豬大王 (多寶大廈)

营业中

休息中

之前朋友食過有推薦過，一直都無時間去試！咁岩今日經開就入去試試😋舖位其實唔係好大但又唔會坐得唔舒服😌好啦！到食物方面呢。。。。就真係好食！好好食！超級好食！佢啲食物好大份！計返條數一啲都唔貴嚟個豬潤撈麵（$49）麵質剛剛好大部份舖頭食嚟款都會黐到實晒，唔夠熟而且個豬潤好爽口又有少少沙正丫👍🏻👍🏻👍🏻👍🏻👍🏻仲叫咗嚟個豬排湯飯（$52）好足份量丫～～～～～～豬排厚度適中煎完一上枱勁香，咬落去肉汁流曬出嚟我未試過對豬排有咁早評分🤣🤣🤣🤣終於到呢個山炸雞翼（$46）佢同個豬扒一樣冇得頂咬落去啲肉汁都係流晒出嚟而且啲香氣慢慢漂出嚟嚟個度係冇得頂價錢公道食物質素高不妨一試

男朋友大力推薦的豬大王屯門總店，今晚終於一試，店舖是一般屯門的地鋪大小，可坐20-30人，老闆今晚不在，男朋友話味道冇咁正，但食物水準我覺得還算很好。生炸雞翼粗麵有4大隻熱辣辣炸雞翼，一咬非常辣口，外皮金黃香脆，中間肉汁不斷流出，雞肉又鮮嫩，好正喎！粗麵就正常，湯底再少點味精更好。男朋友點的皇牌豬扒撈幼麵份量大份，豬扒調味剛好，算是數一數二的豬扒，肉質又幾鬆厚，很好吃！炸魷魚鬚很有心思，兩條鬚剪成一份，炸得均勻又易入口，最重要即叫即炸，雖然熱氣，但停不到口！炸功一百分，絕對要再食！

豬大王～之前食過～今次再去食炸豬扒、炸雞翼真係必食，因為即叫即炸，所以要等耐少少不過可以食到熱辣辣，外脆內軟時，等一陣都抵如果喜歡豬雜既朋友仔黎講，哩度都岩佢，因有好多豬既選擇哦！

上星期六跟老公兩人到豬大王lunch, 都一段時間無去，我超掛著佢嘅豬潤湯飯，老公就食腰潤撈幼面，滿心期待，那一碗古早味，超好味嘅豬潤湯飯終於到面前，一試，咦，不再是果種味道了，唔知道欠缺了什麼，但食唔返以前隻味道了，老公亦埋怨湯頭清淡了很多，不知心理作用還是怎樣，我發覺湯飯內的豬潤也不復當年勇，鞋口及有陣豬味。我很想即是反映，但老公覺得無需要，不要再去就是了，我真的很失望，失望地望入廚房，不見了以前胖胖的師父，我估計是老闆來的，以前每次食都見他在的，水準都一樣，今次映入眼簾的卻是兩個後生仔...師父，你在旺角分店嗎？希望你見到我的訴求回去教教後生仔吧！我遲一點再回來希望能食番果陣味道的豬潤湯飯，謝謝。

雖然身體係一個女仔但骨子裡確確實實是個麻甩佬對於麻甩佬美食麵相當喜愛近排食男朋友樓下間順記酸辣粉食到悶就轉下口味來試下豬記點知一試就對依個麻甩佬麵上左癮..........依個麵好簡單就係店家既秘制豬扒+幼麵+秘制汁點解甘得我依個麻甩佬既歡心？就係個豬扒炸得岩岩好~好L鬆化（唔係鬆肉粉果隻～）再加埋豬扒係用秘制汁醃完～甜甜地炸完又好鬼死香口波！再用埋個秘制汁撈個幼麵...就俘虜左我個心了....之後...我來探親男朋友都係...「唔該～要豬扒撈幼麵啊！」

慕名而來的豬大王🐷上晒雜誌，為左可以食豬扒麵和豬潤麵，特意前來品嘗，名副其實的餐廳。小編已經納入美食清單之一。先看看餐牌，最貴的麵都不超過50元。招牌豬扒麵和豬潤麵分別是40元和39元。叫左兩杯凍飲，每杯都係加8元。厚切豬潤，啖啖肉，吸收湯汁的精華，十分好吃，令人一口接一口停不下來。配上生菜和十分彈牙的麵條，食完剛剛夠飽。可加其他餸雙併。上晒雜誌既豬扒麵果然有信譽保證，厚厚的豬扒煎到外脆內軟，本身已經醃製好再煎煮，味道和同感都是滿分，容易咬開，香味撲鼻。配上生菜和麵令人食完十分滿足。

我已幫襯了無限次，每次都食佢嘅豬扒，豬扒食落係用薑蔥醃製，一入口好濃香嘅味道已飄出嚟，而且肥瘦均勻又嫩滑，十分夠心機去醃製和煎(須時要15至20分鐘)，河粉夠細滑算標準，另一推介是香脆炸雞中翼須時同上一樣，外面炸粉薄薄的內裡雞翼十分juicy肉汁很多好嫩滑味道很香，最後飲啖凍檸茶，茶味香濃檸檬新鮮! ^ ^ 😋😀👍👍👍#老板娘健談 好禮貌 轉數快

屋企附近其實真係幾多好嘢食經朋友介紹喺景峰輕鐵站附近有間豬為主題嘅餐廳，其實最出名係豬雜湯飯或者麵，但最衰老公吾食內臟，唯有試下另一招牌豬扒麵同生炸雞翼麵啦！又估唔到喎，個湯底仲係咁好飲嘅🤭一問之下，原來個湯底差不多的，表示如果豬雜會再鮮味啲，因為會即刻加啲新鮮食材(豬肚之類個D除外）用湯底再滾👍👍👍兩碗湯都爭啲飲晒，次試吓個豬雜湯飯先😏😏加凍飲加＄7，油菜就唔使㗎啦，湯面都有幾條生菜

我六時二十分點一碗八寶河，二十分鐘後仍未上菜，當時只有四名顧客於店內，在我三催四請之後，廚師的親切“問候”中上菜，味道不過不失，但食一碗麵要四十五分鐘是否值得就見仁見智，我只說一句，此店既非美食、亦非快餐，看倌請自己判斷！

這店是朋友吃過好食推薦了給我的，於輕鐵站附近，蠻就腳的叫的做豬大王，來這裡必點的當然是豬！選了招牌豬潤加豬扒撈粗麵和金牌八寶加豬扒撈粗麵～這裡都是採取即點即制豬扒、雞翼的，所以要預等15分鐘左右，不要吹促店員哦。麵來了，好大的兩份，足料到我們兩位女士加一位男士才勉勉強強吃的完呢！豬湯夠味不口渴，絕對是自家熬製，喜愛吃豬內臟的人一點要嚐這個豬八寶，什麼也有，份量不少，沒有奇怪腥味的，豬潤略嫌薄身，但味道不錯！豬排真的是必須吃，啖啖肉汁又juicy，拌麵吃一絕！。

誤打誤撞去左呢間小店，見牆上痴曬d poster話佢d豬扒好食，所以當然第一時間試下先啦！當日叫左豬扒撈麵, 麵的份量都幾多下！而豬扒就食得出係新鮮即製的，落仲好juicy, 啖啖肉汁。下次黎會試埋佢地d豬雜湯麵或湯飯,因為好似都幾吸引！

就咁聽落“豬大哥”呢個鋪頭名都好容易就估到佢地既主打菜係豬肉，但好老實講我自己都係第一次聽有餐廳以豬黎做主打菜，唔係朋友介紹我都會走寶睇漏眼呢間特式小店店鋪面積唔大，但環境光鮮乾淨企理，店員都好有禮點左個豬扒撈麵，因為係我同行朋友大力推介落左單好快就送上，極度肚餓既我急不及待夾起一塊豬扒食左先，熱辣辣岩岩新鮮煮好，咬落肉質嫩滑，煎既火候控制得宜，唔會有燒焦地方亦都唔會太刃，兼且上碟時候已經切好哂呈一條一條咁，夠細心，而且味道適中唔會太咸，再講埋個撈麵，撈麵落左小小蠔油，自己動手撈匀佢，麵質爽口，撈左蠔油既麵再加豬扒，又一餐美味中午佢地仲有豬雜，有興趣朋友真係要過黎試一試

之前經屯門朋友的介紹得知屯門區紅橋附近 開了一間專食豬料理的粉麵店這麵店除了豬內臟，還有最馳名的皇牌豬扒麵，當日下午茶時段就到了這店，店舖地方不大但環境企理乾淨，店員服務態度友善，見到煎豬扒的賣相和香味已經很吸引，便叫了一個豬扒撈幼麵，撈麵伴隨一碗清湯，豬扒味道煎得脆口又入味，一試難忘，撈麵也做得好，麵條上嚐來沒有鹼水味，口感絕贊，食個豬大王的煎豬扒後，必定覺得跟其他口味的煎豬扒有天壤之別。

好耐之前都嚟過呢到食🤔呢到出名豬八寶(姐係豬一啲內臟同豬肉丸等等)，中意食內臟嘅朋友仔可以試下😝#皇牌豬扒湯飯 ($47)😋好味指數：(7/10)湯飯嘅份量都幾多，湯有啲菜粒同肉碎係到。食落去都幾好味，而啲湯嘅味道就幾鮮甜，不過食完之後有啲口渴😢豬扒已經係碎上😚食落去肉質唔錯，不過偏油🤔#生炸雞翼撈麵 ($47)😋好味指數：(7.5/10)今次就揀咗撈粗，有啲蠔油係底😚撈撈下覺得乾可以加小小格嚟嘅湯，湯就咁飲嘅味道就同湯飯嘅有小小似🤔麵嘅份量好多，如果唔係太過肚餓嘅話女仔叫小麵都ok😱雞翼炸到脆卜卜，入面嘅肉就keep住咁嫩滑😍.⭐溫馨小提示📌可以打電話外賣自取📌凍飲加$5，熱飲加$7

豬大王既豬扒想試好耐啦，但一直都好少係景峰出沒，所以之前一直無機會。近排見景峰好似多左好野食，就順便去左試下豬大王既豬扒米線。豬扒真係大塊，外面雖然煎左但好冧，入面既豬扒肉就好實，個口感好得意，幾特別，食得出係煎之前應該有用刀剁過。另外，都幾油下，但如果浸落湯就冇咁好食，生菜就比較爽口可以去走豬扒既油膩感。米線就比較冧，湯底感覺似有味精，但食唔出係味精，不過飲兩啖就有啲口喝。其實整體來說，我覺得比HK$37食個豬扒米線有少少唔抵，但一試也無坊，因為你未試過永遠都吾知岩唔岩你。