譽居

营业中

休息中

平時我家有時不想煮飯，都會去下譽居食飯今天家人去吃午飯時，因沒有裝安心出行就按規矩用紙筆記下個人資料怎料有女侍應，一方面當家人屢叫order時不理睬另一方面和另一侍應說“唔用安心出行，用紙記，咁唔環保，讀屎片”！！！！！家人當時忍忍忍，沒有和她理論但以後不會再幫襯

其實青衣都好少呢類型嘅餐廳，當你真係好想食嘅時候其實冇乜選擇。幫襯左幾次，叫過粥、燒味飯、炒飯、炒粉等等粥嘅份量同其他舖頭差唔多，都幾好食，都算足料嘅，至於其他燒味飯炒飯炒粉類，身為一個女仔我覺得份量偏少，食完都唔夠飽，而且價錢偏貴又唔包嘢飲，味道正正常常，燒味飯我叫咗肥叉燒切雞飯，啲雞全部係背脊位冇乜肉，肥叉燒全部都係瘦嘅叉燒，所以當真係好想食嘅時候先至會幫襯，一般情況下應該都唔會幫襯啦，至於服務態度都係正正常常。

因為老人家想吃這處的叉燒 山長水遠來買了一份外賣 價錢已經貴 份量又少。和待應要求指明要軟身諗d 最後回家連後生的都覺得硬 味道又不及之前 以後唔會再幫襯。打電話投訴又隨便說說hea我 現在這種經營手法好難生存。

疫情下，晚上六時後無得堂食，只好外賣自取。全香港啲食肆都有套餐，折扣優惠等等...但譽居沒有任何折扣優惠，另外星期一至五連套餐都無...問一問店員一聲，有冇任何折扣？答案居然話無加一😆，真係啤一聲...可能太好生意，唔憂做...咁我都係唔好阻人做生意了

其實之前已經食過呢間，今日出青衣城做野，快閃食個早餐先荔灣艇仔粥有冇人好奇點解叫荔灣艇仔粥?最先來自廣州荔灣西關一帶，原為一些水上人家用「艇仔」在荔枝灣河面經營販售，故名「荔灣艇仔粥」。配料我就食到咸瘦肉、生菜、豬皮. 、魚片、魷魚、花生粥底尚算绵滑鮮甜。葱花蝦米炸兩食粥緊係要配炸兩。雖然整定不過都食到油條脆脆地，唯1可惜既係5夠熱。譽居叉燒腸粉叉燒份量足料，不過腸粉皮5夠薄，可以淋甜豉油。不過我就中意配甜醬同花生醬。早餐特價時段免茶優惠，不過要加一。兩個人食都好飽肚，抵食之選。

香港有好多地道食物，耐唔耐就會想食，對我來講就係：雞蛋仔、雲吞麵、咖喱魚蛋等等 ⋯⋯ 今日唔知點解突然間好想食牛腩撈麵，咁我喺青衣城，就人肉Google一下邊度有牛腩撈食。好快就發現到呢間，下午六時左右，一個人唔使等位，就即刻入去坐低。原來佢冇牛腩撈麵，只有「牛筋腩撈麵」，咁當然都要啦🤣唔使5分鐘就嚟到，都幾大碟，牛筋牛腩大小總共加埋有八、九塊，牛筋幾滑幾焾，牛腩就炆得幾入味，麵都幾爽滑，總括嚟講味道唔錯。不過，佢服務一般，但係有加一😅

夜晚九點幾，喺青衣城竟然有好嘢食，真係估佢唔到。入到去見到有宵夜餐牌，就知道佢開到成11點，我呢啲夜鬼一族，又或者返工好耐嘅朋友，喺青衣搵嘢食唔係好似旺角咁容易，但竟然都有得食，真係好開心。 冬天梗係要食腊味啦，我腊味炒米粉，又好食又亂位，就出嚟唔會太鹹，食落去又唔係太熱氣，粉嶺仲要幾多喎，如果兩個女仔嚟食一碟都夠喎。夜晚唔使餓住瞓覺，太好啦

該店已在商場開業多年。是日同個老友幫襯下午茶。嚟到門口已經見倒有個大牌介紹下午茶內容。入面嘅裝修都幾切合佢個名，屬於新派懷舊茶居風格，有卡位同散枱提供，我地揾左個卡位坐，都幾舒服嘅。睇吓個餐牌，都有多類出品可選擇。粥嘅賣相一般，用匙羹撥開d粥，見倒d料。咸瘦肉配皮蛋，食落都OK，粥都算棉嘅。油條唔係即炸，欠左少少應有風味。雲吞麵麵質都爽嘅，配雲吞三粒，製作都算堅實有口感。所謂陳皮牛肉腸就唔多得喇，主要因為唔係即製而係番蒸，冇晒腸粉嘅柔軟度，腸皮變厚且熱度不足，亦唔覺有陳皮味。該店下午茶以28蚊嘅雲吞麵做主角，看似廉宜，但如果祗係幫襯食雲吞麵，因為要俾茶錢同加一，埋單要成37蚊，以下午茶嚟計，一d都唔平囉。至於是日食嗰d其他嘢，質量祇係一般，腸粉就唔多合格添。

本menu 成本書咁厚！好堅！好多款野食！價錢又唔貴，料又足！芥蘭炒牛肉好有鑊氣！食得出唔係hea 炒咸蛋蠔豉叉燒粥雖然有咸蛋但粥底偏淡，叉燒同蠔豉料好有口感下火一流燒鵝粒梅菜炒飯出面比較少咁配搭，又幾野味，飯粒粒分明又唔會太乾，好味呀！南乳豬手呢個南乳好入味，豬手夠曬淋份量亦不少！芝士焗珍寶蝦球啲蝦好新鮮又彈牙，唯獨芝士味不夠重整體來說，CP值高，埋單都係$5xx, 4個人食，仲要食得出味精少！下次一定會再食

呢度嘅粥雖然比唔上靠得住係我心中嘅地位 但呢到價錢合理（除左花膠、鮑魚粥外）粥嘅黏度、綿密度都夠 食材都好食 特別係豬肝 好滑好香 對於腸胃唔太舒服嘅小編🐰 呢到係個唔錯嘅選擇 簡簡單單又一餐❤️btw佢個咕嚕肉（$78）好特別 用桃🍑代替菠蘿🍍但唔到又出奇地夾wor～-Even though this congee restaurant is not comparable to the, the congee here is delicious. It is smooth and sticky enough! The prices of food are acceptable except that of the congee with abalone and fish tripe. For my favourite dish sweet and sour pork, I think it is creative and wise to replace pineapple with peaches. I think the flavour of pork is coherent wit

多款優惠套餐，粥配一種食物，如腸粉/炸両/炒麵/糭等！今天食艇仔粥（$34），走魚片，真係有走！材料有豬皮，咸瘦肉，生菜，魷魚及花生，粥底相當厚，幾綿口，唔係好味精，食晒都相當飽肚！另外透露選配炒麵，唔太咸，麵條有一定硬度，有甜醬送食，但味道有點古怪，不點罷了！另收茶錢，不過都算抵食！

今日晨咁早出去青衣見有啲時間就去揾間餐廳食早餐之前聽朋友講過『譽居』今日經過見到餐牌好似唔錯於是入去試一試😏其實個早餐孖寶都幾抵食，選擇夠多而且價錢合理仲免茶芥添～叫左「荔灣艇仔粥」配「蔥花蝦米炸兩腸」首先講碗艇仔粥，粥底好綿都好足料👍🏼👍🏼碗粥本身巳經有少少味我覺得清淡啲唔落胡椒粉都夠好味了！另外份炸兩腸味道都唔錯外層腸粉唔係太厚內層油炸鬼keep到脆口蔥花同蝦米令到份炸兩腸多左份咸香👍🏼三十幾蚊食一份咁豐富嘅早餐都算好抵，而且環境舒適，有時間可以慢慢坐～

燒味飯我相信每一位香港人都有食過,但高質素既燒味飯就唔係到到都有今日居然比我遇到呢個係燒味雙拼飯嚟，我揀左燒腩仔同燒鵝佢啲燒腩仔真係好脆塊皮好好食,啲肉肥瘦適中啱啱好 至於燒鵝都唔錯，塊皮燒到好入味一咬落去啲鵝油香bit晒出嚟，不過啲肉就差啲啦， 稍為鞋咗小小，略為美中不足至於條豆係白灼嘅，冇乜味道不過食落幾爽口總括嚟講係同地鐵連接商場40幾50蚊嘅價錢食到呢個質素嘅燒味飯我覺得都叫reasonable嘅

譽居最好吃的是什麼？印象中及第粥，牛肉蠔豉粥，雲吞麵，都係非常出色。今朝來到青衣分店，點咗牛肉蠔豉粥配炸两，雲吞麵配青菜我本身鍾意吃新鮮蠔，對蠔豉就麻麻哋，但自從試咗譽居的粥後，就愛上咗蠔豉，因為佢煲得粥來又keep到佢獨特的味道，不會淡而無味，所以係來到必叫粥品

燒味飯平時就食得多，但好少可可以食到出色嘅燒腩仔，我認為依間譽居唔試試就真係戇居！晚餐叫個鹹蛋燒仔飯都係$48 在青衣城黎講 ，咁既價錢既好味又食得飽，實屬難得！而且燒腩仔保持到脆皮芝麻皮，一層肉一層脂肪，分布得好平均，同埋啲脂肪可以做到入口即溶，點埋個介辣醬辟埋陣豬肉味，喜歡食燒肉嘅朋友應該都會鐘意！肉丸魚片粥食粥最緊要夠熱！依度完全做到！不過魚片就略較多骨紅豆桂花糕$18有四件 呢個桂花糕係楊大菜整既，本人就鍾意食用魚膠粉整嘅多啲，因為個口感好d