豆咖漿啡 (已結業)

很多人會對大排檔有偏見, 認為衛生不佳, 但是店舖內的衛生 一定會比大排檔好嗎? 某日早上經過大排檔 食了一份豐富早餐, 33元凍飲不用加錢, 雞扒煎得脆卜卜, 醃料也均勻, 細心地把雞皮反轉方便女士去皮食用, 誰說大排檔就沒有好嘢食 至少一定是大大的

一直以為公司樓下大排檔食意粉間嘢叫“豆漿咖啡”，直至啱啱想寫食評先知佢原來叫“豆咖漿啡”!喺度做咗嘢成5年都攪唔清楚?!呢度一年四季星期一至五嘅餐牌都不變，有飯、意粉或者湯粉揀，平時我哋都有間中叫外賣上office食，貪佢平平地，加上呢度嘅意粉同其他茶仔快餐唔同，唔係煮定稔嗞嗞果d，佢係即order即加配料炒!所以落order後會有個號碼牌比你返去等，平均都係等5分鐘左右，熱辣辣嘅意粉就送到你面前。白汁煙三文魚意粉 煙三文魚份量加加埋埋都有兩片，意粉煙韌加埋三色椒、洋蔥、菇同白汁一齊炒，雖然唔係極級美食，但對於打工仔嚟講，30零蚊有熱辣辣嘅意粉，仲有埋飲品，真係唔錯!蕃茄濃湯螺絲粉配豬扒 蕃茄濃湯好夠蕃茄味，入面有新鮮甘筍粒、西芹粒同洋蔥粒，配上螺絲粉，夠晒營養!豬扒比較乾身，有d𡁻柴feel，不過還可以啦!

喺隔離番工，見到午市套餐都幾平，同同事過黎試下。叫左泰式扎肉米線，配豬扒，盛惠$36上菜速度都幾快。‪我叫熱檸水，有應有水平，同事叫凍好立克，無咩味，溝得太多水。泰式扎肉米線，有3塊好薄切嘅扎肉，覺得可以切厚小小，一啲都無口感。塊豬扒煎得還可以，但係有小許油膩，食完個胃有啲唔舒服。服務方面，叫餐嘅時候我同事講慢啲，都大聲喝佢問飲凍定熱，買完派餐嘅時候，又喺度大聲呼喝，極惡劣！不過食午餐黎講係幾平，如果5介意俾人呼喝，都係一個選擇黎嘅。

每朝必定Order：濃湯蕃茄用丁通粉羅宋湯底夠足料，味道夠濃陏午餐推介：焗肉醫意粉 ／ 白汁波菜煙肉螺絲粉飲品：一定係佢地自家Blend的咖啡 冷熱都咁好飲果道地方唔算大，但感覺自成一角幾舒服。最重要係個老闆娘好Nice 好好人，另到你買得開心食得又舒服。

一直對這家冬菇亭裡的豆咖漿啡很有興趣,只是其比一般辦公室辦公時間還短的營業時間總像絆腳石,舊公司雖在不遠處的距離卻未曾光顧,轉了新公司後反而造就了機會。柴灣角街熟食中心裡有著大大小小的大排檔,當中又以港式茶記比例最高,巡視過後這家橙色小店及門外種有花草的大車在場內最具特色,因而客路也跟其他的不太相同。冬菇亭裡大多沒有空調,這家也不例外,只靠幾把大風扇及裝飾多過實用的古典吊扇搖動送風,在三十多度烈日當空的中午是頗挑戰的,初次光顧還是外賣好了。貼在黑板上的每日午餐也有點不同,選擇都是意粉、螺絲粉及湯米線,間中還出現菜飯,菜單裡總有一款合適沒飯癮的我。 白汁菠菜煙肉螺絲粉($35)是當天最想吃的一款,店裡每款意粉也是現煮,掌廚大哥習慣一次處理幾份同款意麵,要是剛好遇上要煮的款式,等候時間會快很多,我這款剛好要待其他意粉完成後才煮,所需時間就較長了。堂食份量像小山丘的大大盤,外賣也放滿一個食物盒,一定夠飽了!等候時從開放式廚房看到大哥將螺絲粉加熱後,舀入綠色菠菜白汁後,再加一點鮮奶快炒幾次完成,過程很有功架的唷。螺絲粉被食物盒焗過後稍軟,條條完整的未至於軟爛,煮得可以再彈牙一點的;菠菜白汁加了

筆者屬麻甩佬一名，最喜歡周圍搵食，高檔如五星級酒店又得，大牌檔、熟食中心等麻甩地方亦可，不管平貴，總之好食就是，總比起高貴大方的女士們，選擇是多一點的。說起來慚愧，有線電視大樓旁邊的熟食中心，雖離我家不遠，卻從未惠顧過，不是怕環境污穢，只是一直遺忘了這個地方。直至有天我親身經過，看見很多人來這家豆咖漿啡，似乎呢度既咖啡很不錯，才真真正正的起心肝要來吃一次。找了一個中午前來，或許仍未到繁忙時間，一個堂食的客人都沒有，只有幾個人在等侯外賣，那就由我來做首位堂食客。在午餐牌中挑了一款海鮮炒意粉，飲的當然就是咖啡。意粉是即叫即炒，聽見「逢逢聲」，相信應該幾有鑊氣。成品上檯，幾香，但為什麼看不見太多海鮮呢? 原來寶物尋歸底，蜆肉、魷魚等都被意粉蓋住。吃幾口意粉，味帶點酸，幾開胃，但質感比較腍身，不是我杯茶。各款海鮮普普通通，個人最喜歡的反而是三色椒，爽脆香甜。即沖咖啡好夠熱，呷一口，香濃好喝，跟坊間的咖啡還有點兒不同，是多一份豆香，相信就是用豆漿出來的效果，喝得滿意。相信，我下次來外賣咖啡的機會很大。

小弟起荃灣返工, 呢間嘢起我公司附近, 所以一有時間就會去嘆下早餐今次要同大家講嘅係佢哋嘅早餐-蕃茄湯通粉同咖啡蕃茄湯, 好多地方都有得食, 但佢哋嘅出品永遠冇失望, 湯身濃郁, 蕃茄味圓潤, 而且個酸, 甜, 咸味係非常之平衡, 仲有...加埋D肉丁帶D辣, 落單前可以叫師傅仔走咗佢...但唔建議, 因為食完D辣, 會提升味覺享受...再配上一大堆蔬菜...正當然...並非冇嘢挑剔, D通粉好麻麻, 我覺得係通粉本質問題同因為一早預備, 所以好"林",好似食緊一團麵粉咁...凍咖啡, 係由一位妙齡少女去調配, 有一次, 我偷望佢點整咖啡時...見到佢用(好似) 2種奶去blend 出嚟(睇唔清楚係咩奶), 所以呢度D咖啡, 有D同事覺得淡咗D, 但我反而覺得, 同星巴克latte比較, 多咗一份柔和...而且真係有層次 (sorry, 小弟做紅酒出身), 解釋比大家聽, 入口個感覺, 明顯feel 到咖啡嘅甘同奶嘅味, 包括有一種感覺係綿, 而另一感覺係d d 甜...大家只要細心小小去飲, 就好易分到出嚟...(一D都冇誇張...)再配合, 師傅仔響廚房強勁嘅<<我

七月中旬‧晴將工作集中在有日光的時候去做，就是要加快腳步。要喝杯咖啡，最好買一杯邊行邊喝。要了杯豆咖漿啡，夠熱夠香，用上的是豆漿而非花奶又或是練奶，很有奶香，很不錯。這個品牌由柴灣掘起，現今在幾個區也有分店了。

朋友有車，特登揸車入來，試佢地嘅意粉，朋友話呢度嘅白汁意粉超正，所以想話來試下，為免兩個人都叫白汁嘅野，老板推荐我試佢地“辣汁海鮮意粉”（大約係咁叫。。唔記得清楚）而老友就食白汁吞拿魚意（大約係咁叫。。唔記得清楚），我FRIEND話“白汁吞拿魚意”依然的高水準，白汁不是坊間搵”粉“開果種，意粉軟硬剛剛好，配上豆漿一杯，一樂也!而我果碟紅卜卜，一看上去以為好辣，點知食落右唔係。。有D似酒店大蝦沙律味，少少辣，好清新，我叫了杯凍零茶，夏天食有點消暑之感，老板熱情有禮右好人，下次試下其他野支持下先!

去過柴灣分店,一次過試唔晒,攞左張menu,諗住o係荃灣店再試。點知兩店供應既野,分別甚大!呢間有座位,有廚部食物:柴灣店細小,只供應簡單三文治(可惜我就係想食簡單的蛋沙律火腿三文治)。眼見唯一似在柴灣店有的,名為「火腿蛋三文治」以為同樣啦!疑似店長問我烘唔烘底,我心諗,蛋沙律三文治烘底?有點怪。點知大家睇相見,呢份係好多餡料,又認真既三文治!有芝士、有火腿、青瓜、烚蛋、蕃茄、沙律醬、生菜。唔係唔好食,而係食唔到預期既野,好唔開心。唔開心既野,繼續延續。原本諗住堂食/飲玉桂朱古力,拎走朱古力紅茶,奈何此店menu唔完整,膠片menu list少少,黑板又list少少,有無柴灣店既朱古力紅茶??關於柴灣店既野,小店員一點也不知道。最後係堂飲玉桂朱古力；拎走熱朱古力。可說是重複了。食野重複,簡直係試食大忌!激死!一場黎到,堂食點東西。薯餅早餐:薯餅&炒蛋。薯餅極脆；炒蛋不是滑蛋,似奄列蛋,呢個早餐,真無驚喜!這時,一店員攞左件蒜蓉包給我,話係老闆請我食。反而呢樣有點驚喜,又暖又脆,好好食!一日未試到想食既野,睇黎都要再去柴灣一趟!

第三次去呢到食午餐，今次好有動力想寫食評，先回顧一下之前個兩次：第一次去食係食墨魚白汁意粉+南瓜湯，因為我本身鍾意食多d汁，但係呢碟意粉汁唔算多，所以感覺一般，至於南瓜湯就略為鹹，同埋裡面加左蝦本來幾有心思，可惜我本身唔食得蝦蟹，所以全部要"筆"起丟晒*_*第二次係食日式滑蛋牛肉飯，呢個好好味，同埋因為特別要求多汁，所以覺得更加好食至於點解今次至的起心肝寫食評，因為晏晝去左食螺絲粉沙律+磨菇湯+麥包多士+士多啤梨朱古力，承惠都係$46，除左好好飽之外(個沙律仲食唔晒添)，最驚喜係磨菇湯，真係好好味，配埋塊多士食認真一流，至於個沙律因為大部分係用罐頭生果整成，糖水味太重略甜，應該要沖沖水先，好彩有加入青瓜同腰果豆，不過如果有薯仔粒同新鮮蘋果粒就100分啦至於杯士多啤梨朱古力，係因為有人大力推薦所以一試，朱古力味好濃，算不錯，不過我既最愛始終都係佢地既士多啤梨奶~個餐本身$32包一杯細裝野飲，如果要轉士多啤梨奶或者朱古力就要加錢，所以間唔中至會犒賞自己一下~

荃灣海盛路的大排檔，從來都是車仔麵、茶餐廳的天下。早幾個月突然開了一個咖啡店，雖然不算豪裝，但與附近大排檔相比，算是相當精緻。主打是咖啡。自問不太受得咖啡，僅過招牌的豆咖漿啡，其實是豆漿+咖啡，竟然有驚喜，兩種"唔啦更"的飲品混和竟然有化學作用。只可惜身體不太受得咖啡，只能間中一嘗。食物方面，以簡餐為主。三文治、即炒意粉、飯，選擇不多，但價錢相宜，可能大排檔租金比較便宜。三文治和即炒意粉不錯，但飯較為普通，通常都不會選。不過極之推薦羅宋湯麵，很足料，嘗得出清甜的菜味，微酸的蕃茄味道很醒神，還有大大塊的牛腩。不過最敗筆的是用了茶餐廳即食麵，過淋，如果改為通粉會理想得多。不過大熱天時在大排檔用餐實在非常熱，還是外賣回公司慢慢品嘗比較好。