財記美食

营业中

休息中

財記餐廳小菜,特別好食,由其事豉椒炒蜆炒得好好食,不過買回來些蜆,完全未浸泡啲沙透徹,還有其它小菜都不錯,例如:椒鹽牛仔骨都不錯,咸菜胡椒豬肚小菜都不錯,還有所有員工服務態度招呼週到,因為啲員工細心將食具用熱滾水洗過碗筷!

第四波疫情影響下，六點後又無得堂食啦，唯有早啲食埋晚飯啦，唉～總括下近來係財記食呢幾餐先，多數黎食午餐同常餐，四十幾蚊大大份，真心抵。又係常餐呀，雪菜肉絲米會唔會太多雪菜？多到見唔到米粉，奄列就不過不失啦，仲有塊塗左勁厚牛油嘅多士，正。蒸肉餅飯，即叫即蒸需時㗎，但出黎熱辣辣又唔會水汪汪，值得等耐啲，肉餅送飯真係唔覺唔覺又食多左。仲食左滑蛋叉燒飯，賣相好得，蛋滑又有蔥香，仲勁多舊叉燒，正呀。次次都係飲凍檸茶走甜，無失準㗎。

路過新蒲崗見到呢間店大排檔風味即刻入去試下仲可以買嘢過黎加工試完之後真喺唔話得喺屋企都整唔到嘅味道又夠曬獲氣姜沖蟹🥰雲耳蒸魚件味道啱啱好之後會經常黎食多啲😋齊齊抗疫#外賣自取小菜滿100八折完之後#仲送埋白飯例湯飲品#你話抵唔抵啦######

黃店 .....味道都ok 既 正常餐廳味道我見唔多人堂食 先堂食衛生情況有點要改善見到d 叉。。。。。生銹 勁多水漬d餐具放晒出嚟 我覺得。。抗疫時期 仲要爆緊第三波可唔可以收返埋有客需要先拎出黎比佢員工鐘意戴口罩就戴 鍾意除 就除仲要係來來回回行左幾分鐘 係冇戴口罩仲要佢幫我寫單 唔戴口罩 對住我比野食個人 又係佢 其他員工又唔話下佢不過我只係見到一個係咁唔做另一樣都算啦 可唔可以戴返個口罩😓😓😓最後過左幾分鐘先見佢戴返沖左另一杯野飲 問我要唔要我都算 我又冇所謂 我都知戴口罩係好辛苦但你地係一間食店黎唔可以係咁樣架。。我都繼續幫襯 但武漢完左先算😓😓(仲要係外賣）

疫情關係 響新蒲崗叫外賣叫左十幾個送😍😍晚市外賣自取有8折！ ！ (1️⃣-5️⃣分，5️⃣分最高) 金沙鮮魷 5️⃣椒鹽鮮魷4️⃣ 沙嗲金菇粉絲牛肉4️⃣脆皮炸子雞4️⃣豆豉鯪魚油麥菜4️⃣燒汁雜菌牛柳粒3️⃣咕嚕肉4️⃣粟米班腩3️⃣時菜肉片炒河4️⃣星洲炒米3️⃣豆腐火腩4️⃣西芹炒肉片4️⃣大部分都好好味 又大份最好味係金沙鮮魷連平時高要求嘅媽媽都大讚好食大家乖乖地 唔好出街食了如果唔想煮飯 就叫外賣啦pS老闆好人又有禮貌!!!

由於調左黎新蒲崗返工，財記成了我的飯堂，又好味又抵食，而且係良心食店，沒有不幫襯的理由。食到熟晒，一入去老闆已經知道係凍檸茶走甜同附送例湯。叫左涼瓜牛肉炒麵，大大碟麵又多料。涼瓜爽口少少苦好正，牛肉片嫩滑，麵好脆，加上個豉汁好好味。再黎係魚香茄子飯，餸仲多過飯勁誇張。辣辣地夠惹味，茄子走過油外脆內軟。第日食左鹹魚雞粒炒飯，炒得香口不油膩，飯粒粒分明，鹹魚下得夠多好正。仲有枝竹滑雞飯，又係餸多過飯呀～雞件嫩滑，枝竹吸飽汁好好下飯。跟住又食左炸菜肉絲炒米粉，呢個略為鹹左啲，可能係太多炸菜嘅原因。最後仲有常餐，伙計知我鍾意呢度個例湯送左一大碗，哈哈，好好飲呀～雞扒米粉，塊雞扒大塊到離譜，煎得好香口，雞皮勁脆正呀。火腿奄列又係大大份，爆多火腿絲，後面份多士都係多牛油㗎，呢份常餐超級飽。仲食左另外幾次無影相，哈哈，其實財記離我公司都要廿十分鐘路程，冒住遲到嘅風險都要黎食，多多支持小店！

路過此地見有新餐廳開張，紅紙都未拆仲係試業階段，價錢都好平喎，入黎試下佢先。下午茶不算太多人，有室內同室外坐位，室內冷氣超強正呀，最鍾意啲夠涼嘅餐廳。卡位都幾濶落，餐牌呢就暫時未算太多選擇，試業嘛，未係樣樣都ready。點了黑椒牛仔骨飯，送例湯同餐飲，凍飲加兩蚊，價錢好合理呀。呢碟飯竟然有成六塊牛仔骨，會唔會誇張左啲？哈哈，煎得香口不乾身，有少少肥膏位好甘香，入口有滿滿的牛油香，黑椒汁夠惹味，超好下飯。例湯好濃味，非一般茶仔啲例水，哈哈，你懂的。是日係紅蘿蔔豬骨湯，好味到想添飲。餐飲要左凍檸茶走甜，茶底夠香，檸檬無苦澀味。午餐38蚊咋，好平呀！好似話四月正式開張，咁抵食會成日黎了。