譚仔雲南米線

营业中

休息中

出餐速度極度極度慢，平均5分鐘出一碗麵？完全唔明點解可以咁慢，試過喺13:38落單一碗麵，等左半個鐘都未有？想問點解，店內人唔多，外賣但亦唔多….完全係hea住做…

科學園譚仔外賣多次漏單錯單，仲拒絕退款！早兩個月已經錯過幾次單，不過都起碼仲有野食食得飽，算。呢兩日就開始離譜！事迹如下:4月15號，點譚仔識食之選套餐，其中包一份一人豬耳，我再另加3隻雞翼，結果漏一人豬耳。本人經外賣平台要求退款，被拒絕，理由係「已經出餐」4月16號，與同事再點兩份識食之選餐，另外再加一份大份豬耳，又漏單，要求退款時被以同樣理由拒絕。我與同事三次致電店舖，頭兩次無人接聽，第三次「喂」兩次之後被cut線。最後同事直接致電總公司投訴，方得退款。但重點係，唔係志在你地果幾廿蚊退款，而係你做錯野又唔認，認你又唔改，改你又改錯。想食個飯都要一而再再而三咁受氣，係咪你地覺得好好玩？

今日11:45落去叫外賣，等咗半個鐘都冇同個收銀姐姐講，佢望都唔望我，再等多10分鐘之後真係忍唔住同其他姐姐理論佢哋先幫我去廚房搞掂，叫一個外賣要三催四請，都仲要等40分鐘先有，你估科學園得你一間，以後永遠不再幫襯😡

譚仔係點大家都知，不過呢間真係慢得過份，lunch time得一個鐘，等外賣等左40分鐘，仲要行返office，休息時間都冇晒啦。啲外賣整左出黎，放晒係廚房，冇人去拎就大家都唔好食。有好心既外賣哥哥就入去幫手拎出黎，唔係就等個姊姊十幾分鐘推一次車出黎。平心而論，外賣哥哥分分鐘仲熟手過啲阿姊，譚仔你地係唔係應該出返份糧俾人？最後講返d野食，標準譚仔味，米線想爽啲，就冇㗎啦，一定係稔。結論就係，去食之前要確定自己有好多時間。完。

美食沙漠科學園最近開咗間譚仔，實在令人太開心太興奮雖然見到好多差評話出餐出得慢，而呢個都係事實，不過冇得揀嘅情況下都係會去等食㗎啦通常12點前落單呢就出得快啲之前有三餸米線送小食，依家就係三餸米線送嘢飲，咁抵梗係叫三餸啊我就揀咗雞肉豆卜同埋墨魚春卷墨魚春卷真係好好食呀，雖然呢個餸係貴啲！今日仲叫左兩個小食大家share土匪雞翼同埋蒜泥白肉蒜泥白肉有啲苦味，唔知點解雞翼就同平時一樣，都係熱辣辣上，好好味

科學園依間譚仔真係神奇到一個點，每次晏就去食都要等1個鐘以上先有得食。。。然後啲員工嘅態度永遠都係: 係啊依度就係咁㗎啦 嘅感覺，令人真係幾不爽😅😅試過5次以上都係咁了，所以決定試埋今次，都仲係咁就係咁先👋🏼我今日叫左三餸送野飲，味道正正常常，冇咩好提。另外，試左炸大腸，份量有啲細，可能因為細粒，所以炸完都唔係好食得岀係咩😂😂朋友點嘅麻辣鳳爪豬紅就幾好，比想像中滿意，辣都係自己揀啦，但係豬紅我試完覺得唔臭，又幾好食😆值得試下！(未趕得切影，朋友已經食完，我個餐都未到😅)

今天天氣凍，想食d熱野, 想起樓下譚仔即刻係譚仔app下單, 一睇時間, 12:03, 心諗"最多等40分鐘掛” 12:45落到樓下，出邊已經有很多人係度等外賣, 睇個外賣取餐屏幕，仲有30個到我心諗“唔緊要，等多15-20分鐘都接受到，每分鐘出1-2個應該可以掛”點知道，越等越耐，睇到我後面的number都出到，就是冇我的number等到13:43 ，去counter 問”整好未”, 個職員去廚房check咗一下, 竟然話“即刻整俾你”係咪離譜d啊?!  等咗差唔多兩個鐘！肚餓到死即刻去收銀處取消張單, 食返其他野等待期間不停有人同店員嗌交間鋪實在太爛，以後唔會再食

Worst food place ever! Just a bowl of noodles but it looks more than 100mins to wait for takeaway and it didn’t make it! I asked for cancellation and it totally ruined my whole lunch time! Very impolite staff as well! Do not advise eat-in or order take away here at all

星期天晚餐，堂食人并不多。坐低等足40分钟，等唔到一碗米线。每次问询，服务员都讲好快来，结果一等再等，唔知搞咩。如此不尊重客人的时间，实在过份。这种情况，午餐也发生过。其他谭仔店未遇到这种情况。希望此间谭仔倾听一下顾客的声音，不要破坏谭仔整体声誉

去科學園踩單車，又唔想食咁貴。其他餐廳又好似好多人排隊，最後嚟到類似food court嘅位，有譚仔，所以選擇咗食呢一間譚仔。可能佢新裝修，啲枱枱凳凳好乾淨，餐具擺放亦都非常乾淨，企理整齊。佢係用QR code自助點餐，職員姐姐提示自助點餐可以有大份嘅小食送，所以我哋用咗自助點餐。點完餐，嘢食都好快就到。味道保持水準，同平常嘅譚仔味道一樣。另外值得稱讚嘅係，我點咗芫荽山，佢係另外用個碗仔裝俾我，而唔係放喺碗麵上面。去到科學園，想食個快嘅，呢個都係一個非常好嘅選擇。

Lunch hour趕時間見譚仔冇人排隊等位就入去食啦，等咗20分鐘都未有野食就問姐姐，點知佢好串咁答我：係咁架啦！正常要等25分鐘先有好啦，咁我繼續等，等到40分鐘都仲未有野食，見趕時間想取消張單唔食，就走去問店長點知佢係都話要而家即刻整，唔肯取消張單，本身趕時間又見冇乜人先食，等咁耐仲要D姐姐勁串，好嬲幾分鐘後終於有野食，但我叫嘅係清湯唔辣，佢粒豆卜係辣嘅！有紅色辣油走出嚟！呢間譚仔真係勁差，不可一不可再 ☹️