誠記小籠包拉麵 (已搬遷) 新店位置

《品》⚪️上層薄若餃皮，吹彈可破，不若尋常叉燒包皮之類，妙處在於不會吸收包中湯汁！🟠底層完勝！扭成極美旋紋，令其微厚，煎至金黃，更見鳥眼，一咬脆如曲奇！🟠人云食生煎包要先吸收湯汁，老饕不依，非要整顆入口——嘴唇緊閉，牙關一合，便是薄皮破開，湯汁爆發噴出之時，極、滿、足。🟡湯汁甘鮮燙舌，老饕甘之如飴！🔴豬肉內餡鮮美，肉汁飽滿。肥瘦適中，使之爽口彈牙，牛肉不能比。⚫️底脆、肉彈、湯流，口感之豐盛者也。⚫成品收小籠包之皮薄多汁，️具生煎包之香酥底脆，合二者之好，可謂味蕾盛宴。

未食過咁難食嘅生煎包🤢，網上個個話爆汁💦又好好食😒先去食，外賣叫左雙拼生煎包～原味+牛肉各2($36)...但係個包係凍冰冰🧊硬掘掘，好似就放左好耐🤬價錢💵又唔係算平過人，求其是旦俾左個客就算太過份😠😠😠

好耐都冇食，不過我之前在深水埗附近工作，都是食另外果一間誠記拉麵小籠包，在西九龍中心對面這間，反而這次第一次吃。當其時在另一間誠記試過豬扒擔擔麵，這次剛好下午茶時間，點了個下午茶的擔擔麵，妻子點了個水餃擔擔麵，另外加了兩隻小籠包小食試一試。擔擔麵亦都好像之前吃過那種味道，不算太過嗆辣，亦都不覺得有酸味，湯底非常之熱，不算很濃的花生味道，因為有時我見過有些店舖的擔擔麵會用一大匙羹的花生醬，這樣很容易食物敏感。麵條還帶輕微煙銀，湯底微辣，也有輕微甜香，配合起來相當可口。雖然麵條份量不算太多，不過一邊吃麵一邊喝湯，原來吃完之後都覺得挺為飽肚。

位於深水埗既呢間誠記主打小籠包拉麵，位置都十分方便，係西九龍中心既對面，十分易搵👍🏻佢都係主打平民午餐，每日都有唔少既套餐選擇，今次就揀左尖椒炒鱔，隨餐都送豆漿同湯，不過我就加左$4轉左凍檸茶～尖椒炒黃鱔（$48）整體賣相唔錯，但黃鱔既份量明顯較少，應該成碟大概有10舊左右😂不過以呢個價錢黎講亦無得要求太多，而味道就正正常常，都係普通餐廳質素。而整體嚟講呢間餐廳都係走平民路線，價錢唔貴有湯有野飲，都算係咁啦～

路過深水埗西九中心對面，突然見到一點有餃子及麵。老板有心有禮叫我一試！果然不錯！試了一水餃酸辣麵，水餃份量足入味，麵可以，但只要$48包豆槳一杯！能有此水準不能再有更高要求！另，牛肉包好吃！謝謝老板有禮款待！

今日同老公去左食誠記疫情期間一坐低就抺下張台先抺左三次月左三張濕紙巾抹出黎都係灰色嘅衞生情況十分差！ 好啦攞個餐牌叫野食，個餐牌都係污糟到不得了 。最後叫左加銀芽膳糊，回鍋肉，兩個生煎牛肉包，小籠包膳兩杯豆漿。回鍋肉個汁太甜 肉有so味。銀芽膳糊好咸好味精 。生煎包好乾身，小籠包就正少少。但真係食得好唔開心 ，一黎污糟，二黎個女侍應唔知做咩事 收碗放好係要整到好大聲,又不停大聲講野。傾計唔係唔得，但可唔可以細聲少少呢。 衞生方面侍應收錢 攞野食 收餐具都無清潔雙手。疫情期間真心覺得恐怖 唔會再幫襯！

< 誠記小籠包拉麵 > 📍深水埗呢個食上海菜嘅小店除咗出名小籠包 佢地嘅甜品都唔錯架 行完街熱辣辣梗係要食返碗透心涼嘅甜品😆八寶冰🍧 $26價錢超級抵🤣而且份量好多 兩個人share都得😋入面有芋圓、小丸子、地瓜圓、南瓜圓、紅豆、西米、珍珠同仙草 好足料😆👍🏻👍🏻 個人最鍾意芋圓 煙韌得黎仲好重芋頭味😛 而且啲冰夠碎 配埋練奶食真係好消暑🥳🥳

很少寫食評，今次真是不吐不快。第一，酸辣湯湯面，點完菜唔夠1分鐘就上菜，心諗唔通整定嘅？果然啲麵浸到林晒、啲湯唔熱又冇料，搵條肉絲都冇，劣，真係唔想食。第二，鎮店之寶生煎牛肉包，老闆親自上菜，並多番囑咐：「小心啲餡料好熱㗎」，心存厚望，結果一碟兩個包，一個有汁，一個乾到死，牛肉有異味，收口部份成舊大麵團，又厚又實，重好似生咁。第三，芽菜炒鱔糊，唔算平$100左右，量尚可，質素一般。第四，最頂佢唔順係連杯鹹檸七都做唔好飲，鹹檸檬唔喊又冇酸味。最後，希望老闆喺疫情下，多注意衛生，勤清潔及收拾枱面，餐具洗乾淨啲啦！

之前食過幾次，覺得還好，先會特登搭車出去食今日再食，簡直不知所謂，難食到暈，轉左廚房嘅，都唔好爭咁遠啦⋯⋯上海炒粗，一大陣薑味，有色水，但無豉油味；鍋貼，味道同之前食兩回事！以後都唔會再幫襯，都唔知食左啲咩太想盡快走所以無影相

今日時間大約4:45 ，入到去叫一個水餃麵+1杯凍奶茶，先來一杯凍奶茶，坐咗喺度15分鐘，碗麵都冇出過黎，班夥計唔問佢都唔會問吓你爭啲乜嘢，淨係顧住玩電話傾偈吹水，仲要唔知係唔係冇落到單，谷鬼氣，淨係比杯奶茶錢我就走，食咁多次都未試過咁，請班靚仔返嚟喺度玩玩下，不如四點後唔好開工唔好做啦。

聽講係酸菜魚，同我認知既相差太遠完全無辣椒，得好大陣胡椒味魚得幾舊仔，酸菜亦非常珍貴，切到好似台飲d粉條咁，得幾條其餘全部旺菜黎...酸菜好貴咩？酸菜魚真係咁既咩？急凍魚柳都算，d魚真係唔識形容全碗野比胡椒味蓋過晒.........除左胡椒味真係乜味都無當然個「湯」都係咁樣樣啦⋯⋯好無奈個飯硬到食唔到，同店員表示，佢只係話可能落小左水煮本來OT到好切想食返好小小唔知係我唔識定唔好彩成$90食d咁既野

今日去開深水埗記得之前成日食呢間上海餐廳今次特登嚟呢度試吓今次食感覺上比上次食退步咗 今次嚟到下午茶時間叫咗四個小籠包 小籠包味道都唔錯嘅不過價錢就貴咗啲囉而且入邊肉汁都唔算太入味雞絲粉皮 雞絲嘅份量雖然幾多 但係佢哋用嘅麻醬怪怪地 粉皮食落去亦都一般般有進步空間整體來講覺得依間上海餐廳喺深水埗來講算係偏貴而且食物都唔算做得特別好食有進步嘅空間另外仲食咗佢哋嘅芋圓冰 同其他甜品唔同呢度用咗比較多中式甜品嘅材料 今次食落去冰底剩係得水覺得麻麻不過呢度嘅老細係年輕人開而且又係本土企業都可以嚟呢度支持下㗎

我都算系資深熟客，我已經幫襯左兩年幾，d野系幾好食，但系Waiter個態度好差，串串拱，好此深水埗得佢一間有得食咁，上年年中開始就好少叫，因爲之前送過來好慢，成日都Pac漏野，有時仲要等個幾鍾，之後就轉左食其他，怕左佢。今年過左年，成日都見到有個肥仔派外賣紙過黎，好有禮貌打曬招呼，又見肚餓，咪又叫返食。之後都叫左幾次同肥仔熟左，吹得兩嘴，有時候肥仔過黎直接問我食咩，直接落單，Friend左覺得佢都幾好玩，有次同佢講好鬼肚餓，快d送過黎得唔得，佢真系十幾分鍾就送到，見到佢喘曬氣緊送過黎，佢話今日好多單唔講住，一陣風緊走，真系覺得佢真系當我系Friend，怕我肚餓。不過今日聽佢講做多幾日就唔做啦，要返自己原來工作，真系唔舍得，Hopes him, all smooth 。希望城記可以繼續請到緊好Waiter啦，我會繼續幫襯，不過唔好再Pac漏野俾我。

咁岩去深水埗嗰邊見客，經過見到招牌靚靚仔仔咁咪諗住試下，咁入去又冇人招呼，自己揾個位坐啦，一坐低望下個餐牌睇下食乜，就有個男人態度勁差咁問食乜，又大聲喎，真係好似鬧緊我咁，咁諗住d野食可能好好味呢，如果唔係都唔會好似趕客咁，廢事起身走人。之後叫左個麵同份生煎，咁d野食上到嚟，個麵普通到我自己都識，我心諗咁嘅價錢你俾兜咁嘅野，個包相比起個麵都接受到嘅，加加埋埋收左我7,80，一嚟俾錢買難受，二嚟又難食，我真係以後都唔會再嚟

兩公婆晚市幫襯點了，上海粗炒、小籠包六隻、 芝士牛肉飛餅， 小籠包冇乜肉汁， 芝士牛肉飛餅原來係罐頭鹹牛肉 ，差不多60元的上海粗炒一條肉絲都發現唔到， 最基本的炒麵都做得咁差 令人失望