豬大王 (多寶大廈)

营业中

休息中

有heart嘅食店買少見少，周街集團食店，食野係應該要有要求不只是為填飽個肚，終於都可以親身一嘗味道啦。希望依啲小店可以keep住水準啦。話明皇牌就一定要試，皇牌豬扒果然是皇牌，肉嫩醃得夠味又大塊。另外又試咗豬脷麫，湯底非常正足料好有豬嘅味道。豬脷幾爽有口感，連湯都忍唔住要飲哂去。食完真係要翻兜！店員服務又好又有禮貌，好體貼，故意搬張櫈比我地放野。食物價錢又唔太貴，選擇多環境又非常乾淨。好嘅食店唔怪得客人咁多啦。

因為唔係人生路不熟，朋友只係話屯門紅橋果邊有好野食，所以我哋跳上綠色的士，的士阿哥介紹咗豬大王比我哋，所以咁就試下啦～～～豬大王店面餐牌，叫咗兩個招牌，招牌豬潤麵$36同埋招牌豬扒麵$36，各加$7飲涷飲～豬，全部都係豬⋯⋯⋯招牌豬潤麵$36，+$7改做套有杯冰飲，首先即刻試吓豬潤，超級無敵有驚喜，豬潤居然非常爽脆，味道唔郁，咧個囗感我8 年前喺L.A.食過咧個做法之後，從來喺世界各地都食唔番咧個豬潤口感，估唔到豬大王做到豬潤爽脆口感，講真，我真係超級驚訝～～～招牌豬扒麵塊豬扒外脆內軟，豬扒脂肪油份甘香爽口，好好食～真係外脆內軟，推介～一進入內，店員有燦爛笑容歡迎各食客，店員服務部份都非常加分，我哋叫完嘢食之後就一直聽到店內電話不停叫外賣同埋不同Walk-in叫外賣，真係好多人鍾意食咧間豬大王，最後令我哋最驚喜就係見到廚房煮食物同水吧都嘅喺兩個年輕人（20-30歳），真係有信凖既食店，我再嚟屯門一定再嚟幫襯豬大王～

豬大王一睇個名就知佢係食豬為主，亦係我鍾意食嘅麵店之一。其實我本身唔算好鍾意食豬，但係呢度嘅豬真係好好食，所以時不時都會黎食。而且水準好穩定，啲職員同廚師都係果幾個，唔怪得次次都咁好食。今次同男朋友黎，兩個都叫左豬扒麵，一個食粗麵，一個食幼麵，再加一“碗”生菜。佢嘅豬扒係即叫即煎，所以都寫明話要等10-20分鐘，麵都都等埋豬扒先上。生菜就黎先，用麵個碗上，好大碗，第一次叫完全估唔到。個生菜亦都淥得啱啱好，爽脆，蠔油夠食到尾，一啲都唔菇寒。豬扒大大塊新鮮煎起，個面係脆脆地，一咬落去好juicy好鬆軟，醃得好入味，係我食過最好食嘅豬扒。👍個湯底好鮮甜，唔會過鹹過濃，襯返豬扒食味道啱啱好。麵質爽口彈牙，亦吸哂湯嘅精華。而我亦都好鍾意佢會落乾蒜，真係香好多。唔單止食物做得好，連杯茶都好有驚喜。呢度嘅奶茶茶味夠香夠濃，睇色水都知，入口順滑，冰量亦都啱啱好。價錢亦都唔貴，屯門區黎講，呢間舖其實都幾高質下。

星期六中午同老公去豬大王食午餐，豬扒超級多汁又軟淋淋，很好吃！豬肝湯飯超正！ 豬潤很爽口這兩款菜式，每次去都會點但是店舖比較細，座位不多，又受歡迎所以午膳時間門口都很多人排隊

2017.04.15 😊豬大王駕到。。。小妹姓朱，但都好鐘意食豬🐷哈今次黎既啲餐廳 顧名思意 是以豬為主題想要特別啲既有有豬雜八寶 (豬潤 豬腰 豬肺 豬脷 豬粉腸 豬肚 豬肉丸 豬肉片)平凡一啲都有皇牌 煎豬扒食😈而且價錢都幾經濟餐廳雖然空間不是好大 但等既人數一直有增無減 一枱接一枱要食好西當然要等等啦皇牌豬扒撈麵 $45平日我都好少係街叫煎豬扒食但見這道菜係小店的皇牌 就試試佢豬扒比我想像中來得大塊🐖而且肉質鬆軟 調味就略為咸左啲啲唔食以為啲道菜只有豬扒才是主角原來佢既湯都幾特別 時下莞茜當道其實啲間小店開業時😱一早就用左莞茜皮蛋豬骨湯 好特別P.S. 這裡的炸雞亦都好正脆到離曬普 可以不仿一試豬大王 💌屯門青翠徑多寶大廈地下38號鋪Mon-Sun:1200-2300

兩公婆唸唔到食咩，又唔想大魚大肉，所以就再到豬大王落腳。今次決定一嘗佢既湯飯，果然冇叫錯，湯底好味，又夠大碗，男任都夠食。老公食豬扒湯麵，我都試咗塊豬扒，真係好鬼淋

餐廳地方較細，座位唔多，但食品好味，員工服務質素很好，抵讚😍兩公婆叫咗豬扒撈麵，豬扒夠淋，好食。豬手湯麵，湯帶有少許胡椒味，不過得兩件豬手，好似唔夠喉。再加一碟椒鹽魷魚鬚，好味道。加一杯凍檸茶，埋單$131

三個90後吃貨 屯門友當然就撐屯門小店 #豬大王細細過就會係屯門景峰 碌碌碌 確實有好多特色平靚正 隱世小店😂👍🏻.大胃D點了 金牌豬八寶麵$54 豬潤 豬腰 豬肺 豬脷 豬肉片 豬肚 豬粉腸 豬肉丸配米粉 ) （偽文青：你條友仔 無懼三高😰）湯底飲完都唔會口渴 但加小小胡椒粉調下味更佳 各種豬內臟洗得亁淨 唔會有異味 份量都算多 另外 辣椒油 辣度十足 好想買一罐番屋企 有下次幫襯😂.而黑面神B就點了 皇牌豬扒湯飯$44 豬扒煎得香口 湯飯軟硬度適中 配上菜心肉粒 十分健康的顏色 賣相👍🏻.偽文青就點粥 豬手粗麵$34 有兩大舊豬手 骨膠原 QQ 彈彈 而粗麵更有驚喜 與平常的粗麵不同口感 沒有太重鹼水味 不錯🤗美中不足的是小吃 吉列炸蝦$43 如店內牆上所示的圖片不乎 又伏左 蝦餅相變了蝦條 無味的蝦扮炸蝦😭要點大量沙律醬 送蝦😢..經過 三個90後吃貨 吃貨的經驗 食物真的不能亂點亂叫 即使同一間店 也有好吃 不好吃的 真的很視乎個人口味 同埋運氣 食吾食到好野 定又食伏野 當然吃過了 伏過了 才知道 下次要醒目豬d人家是出名吃豬的 就專心一意 吃豬！不要再吃什麼海鮮（炸蝦）有

豬大王係一間有性格既食店，配菜只有豬，e.g.豬扒，豬潤;主食只有粉麵同湯飯（我見過有人order 白飯被reject...）今次我食既係湯飯--比粉麵貴十蚊，但絕對超值。同我係台南食過既古早味粥好似，味濃而唔口渴，食完肚好暖好舒服配菜簡咗豬肺。好林好入味，完全無so味唔似内臟埋單43，以屋村小店而言唔便宜，但與味道比較，超值。

牛雜食得多，豬雜還是第一次，對於豬內臟不大興趣的我是本著一顆好奇的心去試試，（所謂人一世物一世，乜都要試下）當然也不會太大期望，即使味道好還是少吃為妙，畢竟膽固醇太高！Ps, 外賣配料跟湯放在一起，熱湯浸豬潤太久導致豬潤有點“鞋”，建議麵與配料放在一起，湯另上！

之前睇過D BLOGGER推介E 間店舖，早兩日特意同老公去一試..但..係失望而回我叫豬扒麵老公叫豬扒湯飯豬扒厚身, 熱, 但有少許鞋而麵好重鹼"水味味道普通，唔需特登過黎,一街坊味道

食物點了豬潤面 及招牌豬排湯飯 另加幾蚊有凍野飲豬潤面： 豬潤不少， 面都彈牙， 唯一配不上的就係湯底，勁普通的粉面清湯， 比起維記的豬潤水， 差太遠了。招牌豬排湯飯： 豬排炸得脆口， 味道醃得都幾重味， 沒什麼特別…沒試過的可以一試

因為家住屯門的關係，對於看到別人對屯門有什麼好餐廳的推介也特別感興趣，有一天放工回家，還未想好晚上吃什麼之際，在YAHOO看到一篇有關介紹屯門景峰花園對面一家名為"豬大王"的餐廳，於是決定坐言起行，今晚就在豬大王吃晚餐吧﹗店子小小的，要等了一會兒才有位。看過介紹，豬大王的名物分別是豬膶以及豬扒，當然不可以錯過，所以我點了豬膶豬扒米。說到豬膶米，自然就會與深水埗的維記作比較。這兒的豬膶很滑很嫰，十分美味，但米粉的湯底就似乎清淡了一點，所以還是維記的豬膶米較得我歡心。至於豬扒煎得香香的，肉也很嫰，調味是家常的味道，果然也很不錯。至於老公則點了豬扒撈麵加碟油菜，雖然不是超級美味但也是很不錯的一頓晚餐，如果這店開在我家樓下的話應該也會常常光顧吧﹗

豬大王的招牌，在景峰這未被強國人污染的寧靜小社區，格外顯眼。不過，我常將它跟元朗的豬小姐混為一談。自問並非豬內臟的愛好者，所以與它一直緣慳一面。是我後知後覺吧，在YAHOO看到有關這裡的報導後，發現有我最愛的豬扒、豬膶麵，趁著等候接回寶貝的空檔，吃個簡單的晚餐吧。不清楚是否因為在YAHOO的報導見街的關係，今晚顧客十分多，不過很快便安排我和另一人搭檯。一如店名，有和豬內臟有關的各式食物。而這裡的豬扒、雞翼、豬膶也是名物。這裡的價錢絕對平易近人：各式湯麵$30、撈麵和湯飯$41(湯底可選皮蛋莞茜湯，需加錢)，小食有魷魚鬚、豬扒、雞翼 $30一客，單叫飲品都是跟茶餐廳一樣的價錢，不過跟餐的話只需加$3(熱飲)或$5(凍飲)。叫了一個豬扒麵$30 (可選米粉、米線、烏冬、粗麵、公仔麵)，加一杯凍檸茶$5 (熱飲加$3)。由於今晚顧客很多，而厨房舉目所見只有老闆和另一位幫工，所以需要耐心等候，不過等待是值得的。等了十分鐘左右，食物上桌。豬扒和湯麵是分開上的，豬扒亦已預先切好小片。豬扒醃的入味，沒有鬆肉粉的味道。金黃色的外層煎得微脆，咬下去鬆軟有香茅的香味，連肥膏也煎的香脆。至於麵底是雲吞麵的幼

每次路經此店客人都出出入入…咁就決定買外賣食啦佢價錢抵啦招牌豬潤麵佢豬潤有好多塊…而且夠豬潤味…不過佢麵就重"鹼"水味，不過佢可以轉其他的(烏冬，米線…)，所以下次再食我會轉其他，唔食麵囉