象泰宴

营业中

休息中

在黃金海岸附近，友人的居所作客，附近都沒有什麼餐廳，而且我們在開鵲局，因此梗係叫外賣。翻看資料才知道原來這間餐廳在置樂，也是兒時間中會到的地方。以屯門區的這種泰式小店來說，這間都算是不錯，咖喱非常杰身，用來點咖喱的麵包夠厚，但又不算太過乾身，中間都算軟林，伴咖哩來吃也相當不錯。之前都已經說過，其實泰式豬頸肉，因為用燒烤的爐火去燒豬頸肉，往往令到豬頸肉變得比較乾，因此近日反而喜歡吃普通自家煮豬頸肉，又或是浸在湯裏做湯麵的豬頸肉。海南雞也不錯，大部份位置都好像去了骨，而且不算太過肥膩，最重要的是它的海南雞的確本身已經醃有味道，不像很多泰式店，完全沒有味道的海南雞都叫做海南雞。菠蘿炒飯雖然沒有見到什麼菠蘿，而且只是用膠兜盛載，但內裏有點提子粒以及肉鬆，吃到非常滿足。

今晚收左工，老婆又唔想煮飯，落街行行下就走到去象泰宴門口🥘🥘見到門口餐牌又幾抵食，入去試下。點左個兩人餐加印度餅，條烏頭好入味😋足料（檸葉南薑香茅青檸汁），海南雞🐔啲汁一流，提味好👍🏻，個菠蘿炒飯就細碟左小小，但賣相味都不錯，呢小朋友都話正，最後一提，你地嚟到一定要點佢地杯芒果，好好味，跟餐半價抵到爛，最後只係覺得個份量細左少少，但其他都好有水準🍹，下次叫多幾個人叫多幾款食物encore，爽😝😝

網上訂購，17:43訂購，18:09顯示可以取餐，最後等左廿分鐘左右入去問有未，職員話仲未要等多陣，轉身行出門個陣聽到職員話唔等得咪叫外賣囉！嘩！你哋明明顯示拎得先嘅，已經再等廿分鐘先問，仲要咁樣態度講野，最後18:35先拎得，仲要走左返屋企先發現俾漏野食，又要等多十幾分鐘佢地送過嚟，最後19:00先食得！全程一句唔好意思都無，唔會再幫襯！

雖然係等一陣就入得，但等緊位個陣周圍勁多人食哂煙，一路食二手煙一路等，食完二手煙食龍肉都冇味啦。到入座後個呀嬋重要態度差到呢，單又唔識落，又要串串共，我唔係話客人大哂，但都唔使咁串，講尊重架姐。好彩個店長都算有禮貌，但個整體印象已經差哂了，d食物叫做ok但對比佢後面間小曼谷其實差唔多質素但價錢貴好多，我本身係openrice見到間野咁高分打算試下啦，依家真係不了

見食評唔錯就試下啦。第一次到印象幾好，裝修企理又有空間枱唔逼，卡位仲設冇义電位。叫咗$238/2人餐再加$68冬蔭公(好抵呀)，每碟都大大碟完全唔似套餐size,而招呼亦很好，男侍應會主動換碟。下次會再試下其他菜式。

餐廳：象泰宴 (屯門)地區：屯門地址：屯門青善街康景花園8-10號舖日期：8/5/2020 時間：19:00人數：4人等位：10 mins 價錢：$398好耐無食過泰國菜，上OpenRice 搵到呢埋評價幾高嘅象泰宴，於是就夜晚過咗去試吓，我哋walk in入去，估唔到咁早就爆場，好彩都只係等咗兩個字就有位。我哋叫咗個4人餐 $398有5款餸食，我哋簡咗1. 豬頸肉啫通菜、2. 招牌焗黃咖喱包軟殼蟹、3. 泰式經典明爐烏頭、4. 網包鮮蝦炒金邊粉、5. 泰式波蘿海鮮炒飯，每樣都唔錯幾有水準，值得一提嘅係佢嘅招牌焗黃咖喱包軟殼蟹，咖喱非常之香口濃郁，同麵包同軟殼蟹好夾，我哋個個食完都讚好👍🏻，另外碟魚對家中兩老嚟講就偏辣咗少少，唔太啱佢哋，同埋覺得多骨咗啲，下次會改嗌其他菜式。$398有5個菜食到好飽，係香港嚟講算係非常抵食，所以值得推介👍🏻

炎炎夏日食泰國菜最啱喇好鐘意食泰式料理酸酸辣辣、椰奶香氣的味道!我哋倆口子點咗泰式生蝦、月亮蝦餅、金柚子蝦沙律，馬拉盞炒椰菜苗（蝦，差唔多全部都係蝦）生蝦用shot杯裝住，每隻蝦配薄荷葉、蒜頭辣椒一齊食，蝦肉彈牙而新鮮，難怪系招牌菜最鐘意就系呢個月亮蝦餅，月亮蝦餅外面好薄，炸到脆脆好味道金柚子蝦沙律非常醒胃美味，充滿泰色風情！柚子鮮甜，用嘅大蝦彈牙，口感豐富每次去泰國餐廳，除了食串燒、咖喱、冬蔭公外，都總會叫一客蔬菜，當中最愛必定是惹味的馬拉盞炒通菜或炒椰菜苗總體用餐好滿意下次再試下其他，今日真係食唔落了#以上食評乃個人竟見，不喜勿插

已經第二次來到呢間餐廳，套餐十分抵，兩個人可以叫3款餸，而且啲菜式都好大路，實有岩款，埋單2百幾蚊咖哩軟殼蟹，都有2小隻，是剛剛炸起，仲熱，本身諗住叫個白飯，點知個麵包咁大，食完都飽咗豬手，之前都食過，下面有啲菜墊底，豬手又夠淋，但今次稍為多毛，扣了小小分小食拼盤，必叫，係啲雞翼乾左小小其他都好味，春卷皮簿餡多，蝦餅彈，串燒正常叫左2杯飲品，菠蘿同芒果特飲，本人中意菠蘿多啲，但fatty 中意芒果，2杯都好fresh

工作辛苦左成個朝早，終於到Lunch hour 時間啦今日同事推薦我黎到青善街呢間叫象泰宴既泰國餐廳覓食泰式蠔仔蛋飯（午市配餐湯/$56）一上菜不得不讚佢既泰式餐盤，夠哂特別主角蠔仔蛋夠哂足料，有成十幾隻珍珠蠔，味道鮮甜唔會腥炒蛋香味十足，唔會炒得太老辣醬唔會太辣，送飯一流午市仲包埋豬骨湯同一杯熱飲，絕對對得住個價錢打工仔午餐之選

已來過多次，感覺都不錯，但今次人多，而且他們現在做的六人優惠套鎖餐確係抵，所以按今次 birthday boy 指示，給餐廳寫個評，支持一下。六人家庭生日聚會，全部成年人，有半數不辣，有一位海鮮要戒口。於是看上六人套餐，在15款菜式裡任選8項，另外各特色飲品有6杯半價（椰青和啤酒除外）。點了以下8款再另加上冬蔭公湯。

Such a bad experience and food is over cook. Inexperience in dealing with large group... Waiter/waitress are all inexperience. Over flux with customer at the same time. I would really not recommend coming to this restaurant. It purely waste of time.

今晚朋友介紹食呢間泰國餐廳，叫左個二人餐，有三款餸菜揀，生蝦好好味😋菠蘿海鮮炒飯好大碟👍🏻烏頭d汁酸酸甜甜好開胃😋整體都好好味👍🏻服務都好好，不過就冷氣就大咗d。呢間餐廳都好多人幫襯。

今日嚟到屯門置樂花園，好偏僻嘅地方尋找隱世美食。見到呢間泰國菜好似幾抵幾正，就入咗去啦。佢有個二人餐， $248可以揀三個餸，我哋就揀咗一個咖喱軟殼蟹農夫包，一個菠蘿炒飯，同埋一個泰式烤鱸魚。第一樣餸個咖喱農夫包，超大份好好食，啲包索晒啲咖喱汁，個軟殼蟹份量雖然唔多，但都幾好食。再嚟就係烤鱸魚，懸挑相，仲有個爐仔煲住，啲肉好嫩滑，個汁酸酸甜甜幾唔錯。最後就係個菠蘿炒飯，但係因為我哋兩個人食二人餐，已經飽到不得了，所以已經食唔到啦，哈哈。在帶咗兩杯嘢飲，梳打水泰國版，分開上，幾有特色。最後埋單都係$300 ，總括嚟講呢間野真係非常之抵食， $300食飽飽，仲有得拎走。見佢仲有三人餐四人餐，就可以揀多兩個餸。疫情來講，呢間野街坊生意，絕對值得支持。

呢間泰國餐廳就都開咗一段時間，今日收工經過又見無乜人排，入去試下先。未叫嘢食就嚟咗個炸蝦片，我仲同佢講我無叫喎，係咪上錯？佢話送嘅 隨便食。去骨海南雞飯，試一間泰國餐廳好唔好食，一定要試佢嘅海南雞飯。呢個海南雞飯好正，雞夠嫩，飯夠香，係個汁辣咗啲(我覺得)。馬拉盞炒通菜，味道唔錯，不過不失。招牌焗黄咖哩麵包軟殼蟹，咖哩夠果，軟殼蟹份量多，自己略嫌麵包口感太實，食到口軟。不過少餐廳有呢款菜，下次都會再叫嘅。珍多冰，無乜特別，正常

之前見到openrice食評講呢間餐廳既食物唔差，而且做緊套餐優惠，所以就同朋友去試下。我地點左個二人餐同埋冬蔭公湯小食拼盤(小)🍤有春卷、蝦餅、雞翼同串燒除左個串燒比較"鞋"之外，其他都OK焗黃咖哩麵包軟殼蟹🦀賣相吸晴，有一隻軟殼蟹咖哩椰奶味濃，配白飯一流豬頸肉啫通菜🥗通菜苗嫩滑，味道適中不會過咸冬蔭海鮮湯🥘材料有蝦、青口、 魷魚、菇、蕃茄味道正中，好飲！總括黎講味道都唔錯，可以一試！註:著白恤衫個男職員真係冇乜禮貌