譚仔雲南米線 (啟田商場)

营业中

休息中

今次我order咗個素過小橋米線配蟲草花素湯睇第一張相係咪以為我已經差唔多食完？咁就錯喇！當然我亦都唔會傻到相信同佢show出嚟張相咁多料啦！依個麵我係未開始做，之前以為係俾漏咗材料，點之數下又真係齊晒喎（真係數到架）。有兩片鮮淮山、一嚿冬菇、一件豆卜、兩條竹笙、植物豬肉炸醬三料（要搵好耐先搵到）。最多嘅係蟲草花同酸菜（但都係少得離譜）。個湯仲要無味🤦🏻‍♀️🤦🏻‍♀️其實我唔係譚仔常客，但今次之後我就更加唔會去食囉。四十幾蚊真係唔知食咗咩😢😢非常失望

舊嗰個位變咗九頭鳥之後，藍田就好似冇咗譚仔得返三哥。對於我嚟講好唔方便，因為我都係鍾意食譚仔多啲，覺佢冇咁鹹，份量多D，啲小食又好食啲，等咗成幾個月，佢終於開返，之後可以方便啲。今日地鐵站出嚟，見到佢仲派傳單，三餸有得減$5。咁梗係去試吓啦，味道份量冇變，呢位感覺上好好坐左。