譚仔三哥米線 (運頭塘新城)

营业中

休息中

最近想食得健康啲，所以就同🐻🐻一齊去食三哥。竟然俾我地發現有二人餐，即刻試試先😍——————————————————————我地叫嘅係一齊Din二人晚餐（$102）套餐包一碗米線、一個飯、一款小食、一個菜同兩杯飲品。🥤-米線而係已經set 左要呢四款配料（肥牛、魚腐、雞肉同響鈴），叫左番茄湯底（+$1）番茄湯底真係好香，因為本身自己都鐘意番茄。而魚腐就油左啲….😅響鈴係另外一個碗裝住，呢一點好細心，因為每個人都唔同。我通常會浸落湯等響鈴索晒啲汁，🐻就會一放落去一陣就拎上來。-蒜泥白肉飯本人係重蒜愛好者，好夠蒜頭。又估佢唔到，以為蒜泥白肉加飯會怪怪地，意外地好好送飯。😝-落力為你烤豬頸肉🫶🏻豬頸肉係最遲先上，佢係真係有烤過。好香口，而且仲要有椒鹽喺隔籬俾你點。不過有啲乾…😮‍💨-清湯浸生菜🤣同預期一樣，其實唔係有好多味道，都平時食嘅浸生菜差唔多。-熱檸蜜檸檬唔苦，呢點好重要❗️有時候出去食嘢都會飲到一啲檸檬係好重苦澀味。另外，加埋蜜糖真係好夾，唔會太甜。😗兩個人食真係好夠食，呢個價錢真心值～😏

見到三哥新推出咗個期間限定水煮湯米線~ 即刻幫大家試下伏先🤪🍜水煮湯軟殼蟹米線 ($54)由於🐱係偏食怪，所以走咗唐芹、芫茜同蔥~ 🐱叫咗三小辣，🥹好感動終於有辣味 (利申:🐱係食特特多麻都係覺得還好嘅人😗) ~ 鍾意食辣嘅人必試!軟殼蟹唔算太大，幾啖就食哂，有啲位係比較難食到，好似吞唔到嘅感覺~ 豆卜方面就索到啲湯汁，食落好正😛真係為咗個水煮湯先嚟試，如果大家想嚟嚐鮮都可以試下，但唔特別推介軟殼蟹~🥩我是你的避風塘豬扒件 ($18)🥲唔記得影相~豬扒件食落香脆，真係好惹味~ 🙌 推介如果大家係鐵三粉會員，手機點餐叫水煮湯軟殼蟹米線，可以減$5👀 $49有軟殼蟹、豆卜+$6嘅配料都算可以試下嘅~ 希望佢遲啲可以單點水煮湯👐📍：譚仔三哥

每次食譚仔三哥，一定會加蒜泥白肉同尖椒皮蛋呢兩個小食，冇辦法因為實在太鍾意食蒜🧄蒜泥大量咁放喺中間，方便用薄薄嘅肉包埋啲蒜泥一齊食超正，每次食完都一定成口蒜味，好臭但好滿足🤣另外叫咗個新出嘅螺片滑雞白木耳米線加酸菜，俾咗好多酸菜，然後個湯底幾香藥材味。

來開大埔運頭塘想坐低食下嘢，見到<譚仔三哥>不用等位，地方又寬敞，加上很久未食譚仔啦，於是坐底叫了個平淡但我喜愛的的<腩肉清湯米線>，清湯很濃郁，可惜鹹了些，要自己加少少熱開水才無咁鹹，不過它的用料好豐富，有韭菜、牙菜、腐皮和很多塊的薄豬腩肉，腩肉肥瘦適宜，很合我胃口，米線當然很滑。咁样一碗大大碗吃得飽飽的都只是$35，經濟又化算!可惜沒有我想飲的熱豆漿，以前是有的。而環境都很整潔。原來那兒的職員是會將每一張凳抹的(連凳腳)，所以地方很潔淨好坐。

肚餓經過三哥就入左去食米線 今次試左好耐無食既煳辣，配料叫左雞肉生菜米線味道就不過不失，煳辣都無以前咁好食🥲胡椒味唔多夠，而且無咩煳辣香，同以前岩岩出個陣食好唔同不過依間譚仔長期多人，服務麻麻🥲

星期六中午去三哥食個午餐先去街😗。叫咗+3蚊轉左芽菜底，芽菜分量可以接受，叫咗牛肉，雞肉，木耳絲，東菇同理竹笙，仲有一碟生菜全走。雞肉同牛肉得幾塊好細塊，不過起碼冇雪床味，木耳絲爽口好味道，餸菜普通，嚟食係鍾意個普通酸辣湯底夠酸，辣度剛好，又冇乜油。有時食吓都可以嘅

Through foodpanda叫左一餸雞肉米線外賣，食到底竟然發現有兩舊比人咬過既腩肉骨🤢🤢 完全想像唔到到底係點樣樣會有兩嚿俾人食過嘅腩肉骨跌咗入去碗嘢度，到底係廚房食完飯將啲骨吐咗落去定係將食客食完嘅廚餘倒咗落去？極度不衛生！！見到嘅就只係兩嚿腩肉骨，睇唔到嘅污糟嘢或者其他廚餘仲有幾多真係唔知道，仲要而家疫情咁嚴峻，真係完全不能接受，以後都唔會再叫呢一間，希望改善下！！！！！！！！！！！！！

最近見到譚仔三哥新出蠟筆小新米線（想知係咩，睇埋落去😂），排長龍都要試一試香辣回鍋肉蝦仁炆米線🍜因為廣告有蠟筆小新，所以我叫佢蠟筆小新米線😂由湯米線轉為炆米線都幾大轉變，但米線質素不減，軟硬度剛好，配上惹味既回鍋腩肉，每條米線同腩肉都沾滿秘製辛辣醬汁再炆至收乾水份，味道香濃，非常入味，辣得黎又冇咩油膩感。配埋爽口彈牙大大粒既蝦仁🍤、韭菜、紹菜一齊煮，咁凍既天氣食真係好暖胃。仲可以額外追加其他食材，食得辣既亦可以加辣。P.S.紹菜炆煮完仍然水份十足👍🏻麻辣醬銀耳鹿茸菇🍄銀耳同鹿茸菇沾滿三哥麻辣汁，但同一般既麻辣湯底有啲唔同，應該係再加左獨有辣醬混合而成。銀耳夠爽口，鹿茸菇夠大塊，仲撈埋肉碎炸醬，係個好有誠意既小食。露絲瑪莉蘋果梳打🍸清甜既蘋果梳打，加上青檸同迷迭香葉，酸酸甜甜幾開胃又解辣，飲落仲有少少薄荷味。

今日無出街，就去左運頭塘譚仔三哥買外賣，想試下新推出既水煮湯底。去到見到好多人都點左新推出既水煮鴨血米線，好像十分歡迎。今日好多等外賣等左成40分鐘。之後出左我之後既單，原來漏單了，不過服務員都好有禮貌既。原來水煮湯底現在只能點水煮湯鴨血米線，自選米線還未可以，所以就點了水煮湯鴨血米線(特辣) 加魚腐，再加了一碗過橋米線清湯。麻辣皮蛋加鹹檸梳打。兩碗都轉了薯粉 共 $118。水煮湯鴨血薯粉，今次可以慢慢品嚐，鴨血是我最愛。再試一次水煮湯底，覺得比麻辣湯底大辣無咁辣，愛吃辣可以點特辣挑戰一下。過橋米線，大大碗咩都有唔洗傷腦筋，好抵食。皮蛋麻辣汁，好好食又開胃。

譚仔三哥同唔係三哥開到周圍都係，總有一間係左近。無計啦，一個人又諗唔到食咩嘅時候，最好嘅解決方法就係食譚仔。入到去，餐牌都唔洗睇，直接叫姐姐，雞肉木耳三小走芽菜，凍奶茶小冰多奶。食譚仔最好嘅地方就係，佢夠快夠飽夠抵。我比較鍾意食三哥係因為佢有木耳揀，同埋比起譚仔嘅話。三哥嘅米線煮得比較淋身啲。比較貼近我嘅口味。而杯凍奶茶。係正常嘅港式嘅奶茶啦。雖然我腸胃比較差，每一次食完都會屙，但對我嚟講食三哥間直就係一種心癮

番茄湯米線配金菇乍醬⁣⁣番茄湯用咗鮮茄煮製，唔酸之餘，有好香濃嘅番茄味。🍅 而且含有茄紅素及多種維生素，充滿健康營養。⁣⁣⁣⁣👨🏻‍⚕⁣⁣⁣⁣⁣⁣⁣⁣⁣口水三素($12) ⁣⁣呢都有豆卜，雲耳同鮮冬菇三款素材，素食者都食得。👩🏻‍🦱 撈埋三哥特色口水汁，好惹味。😋 口水汁用咗著名郫縣豆瓣醬調配，有啲似五小辣。🖐🏻 同番茄湯米線仲好夾添。⁣⁣⁣⁣⁣🙌🏻⁣⁣⁣⁣⁣⁣⁣⁣⁣葡萄烏龍茶 (加配$10) ⁣⁣烏龍茶由上乘茶葉沖泡，茶味香濃。☕ 而且加入香甜嘅提子，甜度適中，而且又解渴。⁣😚⁣⁣