許留山 (已結業)

許留山一直是一間以芒果製造嘅甜品為名既甜品舖，分店遍佈於香港各地，中規中矩，不過不失，品質穩定。當中我就最鍾意佢嘅"小丸子系列" ，小丸子煙煙韌韌，口感一流，呢款甜品從來都冇令我失望，喜歡有咬口嘅朋友不妨叫呢一款甜品試下😊。多芒小丸子芒果糯米糍

坐下點了三樣甜品，餐牌的圖樣漂亮，而送上來的完全變形，沒碗沒碟，用外變膠盒一推過來，連煎XO蘿卜糕都放在灰紙上送到，份量只是我們平時在茶樓一碟三塊中的一塊，切成小塊還連在一起，与餐牌上用廣口酒杯呈現的上下排列大相徑庭。問三樣甜品怎麽沒有餐牌上配飾的水果，店員木然説他們都這樣。付款時，拍八達通時看到多收款，收的不是我們點的甜品，我一説沒叫糯米XX，店員馬上説搞錯，立即開柜找散紙給我。看上去一定是慣犯，大家要小心。

港式甜品天下聞名，是大家的最愛，許留山算是香港最著名的連鎖甜品店之一，以芒果為主打，濃郁的芒果，配合各式小吃，觸發味蕾。許留山隨處可見，所以逛街逛累了，來吃一份甜品，十分涼爽，這裏真的是歇腳、休息的好地方。今天去的就在海港城附近，我點了個「多芒小丸子」，芒果和小丸子都是個人喜歡吃的東西，甜度適中。雪糕夠冰凍，芒果味濃，小丸子口感比較煙韌，有點像年糕一樣，沒有什麼味道，配合芒果的酸甜就剛剛好了，吃得非常滿足。

而家個個都鍾意食護院，都推出左，一於黎試一試愛文芒綜合芋圓。第一眼望落去，本野有好多唔同嘅料，第一樣大大嚿嘅鮮芒果肉，好甜好香好腍，果肉里面又唔會有一絲絲嘅渣，好食。第二樣係仙草，質感嫩滑，微微甜，好清新。第三樣就係芋圓啦，不過佢有3種唔同嘅款式，有深黃色同深紫色嘅方型芋圓，口感煙韌，食落會軟身一D，另外係有一款係淺黃色圓型嘅，都煙韌嘅，不過比起方型嘅實小小。全部芋圓都帶有芋頭味，軟硬不一，適合不同的芋圓愛好者，而且所有料夾埋鮮芒果汁好match，成碗都好好食，喜歡芋圓的人不能錯過。

小店地方細，分別有4人枱、6人枱等，座位為木櫈子木枱子，可提供約30人堂食。由於地方細，買外賣的人需站於店外等侯，人手不多，幾個人仍需輪侯一會。椰香。綜合芋圓湯太多，芋圓口感相對於湯丸硬，個人不太喜歡。芒之戀套餐三款小食，每款份量十分小，味道就不太甜。兩個餐，每個也可揀多一款小食，要了芒果糯米糍及草莓凍餅。芒果糯米糍皮厚，草莓凍餅十分凍及硬，放暖吃好一點，它口感像雪芭。小食尚有XO蘿蔔糕及芒東凍餅供選擇。

今日下午經過星光行，出面超熱，見到有許留山，之前有$50許留山現金卷，今日岩岩好可以用埋佢。我企係出面，望左外面餐牌好耐，滋味小食單買要廿幾蚊唔算貴，如果買飲品再加小食，小食價錢會減2蚊。而手調飲品則40幾蚊杯，有好多款可以選擇，最後我簡左楊枝金撈，有22oz，可以岩岩好用哂$50現金卷，不過我個人認為麻麻地抵食。等左一陣，終於拎到了，Size都好大杯，味道亦唔錯，而且夠凍，不過價錢平少少就好啦。

星期五放工happy Friday 同朋友三五知己去行街、shopping 食野自然係指定活動，行下尖沙咀海港城，去下附近既餐廳，到左10點11點，自然要食知甜品為美滿既一日畫上句號。行左一陣，就決定去海港城附近既許留山食啦，仲可以用我既會員優惠，可以草分之餘仲有得食，抵呀。入到去，朋友們當然各有各嗌自己想要既糖品，有d係會員指定有d唔係，咁我咁精明當然係嗌呢個有會員折扣既芒果金撈啦但係上左之後，覺得點解隻色咁偏淡黃既，一食落去，d 芒果好酸，可能唔係當造季節，而且雪糕都好淡，keep 唔到平時既質素，可能依間太多內地客幫襯了，下次都係飲特飲算，但overall 黎講都要好坐，同一班朋友落下腳吹 下水。

作為香港人其實我幾鐘意食評留山，芒果飲品同甜品其實一般黎講味道都唔錯，加上我有申請做會員，以會員價食某幾款甜品係幾平抵 (呢個時候就會心裡暗笑係側邊食緊同一樣野食但貴好多嘅旅客) 呢間係TST 嘅許留山平日都幾多人，因為近海旁人流多，係附近食完晚飯，吹一吹海風就趕係11點關門前黎食個甜品。因為仲好飽，兩個人淨係叫左一份 多芒小丸子，都係$28。 不過對食物質素真係幾失望，可能芒果唔當做或者唔靚，張相就唔係色差，而係真係好淡色，芒果味唔重。

看圖片滿滿的，看來好吃的，結果送來一看就知道是後期加工的東西，非常失望。丸子煮不透，吃起來生生的...芒果很少，還送錯單... 非常奇怪和失望的分店，如果附近有其他糖水店，都不用吃這個了

今天到尖沙咀辦點事，於是在星光行附近先吃點東西頂頂肚，見到有家許留山，都有很多年沒光顧吧，又見有位就這𥚃吧！ 店內客人頗多，但大部分都是自由行，我看看餐牌，那些芒果飲品已瞬間加到了$48/杯，恍惚我還停留在$20那個年代，不禁暗嘆了時光飛逝，現時真的百物騰貴。 於是我決定只點蘿蔔糕，在我前面的那位店員對我的呼召視而不見，充耳不聞，幸好有另外一位為我下單，她說製作時間要5-6分鐘。因為我有點趕時間，隔了3分鐘左右，那位眼裡望沒有我的店員問我下了單沒有，我說已經下了，當我正想問她是否還未下單，她已經二話不說的走到廚房，我從後問她如還未下單就算了，她沒有理啋我，當時我倆只有2秒的距離，於是我再以大3倍的聲線問再說一遍，她說蘿蔔糕只需1分鐘就叮好，還報以不好氣的說＂又不是我下單，我怎知道＂。算了，快快吃完就走了。蘿蔔糕來到的樣子，真是嚇了一跳，為可跟以前吃的甚不同？像殘餘食物一樣，沒賣相之餘，口感硬，除了咸再嚐不到其他味道，我還記得多年前吃的蘿蔔糕是即煎的，真的很失望，我想我再肚餓再趕時間也不會再進許留山了。

幣傢伙，A4芒果西米，唔會系我地味覺有問題吖？癡左蘆薈汁？反正今次的西米有陣膠味，平時可以獨食的小朋友今次一半都無就唔要了浪費吖。A1就同平時甘。吐槽吸管唔夠長

好耐無食，同家人咁啱行過，想懷舊一下，點知發現原來食客眼睛雪亮，越來越少分店，真係合理。才晚上八時許進入堂，落單時已經話無呢樣無個樣，以為真係咁旺賣晒，原來係配套餐就無，單點就有。落單逑其，落錯單又面黑，俾我地發現漏左丸子，就是旦補翻三粒就算，唉，明白點解越來越少許留山。

飲左一杯佢推薦嘎三色飲料 上面係芒果粒（真係得果幾粒細細粒）第一層係椰奶，中間係芒果沙冰（都算正常），之後下面成半杯都系d所謂嘎蘆薈（其實就系d色素冇味啫喱）。唔喪食曬d啫喱係唔會飲到上面d野，等我食曬已經得翻小半杯，真系得淡笑。

呢間許留山系天星碼頭對面，海港城出嚟轉個彎就可以見到，好好搵。每次嚟呢邊行街都會順便過嚟買杯嘢飲打包走~~不過今次同屋企人一齊嚟，就食埋先走。入面嘅冷氣好涼爽~~！雞亦系鹵水雞亦，其實鐘意食鹵水嘅朋友應該會覺得好味，因為鹵得好入味。不過我自己就唔系咁鐘意食鹵水·~！！糯米糍入邊嘅芒果有啲酸，不過都幾開胃。而且糯米糍口感軟糯，芒果味好濃郁...第一次食許留山嘅pizza，芝士味濃郁，好薄好好味！！芒果西米露，有芒果肉、西米露、西柚肉同一舊好好味嘅芒果味雪糕！！！每食一啖都係濃濃嘅芒果味，好鐘意！！

夏天最好既朋友就係凍冰冰既食物,同朋友吃完熱氣野, 行到身水身汗,最好就係吃甜品解下熱, 燒下暑...尖沙咀區許留山比其他地方貴半倍...普通一個芒果小丸子都要 $56...芒果凍餅$24 有3塊芒果凍餅, 雪到有點冰,吃落透心涼, 入面夾住d餅碎, 面頭有芒果肉, 內裡都有芒果肉,芒果肉好甜, 唔酸, 但有少少渣...斑蘭蕎麥面配榴槤肉斑蘭蕎麥面口感似啫喱,配料有紫米, 紅豆, 小丸子, 椰奶及榴槤肉,淨聞榴槤肉都覺得好香啦,朋友就都好味道, 唔係伏...士多啤梨冰外表已經好特別, 好似茶餐廳,雪凍左既士多啤梨切到一粒粒正方形,扮冰糖, 之後熱情果醬扮糖漿,中間係椰奶加士多啤梨肉...芝士榴槤酥一上枱已覺聞到好香牛油味,切開左就見到芝士同榴槤肉,芝士咬落去可以拉絲, 榴槤味都好濃..