譚仔雲南米線 (已結業)

是日 lunch，剛巧在附近 training，大伙兒出發食譚仔。豬潤柏葉米線 ($23) - 料挺多。豬潤仲見到有 d 粉紅色...takeing a risk...驚佢唔熟...不過都算爽。柏葉都好有嚼頭。米線要了清湯，試了點少辣的 soup base..I am glad to choose 清湯...hehehe湖南土匪雞翼 ($20 / 5pcs) - 黑芝麻配像 pepper 的香料，很美味！+ $3 凍奶茶為了佢的雞翼會再去的！

今日同同事去咗公司附近的譚仔. 二人同行,一個套餐. 個套餐係好大婉的過僑米線,d餸佔咗個婉起碼四份一,十分抵食. d餸的質素其實唔算差,好似魚蛋又稔又彈牙,豬潤都無荕,而d米線都算剛剛好,不會太稔,所以唔知點解會咁多苦口苦面.以前在譚仔,一定會要麻辣,因為覺得酸辣唔辣. 其實e度的麻辣唔少野,所謂的少少辣都幾辣. 唔係好食得辣的最好試咗朋友碗野先叫,唔係實食到一額汗. 最近幾次去譚仔,都係叫唔辣,不過一樣ok. 個湯清得來有味,米白色的湯應該係豬骨煲,加少少辣椒油點綴一下,就更美味.另外個餐加3元有杯冷/熱飲品. 兩人四十伩重有找,真係抵.

作為譚仔十幾年的忠實Fans開在九龍區的分店大部份也幫襯過,唯獨這間是第一次會給予劣評!搬舖前都其實水準也差不多,但搬舖後出品真是大插水!豬膶、炸醬、柏葉中辣 x 2----豬膶及柏葉只得數片少得可憐!炸醬份量比其它分店多但味道不一樣,只是無味道的一堆肉碎!米線煮得過火太淋,最重要的中辣麻辣湯底竟然食落只是少少辣!(問阿姐佢用非常肯定語氣答:係！)唔通自己食咗咁多年中辣係咩味都唔識分?韮菜----比其它店份量少1/3左右.麻辣雞翼----辣味不足!其實份量少了對我影響不大,最主要是湯底令人失望!

因為我比較鍾意食辣所以我不時會食譚仔米線但自從佢由聯邦搬左去麗新之後味道已經差左好多酸辣同之前係完全無得比面亦都變到好淋更重要既係服務質素大副下降今日我點左一個雞肉三小佢竟然要24分鐘(由張單既時間起計)註︰我唔係繁忙時間食(11點幾)先可以由落單到擺係我枱面其中我已經叫佢跟單但佢只係不停咁講"等等la...等等la..."無言以對...係我食緊面既途中(6分鐘內)不停聽到落錯單 俾錯面 無落單既情況(至少3-4張枱)再次無言以對...之後係我差唔多食完個時...佢竟然又擺一碗雞肉三小出黎話係我點既面...無言...x 3 令我覺得更絕既係係我臨走時有個女士同我搭枱佢落完單後竟然幾十秒內....佢可以將一碗面放係枱面(我同個女士都呆左)利害..利害...建議試想食譚仔既人唔好去麗新呢間我應該都唔會再去呢間寧願行多幾條街去另一間..

今日同個好耐無見既fd黎呢度食午餐，呢間野我差搵唔到邊。間野比我想像中既大，行到近商場既位置都好大。我地就坐左張卡位度。我地叫左兩個米線，加多個大既土匪雞翼。仲有呢間野比出面既譚仔平小小，十九蚊就有個一米線。特辣米線都係食番雞肉同牛肉啦，大意既我又唔記得嗌全走。不過配料都唔係太差既，但都係全走好睇小小。而雞肉同牛肉都好好食，又唔會太乾。呢兩個都係最大路又最穩陣既。個火紅紅既湯底先最吸引我，個湯底令我既舌頭又麻又痹。呢種感覺，係我食麻辣米線既最大理由。土匪雞翼都放左陣先食，但都咁好味。個香草味好夠，雞翼皮好脆口。皮上既芝麻就令平平無奇既雞翼好睇。肉質夠juicy，唔怪得次次同fd黎食都會叫雞翼啦。凍奶茶真係好正，奶同茶既份量好夾。今日真係好高興，因為可以食好野之餘。仲可以同個fd吹下水，而且個環境又唔算太迫。希望可以開多幾間譚仔，去到邊都可以食麻辣米線啦。

譚仔雲南米線越開越多，不過水準唔一樣，味道都唔一樣，有人話佢已變咗做加盟店，所以有此變化。諗落又似係，不過未經証實。而家淨係長沙灣都有三間，不過一樣旺場，遲咗一場冇位。D Friend 話麗新商業中心開咗一間好大嘅，佢地有次一點幾去到都有位淨，一入去有位坐。吓，咁神奇？ 一於去試試佢，睇吓點先。中午時份，都係唔預咁盡，十二點四到埗。嘩，已經人頭湧湧，還幸仲有位，當然搭枱是少不了。十二點半後全場滿座，而門口仲有一大班學生、文員手揸票子等緊叫號碼。兩人冇乜好叫，一於叫米線套餐加兩杯凍檸茶，埋單五十元正。味道嗎？不堪提，只可說：往事只能回味食咗譚仔記都大約有七至八年，仲記得第一次係D 學生同我去食，有D 頑皮仔介紹我食中辣。還好一早有人口耳相傳，知道呢間小店嘅大名(當時在舊舖真係好細間，仲係二間舖位打通一部份而成，冇而家咁大規模)，所以叫咗兩小辣，初嘗呢D 唔紅色，唔漂油，但又麻辣到飛起嘅事物。記得好清楚食咗一半已經好唔掂，個口麻痺，又唔想衰俾D 頑皮仔睇，所以一口氣嚟個"月全食"，麻到好似唔見咗個口咁。但係麻辣嘅野食咗好似會上癮咁，以後不時心思思又嚟虐待個口，嚟得多咗就練得一身本領。單挑兩

上次其實不是試這裡，今次和朋友（返church前）試番。傍晚客人不多，店子只開了三份二 (向商場那邊關了燈) 。但在營業部份，所有枱子都至少坐有兩三個客，算是不俗。店內空間遠比舊鋪多，不覺得焗促。 叫了個雙併，唔辣的米線，很大碗，不是食tea的份量哦！花了半小時才能吃完！好味！ 再來多客(小)土匪雞翼，好正好熱好入味， 剛上菜時不能立即品嚐，否則會燙口！仲有，大家睇睇… 張單的用字真係寫得好得意，好港式！價錢合理，如有時間應該會再來!

我地成班同事通常都會買外賣番公司食, 未搬之前0係聯邦廣場0個邊, 行番黎公司都要成10分鐘, 但0個時都覺得d米線焗左一陣都仲好好味之後聽聞譚仔搬左去麗新, 由我公司去都係5分鐘, 但係上個禮拜去左買外賣番黎食, 一食落口就覺得無以前咁好味, 因為以前買到番黎d米線都仲係好"煙銀", 但今次買到番黎d米線已經"淋"晒, 食左幾啖已經唔想食, 以為一時失水準, 點知前幾日同事0個碗米線都係咁"淋", 我已經對呢間譚仔無晒信心, 應該唔會再去買黎食架喇

我都唔明點解咁多人鍾意食, 仲開到成行成市, 總有一間係左近. 講平又唔係平, 好好味咩?佢又唔係. 有o的人講笑咁話可能落o左o的罌粟籽係個麻辣湯底度搞到上左癮, 唔食唔得. 我唔係好食得麻辣, 不過辣度有分級數, 可以俾o的唔係好食到麻辣o既人試, 都算體貼. 除o左麻辣湯底, 仲有酸辣同清湯. 不過前兩者要加三蚊, 記住啦 我試過大碗米線, 又試過單食送, 我覺得牛丸, 豬膶, 竹笙同炸醬可以食, 其他就算把啦. 其實佢每碗都有韮菜, 芽菜同腐竹, 尚算豐富, 不過o的米線真係唔掂…當然, 佢有幾種小食提供, 最得人心就緊係麻辣雞翼啦. 每檯必叫. 味道又真係唔錯o既.計下數, 如果一個食送加辣已經廿蚊, 加多杯o野飲又三蚊, 食多兩隻雞翼又八蚊, 都過三十蚊先埋單. 錢唔係問題, 不過服務同環境都唔好. 希望佢可以改善下啦.

雖係話第 2 次，其實呢間分店都係第一次去姐~ 放工同朋友呢間食，同樣叫了麻辣米線，今次叫3級小辣，真的比我上次叫的5級小辣係辣左架 .. 食到眼淚都標埋，我諗3級小辣已係我極限喇，挑戰唔到再勁辣添！今次叫香草雞翼，冇乜特別，下次試埋麻辣雞翼先~ 同埋呢間加 $3 就有飲品，抵過旺角果間！而且呢間 d 米線煮得剛剛好，不像旺角的生米線。

今日LUNCH, 見新開既譚仔開左,咁就同同事去試下~12點7 度去到. 已經要等位了~不過等4張姐~等左5分鐘度就入得啦~我食左個牛肉墨魚丸酸辣米線~好味好味, 但係唔知係咪因為佢係新開既關係,佢既湯底好似冇OLD O個間咁好~除左咁之外其他都冇咩問題,而且D 位仲幾好坐TIM~不過, 我地幾個同事傾過,我地`覺得唔同既譚仔, 係唔同味GA,好似KWAI FONG 咁 我地都覺得唔好味....

上星期六放工後，Lala帶我到這裡食Lunch...雲南米線食得多，譚仔真係未試過！（在港島都冇分店）嘩，一入到去，高朋滿座，可以用「插針不下」來形容。好在店方非常有效率，兩個人等了幾分鐘就有位。可是坐得很逼：一張圓枱仔要坐足七、八人，坐下後連轉身的空間也沒有，有點壓力。外面很冷，大家都著上大衣，進來後想除下也沒地方放。唔食辣，就叫了清湯底的米線，加牛丸及栢葉。落單後很快便有得食（不過飲品來先），很有效率。個人認為，湯底味道OK，芽菜太多，其他一般啦， 山賊雞翼（大：五隻）就非常之正，又香又熱又入味，未叫前見別人的，還以為黑色一點點的是黑椒…叫到上桌才看真…原來是黑芝麻！唔辣的。後記：其實今次是到 元州街49?號的舊鋪，但想寫食評時找不到舊鋪的任何資料，而且那裡已經四處貼出通告：「本店將於十二月底遷往 長沙灣道…麗新商業中心…」但現已一月了，還未搬... 生意太好，欲罷不能？(笑面 係俾食物，環境就真係唔得... )