豪大大雞排

营业中

休息中

🍗豪大大雞排​📍旺角弼街67號地下B舖（旺角火車站moko個邊天橋過去）​👉🏻👉🏻menu​圖1️⃣ 香香雞 (半份) $28外皮炸得酥脆，幾香，但雞肉有少少鞋​圖2️⃣輕量版雞排 $28都係招牌好食，係豪大大獨有味道，有少少似香酥雞但又唔係，好香，夠酥脆，雞肉嫩滑😋（評分：5杯☕️最高分） 食物：☕️☕️☕️☕️環境：☕️☕️☕☕️ CP值：☕️☕️☕️☕️服務：☕️☕️☕️️️️️️️️️️️️淨係收現金、支付寶&微信​✨會再幫襯? 會，雞排好食😋

食過幾次豪大大但係呢間比嘅份量最少，嗌咗個粗直薯條，份量大概係其他嘅三份二，味道就冇咩問題都係同平時一樣，加咗辣粉夠惹味，夠熱同埋都幾脆，同埋佢嘅薯條係粗身薯條

係咁多間炸雞店之中，為食貓最鍾意豪大大因為佢個味道係整得最好，但又唔會令人太口渴😊佢既豪大大雞扒真係必食，塊扒大到食一塊已經夠哂飽😋雖然比起台灣，佢d雞真係無咁新鮮，同埋係翻熱炸，但都尚算可以接受，重幾好食但為食貓最不能接受既係員工既衛生水平眼見收銀個個同入野食係同一人，對手套可能戴足一日都唔除尤其係呢個疫情之下，任何人既衛生程度應該要加強，更何況呢間係食店所以縱使食物質素有幾好，為食貓都未必會再幫襯

▪️芋香地瓜球$20👎🏻第一次是豪大大雞以外嘅嘢，呢款冇想像中咁好食，芋香味淡，好多都係糖粉嘅甜▪️炸花枝丸$13👍🏻炸得好炸，而且入面都唔乾，味道好食▪️炸雞錘$12👍🏻呢個好食！旺角店$12平平哋，一定冇出面嗰啲炸雞髀咁大㗎喇，但我就當佢係一個小食咁食，主餐再加呢個🤤啲雞肉唔柴，調味好濃，不過係我鍾意嘅口味🙇🏻‍♀️除咗地瓜球唔會再試，其他都可能會再買

唔知係咪成本高咗呢，以前買一份鹽酥雞會去到袋口咁高，依家有差唔多三份之一係空氣（薯片的概念？）。而且一早炸定晒放喺度搞到又凍又硬。一係就翻炸再翻炸。真係越做越差

每次行旺角，最好就是掃街醫飽肚豪大大雞排出名就是一個相對的便宜價錢可買到一塊大大塊的雞排。見住小店炸起再拜託多落辣粉，第一時間把雞排放入口，立即感到滾油的熱力和肉的彈力，性價比高！

之前食開旺角新寶對面分店嘅小食還不錯，咁啱路經火車站橋底之分店，打算買份甘梅地瓜過下口癮。點知一返到去打開見到得半包仔分量，仲要份嘢又凍又硬！我買親次次都滿到瀉熱辣辣的，依間分店擺到明偷工減料！以後都唔會再去呀～

每次經過旺角，我都會喺呢度買塊雞扒食，但今日好似比較多人排隊，可能是因為假期嘅關係，排隊嘅時間都唔會好耐，大概5分鐘左右就到我係排隊嘅時候，我已經諗定食乜嘢，就係2塊大雞扒再加一隻全雞翼，原味及辣味各一塊，因為阿囡都想食，所以原味比較適合佢你睇吓真係好大塊，仲大快過我隻手掌...😂原味係椒鹽嘅味道，有少少胡椒粉，阿囡食完覺得辣，但都堅持食辣味我就最中意，因為辣到啱啱好，炸得都比較脆，但啲炸粉都比較厚，如果可以無甘好粉就好啦！ 食完呢個之後，再飲包檸檬茶，已經飽了，唔洗食飯都得....

約左朋友食晚飯，但朋友臨時ot, 決定買啲小食食住等，唔好餓親吖嘛。但係係呢個牛雜都要50蚊兜嘅旺角街頭，我真係買唔落手吖，再望一望，咦！有豪大大喎，炸雞扒都係三十蚊左右，相對地好抵吖！結果咪中哂伏囉！一行埋去比完錢，姨姨就已經將雞扒入好袋等我....（就算唔係即炸都翻一翻炸，熱一熱佢吖😑）唔緊要，試左先，一咬落去，唔熱嘅？😳喂，說好的炸雞扒呢？比多次機會你，等我再咬多啖😡喂，究竟我係食炸粉定食炸雞？

Working nearby and suddenly wanna eat fried food. So I bought fried chicken cartilage to fulfil my wish. It costs only 25hkd with a lot of fried cartilages. Definitely worth the price. However I think the spicy powder is not spicy enough. I don't feel hot at all even though I have finished the whole pack. And too many flour under the crispy layer.

話說果晚掃街，行過聞到啲雞扒好香咁，就算明知熱氣，都即管滿足一下自己啦。行過去唔駛等，一早已經炸定晒出嚟，可能攤凍左嘅關係，咬落冇想像中嘅咁脆而且粉漿有啲過厚，同埋我好想知佢點做到入邊咁多空氣呢🙄🙄🙄🙄🙄同埋，佢好大舊骨，有一半都係骨啊。整體：好一般，好失望。

作為豪大大雞扒嘅忠實fans，梗係要支持下試下其他唔同嘅部位。今次試嘅係胡麻鎖骨同香辣脆骨！胡麻鎖骨$20/3塊，味道比起平時香辣有多個層次，有少少胡椒嘅味道。至於鎖骨，都多肉，但係骨頭呈V字，所以女仔食起上黎會比較狼狽，要注意哩點 另一個就係香辣脆骨，話明係脆骨，就真係脆嘅骨！我特登幫脆骨影左個橫切面比大家睇，就係呈T字嘅骨，係咬到嘅骨，行街當零食唔錯架！題外話脆骨其實唔係咁樣好似串燒咁串住，只係上一次我男朋友用手托住個紙袋，我用竹籤一篤！就篤到佢隻手所以...以防再發生慘案，就篤起晒一串串咁食啦。哈哈哈哈！

等左超級耐仲要包地瓜超級細包以前食過都冇咁細包好似細咗差唔多70%之前我姪仔喺呢度買個雞塊佢竟然比一啲凍嘅佢真係呃小朋友想俾多次機會佢不過對呢間野而家超級失望唔會再起呢間野買

午飯後拎著一大袋嘢，行過見無咩人買，就買地瓜取回office食，原來紙袋內只得半袋地瓜，無諗到旺角依間分店個中年男店員會咁樣比得幾塊咁細塊地瓜。味道仲差過係大埔店買的，大埔店仲要好大份裝滿成個紙袋。下次唔會再嚟依間買，寧願行遠d去第2間分店買!

又去到金魚街搵野食,其實今日又要出去做野,只係夠時間搵d篤篤野食,前幾日食完燒賣,今日就唔太想食啦,m記包細左又加左價,又唔想食喎,諗下諗下就好想食豪大大,有時都會行過食下雞脾食下薯條,雞扒就好耐無食喇,要塊輕量級啦！超辣粉！阿姐做野好快手,好多塊雞扒已經一早排左係到,唔知擺左幾耐呢,不過仲熱既！好耐無食,一食就覺得同以前個味唔同左,雖然你可以話佢係雞肉,都食得出雞肉味,但同時都食到個份雪味,頭一兩啖覺得ok ge,但後尾愈食愈難食,同以前d味唔同左,一開始仲驚輕量版唔夠,好彩都勉強食得晒