顧這兒儲印花換角色😂😂。為了達成某個金額，我們兩個點了勁多款配菜😂😂我點雞肉腩肉十小走芽菜。譚仔的雞肉一向都好食，肉質嫩滑👍🏻。但這次點的腩肉就唔得，肉又硬又嚡，沒有什麼味道可言。今日10小的湯底一點也不辣，只有丁點麻。除非是我進步了啦😂😂連朋友都嫌佢叫的小辣唔夠辣，咁應該是今日的廚師仁慈了😂竹笙豬潤雞肉小辣。我只敢偷食最面頭片豬潤😂，都幾爽口既。人生第一次在譚仔點飲品😂，值得紀念一下🎊（平時都是窮食譚仔）這個凍檸蜜是用菜蜜，不算太甜，幾好。第一次叫香草雞翼。譚仔的雞翼永遠是招牌。這個都不例外！脆皮之餘，完美鎖住肉汁！！熟得平均，又沒生的紅肉。滑嫩的程度我敢說是最好食的雞翼！！可惜我食不慣啲香料吧。我覺得香草雞翼啲香料多到苦。朋友說浸一浸湯就沒事，可惜說得太遲了😂😂土匪雞翼固然好吃，都有些許芝麻香。肉汁上面提過不重覆了。第一次豪食譚仔呢 哈哈 不過最重要是朋友儲到印花😆。 （題外話：個譚仔角色的配音超fail. 學馬明腦細話齋：譚仔話都講唔好，點做嘢㗎。)

今晚心思思想食米線😋😋近近地去譚仔，不嬲叫食開嘅野，都係過橋米線套餐，土匪鳮亦，皮蛋，白肉等⋯⋯不過吾知大家知吾知近期出左個豬肚小食，個名我就記得吾係好清楚，如果你地去到，張枱就有個牌仔介紹，所以大家實搵到，我見到有新菜色，梗係想試試🧐🧐啲豬肚幾爽，切得細細薄薄地，幾岩口形，不過其實個汁都係皮蛋小食個汁😅😅鍾意食嘅人會覺得吾錯！另外一提，呢間d牛丸吾錯，幾正，有牛味同彈牙👍🏻👍🏻大家食開/食過都知，始終隔離鋪好d🤓🤓

肥到食唔到嘅腩肉，揼落垃圾桶嘅仲多過食， 31蚊食碗淨米線， 我唔使喺譚仔食啦！食物質素越嚟越差，啲腩肉仲要紙咁薄，我應該讚下個師傅刀工好勁， 我奉勸大家下次都係唔好食腩肉，

午餐出去搵野食, 行到去譚仔, 發現已經搬左, 再返返轉頭, 終於係mikiki樓下見到新開嘅譚仔鋪頭. 本來以為午飯時間鐵定爆滿, 沒有想到即刻有位, 可能是受前陣子食物中毒的新聞影響? 不過我也不怕, 還是坐下來點一個雞肉重慶酸辣. 就譚仔的湯底, 我最喜歡的還是重慶酸辣, 對原本的酸辣味道, 反而不太喜歡. 等了一陣子, 米線便到了, 水準還是沒有太大變化, 依然是辣得很過癮, 雞肉也一如以往的滑嫩. 唯一感覺有點不同的, 是米線的份量竟然比以前吃過的還要多, 要知道譚仔的份量本來就很大了, 這樣一來, 我幾乎是吃不下整碗米線. 可惜12月的冬天還是不太冷, 否則, 應該會吃得更過癮！

昨晚放工後，在家樓下見到開了一間新嘅譚仔，於是叫了我最愛的墨丸魚腐米線外賣，而且加上半份土匪雞翼。本來好期待嘅米線，食落去之後完全與預期不一樣。我相信係食了過去10年來最鹹嘅米線，土匪雞翼一樣很鹹。食咗一半之後已經頂唔順，飲咗三杯水。我以後幾肚餓都唔敢落去幫襯。