豆美味豆花團

营业中

休息中

任飲任食豆腐花，平時星期六，日超級多旅行團黎任飲任食，加上有好多踩單車入黎食，簡直係逼爆，所以建議星期一至五黎食啦，豆美味對出有個爛地停車場，渣車可以泊個到，或者可以踩單車入黎食，入面座位好多好大，除左有任飲任食豆腐花，豆漿，仲有其他野買架，醬料，腐乳，素齋，乾貨，豆漿。豆腐花有熱食同凍食，但凍食係冇得任食。由於湊住囡囡，所以我地買左兩碗外賣返屋企食！凍芝麻豆腐花，熱原味豆腐花（$18）凍芝麻豆腐花，好香芝麻味，仲好滑，本身已經有少少甜味，所以唔駛落咁多黃塘，熱原味豆漿花，豆味冇咁重，好滑溜，所有豆腐花，豆漿都係每日新鮮製造，拎到返屋企仲係熱辣辣，由於拎走，所以已經加左薑糖水，而黃糖就搵密實袋袋住一包包，返到屋企可以跟據自己甜度加落去，食完一碗已經好飽。記住噴定蚊怕水，因為好多蚊！

復活節 🐰假期第一天，見天氣咁好 就同太陽伯伯🌞 玩遊戲🚴🏽‍♂️。由上水出發踩單車去河上鄉，目的地係食任食豆腐花😂。途中仲見到#芒草 🌾 👉🏼豆腐花豆漿任食 $13豆腐花有2隻口味，原味同芝麻味。豆腐花係熱辣辣，好滑滑同豆味好香。而豆漿就係凍的，踩單車過到去飲杯凍豆漿舒服曬😆芝麻味比原味甜啲，因為芝麻豆腐花係製作期間已加了糖，所以就咁食都食到有甜味，而原味就比較淡味。食任食豆腐花喜歡豆腐花+豆漿。咁就同時間食曬2樣野😎豆漿+原味豆腐花唔想剩係食豆腐花，可以叫其他豆製既小食👉🏼煎豆腐$14用牙籤插入桔都唔會散開，好硬身，煎得好香口。👉🏼 煎釀豆卜$17大約有7舊左右👉🏼魚蛋$12細細粒+豉油甜甜地

聽說上水河上鄉有得豆花豆漿任飲任食，只是13蚊！即係兩碗豆花已經回本！好抵啊！揸車經過就去試試！地點有d偏遠，附近有地方泊車，也有小巴經過。可能個日冇本地旅行團，星期日去到都冇乜人。原來只是熱豆花可以任食，唔緊要，識食既揀熱食豆味先香！豆花好滑好滑！糖水係自己添加，有薑味同原味！也可以加黃糖！炸豆卜，即炸脆卜卜，加小小豉油，好食！臨走仲外賣素鵝同素雞，回家放冰箱，我隔成星期先食，煎香佢仲好有豆味喔！

今日放假，同男朋友決定去上水Encore任食豆花。宜家的價位為13蚊一位，都係只限任添熱豆花及凍豆漿。此外，餐廳仲有不同的小食可以比大家另外order。今次更增加了八達通付款的自助購票機。大家拎完豆花，就可以到左邊的自助調味區去落薑糖漿及黃糖。先食個原味豆花，豆花非常滑。另外，仲有芝麻豆花。本人覺得黑芝麻味比較好食。凍豆漿就無咩特別。小食魚肉燒賣煎釀豆卜煎得好香，釀魚肉唔腥。我同男朋友最鍾意係呢個素鴨，豆味幾香，仲煎到脆膽地，但唔會太乾。好食好食！另外，我們仲叫左一份煎豆腐。豆腐好滑又煎得香。

跟公司一日團，去到呢度包我哋食山水豆腐花，去到環境大，唔知點解門口放咗個雕像，入面似一間村屋改建嘅地方，旁邊起咗有蓋棚區，附近放咗好多桌椅，領隊比咗每人一個膠牌，去櫃臺領取一個發泡膠碗，然後取豆腐花，人太多排長龍，去到櫃臺店員話第一碗規定只可以原味熱豆腐花，之後第二次開始可以揀味道（原味/芝麻豆腐花、熱/凍豆漿）都係用番嗰個碗！攞咗就去自助調味位置落黃糖或薑糖水！原味豆腐花：我無落薑糖水，只落黃糖，豆腐花夠熱，但無乜豆味，啲豆腐花又碎！一般芝麻豆腐花：我無落薑糖水，只落黃糖，豆腐花夠熱，但無乜豆味，有啲啲芝麻味，豆腐花又碎！一般凍豆漿：夠凍幾滑，食物一般，環境好熱，剛好太陽西斜，晒住食好熱！郊區又多飛蟲仔，任食只食熱嘅豆腐花太辛苦，所以勉強每款試完就算！唔值得山長水遠去食！

新春行大運第三擊：塱原行大運朋友們見我變左車呔人都捉我出來做運動， 今次去塱原濕地行大運， 行左一段時間， 我嗰肚就咕嚕咕嚕地叫😅😅朋友們都無我乎， 唯有帶我去任食餐平靚正豆製品：豆腐花、豆漿， 這裡還有小食賣不過今次同上次唔同，這裡運作不是舊家庭式， 所有任食豆製品都有人盛載分俾客人， 種類亦多， 不只有黃糖豆腐花、豆漿，還有黃糖黑芝麻豆腐花、豆漿，黑芝麻味濃這裡還有各式各樣的豆製品出售，如腐乳， 醬油，枝竹等。 大家估下咩是玫瑰腐乳？！原來是唔辣的腐乳， 見佢嗰名咁靚， 就買左一瓶返去試， 不過下次都係買返辣味好些

河上鄉豆腐花一向出名，上網一search就搵到。去到先知有$12任食豆花加任飲豆漿，不過只限熱豆花，大熱天時，想食凍豆花，就冇join放題啦。豆花豆漿有原味同黑芝麻，各點左一個，仲有黑芝麻豆漿。黑芝麻味就芝麻味好濃。原味就豆味好濃。仲點左啲豆品。豆卜煎得好脆，素鴨食落啖啖豆香，豆腐就反而遜色啲，可能比啲辣醬搶哂啲味。露天茶座，有蚊同烏蠅在所難免，冬天去會好啲，少啲蚊之餘仲可以冇咁熱，慢慢enjoy暖笠笠既豆腐花。茶座係自助形式，自己買票拎野食，食完自己清理返。留意返，任食豆花既size係比單點細，每次添食要拎返個碗去，每次限拎一碗。

不嬲超鐘意食豆腐既我黎到呢到真係咩都想叫黎食！必試既當然係$12/位既任食豆花/豆漿啦！先去買飛，再比個碗你，再去排隊選擇要咩味既豆腐花或者豆漿豆腐花有三隻味！原味黑芝麻味同麥味第一碗當然試過3色豆花先啦！黑芝麻味勁香濃！豆腐花雖然咁平但一d都唔hea !超級滑！不過只有熱，冇凍！再自己加黃糖/薑糖水！試完豆花再試碗凍豆腐！凍冰冰的大愛！豆味好香！冇炒濃既味！另外仲叫左煎豆腐同煎豆卜！豆卜好好好好好味！2樣都唔會好油，但又好香口！脆脆地咁，連佢既豆瓣醬，同soy sauce都好味過人（傻左）唯一一提.....呢到既蚊係多到怕的！要做足防蚊/蠓既措施！

去到咁入，但$12一位任食真係好好好底呀！佢地d豆腐花仲一d都唔hea!好滑！原味最滑！但其實我最鍾意芝麻味！因為芝麻味好重，好好味！物三隻係麥纖味！冇乜麥味！黃糖，薑糖任加，但冇乜薑味！因為食完brunch 先去，所以都只食到3碗！另外仲叫左豆卜同煎豆腐！煎豆腐個辣醬好野味呀！唔太辣，咸咸地，襯豆腐一流！間野最大問題呀勁勁勁勁勁多蚊！噴曬蚊怕水都比蚊到顛左咁走！真係諗起都怕！可能下次都係冬天先去會好d

秋高氣爽, 最O岩就係去去郊遊, 踏踏單車 這個周末, 我們一行14人踩到黎河上鄉,在河上鄉歇息一會, 吃吃豆花, 飲飲豆槳 $12 任食豆花(熱)/豆槳豆花有3款口味呢, 還可以三溝呢~ 哈哈哈! 正呀! 凍豆槳味道剛剛好, 不會太甜豆花食落每一啖都好滑滑，黃豆豆香味也很突出, 不怎加糖也就OK 了好喇, 吃飽飽要上路了

昨天突然秋風起，秋高氣爽的天氣又是到郊外的好時候。近來發現很多食店也有任食、放題，這也是香港人的最愛。來到香港最北的上水古洞也不倒外，豆腐花任食，也只是$12位！豆腐花有芝麻和原味，只要食完拿著碗排隊，很快便又有一碗滿滿的了！貼心的食店還會隨天氣售賣冷／熱的豆腐花，因為昨天只有19度，所以就當然是售熱辣速的啦！而他們也會在場提供薑水，調和一下吃了大量豆品的腸胃。另外豆漿也是任飲的，因為當時我已經吃了兩碗豆腐花，我喝了一點，感覺很香濃。但我想兩碗下肚已經足夠了！

終於一嘗傳聞已久的河上鄉任食豆腐花放題! 12元任食!好抵啊!不過去到見到好多豆類小食，最終都係嘗了小食加一碗芝麻豆腐花我覺得炸豆卜好味，整刻整好新鮮!豆腐花都唔錯，一共三種味道...保證滑!!最後仲賣左豆卜及炸支竹返屋企做餸，一樣好味道呢! 另外，附近有間好大美味棧，可以順便SHOPPING!!

不少朋友都有介紹過上水依間豆腐專門店，只是區區$12就已經可以享用不限時間的豆腐花放題。只是價錢已經夠哂吸引，加上豆花有三款可選擇，一定有種岩口味！我揀左最傳統既豆花，食落真係同超市買翻黎既防腐劑豆花唔同，呢度因為新鮮整既關係，食落每一啖都好滑溜，同埋好明顯食得出黃豆既豆香味，即使係唔加糖，都隱隱食得出豆既甜味地方雖然好偏僻，但喜愛豆製食品的朋友，依度絕對係你地既天堂

聖誕節，除了盡情吃喝外，健康且有益身心的活動，莫過於和好友們到郊外親親大自然了。是日，一行四人，踏上上水趴走之旅。先到石湖墟趁墟，再沿彩園道向松柏塱客家圍進發，走過塱原農地，去到位處僻遠的河上鄉。來到河上鄉，若不花$12任食豆腐花和豆漿，真的有點兒對不起自己對腳了。。。店名，感覺怪怪的，估計平日大多接待旅行團。佔地極廣，門外，泊著多架單車，此地也是單車族的補給站。除了豆腐花和豆漿外，還售賣燒賣，魚蛋，煎釀豆卜，砵仔糕和牛肉等，還兼賣手信特產。可根據個人喜好，自行加上糖水和黃糖。各要了$12任食豆腐花和豆漿，先來四碗原味豆腐花，再自上加上糖水和黃糖。豆腐花半溫熱，大大碗，入口滑不溜口，惜豆味淡薄。咖喱魚蛋$12／10粒，質感和味道均一般，幸咬下略帶魚味。燒賣$12／9粒，食味和咬口頗佳。煎釀豆卜$15／8粒，即叫即炸，熱辣辣，入口十分香脆，豆卜味香濃，且帶鯪魚肉鮮及蔥花的香，好味！小妹和友人吃罷一碗豆腐花和小食，已後繼無力。小雞不但吃多碗原味豆腐花，還再來一碗芝麻味豆腐花，厲害！小妹試了一口，豆腐花仍是嫩滑非常，且夾雜淡淡的芝麻味。任食每人獲發一個碗，吃罷碗中豆腐花或豆漿後，才可再添食其

中午路過初嘗試，兩人買左任食12×2,想要凍豆花話冇, 叫左熱豆花同凍豆漿，去坐低旣時候聽到人話$8一碗凍豆花行返去見到雪櫃有凍豆花。。。冇人排隊又唔多客，職員都唔會提下（去既人記得問清楚。）味道：凍豆漿兩個人食都覺唔甜，淡淡地。熱豆花可自助加糖都淡，好多多餘的水。。陽光普照流住汗 食左半碗永别了。。。