豆漿大王

营业中

休息中

呢個簡直係去到新蒲崗必食推介。我每次有事過嚟呢區，都會食佢兼買多個外賣俾我媽媽食😁咸豆漿 （粢飯加配+ $19）第一次食。似食粥咁。入面有好多料，好多細蝦亁仔，幾多油炸鬼。成碗咸咸地嘅豆漿，幾好味😋😋好味指數：4.5/5粢飯（叫全加料）$18+ $8 = &26本身有朋友仔介紹，拎咗幾年米芝蓮小食奬確係名不虛傳。已經食過好幾次了。加錢要叫＂全加料＂係仲好食㗎！餡料豐富啲，同糯米飯及油炸鬼好夾。口感好豐富。佢個油炸鬼做得好脆！即使我媽媽隔咗一晚朝早先食，仍然好脆，成個粢飯仍然好食。當然建議即叫即做即食，係最新鮮最好食啦。食完呢2樣嘢好夠飽。😂好味指數：5/5

中式早餐新蒲崗工廠區豆漿大王，好多人排隊堂食同埋等外賣。必叫既係粢飯，落單時可以請店員對半剪開，加錢可以加肉鬆/ 加炸菜/加油炸鬼/全加。落單時就收到預告要等好耐。等咗大約廿分鐘，終於有得食。粢飯大約1/3條油炸鬼長度，油炸鬼極之酥脆，但又唔會饞口，加上炸菜微辣咸香惹味，肉鬆甘香鬆化，糯米粒粒結實分明，實在係值得等待。另外叫咗咸豆漿，有油炸鬼，蝦米，炸菜，葱花，如果有麻油會重香。無糖熱豆漿，可以自己加糖調味。薄煎豆腐一碟三件，小肉餅釀豆腐煎得香嫩。熱豆漿加油炸鬼。油炸鬼原來係即叫即炸，同粢飯一樣，都係要等待。

平時最愛食粢飯，雖然周街小食店隨時都見到，但難食既卻佔大多數，久聞新蒲崗豆漿大王既粢飯係必試推介，今次經開就特地嚟一試依度既粢飯有分咸同甜兩款，材料亦可跟據自己口味調整或加料，我今次先試標準既咸粢飯，內裏既肉鬆，榨菜等料都非常足，油炸鬼係新鮮即時捲入粢飯中，所以保留到脆既口感，整體都非常好食，算係我食過之中數一數二既粢飯，而且18蚊既價錢份量嚟講已算非常合理，值得推介凍椰汁豆漿甜度適中，味道非常夾，好飲，煎豆腐味道亦不錯。

豆漿大王新蒲崗大有街34號新科技廣場地下9號舖其實成日去café食野，真係有時食到厭。我最中意就係唔洗好斯文，大啖大啖食，今次去咗豆漿大王，平民小店，真係食到好滿足。間舖唔算好大，但好多人幫襯，尤其係星期六日，堂食定外賣都要等位，我同朋友兩個都等左一陣先入到去，不過都好值得。鹹粢飯 ($16)好耐冇食過粢飯，真係好好味，最緊要配豆漿。我諗住試新野就加左椰汁(+$12)，但都係豆漿原味最啱我。對於中意食炸野嘅我，一定叫炸饅頭 ($14) 同煎菜肉包 ($14)最後叫左個上海小籠包($28)作結，大滿足！

由於餐廳門面無名牌，加上正門似大廈樓梯後門，所以行過左都唔覺😂😂星期六早餐時段都算多人，估計如果係平日早市時段，可能更爆場。鹹粢飯 $18粢飯SIZE唔大，一個拳頭咁上下，不過食完原來好頂肚，頂足一日😅🙉糯米粒粒分明、有咬口，老油條脆口增口感，炸菜唔會好鹹，但如果可以放多少少就更好。六年無食粢飯嘅朋友表示好好味，食完好滿足。熱豆漿 $9大大碗，好濃豆香，而且好滑，加上係我中意嘅無糖，抵飲又好飲。🙊肉鬆奶脆多 $20/4件炸饅頭對半，淋上煉奶，灑上肉鬆，做法簡單，性質比唔高🤔。炸饅頭無瓊油，入口成啖油，加上甜煉奶，油膩感爆錶😐。我建議食番粢飯加豆漿就夠。

隱身於工業區的出色小店因為喺朋友介紹先知道有呢間舖 最巨人氣必定係咸粢飯 雖然配料同一般坊間嘅冇太大分別 主要餡料都係飯入面有榨菜 油炸鬼 但佢飯同配料嘅比例做得好好 而且佢嘅肉鬆好特別 係脆卜卜既 所以全部一齊食層次豐富 另外都有甜粢飯提供的 滷水豆腐非常入味 大大舊豆腐索哂d汁 熱豆漿黃豆味好出 有小小甜味 親民價錢可以有呢個質素大家可以去試下

酸辣淨油豆腐秘滷香辣牛肉麵粢飯炸饅頭肉鬆奶脆多煎餃子凍豆漿今次試下個酸辣淨油豆腐，個味道同配搭非常之好👍👍👍，同之前一樣酸辣湯底夠酸，配料一樣咁足，油豆腐索咗d湯水真喺好啱胃口😂。秘滷香辣牛肉麵，嘩一試愛上😍😍湯底超夠味，有藥材香味同回甘味。雖然喺香辣，但唔會好辣，我呢d唔太食得辣嘅都接受到，真喺好啱胃口😂😂。粢飯就正正常常，無乜太特別，但都可以試下。炸饅頭同肉鬆奶脆多，兩樣好相似，但我2樣都唔推薦😂😂因為比較之下我會推薦上次食果個炸銀絲卷。煎餃同豆漿就同平時其他鋪頭食到嘅一樣，無乜太大特別。上次食完太過印像深刻，因為真喺好低食好啱胃口😂😂😂所以再嚟食多次，相信以後都會成日嚟。

豆漿粢飯早餐衣家唔係好多地方有得食，呢間係少數兼且係好食嘅。佢個粢飯即叫即包，入面條油炸鬼仲要係脆嘅，真心無敵。我就鍾意配蛋漿，攪爛熱豆漿入面隻蛋就會出現蛋花效果。我朋友就要普通豆漿，都係好香豆味。我地另外再叫咗個淨水餃，佢D韭菜好香。咁先至為之大滿足的早餐。

1）店舖的姨姨態度差 粗聲粗氣好似欠佢地錢 以前都會見到老闆和老闆娘 近這兩年就不見了 無人管理之下越嚟越唔掂2）粢飯比之前細嚿好多 加了價仲細嚿 D飯少到見到油炸鬼和榨菜完全包唔晒

揾食肥華做咗一甲子人，平時嘅早餐，不外乎都係，去酒楼飲茶食點心，到餐廳食A，B，C早餐，或是去車仔麵店，食碗三，四樣餸嘅車仔麵，極其量都係去粥店，食粥品，及腸粉炒麵，真係想起都厭，2月3日肥華突然腦袋靈光一閃，醒起住處附近有間有上海早餐食品供應嘅食店，於是就和靚媽直闖此店，尋求新口味早餐，真係失禮街坊，此店名物之一，係上海尋常百姓嘅例常早點之一嘅咸荳䊢，揾食肥華完全唔識欣賞，衹覺味道怪怪地，肥華飲咗兩三啖就醒咗俾靚媽慢慢嘆，而其餘食品，花卷，煎釀荳腐，及杯正常荳䊢，可稱得係好味之作，而此店另一鎮店名物，粢飯，就真係冇令人失望，美味指数係值A++分，所以食到個咁美味嘅上海式早餐，肥華和靚媽，都不枉此行😋👍😋👍

酸辣淨水餃五香牛肉麵炸銀絲卷酥炸雞翼酸辣淨水餃個酸辣味好足👍👍👍d配料仲要超多，d豆腐又大粒，酸荀量又夠，水餃又大隻滿晒餡，同樣價錢絕對多料過其他店。五香牛肉麵又喺大大碗，唔單止麵多，連牛肉量都多，仲要喺有厚度，唔喺薄切切果d。不過湯頭味道就比較淡，整體上嚟睇就無咩特別。炸銀絲卷同平出面食到嘅差不多，酥炸雞翼就非常之好👍👍👍完全做到外層酥脆，內層肉嫩多汁。呢間真喺性價比極高，味道超啱胃口，份量又足。

見有好多好評，開心地去嘗試，結果...-粢飯感覺分量比較適合早餐/下午茶。飯比較乾、硬，餡料也一般-粟米漿有粟米味，但比較甜-原本想試煎豆腐，但不知等多久，所以沒有買。有點可惜-不過真的好多人食-

新蒲崗多年米芝蓮推薦豆漿大王⭐️專程去新蒲崗食粢飯飲豆漿，屋企附近都無呢啲小店🥲呢間豆漿大王星期日兩點幾去到都有幾個人等緊，好受歡迎！佢個粢飯果然係好好食，拎上手熱辣辣，中間嘅油炸鬼仲係脆㗎😍雖然唔係話好大個，但係今時今日仲賣緊$16咋啦仲想點呀😆飲咗碗鹹豆漿，有啲蝦米，豆味都幾香濃，暖粒粒，幾好飲呀☺️另外仲食咗小籠包，不過唔係好特別。過左一排又好掛住粢飯豆漿，又再過黎食，今次再試吓其他野，佢既肉鬆奶脆多都好好食💯塊小多士唔知係銀絲卷定炸饅頭嚟㗎呢，好脆😍酸辣湯都唔錯😚BTW原來而家去新蒲崗方便咗好多🫣鑽石山站一出經過商場出去就到啦！食完粢飯，再去麵包小店買咗啲Bagel☺️✌🏻✌🏻🔸粢飯$16🔸鹹豆漿$17🔸小籠包$28🔸肉鬆奶脆多$18🔸酸辣淨雲吞$37📍#豆漿大王 (#新蒲崗美食)新蒲崗大有街34號新科技廣場地下9號舖

新蒲崗都有一間前米芝蓮餐廳豆漿大王係19-21年必比登餐廳22年就踢左出去淘大間我就曾經食過個擔擔麵係完全唔好食既無味得黎麵又唔好食咁話晒新蒲岡呢間叫做總店都有心存僥倖望佢係真係會好食D掛地址係大有街地舖附近都好多飯堂樣既餐廳門口一d都唔起眼甚至連招牌都無唔係睇番細字報導係完全唔知呢個係門口黎睇番份紅報佢話老闆係八十後兩父婆師承屋企人上海真美豆漿大王咁唔知其他好似係紅磡既上海真真豆漿大王有無關係見佢地有fb都有擺蘋果日報新聞做置頂咁就算啦星期六中午放工時間都等左十五分鐘先入到餐廳環境就真係好麻麻完全就係飯堂級別坐位少迫不過我地坐四人檯就還可以餐牌係有好多選擇既有麵有飯有小食有甜品不過應該主要係粢飯出名所以佢地都擺第一頁先黎咸豆漿其實我從來都未試過見好似話出名所以第一次叫係幾沖擊既咸得黎又酸酸地加埋浸住油炸鬼又有d似糊仔係完全唔識欣賞上海排骨麵豬扒香脆但油到顛而且肉質都幾實真係好普通另外個麵都無乜好講又軟又淋真係充飢級數黎成餐飯最好食就係個栥飯一條切開兩件就係油炸鬼加肉鬆基本同咸豆漿差唔多但係加糯米就好食好L多個豆漿擺得越耐就越難食真係搞唔掂小籠包又係好普通望落去已經唔靚仔樣樣都差d咁不

如果你行開行埋鑽石山呀新蒲崗呀，又唔係想食豪佢大刷一餐，只想簡簡單單既話我絕對推介呢間豆漿大王，正唔正宗我唔肯定，但味道就肯定係好既，舖頭細細，門口都細過人，如果你平日午飯時間黎就預定要等返一定時間先有得入去喇，避左啲繁忙時間就可以慢慢坐得舒服啲，冇裝修可言，正常一間舖頭，但野食會比到你喜出望外既Feeling，呢個價錢咁既質素係超值的！豆漿人人飲得多，但健康既無糖豆漿飲落去全部都係豆味，雖然冇左糖，但都唔會覺得冇味或者唔好味，香滑豆味濃咸餈飯—雖然冇細個果時食既餈飯咁大舊，但飯粒分明，油炸鬼亦鬆脆，口感一流，配合其他配料一啖咬落去，Feel到滿足好味既感覺