譚仔雲南米線 (永光中心)

营业中

休息中

重慶三小辣，竹苼雞肉鐘意佢既湯底唔會得個辣字，又有麻既感覺，唔會食到流哂汗咁狼狽，竹苼吸收哂麻辣湯雞肉唔知幾時由胸肉轉左做雞脾肉？仲叫左麻辣豬耳，雖然望落成碟紅油，但其實唔太辣，配埋芫茜，爽口又醒胃 譚仔係銅鑼灣平食既好選擇，不過拎位一定要襯早，否則就大排長龍。

有邊個香港人無食過譚仔，間間都同一個配方同一個煮法同一樣食材同樣係講唔正廣東話既呀姐，有乜好寫？我成日話食野除左色，香，味，個環境氣氛都好重要！我推薦呢間鋪除左係呢間開左無耐，裝修乾淨之外，仲有係佢既服務！可能佢位處於銅鑼灣最多粉麵店既登龍街，入面唔算多人無爆場，唔洗等位。我地兩個人入去，無乜所謂諗住見位就坐，點知呀姐好好咁話廁所位好多人出入唔好坐，坐呢邊啦。跟住拎左筷子黎，咁岩牆邊卡位有人走，又問我地不如我執埋張枱你地去卡位呀？好傾計d！嘩，個一下呀姐個種細心貼心就好似仙女下凡一樣咁charm，所以絕對值得表揚表揚！至於食物方面，正如我文章開首所講，間間都一樣，呢間都keep到Tam's Express既水準，無令人失望！

今日中午係銅鑼灣做完野要搵野食，本來食拉麵，最後都係食譚仔。叫了一個過橋米線加底 $70，加大蒜泥白肉 $39，加大土匪雞翼 $32.過橋米線本來就好大碗，叫埋加底事關我地兩個人share，份量足夠，叫左清湯，有酸菜同肉醬分開上，湯底鮮甜，料足，有牛丸，魚丸，豬肉，豆扑，豬潤，芽菜，韭菜，還有其它唔記得，總的來說我覺得超值，因為真係好味。蒜泥白肉辣度不高，蒜泥很幼滑，肉夠薄，很惹味。土匪雞翼係譚仔不能錯過的招牌小食，外脆內有肉汁，燒的很香，百試不厭，重點推薦！

譚仔係我食過米線以嚟最經濟最好味，百試不厭的米線，我每一次食譚仔米線都會選擇墨魚丸腩肉十小辣米線，因為墨魚丸的味道好新鮮好彈牙，如果每一日都可以食一碗就太好啦，不過我啲朋友唔會成日陪我癲

今日黎到銅鑼灣，突然落好大雨，見到最近一間餐廳，譚仔就入左去食lunch, 呢間譚仔位於地庫，不過入口都好易搵。有好大個招牌，一望就知搵岩地方。坐低之後，難得呢間譚仔唔多人，仲可以自己一個人霸一張台，真係好難得。望左餐牌一陣，雖然好多小食，最後決定點左一個麻辣米線10小辣配雞肉、炸醬，飲凍菜蜜。等左7-8分鐘，終於送上台面了，味道唔錯，10小辣對我黎講，唔算太辣，而且配雞肉好有味道，再加上炸醬，味道十分美味。

譚仔米線街知巷聞，每區緊有佢既蹤影，麻辣湯底出名，如果你問我好唔好味，坦白講真係唔識形容譚仔米線既味道，只係知道會食上癮。以前好鐘意佢d墨魚丸，點知有一排d墨魚丸唔同左，我就無再叫哩個餸，依家譚仔出左鮮蕃茄湯底，仲可以加辣，加上墨魚丸變番好味個隻，令我一星期食足2次，蕃茄湯底酸酸甜甜，又有蕃茄肉，再加埋麻辣湯，成個感覺豐富咗，非常開胃一個餸，墨魚丸有6粒。兩個餸就得4粒口水雞有3隻，切開為單骨雞翼，感覺多左，最鐘意將d汁撈落米線一齊食。

今日返工時約緊友人食返個飯，咁耐無見緊係要聚一聚！但唔知點解我地有種習慣，就係唔會約去貴價餐廳，見面一般都係約係譚仔！食完譚仔，輕輕鬆鬆，再去飲返幾杯ＸＤ係銅鑼灣登龍街呢間Ｄ座位都幾舒服轉個頭就叫左個煳辣雞肉豬潤米線及土匪雞翼，唔辣～　唔係食唔到辣，而係腸胃敏感都係小心ｄ味道不錯，煳辣中酸辣配合岩岩好～　雞肉有Ｄ似雞柳，都算嫩滑！豬潤就正常，以四十幾蚊黎講算唔錯！最後，食埋去譚仔點都一定要食嘅土匪雞翼，正點！

去工展會之前，見過肚有點兒肚餓，就一於去譚仔，打返個底先，點解去譚仔？一嚟好耐冇去,自從轉咗工之後,甚少經過譚仔,所以心思思想入番去,叫咗一碗我最喜愛嘅墨魚丸,墨魚丸墨丸米 ,侍應沒有操譚仔口音，所以冇乜親切感，hehe, 由於時間上早 嘅關係 大，冷氣屬於偏冷，嘅但係叫咗十小辣食，兩啖已經覺得熱血沸騰，這間譚仔裝修不錯，有時代感， 墨魚丸 煙韌彈牙，個湯底依舊辣辣地，十小辣已經係我極限，食得太辣，始終對自己唔好， 35蚊性價比係十分之高

其實我真係好鍾意嚟呢間餐廳食飯，尤其係糧尾嘅時候。。。大大碗才三幾十元 ，又食得飽 ，又可以聽阿姐講半咸半淡嘅廣東話娛樂自己。 有得玩、有得食，真係去邊度搵!! 難怪 日本丸龜集團 都會睇中譚仔， 要收歸其下。為免第日 老闆變咗之後質量下降， 都係快快來食多幾餐 。今日就食了蕃茄湯底 米線， 大大粒蕃茄 ，仲有我最愛嘅魚片頭 ，真係見到已經垂涎欲滴 ，急不及待要把它們全部吃光。魚片頭爽勁彈牙， 配上本土濃情化不開嘅番茄湯，好一碗老闆譚仔嘅心血。。。難得嘅係。。我鍾意佢啲地方好清潔。 枱面亦不油膩， 裝修明亮，坐得也挺舒服。 抵讚!!

去登龍街，目的通常都是去試新拉麵，但下雨兼排長龍，唯有去譚仔填飽肚子。譚仔還需要介紹嗎？但以1 億營業額算，每人消費＄50 ，即每年約每4人便有1人吃過譚仔了。這即是代表價廉物美了。我只為充飢，叫了一碗豬潤4小辣米缐。豬潤切得薄細，吃起來便將不滑不爽的缺點掩過。米缐好像又轉了品質，略硬也欠米香味。剩下是那千年一樣的雞湯底o即使千年一樣,卻同樣可口。當然一碗100 圓的拉麵一定好飲過譚仔的，但我卻不認為好飲過譚仔3 倍。整體來說，$34 ，＄44 享受。最後要提提的，是這店很有style ,像Apple 店的genesis bar 一樣，枱面除了一些廣告貼紙外,什麼也沒有，也沒有隱藏的櫃桶，只有非常簡潔的枱面。譚仔，不單是平食，更是哲學了。

黎到登龍街 我叫它為拉麵街 黎度一定係想食拉麵 但係就算滂沱大雨，都係大排長龍 所以見到譚仔就入去了，譚仔在underground, 但勝在夠新。食物okay!但位子真的好窄啊!另外阿姐較新，有一個唔係好點，好驚慌，要多啲陪訓。一直喜歡食湖南酸辣湯底，今次不例外，家人食番茄湯米線套餐Share,有意外驚喜！雞肉魚腐湖南酸辣米線米線套餐蕃茄湯底🍅 大有驚喜！好濃，比南記好吃好多！夠酸！今天人不多 土匪雞翼夠熱！

當囡囡話食咩都無所謂嘅時候，大家小心呢句係一個伏，但你話食米線一定唔會岀錯。登龍街啲嘢食咁貴，見到嘅唔係龍蝦包就係日本拉麵。今日我醒水同條女話：咁不如食譚仔喇～ 佢話好呀，yes！因為有招牌，所以係地庫嘅譚仔都算顯眼。落到去無乜人，得兩個譚仔呀姐。我哋求其揾張枱坐，張枱未清潔過，坐咗幾分鍾又無人拎餐牌嚟又無人抹枱。之後我望一望呀姐，佢好似醒水，拎啲餐具同 menu 行緊過嚟。囡囡話：唔該可唔可以抹下張枱呀？此時譚仔呀姐面有難色，企咗係度話：不如你哋坐另一枱喇。哇懶到咁？間鋪咁少人都可以懶得抹枱所以叫客坐另一張枱真係第一次聽。講返米線，囡囡同我都鍾意蕃茄湯底嘅，雖然明知係味精湯，但都忍唔住飲咗勁多。其實真係食唔岀三哥同非三哥有咩分别，都係呢個味，都係咁大碗。豆漿好味～

下晝食嘢好多人，冷氣好鬼凍食咗皮蛋行買漁腐竹笙。啲魚付麻麻，好似豆卜咁樣樣皮蛋好好食，因為係落地下一層所以好驚電話收唔到，不過電話收爆都OK地下範圍好細但係得兩個員工，好遲先幫我落單激鬼氣。