豆漿大王

营业中

休息中

粢飯、煎菜肉包&咸豆漿 @豆漿大王 以前細個成日會去上海店/粥舖買粢飯食，但呢幾年好似買少見少咁，可遇不可求咁岩黎到新蒲崗，朋友介紹唔好以為個名hea但好多人排隊，質素都唔錯，一於試下佢😋由於一人吃飯，假日夜晚7點食唔駛等位，但我眼見都幾多人等外賣，亦有食客要等堂食既。分別叫左粢飯、煎菜肉包&咸豆漿 (都真係好飽🫣)粢飯 $18 - 可能真係太想食，食到個下有啲開心，係即叫即整，所以啲飯唔會太硬太淋。入面有肉鬆、榨菜、油炸鬼，單叫一個略嫌少餡左啲，所以佢額外有得每樣加料($2-3一樣) / 全加 ($8)。整體都唔錯，有口感，唔鬆散，不過希望足料啲而唔係額外加錢😆😆煎菜肉包 $15 - 比較遜色，除左第一啖咬落去有啲香脆，唔算太多汁，包亦較厚。不過不失，可以留quota試其他。咸豆漿 $19 - 巿面上唔係太多地方有咸豆漿，所以都幾驚喜。一碗入面配料有蝦米，榨菜，蔥花同油炸鬼，熱辣辣，飲落好豐富既味道，又有野咬下落口。味道幾搭個飯同包，值得一試！總括黎講幾滿意，埋單$52飽住咁走。係港島返工既窮鬼食到五十幾蚊就飽既一餐已經好滿足😢已經有list係下次有機會想試埋😋：肉鬆奶脆多酸辣雲吞煎

📍豆漿大王 (新蒲崗)新蒲崗大有街34號新科技廣場地下9號舖星期日過去都好多人，應該好多人喺附近有活動或者瑜伽堂會落嚟食🤣$18咸粢飯（炸菜，油條及肉鬆）$19 咸豆漿🥛$18 煎豆腐 3件$35酸辣湯麵🍜嗌咗四樣嘢都係$90 ，佢呢度這粢飯係即叫即包，但係可能要等三至四個字左右。整完送到過嚟，入邊嘅油炸鬼仲係好脆😍。鹹豆漿都唔係度度都有，入邊都係有好趣嘅油炸鬼，蝦米，蔥，好過癮既口感😝。同埋酸辣湯麵都好夠味，個麵好有咬口好足料。反而個豆腐等得最耐，同埋略嫌有啲油。

大熱天時，唔多想在室外曝曬和熱到溶，要搵啲室內活動玩下，於是同T先生去新蒲崗釣蝦，坐左2個多小時涼足冷氣☺️ 之後發掘下有咩出名食肆，搵到<豆腐大王>，好似係米芝蓮推介食店，於是過來食粢飯😇。店舖唔算好大，但擺滿座位和櫈，相信閒日lunch break 係勁多人幫襯。我和T先生坐定定後，已經揀好想試既野。📍粢飯(全加料) $26食材double 上，就要加$8，粢飯餡料有油條、榨菜、肉鬆。嗯，應該已經double 卦🤔🤔 油條幾脆口，肉鬆和榨菜口感可以，糯米都份量唔算多，而口感偏硬身少少，食落味道不錯，但沒有太大驚喜。📍凍豆漿天氣熱，飲凍豆腐消下暑。豆腐略甜，豆味普普通通，味道不過不失。📍上海小籠包賣相普通。夠熱，放入口啲肉汁好燙口，肉汁都可以，但小籠包皮就麻麻地，有點硬身。整體來說，沒太大驚喜。事後食評：味道：3.0/5.0價錢：4.0/5.0環境：3.0/5.0服務：3.5/5.0衞生：3.0/5.0

🌯粢飯第一時間一定必點鎮店之寶-粢飯包住糯米飯入面既油炸鬼勁脆，仲有肉鬆、榨菜。飯既份量同餡料比例岩岩好，每一啖都滿滿既餡，重點係即叫即包！🥟炸雲吞一碟有五粒，裡面有白菜豬肉餡，咬落去脆口&爆餡，配埋酸酸甜甜既醬汁，好開胃，食完仲想食🤤🟠炸饅頭本身叫銀絲卷，但已經賣哂。唯有叫炸饅頭試下，外脆內軟，點煉奶好正🥣咸豆漿大大碗鹹豆漿，好足料，有蝦皮、榨菜、油炸鬼，蔥花，同粢飯一齊食都幾夾🥛凍豆漿有豆香，唔算好甜，天氣熱，飲落去透心涼📍豆漿大王

粢飯嘅油炸鬼係卜卜脆嘅係今時今日真係可遇不可求，所以每次早上要去新蒲崗做嘢總會心思思想幫襯呢一間上海食店啲豆漿和粢飯。早上吃豆漿，我喜歡加隻蛋，可能自小就被家人教導要這樣吃，所以一碗熱豆漿加蛋令我嘅童年回憶返晒嚟。佢係成隻生雞蛋打落去，然後用熱豆漿嘅溫度落到佢半生熟。粢飯除咗佢入邊條油炸鬼係脆嘅之外，佢入面嘅肉鬆同埋榨菜絲嘅份量都啱啱好，早上是即叫即做，所以溫度和味道都特別好。$33一份早餐有咁嘅質素，我自己就覺得物超所值。

下雨天沒有太多胃口，之前又吃了很多肉，所以決定吃清淡一點，但我又不太喜歡吃沙律，所以就選擇了來豆漿大王，朋友說雖然有其他分店，但一定要來新蒲崗的這一間，不知道什麼原因，但是我也跟著來了。晚市來的時候，外面很多人排隊，明明整條街就是水靜河飛。足見有麝自然香。朋友的介紹果然沒錯，粢飯真的很好吃，除了非常夠熱，裡面的油炸鬼還保持很脆，又配合米飯的軟糯，classic!我覺得應該是即叫即做的。如果不是，那就是他們的保存技巧很高。另一推介是鹹豆漿，20多元但超大碗，而且非常足料，油炸鬼，櫻花蝦，葱花，帶出陣陣鹹香又有口感。

呢間豆漿大王位於新蒲崗工廠區，店舖位置有少少難搵，但仍有好多人都會為咗食粢飯而來，其中一個就係我啦😆粢飯 $18 （凍豆漿加$9）粢飯黎到係熱辣辣，米粒煙韌有咬口，入面有榨菜、肉鬆同油炸鬼，鹹香味十足，油炸鬼脆卜卜值得一讚，仲可以按口味追加，下次一定要試吓全加料，多啲餡料再豐富啲好味啲😆豆漿豆味濃郁，入口順滑👍酸辣淨水餃 $36自家製水餃用上韭菜豬肉作內餡，菜同肉嘅比例剛剛好，內裡保留肉汁夠Juicy，餃子皮厚度適中。酸辣湯個酸辣味唔錯，啲湯唔會稀溜溜， 配料仲要超多👍總括而言，CP值高，食物質素唔錯，難怪多年來人氣高企👍我見好多人都會外賣粢飯喺餐廳門口食😆美味指數🍽：8.5/10 環境指數📸：7/10整體表現💜：8.5/10CP值指數😎：9/10

網上見到有人介紹，心思思想試，於是約朋友放工去食，落雨都阻唔到我地搵食的心。栥飯 $26叫左加料版栥飯盛惠加$8，店員幫忙剪開一半，賣相望落去正常，一啖咬落去個油炸鬼脆到不得了，加埋肉鬆同爽口菜普，成個口應好豐富，突然好想係新浦崗返工，日日栥飯做早餐會開心死。酸辣淨油豆腐 $39好鐘意個酸辣湯，夠酸同勁多豆腐，一啖接一啖停唔到口，無諗過個油豆腐咁飽肚，實淨裡面仲要有讓左肉，不過都索到湯好味，裡面真係超級多豆腐。肉鬆奶脆多 $20外面脆到好似餅乾咁，中間麵包位有小小軟，練奶配肉鬆，咸咸甜甜咁都幾得意，可以一試。上海排骨 $25排骨表面有一層薄薄炸粉，即叫即炸勁脆口，炸粉好薄，咬落去第一下好脆，豬扒又唔乾，仲有肉汁，火喉控制得好好。

已一段時間無黎，對上一次食係賣$16，現在$18。今日路經新蒲崗必然入黎外賣一個豆漿大王名物 -- 粢飯。鐘意佢肉鬆及榨菜足，最重要係啲油炸鬼有炸熱，外脆內鬆。不過，今日食到嘅粢飯油炸鬼外層微熱，但條鬼裡面白雪雪密度高及好軟熟，令整個粢飯失色，大打折扣。我問職員：“唔好意思, 我想知係唔係條油炸鬼唔記得咗番炸，裡面白雪雪嘅”？定係而家係咁？職員望完係話：我以為你話唔熱，係咁架，炸咗架啦。我無要求退換，因為自己咬咗啖，我最後亦有食晒。純粹得個知道，如果唔係忘記番炸，就係水準真心差咗，變咗邊間食都一樣。。。哈哈

香港比以前少好多豆漿店，路過有專門店試吓。下午茶點醬爆肉碎夾饅頭加$咸豆漿。肉碎無乜醬又無炒過唔香口。反而咸豆漿有驚喜，份量一般但足料，有濃濃豆味，看到豆渣好治愈。

新蒲崗 | 平民價米芝蓮豆品粢飯豆漿大王Soyabeans King𓂃𖠚∗ᤲ𑀇 新蒲崗大有街34號新科技廣場地下9號舖𖡘𖤣 (˙-˙ ٥) (˙-˙ ٥)𖦞 鹹粢飯𖦞 鹹豆漿𖦞 肉鬆奶脆多𖦞 上海排骨麵· ┈┈┈┈┈┈ · ꕥ · ┈┈┈┈┈┈ ·𖦞 鹹粢飯 $18鹹粢飯係新蒲崗必食推介 即叫即包  餡料豐富 煙靮糯米飯配上酥脆油炸鬼、鹹炸菜、豬肉鬆等 熱食一流 口感豐富 個人嚟講 相比滿堂樂同SOYmart by豆乳狂人粢飯$30up 豆漿大王粢飯性價比十足 𖦞 鹹豆漿 +$19暖滑咸豆漿 配料包含香噴噴嘅櫻花蝦、滿滿嘅酥脆油炸鬼、蔥花等 外觀極為豐盛 𖦞 肉鬆奶脆多 $18酥脆炸饅頭 淋上香甜煉奶 外脆內軟 配搭面頭海量豬肉鬆 入口又鹹又甜 層次豐富 有驚嘉𖦞 上海排骨麵 $36豬扒香脆 但稍為油膩 肉質豐富 麵質相對淋軟 極為普通 肚餓的話 充飢一流  · ┈┈┈┈┈┈ · ꕥ · ┈┈┈┈┈┈ ·܀ ‎‎‎܀‎‎܀‎‎܀ Follow @chillfood.basis for more 📸

同朋友去到新蒲崗, 想試吓地道平民美食一「豆漿大王」首先嗌咗鎮店之選ㄧ咸粢飯飯入面係肉鬆、炸菜、同油條。鍾意佢飯量同餡嘅比例啱啱好，飯唔會太多，啖啖食落都好有味道，又唔會覺得太飽太濟, 所以十分推薦第一次嘗試咸豆漿, 覺得味道好特別, 上面有蝦米、蔥同油條, 飲落幾有咸香味道有啲似豉油蒸豆腐, 整體而言食落幾特別, 味道都唔難接受，但個人都係鍾意甜豆腐多啲仲嗌咗炸饅頭，外脆內軟。點煉奶又得，點咸豆漿又得，值得一試

其實一直也算有聽聞這間餐廳的食物質數不錯的剛好來到了附近，所以也一品嚐了這裡的食物。這次點了兩個看來比較有特色的鹹豆漿，以及最有名氣的咸粢飯其實本來以為咸豆漿會很奇怪的，畢竟一直喝的都是甜的感覺為主，但吃下去又發現不錯a，蔥花的味道配搭著輕微的麻油香和那淡淡的豆漿味道，剛好的產生了新的融洽味道。咸粢飯某程度上也算是童年陰影來的，奇怪的酸菜味道，配上當中軟掉的油炸鬼😂，就非常難吃，只是這邊的食材都是新鮮的，所以並不會出現這樣的問題，吃下去其實和飯團是有點相似的，只是這個偏向中式的味道，外邊也是糯米，口感較為好，內裡的油炸鬼依舊恰到好處的脆，進一步增加了整個咸粢飯，整體來說也，是很不錯的❤️其他食物就不知道怎樣了🤣

近日常常出沒新蒲崗，發現這小店經常排長龍，加上朋友極力推介，就試一吓地道美食吧！竟然令人一試難忘，首先，不得不試的是姿飯，熱辣辣之餘，仲係份量十足，內裡有脆脆油炸鬼／咸味剛好嘅炸菜／美味豬肉鬆等餡料，而糯米飯仲係煙煙靮靮，絕對唔係嗰啲隔夜飯嗰種。至於另一推介係咸豆漿，大大碗，並非得個咸字嗰種，而係被香噴噴嘅櫻花蝦充積住成碗豆漿，再者，豆漿面被油炸鬼鋪得滿滿。食完呢兩款都已飽飽，落樓都唔洗40蚊，超抵食。

呢個簡直係去到新蒲崗必食推介。我每次有事過嚟呢區，都會食佢兼買多個外賣俾我媽媽食😁咸豆漿 （粢飯加配+ $19）第一次食。似食粥咁。入面有好多料，好多細蝦亁仔，幾多油炸鬼。成碗咸咸地嘅豆漿，幾好味😋😋好味指數：4.5/5粢飯（叫全加料）$18+ $8 = &26本身有朋友仔介紹，拎咗幾年米芝蓮小食奬確係名不虛傳。已經食過好幾次了。加錢要叫＂全加料＂係仲好食㗎！餡料豐富啲，同糯米飯及油炸鬼好夾。口感好豐富。佢個油炸鬼做得好脆！即使我媽媽隔咗一晚朝早先食，仍然好脆，成個粢飯仍然好食。當然建議即叫即做即食，係最新鮮最好食啦。食完呢2樣嘢好夠飽。😂好味指數：5/5