譚仔雲南米線 (粉嶺名都商場)

营业中

休息中

叫咗個重慶過橋米線，嘢食到，搵唔到竹笙，同阿姐講，好彩佢都有講聲唔好意思幫我加返，點知再食食吓至發現原來冇落腩肉，算！費事再問。點知隔離座位客人舉手話冇竹笙牛肉。唔知佢哋特登唔落，定係新人培訓問題，總之就渣啦。

不嬲食開米線都會揀三哥，因為佢個三哥酸辣係最好味既，今日突然想食米線，點知附近無三哥，算啦，照食，比次機會佢，結果我錯了..... N年無食過，原來已多左咁多野，叫左個重慶二小辣，飲左一口湯，點解好食過過三哥酸辣既好香花椒八角同麻辣味，炸醬唔會太油太酸，恰到好處，魚蛋爽彈，原來不知不覺間已經進步左咁多，三哥 sor呀，有機會再番黎揾你啦

中午嘅譚仔依舊有好多人等咗好耐終於先坐低 好快姐姐就黎問我食乜嘢 咁野食到咗 今次嗌譚仔中辣嘅 炸醬米線 本身鍾意食辣 譚仔嘅辣真係冇得頂 啲湯都係偏鹹 但食得譚仔就預咗 三十幾蚊就食飽 其實真係好抵 絕對係窮人恩物

今日落舖做野，中午在粉嶺名都食，就揀咗最穩陣的譚仔食。雖然人多，但因為我得一支公，所以好快有得入座。叫咗魚腐生菜米線，十小辣，凍檸茶加七蚊，另外配多個土匪雞翼（小），埋單$66絕對抵食，不過今次打文係想吐嘈下個雞翼，太肥膩唔好食，入面煮得唔算好熟，希望佢可以同其他分店啲質素睇齊啦！

終於有機會食茄湯啦話說蕃茄湯出咗好耐，但係一路都淨係食清湯，三哥酸辣，都冇食過蕃茄湯。今次試下啦，想食啲蔬菜，叫做健康少少今晚去到其實經歷唔係太好因為譚仔呀姐冇乜禮貌 呼呼喝喝又唔拎餐牌畀我 叫咗佢幾次落單都冇過嚟 拖下拖下 不過都算啦 想食米線啫 自己屋企冇住家飯食呀嘛唯有落樓下啦叫咗雞肉炸醬茄湯小米 其實叫茄湯係想健康啲 始終有番茄吖嘛 茄湯比較希 唔似蕃滿門傑撻撻而且偏酸 都有少少番茄嘅香味同埋渣既 都ok嘅 但係如果我真係想食好正好濃嘅蕃茄湯咁就唔喺譚仔食啦 會去蕃滿門囉

我2135到入去話兩位，個姐姐話入去坐，坐低咗好急咁問食咩要截單喇！我見咁急所以餐牌都冇睇淨係叫個墨丸米線。叫左嘢後諗住last order仲有幾個字時間食啦，點知即刻俾張單我話要埋單，張凳都未坐暖乜都未黎就話埋單囉，之後見冇咩時間食就叫佢轉外賣。出到門口一睇先知原來2140收舗囉，點解一入去時唔同我講收2140？我有權唔食架喎，我只係想去間餐廳食個飯啫，冇諗過會好似俾人趕咁要拎外賣番屋企食囉，一定冇下次！

今日放工自己一個食晚飯，通常一條友我都會食譚仔，我對譚仔嘅熱愛程度極高，開心、唔開心、嬲、慶祝都要食譚仔，甚至我會用“我去搵奸夫幽會”黎同我男朋友講我去食譚仔XD濕疹未發前，我絕對係一個辣妹。特辣係基本設定，但依家濕疹嘅關係我已經收斂左好多！我一定係叫雞肉米線米爽d，通常都係酸辣，如果心情唔好先會叫小辣。今日心情ok但唔太肚餓，所以叫左酸辣雞肉少米線米爽d（$31）加紅油豬耳（$28）同凍檸茶（$7）粉嶺名都呢間你叫米爽就會爽，有d分店叫米爽會拎碗腍過毛巾嘅米線比你。。。我覺得譚仔雞肉加埋湯底好夾，再加埋麻麻地辣辣地嘅爽口豬耳，正XD呢間譚仔嘅員工亦比較nice，有禮貌有笑容值得讚揚。

兩次電話外賣，兩次去拿都比錯！仲要返到屋企打開黎食先知，第二次果個女人仲話唔換比我。態度又差，仲鬧我自己拿錯搞到第二個客無得拿，我要特登返去換ga！又唔洗你行過黎外賣比我！

公司出去食午餐，同事帶我去呢間，商場舖，桌椅幾迫，午餐好爆場，好在我哋早點到，唔使排，店員都極爽安排客人入座，預咗要搭枱！廚房在另一舖位！流水式極快出菜！竹笙冬菇米線（$39）湖南酸辣湯底，竹笙爽嫩，索晒湯，鮮冬菇厚肉，味道清爽，配菜嘅芽菜爽口！腐皮滑，米線粗身彈牙！湯底以酸為主，加啲微辣，開胃惹味！雞肉豆卜米線（$37）十小麻辣湯底，同事食麻辣豬耳（$28）豬耳爽有咬勁！辣油好搶眼，睇落好辣，實際微辣，略嫌唔夠香蒜泥白肉（$24）好大堆蒜泥蓉，豬肉片好肉肥牛片，加好多辣油，捲起啲蒜泥，蒜味幾香但唔辣，ok熱檸蜜（加$7）檸檬清爽，菜蜜香甜！夠熱！好味凍檸蜜（加$7）朋友飲午市太旺，店員盡力安排入座，廚房努力出食物，食客食完即走！大家都明白有時方便大家要移位！都好包容！調整過嘅雲南風味

譚仔新開即刻黎試下❤️️午市人超多～陪阿媽食飯做個孝順女～幸運的我完全不等位置就入坐～但食完見門口排隊超多人，平均應該要等上20分鐘～來吃我最愛我土匪雞翼$30（5隻）味道當然唔差～不過唔算很脆～可能人很多我關係～雞肉米線$28～湯底很清，微酸～雞肉很多❤️️非常岩我食～佢個辣椒油都幾香幾好味！兩個人食一碗小米線、再加一份雞翼～食得超飽～～以後粉嶺人超幸福啦！又多間午餐、晚餐選擇～～～不過可能真得很忙⋯服務⋯沒有非常好啦～我食到一半就有兩個服務生問左我兩次食完未⋯仲要好明顯明明就未食完啦⋯😰有點趕客⋯service 比佢poor...

如題，粉嶺竟然得一間米線舖，一早應該開譚仔。自從百分百左，話開三哥等左幾個月，係唔知情嘅情況下居然開左譚仔，仲要有幾個舖，全新裝修，好西式好光猛。點返平時至愛，炸醬加清湯，再痴同事少少酸辣湯。炸醬好杰身，肥瘦比例剛好，正。米線可能因為勁多人等位，煮得唔夠淋，湯底鮮甜，好味。凍檸茶走甜，啲色真係好恐怖，好混濁，飲落仲好大陣漂白水味，新舖都預左……新開第一日場面墟冚，等位等到火都黎，好彩啲野都上得快，又無錯單，算係咁。