譽粵菜 (已結業)

又黎馬鞍山搵爺爺嫲嫲飲茶，今次特登走上新港城呢間酒樓，開業左兩年左右，酒樓主打婚宴，所以都裝修得幾好，環境闊落、乾淨企理，平日黎都好多人等飲茶，大約用左20分鐘係門口等叫籌，之後佢帶左我地坐房，係時候寫字叫點心，所有點心都大約10-15分鐘到，熱辣辣味道幾好咖！發生左少少插曲，金針雲耳蒸雞飯，等左30分鐘都未上台，最後我取消左單，因為趕時間走，建議佢地應該同顧客講聲，蒸飯要等幾耐，比顧客有個心理準備呀嘛！爺爺話好鍾意食佢地既蘿白糕，兩面都煎得香脆，裡面足料，臘腸臘肉味道好夾，唔駛點醬已經好夠味，唔止爺爺，其實我都覺好味牛肉腸，腸粉好夠滑，牛肉唔會實的的，配埋個甜豉油好好味，有水準之作點心大拼盤，$72有燒賣、蝦餃、馬拉糕、芝麻糕、粉果、菜苗餃，各2粒，我覺得幾低喎，當然點心好好味喇！最鍾意菜苗餃，皮薄餡靚，賣相吸引，好睇好食呢個嫲嫲拎比晉豬食的，芝麻煎堆，黑芝麻流心餡，外層香口，粒粒脆皮，煙煙韌韌好好味，推介呢個係香甜煎薄罉，賣相一般，味道還可以，內裡包住椰絲、花生碎，老人家比較鍾意食

之前父親節，我係早兩日先醒覺要book枱食飯，度度都話full，搵左好耐先搵到，太太話開左咁耐都未試過，近外父外母，試試啦！呢度唔知食粵菜定上海菜呢？有上海野食，我地叫左小籠包同生煎包。小籠包有五隻，皮都幾厚，所以唔易穿，仲可以保持啲汁唔漏。一食落啲汁好濃，但濃得黎有啲咸，肉都幾結實。生煎包:36蚊3個，都幾貴。Size同普通酒樓叉燒包差唔多大，生煎都預左佢多油，但個包皮都幾好食，面頭脆脆地幾好味。西蘭花煎龍躉球油多係咪通病呢？炒個味係唔錯，但係真係太多油啦！西蘭花索晒d油，食完成口都係油，個味有幾好都扣晒分！金蒜粉絲蒸頭腩仍然地..油多，加埋蒸魚豉油，真係食左成擔油！龍躉肉肥肥地幾結實，骨唔多，都係啖啖肉！蒜蓉好香，吊起左個味，底既粉絲我就唔敢食，因為真係好多油..甜品我地叫左雷沙湯丸，係外父的最愛粉粉，煙煙韌韌的雷沙湯丸質感好好，一咬開，芝麻未去到流沙，但都有小龍包的感覺，啲芝麻係口中"郎下郎下"，個感覺超正！難怪外父大人咁中意

***每次食野我都係攞出真金白銀，請管理員明察，唔該哂我幾乎有強迫症，每見到酒樓有小籠包，必叫之。往往中伏多，美味者少。唯小數懂得小籠包之味。小籠包的架勢該有的還是有，頂部開天窗，有廿摺，夾起頂端能蕩千秋。由窗口吸吮濃湯，湯很清甜，吸夠後方咬包中之肉。整個小籠包實在是用心手工之作。貴妃雞米線，清湯米線大大碗，味道不夠，麵身過𣺉，可算敗筆。唯貴妃雞補救，肉質鮮美，已熟，又不鞋，有肉地。薑蓉的理想比例是薑與蔥1：1，蔥要切粒，可是有待改進。

馬鞍山好多茶樓，我首推呢間下午茶特價點心：百花釀茄子姐姐未放上枱已經聞到好香，拎到黎好熱岩岩做起。 同其他煎釀三寶唔同呢個食釀花枝肉唔係魚肉，好食好多！唯一缺點係真係好油。香煎甜薄罉咸薄罉好多酒樓都有，甜既未必間間有。 薄罉個皮本身已經好煙un, 暖暖地好好味，包住入面有砂糖， 椰絲， 花生碎， 就好似食緊格仔餅甘，真係好好食！小點心拼盤下午茶先有， 入面係馬拉糕x2, 粉果， 燒賣，九菜餃。全部都好有水準，但相比起其他就無咩特別。芝心蝦春卷等左都幾耐，又係即叫即做。 上枱熱辣辣香脆可口，入面就係鮮蝦同軟芝士， 少少fusion, 都幾特別。呢餐茶可以話所有食物都好有水準， 下次想飲茶都要去譽！

今日唔係weekend唸住去馬鞍山飲茶, 去返bb滿月酒個間, 好多人呀. 1月嘅滿月酒所有菜式都非常出色, 相信飲茶嘅質素應該差5多.點心拼盤Li度嘅點心標榜係即場做而唔係交貨黎. 試下先, 拼盤好啱選擇困難嘅人, 蝦餃燒賣一定有, 有一個千層馬拉糕, 長方型自己cut開幾件食, 好有海棉feel味道唔係太甜. 但係菠菜餃就有小小厚皮,但勝在夠多菠菜同蝦肉, 好大件足料.大日子砂鍋炒飯面頭以蟹籽點綴, 有好多蝦同菜粒嘅炒飯賣相好吸引. 食落味道都好豐富, 以砂鍋上碟就算擺左一段時間都有餘熱, 偶爾有一粒蝦醬仔, 証明真材實料呢！翡翠帶子腸腸粉夾帶子唔太work的, 因為蒸好之後帶子好老好怪呢......黑椒牛仔骨好flavorable嘅牛仔骨~件件連骨嘅肉都好易甩出黎而目好入味我地張飛仔上面寫住左"有B車"，所以安排左個泊牆邊嘅枱, li點睇得出門口帶位姐姐嘅細心, appreciated!

星期日吃完尖咀八月居, 星期一食譽粤菜.價錢相约, 高下立見例牌燒鹅份量少如碟頭,皮硬肉小，賣115, 豆腐不熱, 老，醉雞不醉, 蒸魚大半豉熟油已傾倒在運餐車上, 其他也是很一般.黑名單已入

今日放假好得閑，同婆婆,媽咪一齊飲茶,為左唔等位去左新港城一間比較少人既茶樓。時間係11 點到, 有早午茶既特別餐牌, 三個人叫左8個點蟹子燒賣望住真係得兩糕既點心, 真係呆一呆, 計番成7蚊一粒, 味道當然係正常香芋糯米卷呢個係全餐最有特色既一個點心, 係外面真係無食過, 外面係一層薄薄既芋頭, 好香, 入面係糯米卷, 但就好難夾起雞絲滑粉卷呢個真係好難食, 一堆嘢, 無咩味, 腸粉唔似腸粉咁, 睇見都唔想食叉燒酥拼咸水角好油既配撘, 又唔好食, 食完頂實個胃, 不值一試牛肉球拼鯪魚肉阿姐又落豉油, 又落唿汁, D 味唔知想點, 份量好細, 無左牛肉球既感覺, 係牛肉丸特級鴨腳札呢個係幾好味, 全部料都好入味, 鴨腳有淡淡陳皮味斗門水晶餃個皮好唔得, 第一次上菜, 個皮爆曬, 阿姐幫手換左, 第二次上菜先唔爛. 但夾唔到, 明顯蒸太耐啦整體係可以接受, 但D服務就好差, 落錯單, 唔加水, 仲要D價錢唔平, 食一次就夠

我很喜歡飲早茶，因為通常都是茶樓最經濟抵食既時段之一，而且食飽飽返工，隨時慳返個 lunch 唔駛食。是日一早，於馬鞍山市中心轉車，在商場內想起飲茶，想起一間除開張 party 外，我入都未入過的酒樓，是由一班西貢及大埔鄉親搞的酒樓《譽粵菜》。平日我聽到的口碑，是這一間酒樓很貴，不過我相信，早茶這一個時段點都會有少少優惠。可是，我對了一半，早茶的確有優惠，但計落不多，而且份量亦等同價錢，而且我相信，我食的，只是裝修。好，點心由早晨特價的燒賣開始，價錢特，份量也特，因為一籠只有兩粒，味道雖然不錯，但，唔夠喉啦當然。另一籠也是特價，亦是只有兩粒的點心，那就是小籠包，包法是傳統厚皮的，也有可愛的湯汁在內，味道實際上是好的。鳳爪排骨飯，是早晨時段的迷你版，鳳爪得兩隻腳指，排骨細細粒，點好食都假，好細份唔夠喉阿喂.....份量問題，我不得不多點一份正價點心，點上的是一份鴨腳扎。足價錢 (成廿蚊架)，足份量，原隻大大的鴨掌，皮脆肉香，非常之入味，包紮的肉亦鮮味十足，我不得不說好味道。點心是幾好，但，我覺得貴囉.....

通常星期六、日，好多都會襯放假，一家大細去商場內之酒樓、餐廳用膳，所以好多都由開門到關門都排長龍，如果唔駛排嘅......自己諗啦，卡卡醬瞓醒話想飲茶，其實起身已經下午1點半，由於樓下間酒樓好難食，於是搭的士去新港城，飲完茶順便買餸煮飯，見門口一大排人，即刻衝去攞飛，2位，要等三十幾四十張飛，好在可以周圍睇下嘢，行咗幾轉，等咗約45分鐘，真係排餐飽！點了义燒腸粉，腸粉算滑，义燒不會過硬、生煎飽，少少暖，飽肉分離，但味道合格、蝦餃，皮夠薄，蝦肉不算彈牙、棉花鷄，賣相很差，但夠味、鳳爪，夠入味夠腍。埋單$16X，幾貴！

今日又去呢度飲茶，過左早茶時段，小中大特點都貴左$3-4。今次試左新野來，同大家推薦：1. 芒果奶黃卷： 好好味既甜品，上來系凍既，外面包左滿滿既椰絲，入口充滿椰香。入面奶黃同芒果出奇地夾，同埋凍既奶黃原來咁好食。外面系軟糯米包既，有dd似長洲既芒果糯米糍，但係精緻過佢，入面有奶黃更加好味，又唔會好甜，多食都唔厭。2. 南乳燒腩卷：似包咁，入面有燒腩肉，同一舊芋頭。腩肉好味既，咬落去見到肥瘦各占一半，見到系有揀過來。不過芋頭都係太硬啦，芋頭無調味，再加出面個包，成個味道變左太淡，扣分。3. 鍋貼：做法高明，咬落去好多汁液，d餡都好足，d肉好飽滿，食落去甚至覺得有dd 多，有d油膩既感覺，食呢個要飲多d茶。

馬鞍山茶樓wooooo，1130前買單平d。 但食貴d價格都五緊要，因為真係好味！魚餅入面有苦瓜，系幾特別。蒸鳳爪我個人中意甜d 好味道d，但系呢家就唔系好甜既姐~薄罉最jeng!!!!!! 真心!!!! 個餅本身d味鹹淡味道一樣好，入面d餡都比到十足，每啖咬落去都有餡食 唔係間間茶樓都做到。 火候都掌握得好好，餅邊，兩面面果層都有小小脆 ，咬落去口感十足十，真心推薦。d蝦餃，燒麥，仲有蝦腸都好味，因為d蝦夠新鮮，咬落清脆又清甜。不過唔建議一次過叫曬，因為味道差五多，食太多變左顯得無咁好味道了。鹹水角出面d糯米就普普通通，但係入面d餡好足!!!我一口咬落去，會咬到d肉塊，仲會扯d出來。d肉你會食到有特別調味，好似有秘方咁，好有香味同埋有肉既口感。仲有，個人推薦鳳爪排骨飯!!! 好！好！味！啊！排骨同鳳爪d味入曬飯度，d油都係，所以d飯好香

Lunches here are not that good but dinners are a little bit betterThe platter was quite good but there were some cheap items on there that acted as fillers such as the smoked duck breast which is obviously not Chinese.The pigs leg was just a fatty slab of fat!The crispy rolls were ok and not too sweet.The dessert was mandarins which were individually packaged.

自從侄仔與兒甥女上幼稚園後，身為麻麻兼婆婆的母親大人，大埔及馬鞍山兩邊走，弄孫樂在其中，難 得今天她較空閒，相約來個下午茶聚吧!以往同區飲茶會選豪宴，但如今價格似乎已追得上譽粵菜，故任何一家也沒所謂啦，踏準2時的「下午茶」時段，不需久等就可入座，茶客依舊享受家傾談和看報紙的輕鬆，而我們點了滿桌點心的興奮呀!1. 斗門水晶蝦餃皇 (特點)外皮晶瑩、厚薄適中，單看賣相已值回票價每次來這裡都會入名單內的斗門水晶蝦餃皇，外皮晶瑩煙韌，厚薄分明得可輕易看到內裡餡料，粒粒巨型飽滿有水準，肥嘟嘟的蝦肉鮮香彈牙，傳統製法加入肥肥豬肉粒和爽口筍粒，增添了份油香，醃味惹味又爽滑。2. 菜苗餃 每件都是具欣賞價值的藝術品我喜歡廣東蒸餃，欣賞它外皮通透，每件都如藝術品，如這客脹卜卜的菜苗餃，亮麗澄麵粉皮下也能看到菜苗和大量蝦粒，趁新鮮蒸好咬一口，外彈滑內juicy，豆苗軟腍清香，也是必選系列呀!3. 雞紮索盡精華汁料的魚肚是當中最矜貴食材秀色可餐的兩大件雞紮，分別由腐皮包裏滑份量十足、全為厚切食材，有嫩雞肉、粉綿芋頭、火腿、冬菇和魚肚，食物各自發揮其香氣，多種不同口感，最珍貴當然是吸盡精華的魚肚和腐皮，一口咬

在馬鞍山生活了九年, 因為小吉的出生, 要搬家了. 在這裡生活的最後一天, 不如寫寫新港城中心的譽粵菜吧. 父親節的早上, 看完球賽, 就跟文迪兩口子來這裡飲茶. 吃的還是文迪的心頭好, 另外還有麻蓉包一客.香滑麻蓉包: 8分, 不知道大家喜歡吃麻蓉包嗎? 我是很喜歡吃的, 但供應這客點心的地方不算太多. 譽粵菜的出品, 熱辣辣, 包身鬆軟, 麻蓉是相當香滑, 不會太甜, 是水準之作.搬家之後, 想再吃到麻蓉包的話, 就不再那麼便利了. 日後, 我想我會懷念譽粵菜的香滑麻蓉包, 更會懷念這九年來的故事.

母親節 酒樓就一定多人 不過識人係會唔同啲既之前就有飲過好幾次但覺得款少 料少 味道唔得但今次改觀左佢換左新菜牌 款就都係果啲酒樓都係咁嫁啦 不過款係比佢之前岩岩開業多左好多味道都好左非常之多 ((自己睇圖既評價啦)))