譽麵坊

营业中

休息中

好耐冇嚟過食。佢竟然keep到差唔多的水準，令我驚訝。南乳雞球米線既南乳汁仍然好味，南乳汁好容易做到死鹹咁嘅味，你呢度有好香嘅南乳味得嚟仲要唔會覺得好鹹。酥炸雞球炸得好好，唔會過火太老，米線配既雪菜仍然不錯，但主角米線就又煮到有d淋，唔係好夠彈牙，不過感覺上都係一次次有時又啱口感，有時又會偏硬，有時偏淋，希望下次岩心水。個人叫咪炸魷魚，酥炸口感配上彈牙魷魚一流（當然膽固醇都一流。。。）難得食一次就冇所謂啦。埋單$100都唔使，咁多年都覺得佢好抵食。

今日去咗土瓜環試咗呢一間譽麵坊。入去見到有咁多人已經知道佢唔簡單😜 好多枱都食緊炸雞，一問之下先知原來係佢嘅招牌南乳雞球撈麵。大大件炸雞加上秘製醬汁撈麵，平時怕肥戒口嘅我都忍唔住食哂！

友人推介下揀咗午餐土瓜灣街坊老店。-餐廳屹立多年，主要賣米線同撈麵，亦有少量飯類同小食，係唔少街坊同學生嘅食堂。假日外賣自取，送到後擺放約十分鐘。-南乳雞球米線 $38冇分湯，餸同麵分開裝，冇湯底揀，一律清湯，唔淡唔香，帶鹹，呈透明濁色，湯有雪菜、蔥。米線味道正常。南乳雞球好大份，有5-6大件，香口，肉厚。另附有南乳醬，鹹，有酒香，唔需要蘸太多，兩者唔夾，淨食雞件都足夠。-整體而言，味道正常，價錢同份量取勝，學生嚟講係抵食。

譽麵坊相信住土瓜灣既朋友一定會識呢間麵店。中學果陣有同學帶過我黎食，之後就變咗我係土瓜灣成日去既飯堂。 餐廳格局都係一般面店咁，座位比較密集，有時可能要對住餐廳既貨食野添，不過呢啲都係街坊小店特色黎既。一打開門就已聞到果浸炸雞同南乳既香味。咁多年我都係叫2味野既姐，一係雞球撈粗，一係雞球米線，因為雞球真係好好食。當然佢都有其他野，例如炸墨魚餅，豬頸肉等等。。。今次我就揀雞球撈粗。雞球份量好大份，一碟有大概5大件。雞球炸得非常香脆，而入面亦非常juicy，食得出係即叫即炸既。大家食既時候一定要小心，因為真係好新熱架。而南乳醬係分開上既，咁大家就可以因應個人喜好點或唔點。雞球配南乳醬多咗份咸香味，令雞球更添風味！粗面既鹼水味都重，但由於粗面都有南乳醬撈過，所以都蓋得住浸味。唯一問題係炸雞同粗面都係同一個味，食到最後會有啲膩。不過40零蚊，有咁既質素同份量，絕對物超所值！

好耐之前已經見到唔少人介紹呢間麵店，佢最出名就係南乳雞球麵，十個有八個都點佢，中意食炸野嘅我，一早已經Mark低左，但由於甚少去土瓜灣，所以一直都無去試。直至最近有朋友搬左入黎，今次入黎探佢，順便試埋😏。星期六1點鐘黎到，見到門口只有兩枱人等緊，見唔多人所以決定等，好快可以入座，但原來真正嘅等待先正式開始….😯落完柯打等左半個鐘先有得食。老實講，佢係續荃灣老闆娘米線後，第二間等咁耐嘅麵店😅。南乳雞球撈粗 $38雞球一共有5大件，每件都係雞脾肉，肉質嫩滑；炸雞幾乎無炸粉，雞皮炸到乾脆唔油膩；炸雞本身無南乳味，要點隔離個南乳醬。南乳雞球湯米線 $38米線彈牙，個湯又唔會太鹹，個人覺得湯麵比撈麵好。當日堂食客唔多，但由於小店除左做堂食外，仲有唔少外賣單，結果炸物全部炸唔切，無論堂食定外賣，炸物都要等半個鐘以上。我覺得味道正正常常，勝在價錢經濟，但唔值得等半個鐘😅。

《譽麵坊》土瓜灣街坊推薦麵店❤店舖空間不大，大約26-30個座位，但在限制下又盡量不搭枱，所以位置不多😶南乳炸雞即叫即整，大家要預留多一點時間，而且中午時段人龍不絕，要有排隊既心理準備😆我今日坐近門口位置，外賣真係做到姐姐手軟😊＜南乳炸雞件配米線／撈粗＞$38真係超值😆$38蚊有四大件雞件，雞肉有淡淡南乳味道，炸得比較乾身，雞皮已經係薯片一樣，零脂肪🤭配有一個好深色既南乳醬，這個醬好濃南乳味道，我覺得輕沾已經足夠😅比較冷既天氣庭下，還是建議點配米線，因為撈粗好快就凍左😆另外單點左個炸魚皮$18，超好食👍👍👍佢係熱辣辣炸起的，推薦😙✅

同朋友去開土瓜灣，聽朋友講佢中學食過呢間南乳雞塊，覺得幾好，所以黎試下。全日都統一價錢。南乳雞塊米線$38，雞塊數量都幾多，大大舊，外皮酥脆，入面都幾juicy，我哋兩個人分，當食下午茶，剛剛好～算係特別嘅菜色

首次造訪叫左豬頸肉撈麵麵可選粗幼，我揀左幼同行友人就叫左南乳雞球撈粗 餐牌上寫「爽滑豬頸肉」其實佢冇錯，豬頸肉質算爽口、亦都叫滑啦但我個人極不建議因為豬頸肉竟然係白烚⋯⋯（或清湯淥熟）我出街成日食豬頸肉我預期係煎一煎今次錯了 因本身豬頸肉屬於較重油脂部位白烚冇味既關係你完全食到果種肥豬肉既油膩味有啲似平時蒸肉餅有太大粒白色肥肉比你食到果陣味結果我食左兩條就頂唔順了 友人比我試一舊南乳炸雞球反而唔錯配南乳醬比你自己點唔會太咸又幾香 麵底正常的汁唔會太咸 叫左杯甘香奶茶亦都唔建議太甜甜到唔知佢本身味道係點了味道令我諗起以前一間叫仙跡岩既餐廳既奶茶😂

南乳炸雞撈粗，配左湯撈下個麵，麵份量其實唔多，但佢有6塊大炸雞塊🐓個包漿唔係落南乳醬，南乳醬係另外跟比我擠落雞度。醃料剛剛好🙆🏻‍♀️唔太咸，就咁食都好味。雞塊偏乾，鍾意食鞋雞/雞胸就好岩，個皮都脆，食雞都好滿足😻

今日就揀食呢間好多年啲譽麵坊我就揀左雙拼 南乳雞球拼椒鹽肉排 米線落左單五分鐘 就送左個米線上嚟啦個價錢就越嚟越貴但係碗米線越嚟越細😅😅😅啲米線越嚟越少碗米線好明顯就煮得唔係好夠耐 有啲硬我唔係太鐘意 我自己另外落左三茶匙嘅辣椒油即刻就好食左 本身真係太淡過多五分鐘就上左個餸上黎係即刻炸嘅 咬落去嗦嗦聲 超好食熱辣辣又脆卜卜 不過有幾舊炸過左少少有啲硬 不過浸落去個湯度浸淋少少就好好多個南乳醬超級咸 其實唔落都可以唔使特登嚟食 諗唔到食咩食呢一間就唔會伏

優點👍🏻：價錢親民 最出名嘅南乳雞球米線大約$38, 飲品均價$15正常味道，未到好出色，叫係如果咁啱係附近都可以試下，但專程黎食就好似係咁既必要。（又或者我自己太大希望 )

男朋友帶我到土瓜灣的老字號麵店。行到去餐廳門口附近，我們已經聞到很香的味道。看了餐牌後，我們分別叫了一個南乳雞球米線和五香牛肚米線。兩碗米線的份量都很充足。雞球有五六件，炸得很乾身，可以根據個人喜好沾上南乳醬汁。味道鹹香可口，別有一番風味。南乳雞球可是這店的招牌菜，因為進餐期間都聽到不少顧客落單。五香牛肚米線的牛肚有十多件。煮得軟腍，很香五香味，入口滑溜又不失嚼口，調味恰當，不會太鹹。總的來說，米線份量多，而且價錢實惠，值得再來。

土瓜灣美食😋做平民、街坊生意😋頭兩次都係外賣 今次帶男朋友嚟食！6:15入座唔洗等位，不過食食下出面就開始多人我三次都係嗌南乳雞球米線，因為食過番尋味😂首先價錢方面同其他地方比 算係性價比高 又平又大碟+好味炸雞肉唔會話好多炸粉，食落啖啖肉特別係連埋雞皮炸，好脆！😂不過驚熱氣不宜成日食配埋個南乳醬 好正🤤米線就適中! 唔會太淋太硬 米線依啲不是重點🤭我係俾南乳雞球吸引嚟的‼️牛筋撈粗麵都ok!!😂粗麵幾好食喎 有口感個兩粒唔知係咪魚蛋 好似食緊泡泡空氣😂😂幾有趣牛筋好似jelly咁 感覺好有骨膠原🤭總括嚟講好推薦個南乳雞球😂👍🏻👍🏻👍🏻👍🏻

以前經過好多次都冇入去食，終於等到有屋企人搬到土瓜灣既關係變左好多機會係呢頭搵食啦疫情關係而家多數都會外賣上癮情度係每次去到土瓜灣都會毫無懸念必食南乳炸雞球米線米線配料會有雪菜同蔥 湯底個人覺得吾淡雞球炸得好酥脆，炸粉好薄每份都有5，6件雞球而且每件雞球都係大大件，好有口感（不過對於小朋友同老人家就要剪一剪先方便食）其實本身雞球都有味道但配上南乳醬又會再更加惹味特別注意會固定逄星期一為休息日去之前要記住啦利申：試過幾次忘記左

成日行過都未食過，今日終於去試下。叫左南乳雞球，牛筋雙併撈粗（$45）， 南乳係另外一個袋仔裝住。記得唔好點太多，會好咸好多牛筋（係雞球下面仲有牛筋架！） 我覺得幾好味，不過真係唔好點太多南乳，好咸架！