譽居

营业中

休息中

呢個價錢，呢個質素，我比200分，環境、工作人員；清潔、食物、一切都好好！五保飯以為比平嘢，結果幾好食嘅雞翼，價錢平，以為個飯好細，但係食到好飽。最難忘係，林食完嘢俾錢，打爛咗冇怨言，立即幫我清潔， 10分細心！

點心食物味道係幾好食既。但服務態度就令人失望。腸粉不太厚，鮮蝦腐皮卷新鮮炸起，食的時候仲係好熱。蝦餃燒賣都好食。荷葉飯，本來有期待。味道係好食既。點知食嘅時候竟然發現有雞蛋殼，其實本身想同職員講叫佢哋注意吓，驚俾小朋友唔覺意吞到。(上圖的右上角)叫職員，個個都扮睇唔到。之後傳菜阿姐通知了應該係部長或者經理的丫姐過嚟。點知佢竟然答：「有雞蛋殼，好正常喎，炒飯要用雞蛋喎。」滿腦子疑問❓乜原來炒飯應該要有雞蛋殼喺入邊㗎 ？我哋當堂「吓」左一聲。之後佢再補多句「咁幫你取消囉。」呢段期間，佢係用一個極度晦氣的語氣說話。老實講，我哋並唔係稀罕免費三十幾元的荷葉飯。只不過諗住善意提醒注意多少少。而且果片雞蛋殼都幾大片。一個唔覺意，真係會界傷喉嚨。其實忙中有錯，大家都會體諒。好聲好氣講句唔好意思，好難為你咩？

有時候不想經常吃西餐，偶爾想食下中餐，我們便會走到Popcorn的譽居吃晚飯，而且人不會太多，不用排隊，可以一試哦！❤️❤️❤️這間譽居頗特別的，晚飯時間你仍然可以點點心吃，點心的質素都不錯，即叫即蒸都很新鮮的！除此之外，亦都有一些粥粉麵飯可以點的，選擇都是多元化，飯的話都可以點福建炒飯、炒飯，炒麵等👍🏻👍🏻👍🏻最後仍有一些很傳統的甜品、糖水可以點，因此吃完晚飯後再吃甜品，都是非常滿足的中菜廳❤️❤️❤️

今天放假，當然要嘆一個早茶。這間餐館在星期一至五早上11時前，或星期六日早上10時前有早晨孖寶。孖寶都幾多款式，有皮蛋瘦肉粥、艇仔粥、蠔豉牛肉粥，又有荷葉飯、鳳爪排骨飯、章魚肉餅飯、鮮蝦三寶餃，鮮竹卷等等。今天叫了皮蛋瘦肉粥，皮蛋和數，肉的份量也不錯，但味道麻麻，一食落已知道很多味精，而且粥底冇乜米，個樣杰杰地但是不好吃，完全不覺得是食粥，食完不停飲水另一個點心鯪魚球，就正正常常幾彈牙水準還可以不過最值得一題是，這間餐館員工的態度，上次門口的接待員，下次收銀和侍應，只可以用五個字形容：寸嘴冇禮貌

食物還可以，個別員工服務態度需改進。於17/03/2023早茶時段，穿格子套裝的那個女樓面待客態度欠佳。客人提醒她不要攪亂同枱不同組別客人的單據，她不領情及誨氣回應。

去買一碗麵外賣，要求淋啲給老人家吃，但在外賣收據上沒有顯示。於是回頭向收銀員查詢，但收銀員態度惡劣，語氣「非常之重」，加上「手指指」的不停說「我唔知！！你自己搵經理查！！你睇吓電腦有冇打入去！！」。而剛剛個女經理在電腦房立即開電腦，「喝」我過來說：「你自己看！電腦有沒有輸入！你自己看！你自己看！」。其實向收銀員查詢一下，如果說已輸入了，其實便可以完成查詢，為什麼要這樣喝顧客呢？！

星期六晚 (17/12/2022) 叫了碗鹹蛋叉燒飯 (正價)，有六至七件叉燒，但全部又硬又實，淨係得一嚿叉燒咬得入。最後，那一頓晚飯，只吃了同半隻鹹蛋，一碗白飯加一件叉燒！譽居 signsture dish 竟令人如此失望！

員工態度不能接受，食物中規中舉，但大多也是凍了，應該準備好食物但又沒有安排出單給我們，不能接受。另外電話接線生態度語氣極差，如果上班不開心或受氣，請不要找食客出氣。應該不只是我有這個感受，最後看了店家review, 其他人也有同感，希望你們會改善，美食更好吃也沒用。

外賣於將軍澳pop corn 餐廳店內一小時多仍未出餐，打去查詢時女店員態度極極極極惡劣，好聲好氣查詢，竟呼喊客人查詢有問題，最後更突然cut 線，其後再多次致電亦同樣即刻cut 線，女店員一直唔幫手解決問題之餘，更以極不禮貌方式對待客人，沒辦法想像佢哋咁樣對待附近居民，，何以一間老字號集團中式餐廳竟如此對待客人，永不會再次幫襯！！！

下午茶又想食點心, 一般酒樓都只係食到四點幾....😉來這裏吃, 就算晚市都可以照吃點心....🥰精美點心, 標榜是新鮮製作, 即叫即蒸....某些點心還註明需要約15至20分鐘茶位 $5@沙律蝦春卷$33皮薄脆口,蝦肉餡料好足料👍譽居蝦餃皇 $39雖然蝦餃皮不是太薄但是煙韌有口感蝦肉夠彈牙豉汁蒸肉排 $27不會太多肥肉味道調配剛好,不會太鹹京式菜肉包 $25熱辣辣🔥餡料豐富😋蠔皇北菇麵 $45炆得好淋嘅冬菇+爽口嘅麵條咬口感豐富😍原盆馬拉糕 $27糕身鬆軟👍健康薑汁糕 $25薑汁味濃厚糕身口感煙韌彈牙

又嚟總不會令我失望嘅「譽居」飲早茶，我偏愛坐卡位，因比較寬敞清靜…而呢間亦算多此種座位給我選擇！😉今次嘅早晨套餐有些改動，除了原本款式外，還加添了一些新款式，可以讓我多些選擇，於是 order 了一些之前未嘗過的點心 😘👆🏻“雞包仔”～包蒸得夠軟熟，雞粒加薑汁味，口感唔錯！😉👆🏻“鮮蝦三寶餃”～皮薄餡靚，🦐大大隻又爽甜，仲有三款唔同配料添！👍🏻😋👆🏻“鮮蝦翠玉瓜蒸腸粉”～腸粉又薄又滑，配合蝦及翠玉瓜粒，都幾好味！😚👆🏻“土魷肉餅蒸飯”～比較一般，冇咩特色！😌👆🏻“黑芝麻馬蹄糕”～馬蹄爽口兼甜，配合黑芝麻香味，口感煙煙韌韌幾得意！👍🏻😋

早茶孖宝价格很优惠~排骨鸡爪蒸饭很合我口味！而且份量也很足！肠粉一直都是我的最爱~这家出品也很不错~誉居就在我住的酒店楼下，非常方便，是我早茶最方便的选择哈哈哈~

冇諗過商場入邊酒樓都有下午茶餐，而且種類好多，份量又足夠，食到好飽，啲點心都好熱蒸得好香，而且環境衛生好好，位置有優越，一定會去再試，最深刻係佢個叉燒包真係好香脆

覺得「譽居」嘅“即叫即整”點心，除了多款式外，味道亦不俗，所以相約朋友再嚟一齊飲茶嘆下，又可試多啲不同點心！ 😉兩款粥都好夠料，尤其“及弟粥”，真係有啲喜出望外，豬肉丸彈牙、豬膶爽滑，又有我喜愛嘅豬肚👍🏻😋。而牛肉蠔豉粥，牛肉頗多使粥夠甜，可惜蠔豉就略嫌硬！😅飯蒸煮得剛剛好，唔太淋唔太硬，而餸亦好足夠！😚馬拉糕及咸肉裹蒸粽充滿傳統味道，潮州粉果皮薄餡靚！😘腸粉蒸得非常滑，加埋甜醬麻醬一齊食，真係👍🏻😋，但油炸鬼就唔夠脆！木魚茄子調味正、雪山义燒包外皮夠鬆軟餡夠密味、綠茶咸水角幾特別！😉

所有服务人员，上至经理，下至服务生态度都极差。请问消费者是去消费就餐还是听人吼叫，很重的放碗筷的？这样的店简直拉低商场的水准！整个管理一塌糊涂，落错单不想办法解决，一顾的推诿。经理出来原来是最凶的那一个，无怪员工都冲顾客大吼大叫。再也不会光顾！落错单确是我的问题，我已经声明可以取消就取消，不方便就打包领走，但是服务生和经理还是一味的骂骂咧咧，什么情况？食物质素一般，环境麻麻，完全对不起这些个大爷服务生的脾气。