譽居

营业中

休息中

平時早餐食香腸煎蛋，星期六想食清d, 酒樓又多人又要等位，一個人就走去附近譽居飲個早茶。星期六日早茶孖寶到十點，平日就去到十一點。叫左皮蛋瘦肉粥加金菰雞絲腸粉。皮蛋瘦肉粥和金菰雞絲腸粉都好足料，熱辣辣，味道不錯。早晨孖寶$36，留意番佢都要加$5茶錢再加一。

聽朋友講係將軍澳中心「譽居」飲早茶，環境唔錯、食物味道👌🏻兼價錢合理，於是便和honey去試下 😉。取票等了一陣便等到張卡位，坐得寬敞舒服兼對大著窗，光線充足，感覺良好！😚點了👇🏻兩款早晨套餐：👆🏻“蠔豉牛肉粥+沙律蝦春卷” ⭐⭐⭐・牛肉蠔豉粥～大約4片牛肉、2粒蠔豉，牛肉頗新鮮，蠔豉味道足・沙律蝦春卷～皮夠脆唔油膩，有雜果係裏面，但係蝦就太細粒及無咩味👆🏻“鳳爪排骨飯+煎蘿蔔糕” ⭐⭐⭐・鳳爪排骨飯～鳳爪和排骨好入味，飯唔會太淋・煎蘿蔔糕～煎得好香軟、夠熱大致上各方面 (食物、環境及衛生) 都唔錯👍🏻，連埋加一都係大約$100，都幾抵！😘

將軍澳想飲茶其實相對好難😂尤其添好運執咗之後 得兩個人既話其實都推介譽居未有點心食個陣 都算係飯堂因為佢炒菜炒野唔錯 有穫氣所以對佢點心都有小小期待覺得最推介係佢個雪山叉燒包外脆內軟大致上都可以再黎一戰唯一覺得唔好既地方係 星期六日無下午茶時段

諗住買個外賣，已開門營業，有若干茶客，行到櫃位，位略健碩既阿姐話7：30先開始落單（果陣差3分鐘），夠時間了！又話佢個鐘係29分！未到！？落了單，問下要等幾耐？佢話等15分鐘有你算好彩了！假期唔止添！我話依家係平日！？對於打工仔，朝早等個早餐等15分鐘已經極限！問佢可唔可以同廚房講盡量快d? 話無得快架噃！即叫即蒸！我點了排骨飯，問：唔會由生米開始蒸嘛！？佢答：唔知噃！你自己去問吓廚房啦！唔好意思噃！雖然佢都有講唔好意思，但態度懶懶閒咁，似老賣老，愛理不理又寸寸貢，令人感覺唔好，不會再幫襯！

放假去Popcorn 午餐，每次行過「譽居」都想去飲茶但又唔想排隊，今天人龍不長有機會去品嚐了。雪山叉燒餐包 看上去樣子漂亮，面層的雪山皮做得鬆脆，餡料豐富，包的質感不錯。子薑叉燒酥 好似好特別，加上子薑的叉燒酥唔知會唔會產生什麼化學作用，但一咬落去上層都係酥脆，但底部似濕濕地，感覺唔係太好。豬潤腸粉 是我期待的，因為唔係太多酒樓點心有供應，豬潤感覺有點點生，但很爽口。海苔煎釀三色椒 這個不錯，豉油加上海苔絲有提味的效果。甜品養顏紅棗糕 有紅棗味而且唔會太甜。

😋叉燒拼燒腩仔😋-燒腩仔好脆口鬆軟，叉燒又夠肉汁入味😋日方式咸水角😋-以綠色的波菜汁及wasabi，配以雞肉，蟹柳及草菇等材料，好特別😋鮮蝦雲吞麵😋-皮薄餡靚，出面好多雲吞都會豬肉多過蝦肉，所以令我本身唔太鍾意食雲吞，但食左呢碗之後係愛上了，食過翻尋味，😋梅菜燒鵝粒炒飯😋-第一次食，好驚喜，好match,夠哂開口😋砂鍋膏蟹粥😋-滾滾下，好棉，夠入味，蟹新鮮😋上海小籠包😋-好高分的小籠包，湯汁多又入味，唔多講，自己試下，赴熱食小心心急燙口啊🤭

譽居😋將軍澳高質茶樓😋這茶樓前身為雲吞麵檔，現轉型為茶樓！食物質素相當高，價錢亦唔算貴😋。首推燒鵝粒梅菜炒飯🌟！炒飯粒粒分明😙，燒鵝香口有鵝味😋！最重要係梅菜鹹香與炒飯極夾🥳！好好味！另外仲叫咗個小蜜蜂🐝點心😂！好可愛😍！尤其用來做翼個兩片杏片！

有點失望😶睇咗食評再嚟都係賴嘢🤷🏼‍♀️1️⃣鮮滾豬潤粥 $43首先，第一碗係有條頭髮係入面既… 雖然呢啲係無可避免… 但係心裡梗係有點不知所措… 向店員反映時只換來一句：幫你換咗去！雖然呢句說話正常之不過，但絲毫感受不到會作出任何改變去儘量避免日後再發生… 再來，第二碗… d 粉落得太多… 明白商人會再粉去溝d 粥… 但多到變左一pat pat… 口感極差😵再來d 豬潤唔知點解好多肋… （附上一張食淨既比大家睇… 相片有啲肉酸…)2️⃣譽居叉燒腸粉 $35講到非常之出色既叉燒腸粉…凍既😨大佬呀… 我堂食緊架… 雖然我都覺得個腸粉本身應該係幾好食嘅，但凍咗令整體感覺變得好一般。💟總結：完全諗唔明點解咁多人黎食🤔又唔係抵…仲要另外比茶錢同加一💰💰

今日突然想食中式糖水，在將軍澳沒有太多選擇，就發現了這間中菜廳。三人同行，吃了大概四百蚊（晚餐）叫咗個香辣鮑魚雞煲，有意外驚喜！居然有六隻鮑魚，雖然三隻大三隻較小，但都比想像中多，而且鮑魚好彈牙😋😋 個雞煲個底係麻辣汁，不會太辣，但惹味，配白飯剛剛好👍🏼請原諒我太肚餓，忘記了影相，實物和餐牌差不多。另外叫咗些點心，都幾好食！最後就叫咗個木瓜雪耳糖水😋😋略嫌有點淡，不過好抵食。會再來，決定下次試吓其他甜品！

除咗粥麵點心之外，譽居亦都有小炒供應。今晚叫咗三餸一飯。先上枱的西檸煎軟雞個西檸汁味道較得不錯，有點檸檬嘅清新，非常開胃。通菜炒牛肉食得出熱辣辣有鑊氣。全晚最surprise 係黃金蝦球，蝦球大大隻，蝦肉亦都鮮甜。 $128 有六隻蝦球，價錢算係合理。冇叫白飯，因為覺得炒飯比較抵食。叫咗個楊州炒飯，炒得夠乾身，配料亦足。雖然想食糖水，但最後忍口冇叫到。Was very satisfied with this meal.

Ordered a simple breakfast set and had to wait for forty minutes. Apparently the 腸粉 takes a while to steam - a long 40 minutes! While waiting, I noticed waiters serving 腸粉 to diners. Is there a special ingredient for 腸粉 takeaways that require extra time and steps?

我們一家好鍾意來這裏飲茶，因為這裏隨時隨地都可叫點心，點心都幾精緻，因為都是即制所以要等耐一點，不過飲得茶一般都唔趕時間，無所謂啦!!佢流心奶皇奶真係幾流心，小朋友好鐘意食，仲有叉燒包，叉燒香得來又唔多肥肉，炸兩雖然唔係即炸，但都仲脆，山竹牛肉球都幾大粒，有牛味，最欣賞佢的粥和炒飯，粥是生滾的，好鮮味，楊州炒飯炒得好乾身，附有菜和鮮蝦，呢兩樣真係介推大家試試，鋪面都幾乾淨企理，坐得幾舒服，正!!

門口和收銀姐姐語氣差。外賣話需時15-20分鐘。過了時間去問，只講在做。最後忍唔住再問，才入廚房睇，過了3分鐘就出嚟。前後40分鐘。趕時間千其唔好去。我喺講緊早上11時。

呢過譽居幾次，但都冇寫過食評。今次的起心肝寫返篇先。放工後同朋友嚟食個晚飯，由於唔係太肚餓，所以叫咗兩餸一飯。頭抽豉油雞飯油雞雞肉都算嫩滑，但可惜冇乜雞味，應該唔係用新鮮嘅三黃雞。豉油味味道普通，香味不足，落多啲紹興酒可能會好啲。白灼爽脆鮮腰肝朋友鍾意食豬腰豬肝，所以叫咗一碟白灼。豬肝幾滑嫩，豬腰則爽脆，味道唔錯。梅菜蒸魚腩我同朋友都鍾意食蒸魚，所以叫咗個梅菜蒸鯇魚。呢碟菜嘅神髓應該係梅菜，但呢度啲梅菜味道偏鹹，可能清洗浸得唔夠。食鯇魚要小心啲，因為多骨，我朋友就唔小心食咗一小條骨落肚😱，好彩冇乜事😅。

夜麻麻都可以飲茶平時真喺好鍾意飲茶，但疫情又怕人多，少飲咗好多，今日去開將軍澳，朋友建議飲茶，個陣都已經晚上七點幾，原來呢間「譽居」夜晚都有點心食，而且仲好大間，人唔多，都坐得舒服。我地點咗好多點心，最開心喺有雷沙湯丸食，唔喺間間都有得食。叉燒包好鬆軟，牛肉腸又香又滑。鮮蝦燒賣皇，大大隻蝦肉好彈牙。奶黃包小朋友至愛🥰叫咗勁多野食，埋單$450 四大一小，價錢相當合理抵食。譽居 (將軍澳)將軍澳唐賢街9號PopCorn商場地下G01號舖