豪華咖啡茶廳

营业中

休息中

今日五六點一早起來工作，至九點見肚餓，又咁啱路過豪華，又咁啱冇乜客，吾洗等位，咁多「咁啱」，整定要入去幫襯啦😅叫隻熱狗醫肚先，加杯熱奶茶。Hot Dog味道 一般，出色嘅係杯奶茶，滑滑滑！老細正忙着向隔離枱食客推介餐廳嘅介young多士，我都好奇望一望個餐牌，見有滾水蛋，估吾到嚟到有咁特色懷舊飲品，記得細哥時候成日都飲。不過今次叫咗佢個兄弟-奶水蛋😏大滿足！(小插曲：想改凍奶茶，點知熱奶茶已整咗，老細好好人，叫沖過另一杯👍，不過我叫不必，既然煮咗就算。此餐廳除咗有港式懷舊味，仲有港式人情味，這才是待客之道）

依家買少見少嘅舊式茶餐廳，你而家市價，價錢嚟講都算窮人恩物                                                                                                                                                                                                                                          六七點嘅時間都已經好多人幫襯                                                                                                                                                                                                                               

最近好喜歡💕 到處找茶餐廳來吃~ 而這家港式茶記感 真的十足！！（只可惜早前店家上面在外場維修（？）阻礙到店面的氛圍感西多士 ＄22熱熱騰騰又有大大片的牛油🧈和練乳 ！！這一塊吃起來超方便 而裡面主要是蛋包的中間沒包花生🥜醬 味道已經很足夠了～又炸又甜甜 又有雞蛋香（大！滿！足！奶央多 ＄10 (厚多士＋$3、烘底+$0）才＄10 真的全部都想試一遍~～但肚子的關係 還是只選一個就好了 阿姨就推「奶央多」是是店裡必吃 自家做的「央」😆奶央不甜不膩 熱熱外脆下次下午茶🫖 也把其他的也試試好了～太陽蛋咖哩豬排飯 ＄33他們的咖哩有點像我們小時候上學🎒午餐🥣 咖哩太陽蛋滑流流配著咖哩飯吃 肯定不會輸！豬排🥩還軟身 刀子都不用 也能把肉分開凍奶茶 ＄18他們所用的茶底 真香！！又不澀~~奶和茶混合得好舒服😌香濃又滑不是螞蟻🐜人的大家記得少甜喔~~現在傳統的茶餐廳真的買少見少了 舊店的裝潢也保留著歷史味道而灣仔更不用說 每家店都變得越來越快這家又便宜又好吃 又能體會到港式茶餐廳的美好~~

『豪華咖啡茶廳』係一間屹立喺灣仔茂蘿街嘅70年老字號冰室🌟雖然係一間老字號，但係佢入邊嘅食物都幾創新🤣可以自制三文治，自選配料🥪隨時創造出一款地獄既味道😈值得一提嘅係呢度嘅奶茶真係幾好飲🧋茶味濃有奶味☺️同埋佢呢到有自家既茶膽包賣，方便大家奶茶癮起既時候隨時沖黎飲😋

因為台灣朋友來港，想試港式茶餐廳，做了很多功課選定了豪華，但行程緊密，沒辦法安排，只好買外賣給他們嘗嘗！早上去灣仔豪華買蛋牛治🥪、沙爹牛通、奶茶鴛鴦☕️給朋友加早飯！這家是很傳統的舊式茶餐廳，沒能親身去是有點可惜！不過去的時候在裝修，也就沒太多能拍的，店分2間，圖是左邊的鋪位，比較有特色，右邊鋪位外面裝修，裡面是港式茶餐廳感的店面。🥪蛋牛治比傳說中的遜色！在點好等了不用10分鐘已取到全部食物飲品，感覺已是預先煎好的鹹牛蛋，有人點再夾好，所以烘底也不是很脆！openrice明明都是厚蛋半熟的，但買到的都是全熟薄蛋！就吃不出來蛋牛治的精髓了！有點失望～🍲沙爹牛通 姐姐說是好好吃，原來他們都不會有沙爹，也不會這樣煮通粉喔？☕️奶茶卻是深得大女兒喜愛，早上喝不下，晚上回去酒店卻把奶茶全清掉！證明很好喝，連孩子都愛！因為沙爹奶茶是給朋友的，就沒拍照全部食物飲品基本上單點，沙爹和奶茶鴛鴦還算不錯，蛋牛治是有點貴了～（我點了3份蛋牛治烘底、1沙爹通、1奶茶、1鴛鴦就要$11x）

黎到灣仔舊區，雖然近呢幾年變化好大，但仍然仲保留到唔少老店。今日介紹見證新與舊交替的豪華咖啡茶廳。點解咁講，主因係豪華咖啡茶廳而家有兩間舗，舊舖仲保留昔日的懷舊裝潢，而旁邊的新舖由於已經重修，所以整楝樓都比較新淨。呢度主打一定係佢地的奶茶同埋招牌咸牛肉蛋三文治烘底。奶茶最重要個濃厚度，唔會過杰或者太水都會影響奶茶質感，呢度的奶茶質感適中，另外亦都夠滑，唯一係茶味同回甘味唔夠長，不過已經係合格有餘之作。之後就要介紹招牌咸牛肉蛋三文治烘底，多士烘得成塊有少少焦香變得香脆，而內裏的雞蛋前到有燶邊，令蛋味更香濃，但內裏仍然保持到蛋汁。鹹牛肉同雞蛋撈埋一齊煎，所以食落去比較平均，唔會一啖只係食到鹹牛肉或只係食到雞蛋，都算係水準之作。如果係港島區食鹹牛肉蛋治，我會揀豪華。至於係九龍區，亦有一間推介，下篇再同大家分享! 

豪華咖啡茶廳有兩間 但正正喺隔離  不過兩間嘅裝修好唔同  一間係超舊式茶餐廳 (完全唔豪華😂) 另一間係懷舊設計裝修嘅茶餐廳😂  本身想去靚d嗰間 但冇位 然後去咗嗰間超舊式茶餐廳 點知食物好有驚喜      👩🏻‍🍳Idiots翻兜之選            ❤️‍🔥蛋牛治 ($17)  明明係好普通嘅蛋牛治 但真係好好食 蛋牛比例均勻 唔會太咸 方包烘得香脆 又唔會過亁過硬!    ❤️‍🔥西多士 ($22)  西多士預先切好6件先拎去炸 好有心機! 上面一大片牛油 加大量糖漿 雖然中間冇夾花生醬都超邪惡!  ❤️‍🔥雞扒通 ($26) 雞扒係另上 配咗碟頭飯會出現嘅茄汁 雞肉嫩滑冇雪味 可惜餐廳冇常餐 大部分食物嘢飲都要散嗌 價錢感覺就冇咁相宜😂   

豪華咖啡茶廳都算係灣仔整個活化工程之中的異數😂 又係同事介紹嘅餐廳之一，係Openrice search 有兩間，我問佢想去新定舊，佢話其都無乜分別，都係附近！完全無諗過真係隔離嗰間舖😲 兩間舖頭嘅裝修真係好唔同，一間係超舊式茶餐廳，一間係有懷舊茶餐廳嘅設計，但我相信味道都係一樣😂 係睇你想去邊間😝 不過如果你有偷望下想入邊間，你會發現客人群都有分別，真係幾特別，但呢度你仲會食到滿滿嘅人情味，仲會同到啲職員有講有笑，真係好難得‼️講返重點嘅嘢食😝 如果share食可以叫佢一開四👻 我自己覺得做得最正係西多士同呑拿魚😝 西多士 $22 - 一開六分開炸嘅西多，高質嘅邪惡之選👿 扒芝士吞拿魚多士 $23 - 好滿足嘅口感😝 不過呢個真係自己用飛碟機🥏都好易做到，不過佢真係整得好好！吉列魚柳沙律🥗 $39 - 好足料嘅沙律🥗，同市面大部份嘅雜果沙律好大分別🙋🏻‍♀️ 蛋牛治 $17 - 呢個係我唯一覺得失望嘅🫨 蛋牛治都係要去返深水埗新香園，呢個同食緊餐蛋治無乜分別😂 包括味道同口感😀鮮油咖央多 - 原來中意食牛油🧈係中意成口油😂 我會話咖央多好食，但我唔會要牛油😂同埋亦可以轉麥包，口感真係唔同

#灣仔返工之晏晝食咩好呢 ？今日食「舊陣時」懷舊風🤤成日行過見到鋪面好有歷史但無真係入去試早陣子聽同事講起就試左結果好鍾意😚今日叫左個咸碎牛蛋多士烘底、轉麥皮（黃皮提子厚多士）唔駛加錢 承惠$16 🤩雜果沙律係我的必點好得👍🏻 都係$20再任意叫左個菠蘿包夾午餐肉炒蛋 餐牌無架😎應該都係$20/$21飲品有好少地方有既水煮蛋奶茶相信都好正不過諗住食到咁上下先叫結果夠鐘無叫🤪好滿足好正下次都會食🤪...#唯有食是最治癒的

奶茶癮起，在灣仔附近搵個地方嘆杯茶絕對不難，豪華咖啡茶廳絕對是貼地之選。店舖冇乜野裝潢可言，客人食完就走吾使唸咁多，食飯物亦以輕食為主，包、麵之類，廚房乾手淨腳。熱奶茶 $17比茶餐廳平 $2-$3 左右，熱度足，茶色和茶味也略淡，茶味單一，花奶足，水準一般。熱鴛鴦 $17茶加左咖啡後令味道多了一些層次，我覺得比奶茶好飲 。占醬多 $10吾記得轉麥包，$10 來說都系咁上下，冇要求，抵食。有個現象同大家分享一下，疫情下我覺得食肆嘅服務態度比以前更好，更有禮，正所謂生意難做，唔知大家有冇同感？

唔識既鋪，兜下睇下邊度有茶記🙌🏻🙌🏻咁就發現左幾好食的茶記🤪😜沙嗲牛肉出前一丁麵好食，夠味，醬汁入晒牛肉👍🏻👍🏻懷舊飲品~~滾水蛋，夠晒熱，攪拌飲一流，飲得熱飲既我，也要擺好耐先可飲😋😋小心辣咀👄👄菠蘿油用叉一分兩時，菠蘿🍍面不碎🤣😂🤣😂成功分開，魚柳包成條魚咁款，不太燶，但最耐先上檯😉😉每樣也是即叫即做，新鮮製造，凍奶茶就是一般的奶茶，唔會有驚喜🙂🙃美中不足套餐，飽肚食品不多。

今日晏晝有嘢做，做完嘢想嗱嗱臨食個快餐，經過灣仔一間舊式茶餐廳，買咗個麵再加多士外賣，嗱嗱臨食個飯又開始做嘢火腿蛋通粉$20火腿同埋蛋嘅份量唔算多，大概好似平時早餐嘅火腿奄列左右，炒蛋有啲過熟通粉份量係幾多嘅，食完成碗麵食都真係幾飽不過講真，間野嘅衛生就麻麻地，食食吓碗麵見到有啲黑色嘅嘢，麻麻哋鮮奶包$11跟住叫咗個鮮奶包，以為即係煉奶麵包，點知返到去又成個牛油夾係中間，唔知係Fatbrown 誤會咗咩係鮮奶包，定係佢真係比錯咗最後去咗個牛油食都OK嘅

經過見到懷舊餐廳已經覺得好有興趣，所以搵日去試下門面好有懷舊既風格，入到去幾寧靜，不過坐就係普通圓櫈，唔係太舒服原來餐廳分店起隔離，兩邊唔同風格蛋牛治好足料，好食沙嗲牛肉通粉好好食，食物黎得幾快餐牌都係單點，如果佢有餐就好，食物唔貴，但如果單點飲品就覺得唔抵，有好多飲品都係其他餐廳冇既，下次再嚟試下d野飲先

最近無乜特別搞作，只係近近哋行下。星期日好多餐廳都唔開😖，所以見有邊間開就去幫襯喇。喺動漫基地條街，朋友話想食茶記，但又驚我嫌唔好坐🙄。不過諗咗陣嘅期間見左右兩間舖，原來係同一個名「豪華咖啡茶廳」，而且店員兩邊走，就知其實係新舊舖相連而已。我感覺動漫基地嗰面環境好似會好啲，所以就去咗左舖🙈。但其實入到去除咗大廈本身嘅紅磚牆外，裝修都係非常一般，同普通茶記無異，即係有啲夾迫，擺滿貨咁囉😒。不過由於疫情關係，我相信座位已經比以前闊落，而且每張枱都放有隔板，同其他客人有一定距離。朋友話佢以前成日食，但我就從來無食過。望見餐牌，餐牌的確係賣茶餐廳食品，不過就係簡約版，食物主要係各式各樣嘅麵包同埋簡單麵食，適合做早餐嘅東西。如果想食甚麼蒸飯小炒，就要稍移玉步➡️。呢度不設套餐，所有嘢飲都要單點。飲品嘅價錢大部份都貴過食物，咁樣係咪間接反映香港人有幾愛茶記嘢飲呢🇭🇰？不過如果好似我呢啲可以唔飲嘅人嚟講，消費更加係抵上加抵。食物稱得上價廉物美☺️，賣相平實，味道就係傳統港式滋味，同令人反感嘅劣質茶記出品相反。沙嗲牛肉通粉($23)，通粉份量幾多，🐮牛肉有唔少片，仲搭多條菜芯。通粉本身就係無坑紋加無彈性嗰

本人長期喺灣仔返工,午膳時間就去一個位於茂蘿街既豪華咖啡茶廳醫肚,平時都有去開呢間茶記,貪佢人流唔多,午膳時間行入去都即刻有位,而且佢地上菜速度又夠快,十分有效率。佢地有兩間舖,一間本舖,一間位於動漫基地地下,兩者分別唔大,而且仲係隔離,動漫基地果間較為新淨企理,但係本舖冷氣夠d。叫左個沙嗲牛肉+碎牛肉米粉+一杯凍檸茶,佢冇午餐,所有食品飲品要散嗌,加埋約50蚊,唔算好貴,食物質素唔可以要求太高,普普通通啦,沙嗲牛肉腌得幾入味,碎牛肉都唔差,另外,佢沖既凍檸茶幾岩我口味喎,茶底幾靚,甜度適中,其實睇佢色澤就知沖得唔錯架啦雖然呢間茶記供應既食品選擇唔多,而且相對簡單,但勝在地方就腳,價錢合理,又充滿懷舊既老香港冰室味道,有時亦見到食客會同侍應傾下計,整體黎講都不失為一個可以休閒咁享用午膳既好地方！