譚仔雲南米線 (西九龍中心)

营业中

休息中

剛剛去西九譚仔，叫左碗「竹笙腐皮米缐」！碗米缐來到的時候，見到d竹笙有d黑色污糟野(好似跌落地下執番咁既樣)，幾條竹笙都有，跟侍應說，佢話換過！跟住新個碗d竹笙明顯乾淨番，咁就開始食！食到一大半，係個底度挾了條竹笙，點知又係有黑色污糟野！再望真d，仲有隻細細粒的蠢仔係度！個侍應起初仲要話竹笙係好難洗乾淨，知道有蟲就話唔好意思，扣番個竹笙錢！真係即時咩胃口都冇哂，佢話煮過碗比我我都唔要了！以後都不會再幫襯！😡

行過忽然想試吓三哥同佢0既分別，我好中意個炸醬，於是就叫咗一個餸+清湯底食落個醬同三哥沒咩分別，但講到個米線，就覺得譚仔份量多D，芽菜適量個環境比較寬敞，美中不足係下午時段$27 沒0野飲係貴咗D。

去咗西九龍嘅依家譚仔食整體上來講都好好嘢食啊嘅服務態度都好好嘅但係有一點就係佢哋嘅制度有問題我個BB咁需要攞個玩裝住啲熱水座熱啲副食品所以咁我就問個店員攞個碗仲要係問咗三個店員都話公司制度比啲熱水係用個碗出我覺得依個都要好好改善一下

一向都有譚仔癮 1個星期1定要食1次～次次都係食一模一樣既餸 一模一樣既湯底好似好專一 但好似好變態 (但我深信唔係得我係咁)餐牌都唔洗睇 竹苼腩肉冬菇中辣走九～凍檸蜜少冰～由於我一向好食得辣 所以中辣一定難唔到我 (但係街唔想食到成身汗所以我未挑戰過大辣)唔好以為湯底好清無料到 其實已經好夠辣!辣既原因仲有佢碗野係即煮 所以勁熱 所以感覺上先會咁辣 竹苼係我3個餸之中最愛 因爲佢索晒湯汁 而且好爽口～食多多都唔夠♡♡冬菇我就不嬲都喜歡食既 所以唔需要原因 冬菇有4粒 算幾多～至於腩肉 切得夠薄 肥瘦分明 食落有層次 好味！米線份量都幾多 基本上連湯食曬會好飽～唔想食咁飽有是我會叫少米線～而米線煮完唔會1舊舊 反而好滑好易咬開。配菜方面有少量芽菜同腐皮 芽菜無草青味 腐皮夠薄易入味！食完最後飲埋杯凍檸蜜少冰 少冰既原因係唔想d冰溶化溝淡左整杯飲品 飲檸蜜仲可以潤一潤喉嚨～正！BTW其實佢地個湯底係勁多味精同調味 所以食完勁口渴～

星期日唔洗返工,lunch通常都係出外食.因為洗多左既關係,所以想食平D.雖然深水埗成日俾人話係窮區,但係要食得飽而又平的話,選擇唔係好多.呢度茶記早餐最平一個都要$30,仲要係食完好快肚餓果隻.西九龍中心分店既裝修幾好,坐得舒服,唔覺得逼.環境衛生又OK.$26個米線,大大碗邊度搵.雖然雞絲有D(鞋),又煮到起晒泡.米線有D硬,浸水唔夠.但想食飽D,要求唔高既,又想平D,一餐半餐屈咪就下囉~

本想趁假日一试西九龍美食广场嘅 “ 越式風味 ”，怎知人山人海，针插不下 。只好转战大堂处的 “ 谭仔雲南米缐 ”，人不多，要搭枱 ，下单快捷，点了碗 “ 鱼头片米缐 ”，片刻即到，汤仍是奶的色，但缺鱼味，鱼头片仍是厚切五塊 ，米缐依旧爽滑，只是缺鱼味之汤底太咸 ，令我食後要狂灌水解渴。此外坐位太硬，令我伤患处疼痛难当 ，只好食罢速速埋单 。

深水場有好幾間譚仔，今天特意來到西九龍中心的分店試試。 米線都是維持一貫的水準，點了腩肉及竹笙。腩肉肥瘦均等，竹笙清爽，吸收了湯底的味道，分外好味。不追求服務及環境，譚仔是一個又方便又快捷的午餐首選。

聽同事講深水埗都開左間譚仔，所以齊齊去西九龍中心食LUNCH!我食左個雞肉酸菜米線3小辣麻辣湯底，我至愛雞肉酸菜E個配搭，因為雞肉本身淡味，吸哂D麻辣湯底，好入味。仲有個酸菜本身夠哂酸，配埋麻辣湯底，酸酸辣辣，好過隱!整體米線夠彈牙，新分店都可以保持水準!正!