豪大大雞排

营业中

休息中

呢間由於係黃店同埋我好中意食炸雞既關係放工成日都黎買一星期都食一次咁劑之前不嬲都係大份又新鮮炸起熱辣辣咁2個男仔睇舖好有活力唔知係咪請左新員工啦呢個脆皮雞塊既雞件縮左一倍。。厚度都縮左一倍之前每件都有手掌心位咁大舊又厚肉 食一包都可以飽肚 調味又正今次係好似日式唐揚雞既size..拎上手已經覺得輕左好多 望入去都空蕩蕩咁一撕開包裝已經見到薄左勁多每份$38蚊 如果係咁既size 我覺得唔值$38..係大雞扒都係同等份量同質素既時候呢份野更加顯得唔值有乜可能外賣店 $38既脆皮雞塊 一件會係同一隻雞翼差不多size..

一直都想試呢間咁出名個雞扒店，價錢比較貴，一塊雞扒就要$30，不過真係大塊，外脆內嫩，食落好過癮，而且調味加分唔少，帶有鹹香，提升個層次。不過都係唔健康嘅垃圾食物，試一次好啦

行過見到豪大大雞扒竟然有芋圓賣決定同朋友買碗試下佢有五同既材料可以配搭選擇我同朋友揀左碗2 人份量既招牌芋圓試下入面有紅豆 芋圓 地瓜圓 仲有仙草芋圓幾煙韌 紅豆幾冧 甜度不錯份量都幾大

呢晚買完晚餐回家嘅途中, 經過豪大大雞排~男友就忍唔住話要買來食了~如是者, 我地就買左一塊大雞扒來食大雞排  $33雞扒係即叫即炸的~ 所以要等~呢晚都唔算多人, 前面有3個人等緊啦~我由落完單到有得拎, 大概等左10分鐘吧。雞扒有得揀辣同唔辣, 我個人都食得辣, 同埋我都覺得辣好食D加左辣嘅雞扒, 真係好惹味! 又係會令人食到停唔到口~雞扒夠厚身, 肉質JUICY, 唔會老。外皮當然脆卜卜~  即叫即炸嫁啵~  塊雞扒真係好大塊~$33唔算貴, 可以2個人一齊食

今晚突然想食豪大大炸雞，於是叫老公收工去元朗買外賣，因為一塊都夠飽，最鍾意佢新鮮熱辣辣炸起，真係好好食，雖然我覺得台灣好食d,但香港的也不錯，就算平時去街去到邊有豪大大，我都會買一塊，小辣，即叫即炸，好味道，我記得弟一次接觸豪大大就係 係台灣，旅行時差不多日日食一塊到而家都會懷念既味道，總之每次見到有豪大大，都會去買，我老公都會被我既感染，佢食唔辣，一人一塊，有原味、小辣！我曾經叫過大辣，又紅又辣，又蚊左面皮食哈哈，從此，小辣最岩我

今日同老公入到元朗揾食掃街，由元朗食街又新街食到教育路，竟然見到台灣士市林夜市第一品牌豪大大雞排元朗分店地點比較偏僻，不像旺角店長期排隊，不用排隊就可以買到啦！係台灣台北每次一定會食，所以番到黎香港。定期見到都一定會買黎食。豪大大雞扒基本上都係雞扒主打，其他係雞粒。個人較喜愛雞扒，因為可以保持雞扒肉汁較嫩滑可口。元朗分店意間豪大大雞扒，真的好好味。即叫即製，外層香脆加上辣椒粉增加味道層次，內層能保留肉汁同肉質嫩滑，正^_^