象泰宴

营业中

休息中

可能疫情關係，晚餐時段店鋪只有幾枱客，座得舒服，待應服務態度非常好👍🏻一坐低就每人給1張廚房紙用來包口罩，惠顧也按人頭每人送1個新口罩😷有心思👏🏻食物方面，一如以往好味，最大驚喜是近期推出特惠套餐，2百多元有3個餸，份量跟散叫一樣，沒有偷功減料👍🏻👍🏻不過店鋪位置有點偏僻，駕車也難找停車位，只能間中幫襯回味一下😋

最近home office，但都想落街搵下野食行下，所以就簡左間近近地既餐廳試下。我叫左冬蔭公海鮮金邊粉 （下午茶），碗粉黎到我哇左一聲，個份量同午餐差吾多同埋好足料，有蝦頭，蝦，魷魚，青口，個湯既酸度同埋辣度既比例剛好，又夠熱，又吾似出面其他餐廳咁會溝稀個湯，真系勁好味！另外，我朋友叫左碗船河，個湯底幾清，河粉都好滑，唯一一樣缺點系配料比較少，得一粒半牛丸同幾粒牛腩粒，相比下冬蔭公海鮮金邊粉既性價比較高！ 下次可以再黎試埋其他野！

可能我是用openrice 訂位，當中一位男服務生（看樣子似管理層或老闆）態度甚差，無論我在問清楚openrice 優惠條款或付款時，他的應對都令我反感。再者，食物水準一般，應該冇下次

開業以開幫襯多次，今次特別推介甜品南瓜布丁好味，佢南瓜布丁，經理介紹工序多，我兩口已吃掉一件，廚師用一天來做，先蒸熟南瓜，再做布丁料加上去蒸熟，又滑又有蛋味，好似吃雪糕一樣，泰式燒雞需時半小時，燒雞肉又滑又入味，燒魷魚不是家家泰菜有供應，炒通菜好入味，椰青焗飯清甜青新！

今日8/11/19, 兩公婆撐枱腳，出街食晚飯，簡選了這間屯門泰國菜餐廳，我都未曾食過，所以去試下囉。我哋七點鐘到去到，入到去唔算多人（但食到咁上下就好多人，full曬，仲要有客喺門口等位）, 地方都尚算大，有成十幾張枱，服務員畀咗張二人枱我，坐低咗我哋就叫嘢食了。** 呢個蝦片係每枱都會有嘅落咗order就會拎嚟** 泰式鳳爪沙律好好食，好夠辣又夠凍，唔錯** 泰式花甲火鍋 $108花甲好新鮮，好鮮味，又大隻，都有好多隻㗎，個湯有肉碎，仲好好味添** 泰式冬陰功湯 $108呢個通都好重味精，都係一般的酸辣， 我哋嫌唔夠辣，貴在有隻大蝦，但係都覺得一般唔值食** 泰式海鮮炒貴刁 $78呢個唔係太好食，重味精，食完好口渴，都有好多海鮮料嘅。** 總結上算ok，但啲餸菜都比較重味，我哋食完好口渴，應該係有落味精嘅。** 大家可以喺openrice apps 訂位，同購買現金券，咁樣會比較著數啲。

中午太忙無時間食野，忙完啱啱好2點，呢間下午茶時間2點開始，咁就行左入去食，一坐低就比左個湯我，我就叫左個泰式船民湯河，份量足，有牛腩牛丸蘿蔔，d腩同蘿蔔夠淋，湯底味道都唔錯，好啱我口味，飲品個柸唔係細細個個d柸，埋單$41 ，好抵食。

［一家大細歡聚之選］夜媽媽想食泰國野，隔離果間係又平又好食，但係成日排長龍，見果間門口咁多人就黎左呢間。喂又唔錯喎，可惜可能真係夜，好多野都冇曬。馬拉盞炒通菜，冇曬通菜，諗唔到轉咩之際，店員介紹左呢個—椰菜苗，話好多人嗌嫁。其實就係椰菜BB頭，朋友食到Lam Lam 脷，冇成孰椰菜頭咁硬，但係我覺得又未到爽脆。炒金邊粉，一黎到個外貌幾有驚喜，將蛋漿造到鳥巢咁包住d粉，photoable 😂呢個粉份量大，料就正常份量，每條粉都上到色，但味道一般，偏酸。蛋膜有d乾，冇味。串燒半份，本身係叫3豬3雞，但係黎左2豬4雞，雞就麻麻地，肉質串串唔同，有嫩有乾，不過個調味同雞肉唔多夾，搞到出現微酸。豬串燒先係重點，真係好食，一串大概4粒肉，粒粒大大粒，一咬開肉汁bi 曬出黎，調味同肉配合得好好，令豬肉唔會騷得黎，肉味仲提升左，惹味組合！😍連椰青都賣曬😭😭轉左飲青檸梳打總結：我覺得泰國菜都係多食開心d，可以叫多幾個菜，因為濃味野，獨孤食兩三樣會好快厭膩😱味道：☀️☀️☀️☀️（4）環境：☀️☀️☀️🌤（3.5）服務：☀️☀️☀️☀️（3.5）性價比：☀️☀️☀️🌤（3.5）價錢中間價，不過不失，服務俾錯串燒數量扣左d分。

價錢合理,會送蝦片(如果仲未送曬),食物都可以,生蝦、魚、咖哩軟殼蟹麵包一定要叫，仲可以叫多個薄餅點咖哩。不過地點位置上係麻煩少少,但容易搵到。如果唔去門市,都叫可以送外賣。

以前黎親置樂呢邊通常都係食咖哩屋或者小曼谷,再唔係就係娘惹.今日黎到呢邊發現小曼谷搬左, 同一個位置開左間泰國野, 娘惹又裝修緊, 就同兩老一齊入去試下食喇香蔥蒜蓉包堆到金磚咁，聞落幾香蒜蓉味，麵包皮有點硬，但係浸落咖哩蟹既咖哩入面就會好好食！平時食泰國野都好中意食生蝦刺身, 呢度用杯浸住D蝦上, 有2種口味, 辣辣地幾開胃！平時好少食到腌皮既蝦餅，呢度既月亮蝦餅脆既，娘親覺得幾得意，加上Ｄ甜酸醬一流～但有少少油。我地都覺得好好食，不過唔好既地方就係Ｄ野食黎得太慢喇，個椰青我地食完先黎

其實小妹對屯門真係唔熟，平時都係去開V City 搵食多。呢日朋友話有間泰國菜好似唔錯食，於是叫我去試下。間餐廳位於置樂，地點唔太方便，好彩我地有車去。雖然我地去果日係星期五，但竟然唔全好多人，都幾多空位。我地叫左泰式生蝦做餐前小食。本身以為係一個圓碟上面擺生蝦，點知係用小杯一隻隻咁裝住，present得好靚！而且仲有兩種口味，有辣有唔辣，任君選擇。辣嘅酸酸甜甜，好開胃；而綠色唔辣嘅就好香香草味，好清新!跟住主菜方面，我地叫左條香檸汁煮魚，侍應一捧過黎就聞到好香嘅甜酸味，中間更滲透著青檸嘅清香。我地急不及待試食，魚肉真係好嫩滑，而且甜酸味道剛好，唔會蓋過魚本身嘅道道，反而突出佢嘅鮮甜。魚肉下面有粉絲，吸收晒湯汁嘅精華。本身對炒金邊粉無咩期望，不過佢呢個炒金邊粉真係好香，金邊粉唔會硬身，而且賣相好靚驚唔夠飽下，我地叫左個象泰招牌去骨豬手煲。估唔到係咁大煲，勁多豬手，而且豬手煮到好淋，醬汁都起晒膠。味道唔辣，更似係紅燒。

今日無端端想食泰國菜🐘有朋友揸車🚗就揀左呢間屯門既象泰宴， 貪佢附近夠多車位可以泊🚏勁方便去到門口望入去都幾乎坐滿💺但我又好想坐大卡位😛貪佢靚d 又舒服d 🤵🏼waiter 哥哥好好人， 比兩個位我地坐住等， 等左陣卡位都未有人走， 佢就安排另一張四人枱我地坐， 其實都好ok. set 好哂枱🍽突然又有卡位， 佢竟然仲叫我地坐過去， 好好人啊💯今次因為得兩個人叫唔到咁多野試， 就揀左個肉碎生菜包薄餅同咖哩軟殼蟹麵包生菜好新鮮好爽口原本以為係普通肉碎， 但食落有輕微辣味， 又幾夾喎另外個軟殼蟹包🍞原本都以為個包會林哂唔好食先叫定薄餅， 點知個包又出奇地好食， 吸哂d 咖哩汁勁正🦀咖哩味都好香其實d 份糧都唔少， 兩個人都夠哂飽

前幾日睇左 d食評，揀左呢間嚟同屋企人慶祝生日，我地 book左 6點半，入去嗰陣仲有枱剩。佢個冬蔭公湯好足料，d蝦好大隻又唔係好辣。見有 d評論推介海南雞飯就點左嚟試，可能期望太大，覺得比想象中普通。原隻燒魷魚同芒果軟殼蟹紙米卷都值得一試。四個人叫左六樣野，埋單每人百幾蚊，性價比算幾高。可惜今次食太飽，下次再試佢 d甜品。

-泰式鐵板蠔仔炒蛋：最快上嘅就係呢個豪仔炒蛋好，蠔既份量都唔少而且用鐵板上， keep住個熱度，唔錯。-泰式生海蝦：第一次見生蝦用杯上，每一個杯裝住生蝦泰式傳統醬汁，一種係青辣椒另一個係紅辣椒製成嘅辣汁。生蝦都好新鮮，但係醬汁真係幾難，食完之後啲辣湧返上嚟，成條脷都會麻曬。-月亮蝦餅：味道似酒樓嘅蝦春卷，餡料尚算豐富新鮮，食到一粒粒馬蹄。一份蝦餅有8大塊，兩個人食就會多得滯。-蕉葉烤焗烏頭：烏頭原條由錫紙包上，魚肉尚算嫩滑，但係個汁就有少少普通，只係平時煮過咗龍既豉油。-泰式馬拉盞炒椰菜苗：略嫌馬拉盞嘅味唔夠出同埋比較多油。

壽星女想食咖哩蟹包，上openrice就介紹呢間。不防試試。 咖哩軟殼蟹包果然好味，也是招牌菜。一點就是十樣餸菜，還有特飲。飽飽滿足的。各樣菜式也很吃，唯沙嗲串燒太乾，有點失望。餐廳整潔，員工服務也很友善。下次還會再試。

唔搵唔知， 原來小曼谷已撒離，變左另一間泰國菜「象泰宴」。 是晚大約九點walk-in, 兩個人都要等15分鐘。店外有露天位置，但太熱應該無人坐。店內環境寬敞，有卡位，卡位仲要有USB 插提供俾你叉電，好細心😁👍🏻菜色選擇頗多，又有特色菜單，兩人叫左小食（泰式生蝦），主菜（泰式明爐香檸汁尖吻魚）及菜（豬頸肉啫啫椰菜苗煲），再加甜品。當然有冰凍既泰國啤飲，正呀！泰式生蝦配有兩款醬， 傳統酸辣汁及青色的。兩者分別唔大，辣味可以。加上蒜頭及辣椒粒， 爽口蝦肉，大大啖食完，good!泰式明爐香檸汁尖吻魚，好surprise, 好好味。 尖吻魚比較少見，尖吻魚魚油比烏頭少，但魚肉嫩滑，少魚骨。 泰汁加青檸， 好清新！兩人好快清哂😆豬頸肉啫啫椰菜苗較失望，醬汁好稀， 無左泰式平日既咸及辣味， 淡淡的。豬頸肉及椰菜苗本身不過不失。好經典既椰汁西米糕，味道唔算突出。用班蘭葉摺左個盒仔， 內有西米， 再用椰漿鋪上。椰汁糕椰漿味好濃郁，但食落會有少少咸味的🤔。好一個有咸味既椰汁西米糕！總結：象泰宴可以再去，上菜速度ok, 不過希望大廚唔會再失手啦！