貓記車仔麵

营业中

休息中

太好味啦，估唔到觀塘又有隱世食堂，觀塘貓記車仔麵好好食，份量又足，係舖頭入邊又寬敞，重點係佢個藥膳豬手好入味，絕對係出邊食唔到，feel到係落足心機做，滷水雞翼都好好食，重點係落咗少少辣醬仲好食😋

聖誕私人到會，我們人數雖少，只得4人份量但老闆都好樂意接我們order,嘢食仲比我們自由選擇，好難得。老闆超好人，私人推介私房菜足料老火湯，好好飲，比起我家娘親煮得仲好飲。瑞士雞翼大大隻，夠入味。蒜蓉炒白菜，不會太老，火喉剛剛好，又不會太淋，有種家的感覺。楊州炒飯是非常足料，料多過飯，蝦仁亦算多同非常爽口，落足重本，份量十足，好食過好多茶記。全部嘢食都比預期中好食同夠熱，份量亦好足夠，真心極力推介。

腩汁車仔麵超好味，如果太多餸揀唔識揀嘅話，可以試下八寶麵， 款款餸都非常出色，另外必食藥膳豬手店主推介唔錯唔錯，入味之餘又好淋， 下次會試埋吉列虎蝦， 同埋麻辣雞尖，

好耐冇食過啲咁好食嘅車仔麵🥰食咗清湯腩汁，湯底味道適中，唔會太鹹最緊要係食完唔會超頸渴😆個魚蛋都好好食，係童年回憶嗰啲煙煙韌韌嘅魚蛋😋姨姨超好人😍除咗車仔麵仲食到份人情味❤️家庭小店感覺❤️❤️我附近返工通常嗌外賣多，今次第一次去堂食，姨姨啲外賣都包得好好，包裝好精美。有時返工唔太肚餓，我都會叫菜底好多選擇🫶🏻 價錢我都覺得好相宜🥰支龍眼水都好好飲，唔會係死甜，仲有好多粒龍眼肉😋大推！😋😋希望姨姨可以一直做🫶🏻

觀塘隱世美味夾抵食車仔麵。一行二人食咗兩個車仔麵，兩款小食同兩杯嘢飲。首先講下車仔麵:三餸車仔麵1: 有牛柏葉，蘿蔔，豬頸肉河粉加腩汁。麵質:河粉正常，但份量勁多，食極都食唔完😂。湯底:加咗腩汁嘅豬骨湯底都幾好味。飲得出唔係濃X 寶嘅味道。飲咗啲湯都冇口渴，冇落味精，抵讚。👍🏻餸:1. 牛柏葉好爽，彈牙。2. 蘿蔔勁腍，勁入味，又冇渣，大推！👍🏻3. 豬頸肉正正常常，好食。生菜就送嘅，勁健康👍🏻三餸車仔麵2: 有咖喱魚蛋，蘿蔔，豬頸肉米線加咖喱汁。麵質:米線彈牙，唔淋身，同樣份量勁多，食唔晒🫣。湯底:加咗咖喱汁嘅豬骨湯底。咖喱汁好少辣。但好襯個湯底，將個豬骨湯再昇華！同樣冇口渴，抵讚！👍🏻餸:1. 咖喱魚蛋，正常size ，彈牙，好味，大推！👍🏻2. 蘿蔔都係大大舊，勁腍，勁入味，索晒啲湯底同咖哩汁，又冇渣，大推！👍🏻3. 豬頸肉都係正正常常，好食。生菜都係送嘅，勁健康👍🏻三餸車仔麵嘅份量，多到食唔曬😅。三個餸都好入味，但一個人都只係$50左右！小食:藥膳豬手: 好重藥材味，炆得好腍，好有膠質！另外，睇得出餐廳好有心思用另外一個兜裝住啲藥膳豬手，同車仔麵分開上，唔會同車仔麵嘅湯底撈埋一