影片
以上资料只供参考，请与餐厅确认详情
依间荳品店系源自店主觉得香港作为美食之都，但就系好少有似台湾嘅早餐店。创办人本身系豆类制品爱好者，发现香港甚少专门做豆类制品既荳品店，所以决定以荳品为品牌主题黑松露蛋饼 $58蛋饼切成四份， 将葱同蛋汁倒落啲饼皮度煎到金黄色，入边除咗有黑松露同埋蛋之外，亦都加入咗唔少椰菜，所以除咗有黑松露香，仲有椰菜嘅清甜鱼肉煎豆腐 $28鱼肉煎豆腐同样有四份， 鱼肉就放喺切成方形嘅豆腐上面， 加埋甜豉油食，味道唔重口，系好传统嘅港式风味鸡丝葱油捞面 $48 鸡丝葱油捞面，表面除咗鸡丝，加上芝麻同埋大量葱花， 葱油汁另上，面条斋食会有啲淡，加葱油汁一齐食就会增加香味吞拿鱼煎蛋刈包 $28呢款吞拿鱼煎蛋刈包，馅料有吞拿鱼、煎蛋、生菜，用咗沙律酱，入口有明显甜味，刈包外皮光滑， 其实食落有啲似吞拿鱼三文治铁板蛋煎肠粉 $30煎肠粉份量十足，肠粉入面系无馅，加埋鸡蛋一齐煎香，然后喺表面临上甜酱等酱汁，同样洒上葱花点缀，味道香口杞子元肉红枣黑糖豆浆 $22叫咗一杯杞子红枣黑糖豆浆，入面有杞子、红枣、黑糖，仲落咗姜片，热热地饮落好养生杏仁豆浆 $30另一杯同样叫咗热饮，杏仁豆浆加咗桃胶，杏仁味香浓，桃胶浓稠，有明显甜味开心果豆腐花 $55豆腐花可以拣冻食，不过今次拣咗热食，同埋加钱叫咗芒果肉粒，豆腐花表面淋上浓稠嘅开心果酱，加埋酸甜嘅芒果肉粒，真系好清新
继续阅读
依日去旺角买完嘢，附近路过位于登打士街既一间新派豆品店豆公馆，除咗有我喜欢既豆腐花、豆浆之外，仲有肉松蛋餠同老干妈炒面，以及多元化既款式。入到店舖，装修以大地色及木制家私，环境舒适，感觉悠闲。看看餐牌先，餐厅有四大名物 : 招牌麻婆豆腐花、肉松蛋饼、老干妈炒面及杞子元肉红枣黑糖豆浆，亦有鱼肉煎豆腐、开心果蛋饼、多士、刈包、肠粉、炒米粉，以及多款豆浆同豆腐花选择，很不错。黑芝麻豆腐花 $26果然系黑白配，一次可以过食齐两款。豆腐花绵密细致，豆味浓好嫩滑，入口即化，芝麻糊味道香浓，稠身既芝麻糊与绵滑既豆腐花，一啖就滑落喉咙里，好味又暖胃。肉松蛋饼 $38蛋饼馅料丰富，包里得涨卜卜，切开每一件都食到肉松香同蔬菜既爽口，饼皮做得Q弹，酱油膏既味道唔会咸，令蛋饼既味道更有层次。老干妈炒面 $36喜欢食辣既人仕，呢款一定要点。炒面热辣辣，镬气十足，豆豉、蔬菜、辣椒酱与炒面结合，辣度适中，唔会太辣，食起嚟非常惹味。杞子元肉红枣黑糖豆浆 $22依个系滋补健康既豆浆，相信会好多人钟意。清甜既元肉、红枣、杞子及黑糖，与豆浆好夹，滋润养生。豆浆 $12原味豆浆，豆味香浓，甜度啱啱好，带出豆香又唔腻喉。鱼肉煎豆腐 $28豆腐煎至外脆内软，豆腐好嫩滑，鱼肉够鲜，沾上酱油味道更提升，好吃。咸牛肉芝士蛋饼 $43蛋饼煎至金黄香脆，鸡蛋与外皮贴合唔松㪚，烟韧有弹性且有厚度，咸牛肉带咸香味，加多一份芝士 (+$5)，芝士味特别浓，馅料好馅满，满足啦。炒米粉 $26米粉炒得均匀，唔会太干或太湿，镬气够，调味恰到好处，口感爽滑。
继续阅读
17/5/2025📍豆公馆专整豆制品嘅舖头唔多 呢间系其中一间近期新开嘅 但佢系又唔净系食豆制品㖞 仲有啲炒面、蛋饼、多士之类嘅 都几多选择㗎⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯✨鱼肉煎豆腐（$28）豆腐嘅豆味几香 鱼肉嘅鱼味唔会腥 但两者完全分开咗 只系鱼肉on top of 煎豆腐夹起仲会散唔系想像中嘅鱼肉酿豆腐 有啲可惜🥲比咗包甜豉油 加咗落去都几好食✨老干妈炒面（$36）老干妈真系好惹味 有少少辣 但可以接受 会食唔停口😆不过调味好浓 食完有啲口渴😌净系得炒面 同好少好少杂菜 如果多啲配料就好啦✨麻辣咸牛肉芝士刈包（$28）因为落咗辣油 所以个饀劲油 钟意食辣嘅应该会钟意佢嘅麻辣 芝士同咸牛肉捞埋一齐整到成块肉饼咁 芝士味好浓 中间有块生菜同葱 刈包切开咗两半 包体偏薄身 口感差dd 有样唔好嘅系 包嘅底部沾晒咸牛肉嘅辣油 拎起食会整污糟只手🙅🏻♀️✨杞子圆肉红枣黑糖豆浆（$22）嗌咗冻豆浆 但唔系好够冻 豆味唔算好浓 而且偏甜 可能因为加咗圆肉同红枣最唔满意嘅位系 入面竟然有一大嚿姜！🙍🏼♀️好唔钟意姜嘅辣味 饮到呢杯辣辣哋、又唔够冻嘅豆浆真系唔系几开心🙃建议个名 show 翻姜嘅成份✨开心果豆腐花（$42）呢个价钱以豆腐花嚟讲都几贵 但开心果味嘅野又点会唔卖贵啲啊😌我哋嗌咗热嘅（因为冻嘅卖晒）好彩佢嘅开心果味都几够 面头系满满嘅开心果浆 唔会太甜 食到底都有开心果味豆腐花够滑够豆香 收货❣️⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯最后埋单$156（冇加一）野食都唔错 又几抵食 本身睇个名以为系健康野 结果样样都劲重口味😂最推荐开心果豆腐花同老干妈炒面👍🏻👍🏻推荐指数🌟：4/5📍旺角登打士街43号地舖
继续阅读
在旺角俾我发现一间特色小店，有多样豆制品美食和特色小食供应，价钱实惠大众化。现时很多甜品都用上开心果作主题，又试吓他们的新品✨开心果豆腐花，豆腐花是每日新鲜现制，十分滑溜有豆香，搭配开心果碎及酱，味道又几夹，不会太甜，几好味。✨杞子元肉红枣黑糖豆腐花，豆腐花都可以滋补养颜，女士们最啱😍✨肉松蛋饼，蛋皮脆脆哋带焦香，包着满满的肉松馅，食落咸香蛋香超好味。✨吞拿鱼煎蛋刈包，刈包柔软微甜，中间夹着吞拿鱼碎和煎蛋，完全台湾风味👍✨鸡丝葱油捞面面条炒得干身，有弹性，鸡丝份量都几多，葱油一碟就唔够，要店员再多给一碟。✨铁板蛋煎肠粉和鱼肉煎豆腐都唔错😊原味豆浆，口感顺滑，香浓豆味。
继续阅读
放工去家乐坊附近揾嘢食，见到呢间主打创新豆品嘅小店，香港好少呢类型专注做豆类制品嘅餐厅🥹感觉有啲似台湾嘅早餐店，提供豆浆、豆腐花、蛋饼、炒面、炒米粉等美食🤩但呢度唔止朝早，全日都有得供应👍🏻🧡黑松露蛋饼蛋饼皮唔会太厚，有蛋香味同时好重黑松露香味🤩入边有萝卜丝、椰菜丝等等😆💛麻辣鸡丝铁板肠粉用铁板上感觉几有镬气😋每啖肠粉都充满麻辣味，辣味慢慢后劲涌出，配料有洋葱丝同蛋丝加上葱花，啱晒重口味人士😚🧡开心果豆腐花豆腐花唔算超滑，但有淡淡豆香，面头开心果酱超重开心果味甜甜地同豆腐花好夹🫶🏻加埋开心果碎，真系睇得又食得🤤💛麦芽黑糖桃胶花生豆腐花有桃胶同花生增加口感，黑糖唔算太甜同豆腐花都好夹👍🏻🧡杞子圆肉红枣黑糖豆浆听个名都觉得好滋补健康，入边真系有杞子、圆肉、红枣，有少少姜汁味😌💛黑芝麻豆浆非常重黑芝麻味，入口有少少焦香☺️
继续阅读