譽居

营业中

休息中

收銀員服務差，我吾知道點解蒸牛肉要25分鐘，落單後，我想話想取消，因為趕時間，佢話唔可以。我話你不用退錢，我只係要一碗皮蛋瘦肉粥。因為趕時間。職員冇理會我嘅要求照樣幫我入單，照樣叫我等

第一個上既點心係蔥花蝦米炸兩腸，腸粉皮似食緊一pat粉，0口感，蝦米完全冇味。炸兩乎合預期，唔脆。重要既花生醬同甜醬，比得一細碟，係講緊兩隻醬夾埋30ml都冇…重加咗水，連花生醬都無味…之後上炸雲吞，唔脆，細粒，外皮有油溢味，食落隻蝦有好重鹼水味，極怪。打算點個甜酸醬睇吓有冇得救，sorry，重差。醬加咗水，好淡同稀。再黎係蝦餃，張點心紙癡住咗粒蝦餃，個傳菜只係撕走咗半張唔黐住粒蝦餃既點心紙…服務態度差到呢。唔洗講，個四粒蝦餃既味道完全唔符合佢嘅價錢。上海小籠包，冇比到隻碟放喼汁，唔緊要，我叫阿姐拎。佢比錯第二個客，個客用隻手掂完隻碟，我同阿姐講佢擺錯咗，叫佢比隻新嘅我。佢入一入廚房，出嚟同我講，用咗滾水洗左，但我係叫佢比隻新嘅我…唔洗諗喼汁加咗水，完全冇味。咸水角，外皮綠色，好似幾有新意，但sorry，我食唔出有啲咩，唔係講緊個外皮，係成粒野無味。鳳爪普通，醬汁唔濃味。總結服務態度差，嘢食淡而無味甚至怪味，為咗慳錢醬汁加晒水，我就一定唔會再黎，價錢食左$242，6個點心，難食！希望大家唔好同我一樣中伏。

當大廈林立，一切要跟上時代的步伐。能否有一個地方，讓步調變慢、讓時光荏苒，找回純粹的自己。(1) 鮮蝦雲吞麵四粒鮮蝦雲吞墊底，讓幼麵不會被湯汁浸透，而且麵底沒有鹼水味。每一口的雲吞吃到滿滿的鮮蝦，而且處理非常得宜，爽口有彈度。(2) 自選：豬膶豬粉腸粥喜歡內臟不容錯過。處理手法乾淨俐落，沒有任何騷臭味。特別是「黃沙潤」，色澤粉嫰、口感似細沙，爽脆鬆軟。宵夜時段由晚上九時開始，價格亦更相宜。內部裝潢帶中國風，店員也十分親切。在商場又有晚市點心的地方為數不多，食物整潔度亦令人為之一振。

Good food, especially the dim sum and noodles.However, the environment is super noisy, staff throwing chopsticks and other utilities. Very busy shouting at colleagues and ignoring the requests from customers. Very rude attitude to everyone. Not recommended at all.

🥢蔥花蝦米炸兩腸粉 $35油炸鬼腍左🥲亦都食唔到蝦米味😟好彩個皮都幾滑同薄…🍚鮮蝦荷葉飯 $40一上檯嚇親，超級大舊飯😨入面有兩隻蝦，幾粒雞肉…蝦肉好霉，調味都麻麻🫠🥜潮式粉果 $22🦐鮮蝦燒賣皇 $38🐮薑蔥牛柏葉 $32呢幾樣就不過不失，同普通茶樓一樣水準💁🏼‍♀️嗯…康城真係美食沙漠🥹想飲茶都無咩選擇☹️下次都係出將軍澳食飯…

康城真係唔多酒樓，好少選擇而譽居既食物質素都算係唔錯，不過價錢就唔係好親民但有時候夜晚想食下外賣點心同中餐都係一個唔錯既選擇既鰻魚炒飯推介佢既鰻魚炒飯係咁多個飯最好食既一個，所以為食貓次次都會叫，不過如果再多d鰻魚就更好薑汁糕/紅棗糕推介呢2個糕都整得唔錯，尤其係個薑汁糕，都幾夠薑味同幾辣日式鹹水角推介呢個鹹水角有少少芥辣味，都整得幾特別幾唔錯為食貓未試過堂食，所以唔知道佢既衛生同埋服務係點，不過以外賣嚟講，都算ok

今日早食晚飯夜晚回家肚餓了就叫一個杏仁茶外賣做宵夜姐姐話要20分鐘 都ok嘅結果等左30分鐘都冇聲氣催單 話杏仁茶已經等左30分鐘⋯點知姐姐入一入去就即刻拎到出黎見佢白色一盒咁 應該冇錯啦回到家一打開係雙皮奶⋯失望又無奈唉 冇下次

今日第一次嚟，被餐廳內古色古香嘅裝修所吸引，位置闊落坐得舒服，店員有禮貌服務態度好，我哋點咗八樣嘢，食物質素普遍幾好，特別係「黃沙豬潤水」好好飲簡直出色！「涼拌手撕雞」夠辣，甜品「雙皮奶」夠滑又唔甜啱我口味，「燒賣王」好食，「小籠包」中規中矩，「鮮蝦雲吞麵」啲麵好食，雲吞都唔錯，美中不足係啲湯味精多咗啲，最後係碟「豬膶腸粉」就有啲失望，味道一般，可以唔使試。100分滿分我會俾95分，下次還會再幫襯，推薦俾大家

外賣點左海蜇飯發現裡面有頭髮，打電話給店員不給換態度很差，而且阿姐直接說很忙掛斷電話，之前都會來吃，從今以後都唔會再來吃！感覺非常失望！難怪現在都沒人來這個店吃

今日大年初一， 12:30叫咗外賣等到兩點都冇！當我買外賣嘅時候，收銀處個姐姐話半個鐘頭就得，我一到追一路想退錢佢都唔理！我覺得值得去投訴但係唔知點做好！希望唔會有下一個食客好似我咁出事！但係其實我相信佢係miss咗單又唔承認，其實一早比我退錢咪仲好！大年初一唔想同佢嘈，但係佢哋死都話係跟單跟住再出外賣！跟住我攞住一張後我20個號碼都可以成功外賣自取拎走同收銀講，佢當冇咗回事！唔知譽居嘅管理層見唔見到，但係你哋出菜嘅管理實在太差！

上網睇完食評 就想飲茶見到下午茶好似幾抵$37 兩點心就走左去食點心嗌左1.山竹牛肉球 正常 唔會太淋2.叉燒腸粉佢個粉皮係好似粉果皮/啫喱既質感之後再嗌左兩餸粥（肉粒+豬潤）$39粥幾綿豬潤粥上網見人有推介又真係幾唔錯係滑口 彈牙既豬潤都有5-6片記得細個食過橋米線啲豬潤係又嚡又苦 好似沙沙地咁肉粒就錯左變左粟米 不過算啦最後埋單係唔洗$90 但覺得啲姐姐小冷漠 入去冇人帶位 落單個時唔知佢哋係咪放飯 掂行掂過因為我一向大食唔知你哋一個人食唔食得哂呢

我們由坑口行去康城，諗住去康城嘅英皇戲院睇早場，平啲啲，而且英皇戲院好新同埋座位好舒服。之後我們見到一間叫做“譽居”嘅酒樓，入去睇下有乜食，原來主打食粥、麵，其他有點心和炒粉麵飯等。門面好似好高檔，內裏坐位都幾舒服，裝修好新，都幾靚。我們叫咗一個生菜鯪魚球粥、王牌鹹肉粽，鮮蝦菜苗餃和沙律蝦春捲。生菜鯪魚球粥，好棉，鯪魚球有五粒算係多同埋好大碗。食咗唔口渴應該係冇味精。蝦春捲好鬆脆，鹹肉粽和鮮蝦菜苗餃，味道同其他酒樓冇分別。總結：乾淨，服務一般啦，食物質素都ok，可以一試。

知道呢間茶樓開幕時 其實好興奮 但後來覺得價錢太唔親民就無意欲黎 今日家人剛好約左朋友黎到飲茶 話我知原來佢地依家有孖寶套餐 就買左返黎比我做Lunch☺️☺️孖寶要左籠仔糯米飯 同 潮式粉果👯‍♀️先講糯米飯 份量足 入面既臘腸比得好豪邁 用左比較肥既臘腸 所以飯內充滿油香 亦有荷葉香 配埋其他配料 如蛋 蔥花 芫茜等 味道及口感都好有層次🥰潮式粉果就不果不失 雖然餡料調味非常好 亦保留到白蘿蔔既爽脆 但皮略太厚而且無味 難以下嚥😅😅另外家人將剩下既牛肉燒賣都一併打包 反而呢樣唔錯 凍左但仍有肉汁 有返茶樓既水準 點少少喼汁就更能帶出味道🙋🏻‍♀️

星期六六點半食唔算多人，仲有卡位坐，招呼都唔錯，有禮貌沙薑雞腳：味道唔錯蔥花蝦米腸粉：腸粉好滑皮蛋芫荽魚片湯一碗：熱辣辣上枱，加咗少少酒，味道唔錯山竹牛肉： OK星洲炒米：一般燒鵝粒梅菜炒飯：燒鵝粒好細好細粒，梅菜好淡口，但味道冇問題鹹水角：夠熱，但係個餡唔好食牛柏葉：好食燉雙皮奶：唔好食其實整體都唔係太差，埋單四百幾蚊，差唔多啦叫咁多樣都係兩三樣唔好食，都唔係差得咁緊要啫

呢度啲服務超級差，樓面對啲客人呼呼喝喝非常冇禮貌，入面環境擠迫座位狹窄污煙漳氣，入面嗰啲服務員又係超級冇禮貌，黑口黑面對住啲人近乎咆哮。嗰啲食物簡直係拉圾，又咸又難食。魚肉釀茄子不知所謂，得粉味同油，胡椒味勁到咬一啖都要打乞嗤，啲油重要係唔新鮮呢碟牛肉炒飯簡直係難食之中嘅極品，啲飯唔乾身濕趯趯，得個鹹字，又係落咗勁多油落去。仲有嗰啲牛肉麵係得鹼水味，食咗一啖就冇辦法再食落去。啲茶味衰過滾水，價錢亦都唔平，簡直係「費墨」之中嘅極品，快啲執 笠