豪江糕品專門店

营业中

休息中

有一段時間冇幫襯，對上一次好失望，今日路過，諗再比多一次機會啦。買咗花生糯米滋同香蕉榚。糯米滋花生餡仍然少得可憐，皮好厚，重要好削。香蕉榚好好甜，完全吃不下。真係冇下次。

曾經在豪江買過一次砵仔糕，老實說，很一般。今晚大佬特登在同一家店買了2個芝麻糯米糍、1件白芝麻卷跟一件白糖糕給我。竟然有驚喜哦！🍡 芝麻糯米糍糕皮超級軟綿，入口即化。黑芝麻餡除了生磨芝麻粉，還有花生顆粒及幼砂糖，會偏甜但黑芝麻味挺突出，但如果沒有花生顆粒我會更喜歡。但分數還是主要給黑糯米糍皮，嗯，我就是喜歡糯米糍皮＞餡料。🍡 白糖糕 個子不大件，但發酵得蠻不錯。而且入口清甜又沒酸味，又沒有濕軟或鬆散的問題，好吃哦！🍡 白芝麻卷Sorry,，太足料，馬蹄粉造的糕皮包著一大堆白芝麻。個人品味不能接受有太多顆粒的糕點，所以無試 🙈⁡推薦指數 (5分為滿)：🐼🐼🐼⁡🐼⁡手工製品每日新鮮製造所以品質也每次不同。但今次吃到的都值高分評價 😋📍 豪江糕品專門店北角琴行街22號地下C舖

一班同事想食糕點，所以一次過去買。要左2件蔗汁砵仔糕，1件黑芝麻卷同1件馬蹄糕。①蔗汁砵仔糕都算大舊，好彈牙，紅豆份量適中，唔會淨係食到紅豆味，最緊要唔會太甜。如果有無豆既都想試下。②黑芝麻卷之前睇過好少地方有得買芝麻卷，所以見到有都特登落order。第一次食幾新奇，幾香芝麻味，都係好彈牙唔會太甜。③馬蹄糕有馬蹄有啲口感幾好食，無咁齋，比芝麻卷甜少少。價錢幾平，cp值高，佢仲有好多款懷舊糕點，下次會試！不過要行得有啲遠，冬天再encore 😂 😂

行過買左支馬蹄露$10...唔太甜.岩晒味.馬蹄蛋花.唯獨比較.‘傑’左d班籣砵仔糕.買左個試下.食完回頭再買.都係15分鐘左右）已經賣晒了👉🏻👈🏻下次買多點

今日經過北角 就買個班蘭砵仔糕 同埋椰汁班蘭千層糕食。其實以前食過都幾好食。但係今日個砵仔糕唔好食⋯⋯冇咩味，同埋水注注好多粉咁，咩事！完全同以前品質差好遠！唯一讚緊係紅豆多⋯⋯冇啦。價錢由以前食5蚊變到6蚊。椰汁班蘭千層糕，不過不失，但係班蘭味真係唔夠。如果經過可以懷念香港情懷既，就食下囉。但係山長水遠去食，就唔好啦。見到有其他食物，芒果糯米糍，尼到都做到好雜！可以唔試冇影相⋯⋯因為即食左！

總結: 大家真係好想試的話，請等秋冬， 春夏就免喇，因為所有食物係室溫擺放，店內亦幾乎無冷氣。而我以後就帶住我小小嗰嘅幾蚊雞去其他地方買砵仔糕。長氣講故開始: 喺附近返工好多年，一直到今個星期一先發現呢間小店🙈，即刻買咗一個蔗糖砵仔糕同黑芝麻卷嚟試試。砵仔糕雖然質地偏“粉”，但勝在甜度適中，同埋勁多紅豆 (可惜黑芝麻卷就認真麻麻，無芝麻味，得個死甜）。 好開心咁同同事們分享呢個發現，等大家唔使再食唐X包點嘅砵仔糕。食過翻尋味， 第二日放工又買一個砵仔糕嚟食，一樣咁好味。到星期五，問題嚟喇⬇️我買咗3個砵仔糕（真係好鐘意食砵仔糕,一星期嚟3次🤣🤣），1個自己食（分開袋）,2個買返去比屋企人食。買完轉個街口去到巴士站，等車時攞出嚟食。 一打開個袋，即係聞到少少酸味。我試食一口，好肯定係變壞咗，於是我即係返轉頭同女店主(?)/店員反映。 佢嘅回應係： “你話變壞咗，我退錢比你，但我要講清楚，呢個係你嘅"口味問題"，我哋嘅食物無問題係新鮮製的。” 跟住一手攞起2袋（一共3個砵仔糕），完全無打開嚟睇吓聞吓， “啪”一聲掉落垃圾桶。 天時暑熱, 店內所有食物就咁放喺普通玻璃柜內，我買嘅時候砵仔糕

呢度既糕點相信係每日新鮮製造，最特別既係班蘭味既糕點，佢既外表係綠色，所以擺係玻璃窗櫃已經好吸睛！食落有淡淡既班蘭味。因為鍾意，所以都推薦過比朋友食，朋友食完覺得普普通通，雖然味道上真係冇乜太大既驚喜，但係呢Ｄ老舖真係載滿好多回憶，希望可以繼續保留。

超級鍾意食斑蘭味嘅嘢所以老遠去試試佢嗰斑蘭卷,斑蘭紅豆砵仔糕,班蘭千層糕,額外仲買咗舊馬蹄糕斑蘭千層糕-我以為會係煙韌口感,但係其實係爽口嘅(好似馬蹄糕嗰種爽口)班蘭味唔係特別重, 唔太甜,食完冇特別覺得好食或唔好食斑蘭卷-呢個班蘭味重啲, 同埋口感係比較煙韌的所以我鍾意食多啲,卷住中間啲芝麻兩隻唔同嘅口感幾得意馬蹄糕-好多馬蹄又唔會好甜,爽口,好食👍🏼我諗如果煎一煎再食會更加正斑蘭紅豆砵仔糕-好多紅豆不過斑蘭味都唔係特別重,都係鍾意佢嘅斑籣卷多啲

這家的糭子超級好吃性價比也很高 abt$30-40@每只都包很大～多豆，蛋黃又大🌅沒有比較沒有傷害，在家樓下買了一只超難吃的每次吃兩種口味，跟熙叔每款吃一半一分為二兩邊都還是有很多料，蛋黃冬菇什麼的都是兩邊都有糯米剛剛好不會太黏，好多款🙃而且有素糭🙏特地去北角買，所有口味都來一個🤤還光顧了兩次去之前可以fb問一下有沒有貨再去，因為小店製作須時所有口味都超好吃，鹼水糭也好吃🤤

唉 不好吃 看圖己知道一心諗住支持下小店見佢周圍賣哂廣告 又有名星推介以為一定唔會伏啦唉 點知。。大家看圖吧我叫左一粒花生糯米滋但眼見花生得3粒都冇 仲要係半粒錦然後成個糯米滋都係椰絲下圖可見 份量超小 但塊皮就好厚😂😂。。好像吃面粉？ ？超失望 成粒吃左半就扔左了唉 真的不會下次 唔係講笑仲要成7蚊粒 7蚊買左塊糯米皮翻黎。。經過千奇唔好俾佢既廣告吸引到

傳統中式糕點 大家喜歡嗎? 對你有一點回憶嗎？還記得 公公很喜歡吃芝麻卷 媽媽係我細細個就會還俾我食 介紹公公喜歡的 但我從未見過公公 而芝麻卷就成為了我對公公多一點的了解呢間舖頭我已經幫襯左好多次 每次經過都總會買來嚐嚐☺️ 這間糕點款式種類繁多 而且有不同口味 總有一種會啱你😛今次揀左芝麻卷 斑蘭砵仔糕 同埋紅豆 花生茶果 $30可以任揀五件🙆🏻‍♀️糕點唔算太甜 大家可以值得一試斑蘭味的糕點較為少見 但頗有特色如果大家想試就要早少少嚟買 太晏就會俾人買哂架啦

收藏了這間糕品店很久, 終於這天到北角辦公, 可以有機會親臨光顧一下。原本想買飲品的, 但是原來臨近新年期間, 都集中做糕店, 沒有飲品賣了, 要待下次再來看看。買了幾款東西, 馬蹄糕據說是店舖出名的糕點, 我就覺得不太特別, 和其他馬蹄糕都差不多。另一個是斑蘭砵仔糕, 覺得這個較出色, 可能較特別吧, 斑蘭味幾足夠, 而且有很多煮得軟淋的紅豆, 想吃一些甜品小吃, 這是不錯之選。蘿蔔糕$55 (小), 食到一絲絲的蘿蔔, 不會太粉, 味道自然, 臘味份量剛好, 價錢相宜, 可以再購買的蘿蔔糕, 不知除了新年平日有沒有賣呢?

我之前幫襯過好多次，最鍾意佢個花生糯米滋， 花生同椰絲滿滿，又唔太甜， 皮又薄。 今次再買，已經唔同晒，花生同椰絲少得可憐，皮又厚。如果要將貨就價我情願佢買貴D，好失望。。

一向好鍾意呢間小店，糕點夠傳統，又多選擇，價錢合理，又好味！呢日經過買左個紅豆茶果，同兩粒花生糯米滋～紅豆茶果味道不錯，餡料同皮份量適中，紅豆唔算十分甜，皮都做到煙煙韌韌既感覺另外買左之前一試就愛上既糯米滋，第一次食個陣真係好驚艷！皮薄又軟熟，一咬就爆哂d花生餡出黎，佢既花生餡仲要加左椰絲，又甜又香，大大舊超抵食但係😭事隔只係半年，佢既花生糯米滋就變左啦！（因為太傷心所以無影相就食左佢算）雖然佢依舊大大粒，但入面既花生餡超少，椰絲花生都完全唔夠😢搞到好似食緊一舊粉團咁真係好失望😭希望佢當天只係一時失手，唔好失去做傳統糕點既堅持

Ho-gwang is famous for Chinese puddings but as I was thirsty I tried the $18 lingzi water.It was bitter with a sweetness.The taste was a little different from what I had imagined because it wasn't mushroomy and I just didn't like the sweetness.