貢串

营业中

休息中

經常去西貢都唔知有呢間舖，今晚經過入去試吓，臨收舖好少客，環境乾淨企理，就嚟Halloween整咗啲裝飾。叫咗個魷魚鬚鯖魚意粉套餐，串燒就唔好預會快上，但係都唔耐。主打串燒個串燒係得嘅，鯖魚皮脆肉軟，有鮮甜味，魷魚鬚都好食，意粉夠大份，雖然只係簡單淋啲汁，意粉唔似整定擺到腍，呢個價錢合格有餘。餐牌仲有好多選擇，價錢同茶餐廳差唔多，下次去西貢會試吓其他串燒。飲品叫咗凍奶茶，唔夠茶記好飲，味道有啲淡。

同朋友去西貢玩完搵野食，見到小店就入去試試，估唔到有驚喜，食物質素同味道都好好，價錢合理，因為今次唔多人，主要都係食串燒，但見到仲有好多其他野食下次一定會再去試。

喺舊舖已經幫襯，而家間鋪水準依舊好好味。特別喜歡食燒魚，好入味，又燒到啱啱好。其他啲燒𧐢、燒豆腐卜、燒雞串、燒豬肉都係必食😋兩個人嗌咗三條燒魚，好多串燒，埋單都只係$550，喺尖咀要過千都冇咁好食。店主服務亦很周到，有心機煮嘢食的小店，價錢仲好實惠，極力推介！

分量唔錯，味道好好，great service 不過成日都好快賣晒，尤其喺個飯，最好早啲去。最鍾意食燒粟米、冬菇同埋牛仔骨（份量不多）。金磚都好好味。weekend 都有 lunch set，選擇都幾多。Pretty cozy place with good vibes - neat and not too crowded, great place to hang out with friends. 店主友善，就算買晒飯都有意粉。西貢的best kept secret.

西貢市中心附近串燒小店朋友仔話年幾前食過舊店 餐廳服務唔錯搬咗舖反而近咗巴士站行過去5分鐘左右出完島已經3點左右 舖頭入到去唔算多人本身我哋揀咗2人檯店員話可以坐隔離大啲張檯鬆動啲💕好細心我哋叫咗個lunch set：有牛油蒜香意粉-揀咗燒汁 -》個意粉好香好好味仲有2款自選串燒-招牌燒金磚、鹽燒厚切牛脷 -》金磚唔算肥好冧身好易入口，牛脷都好彈牙、無穌味另外有杯檸茶就正正常常我哋仲叫咗好多串燒👀超級推介🍆原條茄子，雖然要等耐少少，但喺非常入味，燒得岩岩好，外脆內軟😋🐥雞皮串都喺幾特別，小編平時唔太食雞皮，都覺得幾脆幾好味，朋友仔中意食就覺得好正翠玉瓜、魷魚鬚、豬頸肉都好好味；雞串、墨魚丸就正常，燒得岩岩好整體小編都好滿意埋單2位加埋$186喺西貢嚟講 唔算太貴大家可以試試

呢間舖頭啲串燒真心不錯牛舌厚身好食😋雞軟骨唔會乾爭爭一般食串燒嘅嘢一定唔會出事🤣推介嘅就係雞皮 佢唔會敷衍你落攞去炸真係用心燒 燒到外脆內軟 正到暈🤤每次都起碼食六串或以上🙈🙈食到我身邊啲朋友都話我痴線🤣🤣真係會專程入西貢為食串燒另外推介豬軟骨烏冬 豬軟骨夠淋又入味燒茄子就唔推介比較冇乜味 整體來講係唔錯有機會入西貢玩開可以試吓呢間👍🏾

探朋友關係，小編難得入到西貢後，就當然會尋找更多隱世美食，奈何比較著名既食店響午餐時間都已經積累不少既客人。所以響大街周圍行下，就試試呢間本身以串燒為主既店舖吧。由於大約6-8張枱的空間只有1名店員努力工作，所以於時間上都唔可以要求太多。(忽忙關係未及影低餐牌，但基本上日式拉麵及飯類都有不少，而最緊要既串燒亦會有兩款串燒配飯既午餐選擇，同時亦會有飲品提供)坦白講餐牌上既拉麵相片真的不太吸引，反而飯類相片既賣相都不錯，所以最後決定點了燒黑豚肉眼扒(豬)飯 ($60)。可能是小編要求比較高，所以原本於餐牌內整塊豚肉覆蓋了整碗飯既畫面，到最後上菜時只有40%左右覆蓋面的衝擊比較大。無論伴碟既洋蔥，還是比較少既醬汁都令我對餐廳既印象有所折扣。之不過，燒肉眼扒明顯係響炭爐上燒既，所以食起黎係有陣陣炭香味，而且肉質都算結實，所以質素上都還可以既。

那天行山後心血來潮想吃串燒，便來到這裡買了幾串外賣試試看！當時晚上堂食也蠻多食客，而外賣也不需要等太久～欣賞他們用的外賣紙袋裡面是錫紙，可以保溫，所以不怕食物會涼掉，很貼心！這次嘗了墨魚仔 ($20)、雞軟骨 ($12)和招牌燒金磚 ($15)，三款都是即叫即燒，非常惹味！其中燒金磚最為特別，本以為會是一大塊腩肉，但原來是細細粒的鮮腩肉，每粒燒至金橙色，油脂甘香，帶點微辣很好吃，一串實在不夠過癮！🤣雞軟骨也十分美味，脆脆的口感很好吃！

西貢行完山，路經呢間串燒小店。一向鍾情小店，貪氣氛好，有人情味。我同朋友 5:30 坐低，便望下餐單，討論下點什麼好。那個女侍應一直站係我背後，面色極難看，好似討論下也不可以。是日不是周末，也不是假期，餐廳內人也不多，點解要咁趕呢。最終勉強點了雞翼，牛肉，茄子等幾樣食物，質素非常普通，雖然價錢也不貴。真心覺得做服務行業的，應該敬業樂業。這種服務態度，今時今日唔 work 啦！西貢更是遊客區，這種態度，真的搞垮了香港「以服務為先」的金漆招牌！下次絕對不會再光顧。