影片
更多
2023-09-19
502 浏览
黎到湾仔旧区，虽然近呢几年变化好大，但仍然仲保留到唔少老店。今日介绍见证新与旧交替的豪华咖啡茶厅。点解咁讲，主因系豪华咖啡茶厅而家有两间舗，旧舖仲保留昔日的怀旧装潢，而旁边的新舖由于已经重修，所以整楝楼都比较新净。呢度主打一定系佢地的奶茶同埋招牌咸牛肉蛋三文治烘底。奶茶最重要个浓厚度，唔会过杰或者太水都会影响奶茶质感，呢度的奶茶质感适中，另外亦都够滑，唯一系茶味同回甘味唔够长，不过已经系合格有余之作。之后就要介绍招牌咸牛肉蛋三文治烘底，多士烘得成块有少少焦香变得香脆，而内里的鸡蛋前到有㶶边，令蛋味更香浓，但内里仍然保持到蛋汁。咸牛肉同鸡蛋捞埋一齐煎，所以食落去比较平均，唔会一啖只系食到咸牛肉或只系食到鸡蛋，都算系水准之作。如果系港岛区食咸牛肉蛋治，我会拣豪华。至于系九龙区，亦有一间推介，下篇再同大家分享!
呢度主打一定系佢地的奶茶同埋招牌咸牛肉蛋三文治烘底。奶茶最重要个浓厚度，唔会过杰或者太水都会影响奶茶质感，呢度的奶茶质感适中，另外亦都够滑，唯一系茶味同回甘味唔够长，不过已经系合格有余之作。
之后就要介绍招牌咸牛肉蛋三文治烘底，多士烘得成块有少少焦香变得香脆，而内里的鸡蛋前到有㶶边，令蛋味更香浓，但内里仍然保持到蛋汁。咸牛肉同鸡蛋捞埋一齐煎，所以食落去比较平均，唔会一啖只系食到咸牛肉或只系食到鸡蛋，都算系水准之作。
如果系港岛区食咸牛肉蛋治，我会拣豪华。至于系九龙区，亦有一间推介，下篇再同大家分享!
张贴
