豆公館

营业中

休息中

依間荳品店係源自店主覺得香港作為美食之都，但就係好少有似台灣嘅早餐店。創辦人本身係豆類製品愛好者，發現香港甚少專門做豆類製品既荳品店，所以決定以荳品為品牌主題黑松露蛋餅 $58蛋餅切成四份， 將蔥同蛋汁倒落啲餅皮度煎到金黃色，入邊除咗有黑松露同埋蛋之外，亦都加入咗唔少椰菜，所以除咗有黑松露香，仲有椰菜嘅清甜魚肉煎豆腐 $28魚肉煎豆腐同樣有四份， 魚肉就放喺切成方形嘅豆腐上面， 加埋甜豉油食，味道唔重口，係好傳統嘅港式風味雞絲蔥油撈麵 $48 雞絲蔥油撈麵，表面除咗雞絲，加上芝麻同埋大量蔥花， 蔥油汁另上，麵條齋食會有啲淡，加蔥油汁一齊食就會增加香味吞拿魚煎蛋刈包 $28呢款吞拿魚煎蛋刈包，餡料有吞拿魚、煎蛋、生菜，用咗沙律醬，入口有明顯甜味，刈包外皮光滑， 其實食落有啲似吞拿魚三文治鐵板蛋煎腸粉 $30煎腸粉份量十足，腸粉入面係無餡，加埋雞蛋一齊煎香，然後喺表面臨上甜醬等醬汁，同樣灑上蔥花點綴，味道香口杞子元肉紅棗黑糖豆漿 $22叫咗一杯杞子紅棗黑糖豆漿，入面有杞子、紅棗、黑糖，仲落咗薑片，熱熱地飲落好養生杏仁豆漿 $30另一杯同樣叫咗熱飲，杏仁豆漿加咗桃膠，杏仁味香濃，桃膠濃稠，有

依日去旺角買完嘢，附近路過位於登打士街既一間新派豆品店豆公館，除咗有我喜歡既豆腐花、豆漿之外，仲有肉鬆蛋餠同老乾媽炒麵，以及多元化既款式。入到店舖，裝修以大地色及木製傢俬，環境舒適，感覺悠閑。看看餐牌先，餐廳有四大名物 : 招牌麻婆豆腐花、肉鬆蛋餅、老乾媽炒麵及杞子元肉紅棗黑糖豆漿，亦有魚肉煎豆腐、開心果蛋餅、多士、刈包、腸粉、炒米粉，以及多款豆漿同豆腐花選擇，很不錯。黑芝麻豆腐花        $26果然係黑白配，一次可以過食齊兩款。豆腐花綿密細緻，豆味濃好嫩滑，入口即化，芝麻糊味道香濃，稠身既芝麻糊與綿滑既豆腐花，一啖就滑落喉嚨裡，好味又暖胃。肉鬆蛋餅       $38蛋餅餡料豐富，包裏得漲卜卜，切開每一件都食到肉鬆香同蔬菜既爽口，餅皮做得Q彈，醬油膏既味道唔會鹹，令蛋餅既味道更有層次。老乾媽炒麵       $36喜歡食辣既人仕，呢款一定要點。炒麵熱辣辣，鑊氣十足，豆豉、蔬菜、辣椒醬與炒麵結合，辣度適中，唔會太辣，食起嚟非常惹味。杞子元肉紅棗黑糖豆漿         $22依個係滋補健康既豆漿，相信會好多人鍾意。清甜既元肉、紅棗、杞子及黑糖，與豆漿好夾，滋潤養生。豆漿     

17/5/2025📍豆公館專整豆製品嘅舖頭唔多 呢間係其中一間近期新開嘅 但佢係又唔淨係食豆製品喎 仲有啲炒麵、蛋餅、多士之類嘅 都幾多選擇㗎⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯✨魚肉煎豆腐（$28）豆腐嘅豆味幾香 魚肉嘅魚味唔會腥 但兩者完全分開咗 只係魚肉on top of 煎豆腐夾起仲會散唔係想像中嘅魚肉釀豆腐 有啲可惜🥲比咗包甜豉油 加咗落去都幾好食✨老乾媽炒麵（$36）老乾媽真係好惹味 有少少辣 但可以接受 會食唔停口😆不過調味好濃 食完有啲口渴😌淨係得炒麵 同好少好少雜菜 如果多啲配料就好啦✨麻辣鹹牛肉芝士刈包（$28）因為落咗辣油 所以個饀勁油 鐘意食辣嘅應該會鐘意佢嘅麻辣 芝士同鹹牛肉撈埋一齊整到成塊肉餅咁 芝士味好濃 中間有塊生菜同蔥 刈包切開咗兩半 包體偏薄身 口感差dd 有樣唔好嘅係 包嘅底部沾晒鹹牛肉嘅辣油 拎起食會整污糟隻手🙅🏻‍♀️✨杞子圓肉紅棗黑糖豆漿（$22）嗌咗凍豆漿 但唔係好夠凍 豆味唔算好濃 而且偏甜 可能因為加咗圓肉同紅棗最唔滿意嘅位係 入面竟然有一大嚿薑！🙍🏼‍♀️好唔鍾意薑嘅辣味 飲到呢杯辣辣哋、又唔夠凍嘅豆漿真係唔係幾開心🙃建議個名 show

最近睇中旺角呢一間豆公館，係香港荳品廠 ，優質加拿大大豆每日新鮮製造，特別好味。之前嚟過食已經勁鍾意佢個麻婆豆腐花，不過呢一樣要11:30打後先有售，今日就食其他嘅：肉鬆蛋餅，蛋餅呈現金黃色，配上肉鬆，蛋餅口感柔軟香滑，但外皮脆脆，入面更加有芽菜同蔥，咬落去口感好豐富，亦都好飽滿！魚肉煎豆腐好夠味，魚肉比我上次食到嘅更加出色，更加彈口，煎得香口，豆腐唔容易散開特盛黑松露炒米粉炒得一啲都唔油，亦有好香嘅黑松露味！柴魚花生粥夠軟綿糯口，清清地，同其他展嘅嘢一齊食可以balance下，好好味原味同無糖豆漿都好濃黃豆味，媽咪今次嘅杞子元肉紅棗黑糖豆漿都好出色，唔會太甜，滋潤又養生凍楊枝甘露豆腐花超級出色，係我地嘅最愛！

在旺角俾我發現一間特色小店，有多樣豆製品美食和特色小食供應，價錢實惠大眾化。現時很多甜品都用上開心果作主題，又試吓他們的新品✨開心果豆腐花，豆腐花是每日新鮮現製，十分滑溜有豆香，搭配開心果碎及醬，味道又幾夾，不會太甜，幾好味。✨杞子元肉紅棗黑糖豆腐花，豆腐花都可以滋補養顏，女士們最啱😍✨肉鬆蛋餅，蛋皮脆脆哋帶焦香，包着滿滿的肉鬆餡，食落鹹香蛋香超好味。✨吞拿魚煎蛋刈包，刈包柔軟微甜，中間夾着吞拿魚碎和煎蛋，完全台灣風味👍✨雞絲蔥油撈麵麵條炒得乾身，有彈性，雞絲份量都幾多，蔥油一碟就唔夠，要店員再多給一碟。✨鐵板蛋煎腸粉和魚肉煎豆腐都唔錯😊原味豆漿，口感順滑，香濃豆味。

放工去家樂坊附近搵嘢食，見到呢間主打創新豆品嘅小店，香港好少呢類型專注做豆類製品嘅餐廳🥹感覺有啲似台灣嘅早餐店，提供豆漿、豆腐花、蛋餅、炒麵、炒米粉等美食🤩但呢度唔止朝早，全日都有得供應👍🏻🧡黑松露蛋餅蛋餅皮唔會太厚，有蛋香味同時好重黑松露香味🤩入邊有蘿蔔絲、椰菜絲等等😆💛麻辣雞絲鐵板腸粉用鐵板上感覺幾有鑊氣😋每啖腸粉都充滿麻辣味，辣味慢慢後勁湧出，配料有洋蔥絲同蛋絲加上蔥花，啱晒重口味人士😚🧡開心果豆腐花豆腐花唔算超滑，但有淡淡豆香，面頭開心果醬超重開心果味甜甜地同豆腐花好夾🫶🏻加埋開心果碎，真係睇得又食得🤤💛麥芽黑糖桃膠花生豆腐花有桃膠同花生增加口感，黑糖唔算太甜同豆腐花都好夾👍🏻🧡杞子圓肉紅棗黑糖豆漿聽個名都覺得好滋補健康，入邊真係有杞子、圓肉、紅棗，有少少薑汁味😌💛黑芝麻豆漿非常重黑芝麻味，入口有少少焦香☺️

今次星期日同屋企人去咗旺角嘅豆公館，主打每日新鮮製造嘅豆腐花、豆漿蛋餅、煎釀豆腐同滷水豆卜等，食物種類雖然唔算多，但每款都好有特色，特別係豆製品嘅創新配搭，好味道。旺角呢人流多，餐廳氣氛親切貼地，好適合平日嚟輕鬆食一餐。魚肉煎豆腐煎得金黃香脆，豆腐外皮微微焦香，魚肉餡鮮甜滑嫩，口感豐富，唔會覺得油膩，係一道好有心思嘅菜式。另外推介嘅係新出嘅 雞絲蔥油撈麵，麵條爽口彈牙，蔥油香氣濃郁，雞絲嫩滑，配合得好好，唔會太油膩，啱晒想食清爽嘅朋友。我鐘意肉鬆蛋餅，蛋餅皮薄身，蛋香十足，肉鬆鹹香帶甜，口感層次豐富。台式土雞絲菜飯，雞絲嫩滑，配菜爽口，菜飯食落健康又滿足。另外，麻辣鹹牛肉芝士刈包，刈包皮軟糯帶嚼勁，鹹牛肉麻辣味道濃郁，芝士香滑，辣味同奶香完美結合，食落層次感十足，係新派創意菜嘅代表作。我哋仲試咗熱紅豆沙加開心果醬腐花，紅豆沙甜度適中，豆腐花滑溜細膩，開心果醬香濃又帶堅果味，甜而不膩，好啱做飯後甜品。飲品方面，我哋叫咗凍豆漿加愛玉清新解渴，豆漿香醇，愛玉爽口，係夏天嘅好選擇。至於凍杞子圓肉紅棗黑糖豆漿加配桃膠，甜度適中，桂圓同黑糖香味突出，桃膠口感Q彈，飲落暖胃又滋潤。

在旺角食完晚飯已經抱住個肚，但又想食少少甜品，呢間台式荳品店係唔錯嘅選擇。木檯木櫈，裝修簡單但舒服。✨🥣黑芝麻豆腐花$28: 黑芝麻尚算香濃，但豆腐花比較實，入口唔夠滑。✨🥣紅豆沙豆腐花$28: 紅豆比較大粒，但煲得夠淋，係得嘅；但豆花一樣係唔夠滑，比較實，美中不足。

行行吓街想食豆腐製品，唔使飛去台灣啦，喺旺角都有得食。喜歡健康豆類製品嘅要試吓。仲要係創新嘅豆腐製品。豆公館嘅名物，其中包括開心果蛋餅肉鬆蛋餅老乾媽炒鐵板蛋煎腸粉杏仁豆漿椰汁桃膠豆漿凍楊枝甘露豆腐黑松露薏米花生豆腐花仲要係創新嘅豆腐製品。估唔到黑松露配豆腐花係咁有驚喜。 開心果蛋餅好特別，呢個配搭唔係度度有。甜甜地做甜品唔錯。椰汁桃膠豆漿好養生，唔會太甜。招牌老乾媽炒麵配微辣醬，即炒好吃。蛋煎腸粉有鑊氣份量夠多。

行開旺角想食啲暖胃又抵食嘅？衝「豆公館」啦！呢間小店專做豆製品同地道小食，價錢親民，重點係有幾款真係「食過返尋味」嘅招牌，我次次去都必嗌！1. 肉鬆蛋餅 - 餡料多到瀉！講真，佢哋嘅肉鬆蛋餅絕對係「邪惡級」好食！塊蛋餅皮煎得啱啱好，外皮微脆帶焦香，入面軟糯又有蛋香，重點係啲肉鬆多到滿瀉！鹹香惹味嘅肉鬆夾埋嫩滑雞蛋，口感豐富到爆，仲會配少少甜醬油提鮮，一啖咬落去真係大滿足。份量十足，當輕食或者早餐都 perfect！2. 原味豆漿 - 古早味夠香濃！食蛋餅點可以冇豆漿襯？佢哋嘅原味豆漿真係堅有豆香！唔係溝水嗰種淡茂茂，飲得出係真材實料磨出嚟，口感順滑濃郁，甜度適中（怕甜可以叫少甜），飲完成個口都留有淡淡豆香味，解膩又暖笠笠。鍾意傳統味道嘅朋友一定鍾意！3. 開心果豆腐花 - 創新必試！驚喜位嚟喇！開心果豆腐花 真係要試，出面唔多見！佢嘅豆腐花本身已經好滑溜，豆味清新，但最正係面頭嗰層自家製開心果醬！堅果香超突出，帶微微甜同鹹香，同清淡嘅豆腐花撞出超夾嘅味道，又香又滑，一啲都唔膩口。凍食更加爽，夏天食簡直透心涼！豆公館唔算好大間，但食物質素真心高，尤其係呢「三寶」— 肉鬆蛋餅夠飽足、原味豆

旺角｜新派台式豆品店呢間新開嘅台式豆品店有驚喜！除咗傳統豆花，仲有超多創新口味～ 非常特別✨鹹牛肉芝士蛋餅 $38D料多真係好多，仲有拉絲芝士🧀+咸牛肉+生菜，口感豐富，下次想試返原味，睇下冇咗鹹牛肉會點😌✨開心果豆腐花 $45開心果味好濃郁🌰 面頭仲鋪咗開心果碎，增加咗口感～豆腐花份量都幾多下👍🏻呢度嘅豆腐花好多口味嘅選擇，例如鴨屎香檸檬茶豆腐花、楊枝甘露豆腐花 真係好特別📍豆公館 旺角登打士街43號地舖

旺角新開食店，提供傳統豆品，還加入了多款創新口味。蛋餅也是這裡最受歡迎的主食，選用台灣直送的蛋餅皮製作。必點招牌麻婆腐皮蛋餅，內有雞蛋、腐皮、雜菜絲，再灑上榨菜、花生及自製麻辣醬，口感豐富帶微辣。開心果蛋餅是我的誠意推介，味道非常創新，煎得外層酥脆，加上雞蛋、開心果粒、還有開心果醬，帶有淡淡的堅果香氣味。炒米粉炒得非常香濃有鑊氣，加入老乾媽辣醬、蝦米及，肉絲，米粉幼細，口感Q彈。溜溜的腸粉，嫰滑的雞絲，炒得香辣惹味，腸粉爽口有米香，雞絲夠入味。魚肉煎豆腐味道鮮美，魚肉有彈性，煎至金黃色，夠香口。

嗰日經過見到有間新店就入去試下，點知有驚喜！開心果豆腐花，香滑嘅豆腐花配上香濃嘅開心果醬，再加啲開心果碎碎，入口又香又滑大滿足，絕對係開心果控必試！肉鬆蛋餅外表金黃酥脆，蛋香撲鼻，配合鬆軟可口嘅肉鬆，食落口感惹味非常，唔錯！魚肉煎豆腐，魚肉鮮味十足，豆腐嫩滑，而且小小件可以一口食哂😄我好中意！鐵板蛋煎腸粉則係另一驚喜，鐵板高溫鎖住咗腸粉嘅香味，蛋香四溢，咬落去煙煙韌韌又彈牙，混醬好有港式feel😆而呢度嘅原味豆腐花同豆漿都非常正，用料新鮮，全然係豆嘅本味👍特別推介杞子元肉紅棗黑糖豆漿，滋補美味，紅棗同黑糖令味道更有層次，真心推薦俾所有女豆粉試試💗最後試咗佢哋嘅柴魚花生粥，粥質地綿滑豐滿，絕對係暖胃好選擇☺️總結：豆公館係一間有特色，味道都唔錯嘅新派豆品小食餐廳，適合喜歡食豆料理嘅人❤️環境乾淨坐得舒服✅✨如果係遊客來香港旅行，呢間都推薦做早餐店選擇👍

旺角這條「掃街」街真的有很多好吃的餐廳小店，這次吃的是荳品店，細看menu發現食物選擇非～常多，任何時間來都有能吃的菜式，最近他們更新了menu，不少菜式加入了黑松露元素，我們也試了☺🔸黑松露炒麵上桌已經聞到濃郁松露香，一份的份量頗大，燒麵比較濕潤不會太硬，每條麵都有松露油香包裹，面層的蔥花增添香氣。🔸鐵板蛋煎腸粉新出的腸粉是麻辣雞絲，本來都很想試，但更想吃原味😆確實這款真的強推！鐵板煎的腸粉帶一份焦香，淋滿麻醬和甜醬再跟雞蛋一起吃，更有風味，真的要試～～🔸肉鬆蛋餅這裡的蛋餅都很大一條，切成一件件吃，滿滿的肉鬆和醬汁很搭，餅皮不會很油，厚度剛剛好，還能一直吃到蛋香，值得試其他幾款口味！🔸滷水豆腐豆ト豆腐豆卜都是大大件的，前者比較滑溜後者則吸盡滷水汁，各有個特色～🔸泰茶麥芽桃膠豆腐花　🔸凍楊枝甘露豆腐花豆腐花每日新鮮製作，而且款色多到每天來吃都試不完😆豆腐花比較柔和，帶甜的桃膠豐富了味道，這個組合很有趣；想要甜一點楊枝甘露豆腐花滿足到你的需求，芒果香很足，想要再甜的話可以再加黃糖。

豆公館位於登打士街的豆公館，交通非常方便，附近亦食市林立，而乾淨企理帶點古樸風的豆公館亦比較突出。豆公館是豆類製品健康美食之選，今日同朋友由早餐，午餐到甜品都吃了一輪。招牌麻婆腐皮蛋餅加芝士：蛋餅煎至金黃香脆，裹住豆芽、甘荀、拉絲芝士，撒上蔥花，果仁碎，搭配麻辣醬，適合喜歡麻辣濃味的朋友。吞拿魚芝士蛋餅：蛋餅同樣金黃香脆，內裏有creamy吞拿魚芝士，搭配清新爽口的豆芽、甘荀、煎蛋，簡單美味。黑松露炒麵：香濃黑松露味，令簡單炒麵顯得高貴惹味。台灣肉燥菜飯：將半熟蛋黃拌勻肉燥和飯，充滿蛋香、油香，搭配酸甜菜，令肉燥飯油而不膩。不過如果再多點肉燥對食肉獸的我會更滿足。鐵板蛋煎腸粉：鐵盤非常熱，要小心！正因為這樣，腸粉可以保持到焦脆金黃外皮，內裏則軟嫩彈牙，搭配酸甜蕃茄醬，很不錯吃。杞子元肉紅棗黑糖豆漿（熱）：朋友好貼心，特意點了這個給正在生理期的朋友，滋補養血健康之選！感受滿滿的甜蜜暖意。開心果豆腐花：香濃滑順的開心果醬厚厚實實的蓋住嫩滑豆腐花，感覺老板給料不手軟，每一啖都是豆香味開心果味。每一種食物對我來說都是新的嘗試，創新的煮意，喜歡嘗新的朋友可以來試試。豆公館 (旺角)旺角登打士街4