豪大大雞排 (竹園廣場)

营业中

休息中

開左豪大大 正😋宵夜多一個選擇啦🥳🥳平時放工都會忍唔住買一塊黎食😂😂😂😂夠炸夠香脆 肉又juicy🤣🤣🤣都鐘意食佢地其他小食 但最愛炸大雞扒👍🏻👍🏻👍🏻

收工路過～見到佢新推出咗個辣雞翼✨好吸引$35/5隻 可以叫佢加超多辣粉🖤淨係for外賣 🥡 佢外賣跟個紙袋同埋膠袋俾我 跟住我就用個膠袋 套住隻手攞起個雞翼嚟食✨超級好食❗️❗️❗️❗️食過返尋味 食完一次仲想食第二次

依間豪大大雖然話開到11，12點但成日個收工時間都唔一定，亦都有啲日子會唔開門，所以都幾麻煩下但依間炸雞幾好食，啲粉亦都落得足夠，所以個人幾鐘意食依間豪大大老細亦都好nice

買來做宵夜 之前食過旺角果一間好似係總店黃大仙呢一間食落去冇咁脆 感覺份量有啲少 唔知係臨近收檔嘅時候 冇一份嘅份量俾到客人 所以先咁樣 定係點…早知係咁樣 不如去附近其他舖頭買章魚小丸子食好過

疫情下知道餐廳食肆都好難捱，無左晚市堂食，加上有時又懶得煮嘢食，就去屋企樓下睇下有乜買所屋企食，係到買一份香香雞同其他小食返屋企當小食，呢到買嘢係唔會比單/飛你，個男人(唔知係咪老細)會靠佢記憶去比食物比客，唔知老細係咪忘記左我定點，我企係等左10分鐘，佢突然好似醒覺原來係我買左食物，係背脊後面拎袋食物出嚟比我，到拎食物個陣佢再問我係咪半份香香雞加乜乜乜小食，我話: 係一份香香雞⋯⋯ 佢就好大聲鬧返我轉頭，仲反問我係咪收左我咁多錢，叫我自己計下！ 咁我要一份你聽錯半份，咁你收半份錢緊係岩㗎！由於我唔係淨係買一樣嘢，正常你講幾多錢我咪比幾多錢，入面個女人仲要係到笑🙄真係吹到啤一聲⋯⋯好啦，拎到返屋企諗住有得食，d 嘢食係凍嘅！要辣又無落辣，唔怪之得平時行過都無乜客，真係抵你無生意，永不再幫襯，食物味道絕對無出面其他豪大大分店咁好食！真係嬲！食到一肚氣，比錢買難受！

前排去台灣士林有食過一次豪大大雞排，所以返到嚟香港，都好掛住啲台灣食物，好想再食多次，所以便去左街市的豪大大雞排買了一塊大雞排。雖然香港食雞排會比台灣食貴一點，但是都是可以接受的水平，最重要是可以食返台灣美食的味道，在街市的豪大大雞排賣33蚊，即叫即炸，所以要等，可以揀辣同唔辣，我呢啲辣物敗北者，當然揀唔辣啦，等左大約4-5分鐘，便可以有得拎了，感覺雞排同台灣的比，長度差不多，不過闊度可能未必有咁大，但都是大塊的，而且味道同台灣的差不多，一樣有很重的胡椒味(我估係胡椒)、華鹽(我估係)，總之就好味，可以食返台灣味，得閒等我懷勉下。以下評分以5⭐️為滿分推介⭐️⭐️⭐️