譚仔雲南米線 (Mikiki)

营业中

休息中

第一次食譚仔係外賣不斷出，但堂食等十世。外賣多到放曬係個架到都冇人攞，堂食等超過半個鐘先出！！既然係咁，不如做外賣店算啦。一開始用app點餐既時候，已經咩都話缺貨咁濟，點完早早黎一杯嘢飲打發你，然後要你等十世先有米線。依間分店唔會再去！！

這間店麵條是沒有問題的，湯底也沒有問題，咸淡都無問題。豬軟骨也很好吃，很入味。唯獨有問題係生腸小吃。陣陣屎味完全在口中，食物本質又硬，又有屎味，劣評。一定唔會再嗌黎食😑

黑色星期五，連大家樂都排到變賓墟。我唯有張就下係譚仔叫外賣，佢垃圾就一向都知。我12：51分落單，等左足足21分鐘。唔好同我黎果套，繁忙時段就係咁架啦，人多。咁你做生意都要識變通架係咪？ 何況我碗野都係豆卜竹笙，你有良心既咩？會好用心咁煮？啲豆卜、竹笙，都係求其拋落味精湯度飄兩野就算架啦。5小辣湯底等於清湯，勉強浸到pat米線。芽菜仲黑過你對拖鞋。喂，你間野咁生意興隆，要個客等外賣21分鐘，啲芽菜都應該係去得快同新鮮。你呢間譚仔分店，絕對係垃圾中既垃圾。

今晚訂咗譚仔嘅米線外賣，料有雞肉、墨魚春卷、脆肉鯇，仲加多咗份油菜同凍檸茶。我感覺今次嘅食物正常可以接受。首先講外觀，米線同春卷都冇咩特別，係普通嘅樣。食物送到嘅時候，溫度仲算可以，但冇太大驚喜。口感方面，米線煮得軟熟，但味道方面冇太多特色。雞肉同脆肉鯇嘅味道都係一般般，冇太多驚喜。墨魚春卷口感軟熟，但味道上就冇咩特別嘅亮點。油菜煮得恰到好處，口感脆嫩，係整體評價中比較出色嘅部分。至於凍檸茶，味道清香，解渴又開胃，係整體評價中相對不錯嘅一點。今次嘅譚仔米線外賣係一般般。食物嘅味道冇太多亮點，屬於比較普通嘅選擇。不過，油菜同凍檸茶還算不錯。

平時唔愛撈麵，不過朋友不斷推介，就試試佢呢排嘅雞扒撈麵😏中辣還好，食得辣可接受😆麵嘅份量略少，大隻佬可能唔夠飽，加多啲餸吧😝勁多炸醬，多到係平時兩份咁😃仲有好多酸菜，解下辣同膩，唔錯～值得返chur！

今日屎窟痕走咗去譽・港灣是三哥最新出嘅米線，呢碗米線做淮山雞米線+雙檸樂。講返呢碗麵先佢啲淮山係用新鮮淮山去做嘅，佢啲雞都幾滑下，但如果比我再去食，我唔會再叫，哈哈哈哈哈，另外叫咗小食，例如有黑牛柏葉，辣青瓜，個黑柏葉性價比非常之高。佢唔會太韌之餘味道做到啱啱好，而拍青瓜個辣亦都好恰當。最重要睇嘅就係呢度啲侍應，真係非常之有禮貌有禮貌到你唔信，服務非常之好， 相俾其他分店佢已經係唔錯㗎啦，等位亦唔會太耐

譚仔出左全新黑蒜湯鮮准山雞件米線，不過對黑蒜湯底無咩興趣 但都想試下啲新配料叫左個酸辣湯底配金菇、脆肉鯇、2份雞件，金菇正常，脆肉鯇份量唔少，好爽口雞件無骨既雞粒，大大粒，份量都唔少，一份應該都有5、6粒，又唔老，都唔錯，希望可以變成常有既餸，個人覺得抵食過雞肉😂

天氣轉涼 想食返啲熱野同辣野 好耐冇食米線 就決定食譚仔 呢間譚仔第一次幫襯 坐底之後 舉極手都冇人理😢😢一如既往 我叫左雞肉重慶酸辣中辣 配一人小食豬耳 落完order 唔夠一分鐘 豬耳就到左 夾個陣 豬耳痴實隻碟 明顯擺左好耐🙁🙁🙁 米線方面就好硬 係熟同唔熟之間 湯底都唔夠香濃 同平時九龍灣食開個間差好遠☹️☹️☹️朋友叫左墨魚卷 豆卜 豬肉 一開始個碗送左條頭髮 同譚仔姐姐講就換過碗 係咪真換就唔知啦 起碼再上枱見唔到🫣 不過朋友都係表示好難食 湯底唔同⋯

今日去新蒲崗mikiki食譚仔米線， 不過呢排想食得健康啲， 所以唔食米線轉菜底，都係加$3。譚仔姐姐介紹有幾款菜， 韮菜， 菜心都有， 我就揀左通菜。 .🍚 自選米線 我揀左墨丸，魚腐，牛肉，清湯， 譚仔姐姐話呢排送泡菜， 真係好底。 牛肉呈半生熟，有驚喜，唔會過老，魚腐正常發揮，泡菜酸辣酸辣非常開胃，但係竟然溜左譚仔既靈魂食材，”物演”。譚仔姐姐好快手叫廚房另上， 有效率。.總括然而， 可以轉菜底本人非常滿意，牛肉半生熟又係好滿意，仲有泡菜送簡直冇嘢投訴。

譚仔又出左新款面，當然要去試一試！😋😋新出嘅係豬軟骨寬麵配花椒重慶酸辣湯，難得有寬麵揀，一定要食！我地叫左2碗麵，一個小食同一杯新出嘅特飲：濃汁豬軟骨寬麵（推廣價$44）豬軟骨寬麵係配重慶酸辣湯，最小要三小辣，對於我黎講辣度岩岩好，但係好鹹！超鹹！真係唔掂😥😥不過都食到佢嘅麻香。豬軟骨大概3舊，都算淋，豆腐索汁好味，至於寬麵就偏硬，唔入味。有d失望⋯川辣木耳黑柏葉-$29好爽口入味，但都係偏鹹，重口味😂荔枝青檸寒天特飲-$13正常嘅味道，飲落似道地荔枝😂😂

叫左一個特惠二人套餐連埋送外賣一共155有2個米線🍜 每個米線可以😌添加各2個菜 外加一個土匪雞翼 還有2杯飲料🥤集中一個酸菜胡椒湯底外加5蚊 的 （雞肉炸醬）加熱菜蜜（酸菜雞肉）鴛鴦 5小辣首先覺得味道並沒有之前堂食那麼好味 唔知係咪感覺 送到依然熱辣辣 但係總覺得缺少了一些 東西 炸醬沒有之前那麼多 至於土匪雞翼好濃的孜然粉味道 還不錯👌簡單黎講我會下次都係堂食比較好 或許下次可以試試魚片也許也不錯 或許叫個蒜泥白肉

今日突然之間好想食譚仔，叫咗個腩肉、豬潤米線，同埋豬肚絲。相隔大半年冇食，見啲配料少咗好多，腩肉同豬肚絲好味，但係豬潤質感有啲「鞋」。中伏位係將豬肚絲擺埋一齊食嘅時候係會超鹹。

俾七師父嘅廣告吸引咗🤓行經Mikiki見有譚仔分店🍜諗住試吓新推出嘅蟲草花雞卷米線🐣夜晚七點幾去到 只係門口有幾個人等外賣👯堂食仲要唔使等位可以直入💃🏻坐低已經即刻落單🤤仲加一蚊叫咗五小辣🌶可惜 等咗好耐都未有得食 最後過咗半個鐘到八點先見到碗米線😢😢見到隻蛋咁都唔緊要 最重要嘅雞卷石沉大海🌊四件雞卷都冇骨啖啖肉的確係爽可惜每件都好薄😢食完都冇滿足感💔蟲草花 杞子 木耳都正常水準只係主角雞卷比較失色 等咗咁耐真係有啲失望🤥

星期六中午時間，一個人不知道🤷🏻‍♀️食什麼時候，見好耐無食譚仔，就回味一下味道。門口寫住不用輪候，但全部座位都已經滿，企在門外又沒有人帶位，又不啟動翻輪籌號機，不少等位的人都走了。姐姐安排我一人，坐4人座，對面已經坐了人，又沒有防疫板分隔對面的人。現在疫情嚴重，那又有願意與陌生人這樣坐🙃店內分隔食客的防疫板嚴重不足。食物方面，點了豬肚絲、腩肉酸菜米線及凍檸茶少甜。小食上菜速度頗慢，飲品都要等了一會上。但先上麻辣小食，還要等10分鐘先上飲品，太差了。豬肚絲味道還可以。至於米線，從前點酸菜，湯底與酸菜混合，清湯會有酸酸味道。現在明顯酸菜差了，又少，又淡。清湯的顏色也沒從前好，混濁的。至少等了米線20分鐘，聽到隔離食客投訴，外賣客遲來，也比他們堂食快。的確，店內不少人催單，上菜速度真的太慢，可能因為姐姐全部一齊食飯，店長應該好好檢討姐姐食飯時間，避開繁忙時間及分批讓員工食飯。那時候，店面只有兩位姐姐，她們都忙不過來，所以我能夠體諒上菜速度，但不是每位消費客人都可以體諒。同時，食物質素真的比剛剛開店時差了很多！☹️😣

叫左譚仔外賣，打開個蒜泥白肉，超小份啫，份量少到係一人份量得4片就$33，味道一般米線雞肉得幾件，最少都係得六件，仲有個炸醬，好似一坺嘢，啲油仲多過啲炸醬，貌相好核突，又小，湯底味道偏鹹😥真係好一般叫咗比餐具但冇比餐具食過譚仔三哥，再食呢間譚仔，真係天與地，呢間譚仔真係不知所謂，以後都唔會幫襯冇三哥嘅譚仔我記得我以前食過譚仔都唔係咁差！可能就係依幾年變晒啦難食x10000000000000000