譽滿點心匯館 (已結業)

今天來到這家點心專門店吃午餐，兩個人點了四款點和一個蒸飯。由於過了午飯的高峰時間，故不用等位便可入座。店員拿來茶包，共三款口味，我點了玫瑰花茶，朋友點了桂花茶，兩種味我都試飲過，有淡淡花香，不會苦澀，好味。點心方面叫了青芥末子母蝦餃，大餃上有小餃子，小餃子是芥末，賣相可愛，一口吃下，味道異常夾，好味。帶子腸粉是標榜用100%澳洲帶子做的，味道鮮、口感嫩，不錯，只是帶子數量較少。而馬友肉餅飯，肉餅應該是用了很多肥肉搞拌，所以很滑，不過馬友味就有點欠缺。至於咸水角，我覺得是最好吃的，炸得外脆內軟，足料，而且枸菜特別多，好吃。不過有一款點心我不推介，就是蒸爪，味道是不錯的，但有點硬，應該是蒸得未夠時間。不過這裡的環境很舒適，很乾淨，店員態度也很好。新店開張，like Facebook還送糕點一客，今天是送凍芝麻糕，很滑，不會太甜，重芝麻味。大家來時記得看看還有沒有這個優惠。提一提，星期一至五，2:30pm後入座有八折。

新開無耐的點心小店，地方寬敞，枱櫈舒適，食物性價比高，點心口味大眾化，適合三五知己和一家人週末黎飲茶聚會。本人特別喜愛其帶子腸丶菠蘿叉燒包，杞子蒸雞飯及綠茶紅豆煎餅。

在3 月中經過上環皇后大道中，見到有間新開的點心店 <譽滿點心匯館>！之後再經過，3月尾開張！3 月中下旬的星期六試業期間走來幫襯，享受獨自飲茶的樂趣！ 不論好食與否，都要獨食！所以，我對這間點心店也有一定的期望！舖位深長，並分為上下層，上層高幾級樓梯而已，光猛企理！衛生方面良好！店員人手都足夠，而且不時有其他國籍食客幫襯，女店員也懂得講英文！餐牌桂花烏龍茶 $6味甘濃郁，喝後回甘！ 還帶出陣陣桂花清香，既芳香怡人又醒神！馬友肉餅飯 $38不要看少這一小件馬友，足以是鹹香滿載的鹹魚，食落軟身；至於肉餅混入肥豬肉，香口又柔軟，加入的生粉不多，較為真材實料！黑松露野菌水晶餃 $28水晶餃皮厚亦未如理想的晶瑩及煙韌口感，質感偏向柔軟！配料包括：沙葛、新鮮冬菇、爽口有嚼勁的菌類、甘筍、翠玉瓜...等，混合黑松露，提升整體口味！田園野菌腸粉 $24兩者選用的配料差不多，配料包括：沙葛、新鮮冬菇、爽口有嚼勁的菌類、甘筍、翠玉瓜、粟米...等，腸粉夠雪白，質感帶黏口！不太討好！要加上豉油才夠味！

好耐都冇寫食評，但今次真係要讚下呢間點心店!星期日早上大仔上環考完試，一家大細搵野食因為好肚餓，所以叫左好多野食~首先有位好好笑容既呀姐問我地飲咩茶，係茶包黎既，我同老公都叫左玫瑰荔枝茶，而大仔話飲普洱喎~而細仔太細所以飲水~一人一杯~點心應該全部都係自家制~!叫左：牛肉球，勁大粒又滑又香燒賣，都係大粒，蝦肉勁爽牛肉腸，皮又薄又滑鳳爪，5大件，正菠蘿叉燒包，皮脆，多叉燒糯米雞，有3份1條臘腸響入面😂紅棗糕，軟熟，不太甜

個阿姐態度極差，絕對唔再幫襯。好心咁唔想做就炒左佢啦。咁趕客。文字好難形容態度有幾惡劣，會好大聲好惡問你要乜野，好似有深仇大恨咁，之後會趕你出去等。請個正常小小既人得唔得，非常誇張，一次係咁，第二次都係咁，相信老闆自己都知道個員工係咁，難請人焗住用。來呢度食野就遇左要受氣。。 。 。 。 。 。 。

上環真係好多美食今日lunch行過見到e 間新開就入去試試環境好大～全店木裝修～有點日本味茶位6蚊但用茶包代替有3款茶選擇唔洗驚同朋友一齊時大家意見分歧可以各有各飲好抵讚之後叫左個北菇雞飯加山竹牛肉唔好以為唔係茶樓就唔似樣我覺得除時好食過茶樓埋單都係60蚊以後lunch又多間可以選擇既飯堂啦

要吃點心不一定上酒樓，因為現今開設了很多點心專門店，顧客可以根據自己口味去選擇。復活節假期閒逛至上環打算吃點心，之前多是前往周記或聚點坊，卻突然想起三月初有間名"譽滿點心匯館"開設於上環，抱着試新店的心態決定一試。假期早上的上環很清静，侍應安排坐位後再為大家開茶，茶葉款式較特別，我與家人均揀了烏龍，其實是茶包，但因水不夠滾，冲不出茶味。點了幾款點心分別是 : 青芥末子母蝦餃，其實是普通蝦餃加一小只包着青芥末的餃子、味道普通，只是gimmicks。蒸鳳爪，没有吃，冇評語。燕麥流沙包，應該是奶王流沙卻很杰身，完全冇流沙的效果，拓分。蓮藕鯪魚餅偏鹹。义燒腸粉，味道正常，但豉油不像一般酒樓處理過，而是放在枱上的普通豉油，所以有點鹹。紫薯百合素菜餃，冇乜味道。到我最愛吃雪山义燒飽就更失望，雪山皮不夠脆口，唔太好食。總括點心味道較淡，但有一兩款又偏鹹，較難捉摸，但三人不用二百元又不能有太大要求了。

Obviously came here for the gimmicky dimsums.A friend was waiting for me so I got a takeaway as there is no point both going in and getting charged for tea.Saying that, the dimsums were all stuck together and the skin broke for every one of them.Apart from the poor quality, the taste was good except for the wasabi as it was sweetened.Will try the Kowloon City branch to see if it is any better.

最近附近發現新開張點心專門店，擇日來試吓得唔得。在以下其一情況，此店是可取自選：- 你是外國遊客，對廣東點心沒有大研究- 自問對食物質素要求不是十分高- 趕時間，但又想食廣東點心- 不喜歡傳統酒樓的嘈吵環境我們兩人點了大概八款點心，有以下意見：- 食物送餐速度極快，如喜歡食物熱騰騰的話千祈不要一次過落單- 茶葉只有三款，並沒有傳統的普洱、香片、鐵觀音之類，對中國茶有啲要求的人來說會十分失望，不過只是$6一位，是非常之便宜- 整體食物質素只是一般，不是難食又不是令人想食多一口。例如其推介之：芥末蝦餃的餡料沒有鮮味、鮑汁鳳爪沒有鮑汁味亦沒有雞腳味、鮮蝦腸粉的粉皮唔滑又淡茂茂，腸粉豉油亦唔係特制或弄熱的，而是在桌面上的普通豉油。- 比較可取的是香煎蓮藕鯪魚餅、鮮竹卷、糯米雞。- 員工服務唔錯亦頗殷勤，另外因為新張關係，Like FB 網頁會奉送雲石芝麻糕（味道一般)。

最近見到附近開了新的點心專門店，見有侍應店外派傳單，一看有糯米雞供應，向來愛吃，賣了一隻打包回到公司慢慢嘆。即叫即蒸，加分，糯米黏度夠，粒粒分明，呈爽身，吃時軟韌帶糯，口感很好，而且尚好的糯米有米香，好吃。餡料有咸蛋，多了一份咸香，肉碎伴以醬汁，十分入味，伴以糯米吃，更具層次，而且啖啖滲溢荷葉的香氣，相當美味又飽兄的糯米雞。個人而言，提議加入古法元素，加鵪鶉蛋，燒鴨和冬菇，炮製古法糯米雞，定價38元以下，我也會買了嚐嚐，畢豈古法糯米雞，真的沒有幾間點心店有做，能夠一嚐，心滿意足。至於店員的服務，講真有禮貌，不錯，店內環境凊潔乾淨，但位子太少，午市飲茶，可能要等位了。

星期六天氣好差落住兩，一個人去食下午茶，經過這家新開的點心餐廳，門面好光猛，鋪頭細細，原來入面有好多張枱，分上下兩層，坐得舒服，又不大多人。開茶第一時間叫「普洱」，點知冇.....店員拎住個茶盒，可選三種手工茶包，玄米茶、荔枝茶 同 烏龍茶，我選了玄米茶，很香的。因為一個人食，只點了三款點心：大大粒爆蝦，爽口新鮮熱辣辣清新香醋青瓜和木耳餐具都很modern 我還點了鳳抓但忘了影相，一籠有6件，一個人食就多左少少，但味道都唔錯

本來今日諗住早放返屋企，點知今日放8點，都要屋企人出黎慶祝生日，好彩佢地都好樂意我公司附近開左間新點心鋪，一於飲個夜茶啦一坐底就有3種特色茶揀，我就試左蕎麥，好似我喺京都飲果隻味，仲有2隻味，屋企人話好好飲，下次試埋另外d味先佢個芥辣蝦餃好有心思,細果隻都有摺，好有心思，蝦新鮮爽彈，同芥辣好夾，勁正呢個青瓜木耳可以話係我食過最啱我口味既前菜，酸度適中，小小麻，正煎野絕對好食過美x大酒樓，好足料炸野熱辣辣，蝦好新鮮爽口腸粉好似即拉，料足正野，係我食過最正之一屋企人都勁讚左Facebook 送，當係蛋糕都好呀本來以為冇蛋糕，呢個甜品唔係話最好味，不過令我窩心遲下OT都會黎下夜茶

無意中經過，見新開張，門面乾淨，雖然已經食完正餐，都照入去試下。坐下即給我們揀茶包，不是一般的普洱、香片，而是喬麥茶、桂花烏龍或荔枝玫瑰，很有特色，而且只係$6/位，每人可選不同味道，無得頂！點心選擇不算多，但傳統點心全齊，一定合心水。最特別是子母蝦餃，必食。牛肉球很彈牙。和經理閒談，方知原來團隊來自國金軒，果然非同凡響。環境鏡舒適，服務周到，上菜效率也高。值得推介。

從來都冇寫過食評寫得唔好請勿見怪今日約左朋友去上環做野，經過見到呢間話試業期間like Facebook送糕點咁有免費野食試下又冇壞就入左去食啦~首先想分享佢地嘅茶！真心推薦呀！！！有桂花、玫瑰同蕎麥。桂花烏龍真係好好飲本身都鐘意飲花茶嘅我到最後埋單都忍唔住問有冇得takeaway啲茶包可惜佢地話暫時冇呢個服務可能係因為新店？所以啲staffs嘅service好好，講完要嘅茶就會幫你將茶包挾落隻杯到。不錯不錯到食物~我個人覺得食物冇茶咁特岀，但亦okay!因為有4個人，所以都叫左幾多野我就鐘意凰爪排骨飯啲飯粒粒分明 ，排骨同鳳爪又幾juicy，最緊要係加埋佢地嘅豉油！豉油真係幾好味，甜甜地另外，當然要試下店鋪推薦嘅子母蝦餃！一聽個名以為會好似親子丼咁，哈哈哈原來係正常蝦餃上面加粒bb size嘅wasabi沙律醬蝦餃，食落又okay喎！我朋友就鐘意個糯米雞！因為多料！哈哈哈 男仔食野果然係最重視份量總括而言，環境光猛而乾淨，員工服務亦唔錯，加上茶想食下點心同家人朋友chill下係唔錯嘅選擇

今日一個人食lunch,路過呢間新開的飲茶地方，想起好耐無去飲茶試吓啦～要咗個餐廳推薦的wasabi 蝦餃，幾得意，上面細蝦餃包住wasabi 沙律醬，下面大的是正常蝦餃。。得意還得意，但我都係prefer傳統蝦餃個蝦餃皮唔算薄，上菜時亦唔算熱，但料係足的再叫咗個排骨鳳爪飯，飯唔夠干身，水氣仍在，排骨唔算入味，鳳爪比較干。。可讚之處就係上菜時夠熱同soy sauce 個味調得好好茶要咗桂花茶，桂花味香，不錯不錯裝修光猛，乾淨企理，比較適合幾個人飲茶傾計