譽麵坊

营业中

休息中

由中學年度食到依家，每一次嚟食都會食南乳雞球迷，除咗係食回憶嘅味道，亦都係因為佢嘅南乳醬做得啱啱好，雞球亦都炸得外脆內軟，份量好多。如果唔鍾意食湯米線，可以選擇撈米線。如果唔鍾意食炸雞，就可以選擇南乳雞絲米，健康啲一樣咁好食。

試吓呢間地區小店，見佢出名「南乳」食物，就一於試吓。叫咗個「南乳雞球米線」，米線同雞球係分開上嘅，米線好大碗，已經加咗雪菜，雞球睇住佢喺廚房新鮮炸出嚟，熱辣辣，香噴噴，配上南乳汁，係好味嘅👍🏻。另外叫咗個「雪菜雲吞麵」，雲吞好大粒，皮薄餡靚。我哋仲叫咗個「炸墨魚餅」做小食，味道可以，但質感唔夠實，咬落去比較鬆散，爭咁少少。店舖地方少少，下晝差不多三點幾都不斷有人入嚟食嘢，至於服務員都有禮貌，有笑容。

係一間平民嘅麵店🍜 試咗兩碗麵 + 一個小食😋叫咗個菜肉雲吞麵🥟 ($43)雲吞嘅數量都好多😋 裡面嘅餡都好足👍🏻不過略嫌個皮有啲厚🙈另外叫咗個南乳雞球麵🍜 ($43)雞球係炸嘅，好香脆😋而且件件都好大舊👍🏻👍🏻👍🏻小食試咗酥炸墨魚餅🐙 ($52)佢個皮好薄，真係淡淡墨魚肉💛外脆內軟💕 不過如果有泰式辣醬會開心啲🙈整體而言，嘢食係高質而且價錢親民✨不過環境就比較逼😢

經過門口係見到裡面係多人👀👀所以就上Openrice睇下食評🥳🥳見到大部分人都叫南乳雞球😋😋😋～ 而且價錢又唔貴🤑🤑🤑，平均都係4x,飲品另叫～ 😃😃坐底左 ，試左佢個咖哩牛腩撈43，無乜咖哩味，不過牛腩都幾冧～味道都蠻可以的，而同行既友人就叫左南乳豬手湯麵，不過就無南乳醬，不停聽到佢話豬手多毛，味道方面就無乜評價了，因為我無試食佢個豬手，再叫左一個沙拉雞球，因為我都喜歡沙拉醬架，另外8蚊，再叫左一支細豆漿，睇個豆漿樽，似乎係自家制，味道都唔錯架

譽麵坊喺土瓜灣好多人推薦都街坊店，呢度必點一定係招牌 ，今次叫就左南乳雞球撈粗同椒鹽肉排米線。南乳雞球撈粗上枱時雞球熱辣辣同好大粒，份量都好多，另外有南乳醬分開上，食落去啖啖肉，唔算太多油，淨食雞肉有啲乾，加埋南乳醬食就完美，撈粗會少少豉油同埋會跟個湯，但食落就嫌咸左D!椒鹽肉排米線另外份椒鹽肉排米線，肉排上鋪滿椒鹽，都係熱辣辣，因為椒鹽關係所以會比較咸，米線湯底就普通，無咩特別，但好大份同有雪菜跟，同雞球比就較為普通啦!今次去可能係平日吾洗等位直接入，坐位就普通茶餐廳茶餐廳格局，唔會坐得舒服，但相對番個性價比係嘅!!

學生時代已經開始食，到依家都未執就知有水準，後尾聽同事講山長水遠都特登嚟食。次次都係食南乳雞球米線，雞球大大份滑嘟嘟唔太油，南乳醬好濃郁好香口，米線個湯反而清淡返啲。食幾啖雞又食返啖米線，配搭出嚟啱啱好。

最近因為經常出入土瓜灣處理文件，愛吃的我耳聞此小店在區內營業多年，是略有名氣的街坊小店，當然回頭到訪了此店兩次! 只知道最有名的是南乳雞球，所以和同行友人各選了南乳雞球米線和椒鹽肉排米線，其後才知曉撈粗比米線更有名! 不過最令人驚豔的竟然是意外點到的墨魚餅一碟有三大舊，各切開一半，份量十足不騙場! 外皮金黃薄脆、沒有花巧，咬開見到的是白雪雪圓潤的厚實肉質、入口彈牙嫩口、滿口充斥住墨魚鮮香的味道所以二次回頭已經成為必點的選項!，雖然第二次的口感略遜，內餡比較稀散....但此亦反證了這間墨魚餅是手打的，偶有失手可理解，而且真材實料咁好食，所以之後我應該都係會繼續點 忍唔住影左個近鏡...平日食既炸雞都係主打行爆汁嫩滑的路線，但係有時我都幾享受肉絲有咬勁愈咬愈香的感覺，類似K字頭的炸雞胸呢度既南乳雞球就係行呢種路線，不規則的形狀、薄脆的雞皮，咬落會有咔擦咔擦的聲音，完美ASMR的聲音，怪不得謠傳食既時候要小心介親上咢>< 雖然無雞脾那種爆汁的感覺，但也是有肉汁的濕潤，配搭另上的南乳醬、味道咸甜咸甜、隱約帶點酒香，輕輕沾少許已經好夠味至於椒鹽肉排，吃起來就更有爽感，上盤時椒鹽佈

放假約了妹妹去染頭髮，去前食lunch，因為染頭髮少則也要2小時，不然的話，會好肚餓😂你黃色為主題 環境一般般啦，普通米線店！食物招牌飲料招牌將南乳的獨特風味融入雞球和米線中，口感豐富。南乳的鹹香與雞球的鮮嫩完美結合。米線Q彈爽滑，吸收了湯汁的美味。這道菜色澤誘人，香氣撲鼻，讓人食指大動。將香脆的雞塊和爽口的米線結合在一起，口感獨特。雞塊外酥內嫩，搭配米線的Q彈口感，讓人愛不釋手。這道料理香氣四溢，香脆的雞塊散發著誘人的香味，讓人垂涎欲滴。草莓綠茶：結合了綠茶的清香和草莓的甜美，口感爽口。不過不失。金桔檸檬紅茶：結合了金桔的香甜和檸檬的酸爽，口感獨特,帶來一絲涼爽和酸甜的滋味。

今日喺土瓜灣做嘢，去咗土瓜灣嘅小店譽麵坊買咗個外賣，佢間舖頭最出名嘅南乳炸雞球撈粗麵，打開外賣，就見到有啲心思，個外賣盒剪咗四個窿俾個炸雞球透氣，幾有心，呢個撈粗麵外賣連盒$44 ，配埋個撈麵湯俾你，佢嘅炸雞球係大大件，總共有六件，比起個撈麵仲大份，外賣拎到過嚟到食得大概6至7分鐘，加埋佢預先喺個外賣盒剪定個窿俾佢透氣，所以拎到嚟食嘅時候仲係好脆，脆嘅程度係啱啱好，唔係硬脆，至於雞肉方面，可能係部位嘅問題，超過一半嘅雞球都係嫩滑有肉汁，但都有一兩嚿嘅雞球柴咗少少，比起上次食差咗，佢唔係醃咗南乳去炸，係雞球生炸點南乳汁，個南乳汁同平時嘅南乳汁有少少分別，深色啲鹹啲但係南乳味淡啲，不過佢個炸雞點咗個醬之後，淡淡嘅南乳味又唔錯，佢個撈粗麵冇鹼水味，但係撈麵嘅味道淡咗少少，要加埋個南乳炸雞一齊食先至平衡到，個撈麵湯估計係佢本身煮湯米線個湯底，反而個湯清清地反而幾好味，可能配個湯米線會好啲，整體嚟講價錢係平嘅，雞球都大大件，小店都要支持吓。

喺土瓜灣度嘅「譽麵坊」係一間以雞米線為主打嘅餐廳，吸引唔少食客嚟試，好多人就算唔係住喺呢區都會專登黎試。我自己 可以話係 由細食到大，不過，我最近對呢間餐廳嘅食物質素同服務態度有啲唔滿意😅😅以前嚟講，譽麵坊嘅雞球米線好鬼出名 可能因為以前唔係好多餐廳做米線 加上唔係間間都做得好 南乳雞球米線的確好少何可以其他地方或者其他餐廳聽到😂不過，最近幾次嚟嘅時候，我發現食物嘅質素明顯有所下降 米線嘅質量都變得軟爛無彈性😅 有時啲米線好鬼林仲有啲雞球食落去 真係好大浸油味😭😭完全唔知自己食緊咩野…除咗食物質素唔好之外😅 啲姐姐嘅態度真係有待改善 問吓嘢同埋落單冇咁快都好似好唔滿意咁間舖頭仲要本身已經好鬼死窄😅繁忙時間搭枱搭到好似劏房咁行出行入都有困難仲要俾啲姐姐好似想催人咁…

小店其實搬過幾次舖了，可是好吃的小店定必牢牢記住！必試南乳雞球！熱騰騰炸起，即叫即做，上枱還是熱的，雞球外脆內juicy，肉質嫩滑入味，即使不沾上秘制南乳醬也非常惹味。

等咗好耐等唔到位真係有少少等到躁底但係啲阿姐態度真係麻麻地好似唔想人嚟咁舖頭多人起上嚟坐落去仲要好迫夾老實講係有啲辛苦質素亦都大不如前😂之前又平又好食而家加咗價之後無論係麵條定係啲肉都麻麻地🥲

除了韓國, 美國及日本炸雞外, 香港的炸雞也做得相當出色, 最可愛之處就是形態相當豐富, 除了經典的炸雞髀外, 炸雞件及雞球也有, 而且做的好的真的不少, 例如今次吃的譽麵坊, 以炸雞球來說無出其右, 簡單醃過的雞球, 炸得外脆內軟, 肉汁澎湃, 皮一點也不厚, 內芯剛熟, 伴以傳統的南乳汁而非沙律醬或甜酸醬, 更能突出雞肉的鮮香.另外點的牛腩撈粗麵, 柱侯醬做得相當入味, 牛腩以條的形式上碟, 份量更大更慷慨, 雖然不是特別部位, 但肉香和腍度夠, 很少肉屑卡在牙縫, 如果汁醬再厚身一點就更完美, 但不是在熱門商業區或旅客區, 服務的就是附近街坊和學生, 如此水準再加上價錢相對實惠, 功能性十足已不能要求更多.

上網見呢間街坊店好多人推薦就去咗試，唔使等位直接入，位就普通茶餐廳，唔會坐得特別舒服。佢哋嘅南乳炸雞球真係唔錯，每一個雞球都炸得金黃酥脆，外脆內嫩，真係一咬落去，汁水都會噴出嚟。啲雞肉嘅鮮嫩，配上南乳嘅香味，係幾新鮮嘅配搭。佢哋嘅麵亦都彈牙有嚼勁，不過就偏乾身，未必個個鍾意，不過我覺得就唔錯。總括嚟講，呢個南乳炸雞球麵真係係幾抵食。雞球炸得香脆，麵條有嚼勁。如果你鍾意南乳同埋炸雞嘅組合一定要去試下。唔使等位又平嘅選擇，每人$70都可以食到好飽。

【土瓜灣親民食店💗｜馳名雞球附南乳醬任蘸】🐨南乳雞球撈幼麵 $42推薦度：⭐️⭐️⭐️⭐️完全無諗過一碗麵有6塊大大件嘅雞球，雞球炸皮好薄炸得好酥脆，而且保留到內面有汁，加上肉質嫩滑，就咁食都好正😂南乳醬係分開上，味道好濃郁～蘸少少就夠晒！唯一麵嘅份量係略少，勝在夠彈牙🦷.🐨撈麵上湯 免費推薦度：⭐️️️️⭐️⭐️⭐️傳統麵店如果食撈麵都係送碗上湯俾你，但一般都會係味精湯，而哩間嘅湯絕對有驚喜，唔會好重味精，清清地可以解到炸雞球嘅油膩感😶‍🌫️----☼-----譽麵坊📍地址：土瓜灣新山道6號地舖🐨推薦度：😋😋😋😋😋/5 💰人均價格：$50以下🪸環境：👾👾🗣️服務：👍🏻👍🏻👍🏻📸食物打卡度：💡💡